Gesellig Afrikaans
Waar ons vriendelik en gesellig saam kuier!

Die Wilgerboom

Vr, 07 Desember 2018 17:27

Wie onthou nog die Wilgerboom van Potchefstroom?



Herbie en Spence begin hulle sangloopbaan in 1969 met 'n talentkompetisie vir LM-radio, wat aan hulle 'n platekontrak besorg. Hulle treffer, Die Wilgerboom, het in 1972 'n roemryke loopbaan in die Afrikaanse musiek ingelei. In 1978 is hulle, ná 'n landswye meningspeiling, as die gewildste sanggroep in Suid-Afrika aangewys. Hier is die lirieke van Die Wilgeboom:

Daar op potchefstroom
staan 'n mooi ou wilgerboom
met twee name in sy stam daaruit gesny
daar het ons ontmoet
die ontmoeting was so soet
ja daar het ons mekaar eens nie geken

die wilger het gegroei
en ons liefde het gebloei
hoe dikwels het ons daar gesit en droom
name uitgesny
en ons harte was so bly
by die wilgerboom daar in ou potchefstroom

die jare het gekom en die jare het gegaan
maar net soos die wilger het ons liefde steeds bly staan

so nou en dan gaan ek
en my vroutjie na die plek
dis net soete-soet herinnerings of so
dan sien ek weer my nooi
is vandag nog net so mooi
by die wilgerboom daar in ou potchefstroom

die jare het gekom en die jare het gegaan
maar net soos die wilger het ons liefde steeds bly staan

so nou en dan gaan ek
en my nooientjie na die plek
dis net soete-soet herinnerings of so
dan sien ek weer my nooi
is vandag nog net so mooi
by die wilgerboom daar in ou potchefstroom

Musiek & liriek | 0 kommentare

Afrikaanse webskakels

Rits saam met ons deur die kuberruimte; Ma, 03 Desember 2018 19:15

Daar is talle pragtige Afrikaanse webtuistes op die internet en ons sal hulle êrens moet begin lys. Die pos is so 'n poging. Hierdie skakels sal hopelik later 'n meer prominente plek op Gesellig.co.za kry.

Kom ons begin met webwerwe wat hierheen skakel:

Blik - 'n aktiewe indeks van Afrikaans op die ope web
https://blik.co.za/item/8927

Rieme - die Afrikaanse soekmasjien
http://www.rieme.co.za/ (kategorie internetportale)

Ditsem Nuus - die nuus wat saakmaak
http://www.ditsem.net/

Openlanguages - leer Afrikaans gratis aanlyn
http://www.openlanguages.net/afrikaans

Kennisgewings | 0 kommentare

Die Oukraal-liedjie

Jy met jou mandolientjie, ek met my bandolientjie; Sa, 24 November 2018 08:33

DIE OUKRAAL-LIEDJIE

Jy met jou mandolientjie, ek met my bandolientjie,
sing ons die Oukraal-liedjie saam;
sing ons van waterstrome, slange in olienhoutbome
en 'n ribbok wat daar teen die rantjie staan.

Ons sing, (ons sing,) ons speel (ons speel)
van die Oukraal wat ons nooit nie sal verveel, sal verveel.
Jy met jou mandolientjie, ek met my bandolientjie,
sing ons die Oukraal-liedjie saam.




Woorde: MANAS en AMIE DE VILLIERS
Musiek: J.A. BROWN;
Verwerk: DIRKIE DE VILLIERS

Musiek & liriek | 1 kommentaar

"Vergewe en vergeet" deur Totius

Ma, 19 November 2018 06:09

/fa/66/0/VERGEWE EN VERGEET
TOTIUS

Daar het 'n doringboompie
digby die pad gestaan,
waar lange ossespanne
met sware vragte gaan.

En eendag kom daarlangs
'n ossewa verby
wat met sy sware wiele
dwars-oor die boompie ry

"jy het mos, doringstruikie
my anderdag gekrap;
en daarom het my wiele
jou kroontjie plat getrap"

die ossewa verdwyn weer
agter 'n heuweltop,
en langsaam buig die boompie
sy stammetjie weer op

sy skoonheid was geskonde;
sy bassies was geskeur;
op een plek was die stammetjie
so amper middeldeur.

Maar tog het daardie boompie
weer stadig reggekom,
want oor sy wonde druppel
die salf van eie gom

ook het die loop van jare
die wonde weggewis
net een plek bly 'n teken
wat onuitwisbaar is.

Die wonde word gesond weer
as jare kom en gaan,
maar daardie merk word groter
en groei maar aldeur aan.


("Dat gij niet vergeet de dingen die uwe ogen gezien hebben - DEUT. 4:9")

Prosa & poësie | 1 kommentaar

Swart Nasionaliste Sal Grondwet Wysig Om Wittes Te Onteien

Sa, 17 November 2018 07:37

LP's het Donderdag ten gunste van 'n grondwetwysiging gestem wat die swart nasionalistiese regering in staat sal stel om grond van witmense te steel.

https://telegraaf.co.za/berig/lees?id=3dfe112e-7676-437a-550 e-5832ea0242ac

Nuus | 1 kommentaar

Rus in Vrede

Sa, 17 November 2018 05:40

Ná oom Piet se afsterwe het tant Sannie die oom se lyk laat veras. Die as is in 'n mooi erdehouer aan haar terugbesorg. Die tannie skryf toe in haar eie handskrif op die houer: "Rus in Vrede". Sy het die houer bokant die stoof in die kombuis geplaas waar sy dit elke dag kon sien.

So 'n maand of drie later besluit die tannie om te gaan inkopies doen. Sy, vra vir Violet, haar huishulp, of daar enigiets is wat sy benodig.
"Ja mevrou", sê sy toe, "ons Rus in Vrede-spices is op".

Humor & grappe | 1 kommentaar

News24 Weer Skuldig Aan Fopnuus

Vr, 16 November 2018 16:10

Die persombud het vir die tweede keer in een jaar bevind dat News24 fopnuus publiseer.

https://telegraaf.co.za/berig/lees?id=e2d86337-ac54-4e0d-55a 9-04edbb0f1b2d

Nuus | 1 kommentaar

Blankes Uitgesluit Van Discovery Aandeleskema

Vr, 16 November 2018 11:27

Swartes wat by Discovery Bank deponeer, sal tot 10% aandeelhouding in die maatskappy gratis toegeken word.

https://telegraaf.co.za/berig/lees?id=3bbc2469-605a-415d-6f2 5-39190533d01e

Nuus | 2 kommentare

Daar kom die wa

die vierperdewa!; Vr, 16 November 2018 06:06

/fa/64/0/DAAR KOM DIE WA

[Tradisioneel]
Daar kom die wa, die vierperdewa!
Hy het nie naam nie, sy naam moet hy nog kry.
Tant Leentjie draai, stadig swaai, daar onder in die baai,
tant Leentjie draai, stadig swaai, daar onder in die baai.

[1]
Daar kom die wa, die vierperdewa!
Hy kan nie hou nie, hy's glad te swaar gelaai.
Hokaai, hokaai, by die draai -- een om af te laai;
Hokaai, hokaai, briek aandraai, stilhou by die draai.

[2]
Wat dra die wa, die vierperdewa?
Net pure nooi'ntjies, en een moet agterbly.
Hul's ewe fraai -- wie sal raai wie om af te laai?
Laat my maar sê, sonder raai, watter ek wil hê.

[3]
Af klim die nooi, die uitgesoekte nooi.
Sy het nie baas nie -- dis tyd dat sy een kry.
Dit pas 'n baas op 'n plaas om 'n nooi te kry:
Ek het 'n nooi, goed en mooi, en sy's baas oor my.

Woorde: Tradisioneel en C.J. LANGENHOVEN: Vers 1, 2, 3
Musiek: S.A. Volkswysie;
Verwerk: PIERRE MALAN

Musiek & liriek | 0 kommentare

Tinkie se "Big Time"

'n Suidwes-storie; Ma, 12 November 2018 07:20

Doer in die Noorde, destyds, toe Transnamib nog Spoorweg was, het Tinkie as rangeerder sy daaglikse brood verdien. Dit sal miskien verkeerd wees as mens hom sou sien as 'n figuur wat uitgestaan het tussen ander. Daarvoor was hy te maer en tingerig. Of so het almal gedink. Tot die dag wat die ware Tinkie opgestaan het, sy skuldeisers een na die ander gaan spreek het omtrent sy agterstallige paaiemente, 'n maand ekstra uitstel gevra het en aangekondig het dat hy siek en sat vir sy werk as shunter was, ook siek en sat was vir ander mense wat hom wat Tinkie was op baie dieselfde wyse rondgeshunt het en dat hy gevoel het dat die Ware Tinkie nou sou opstaan en vir almal wys wie hy regtig was. So ernstig was hy dat hy daar en dan uit die die Spoorweg bedank het.

Hy en sy neef Hennie het alles haarfyn beplan: Hulle sou op toer gaan as 'n 'band' musiekmakers. Hy wat Tinkie was as bass guitar (baskitaar) en Hennie as sanger en lead guitar (hoofkitaarspeler).

Op daardie stadium was min mense bewus van Tinkie se vaardighede in die musiekrigting, maar Hennie was dwarsdeur die land bekend as 'n man wat kon jodel soos min en Ramona kon sing dat al wat 'n antie was in trane uitgebars het by die hoor daarvan. Tinkie en Hennie het nog 'n ander eienskap ook gedeel: Dis te betwyfel of enigeen hulle ooit anders as met hul permanente hartseer gesigte gesien het. Hennie met sy kenmerkende diepdenkende hartseer en Tinkie met sy verslae uitdrukking van hartseer waarmee hy in rondeoog kyke almal naby hom ewe ongelukkig laat voel het, al kon hulle nie hul vingers op die rede vir hul eie swaarmoedigheid lê nie.

Hoe dit ook al sy; die toer sou in Windhoek in die ou Sam Cohen saal afskop en dan so Upington langs Durban toe gaan. Die twee was oortuig dat hulle, teen die tyd dat hulle in Natal aankom, hulle al wêreldberoemd sou wees.

In Windhoek het hulle nogal 'n taamlike opkoms gehad. Deur die loop van die aand het die ingesmokkelde versterkmiddels ook hul ding gedoen en later die aand het Hennie sy kans gesien. "Tinkie" het hy gesê. "Daardie blond bekyk my nou al die hele aand. Speel jy bietjie alleen, dan vat ek haar vir 'n dans." Die een dans het later drie, vier danse geword en die arme Tinkie was stokflou terwyl Hennie lekker uitgekap het. Hier by die laaste nommertjie vir die aand, 'Goodnight Irene' was Hendrik darem op sy pos terug om die 'afskeid' dramaties uit te snik. Maar dit was nie al nie. Hy het goeie nuus gehad. Sommer baie goeie nuus, moes Tinkie hoor: Die girl het gesê hulle moes na die dans 'n ietsie saam met haar in haar woonstel gaan drink.

Miskien moet Tinkie nou maar self aan die woord gestel word, om te sê wat die aand toe opgelewer het:
"Manne. Julle moet nou nie lag nie. Maar daardie aand het ek die einde my in die gesig sien staar. By haar woonstel het sy ons ingenooi en ek sal nooit vergeet nie, ou Hennie nog so in die verbygaan 'n knyp op die boud gegee. Sy moes dit darem met my gewaag het..."

"Sy het 'n lekker groot woonstel gehad met 'n groot en swaar wit hangkas wat volgens haar, voor 'n deur staan wat gelei het na 'n ander woonstel. In 'n ander hoek was daar 'n soort van kroegtoonbank. Dis ook daar waar ons ons tuisgemaak het."

"Ek het gesê; tuisgemaak, maar dis nie eintlik die regte woord nie, want ons het skaars gesit of die voordeur word met 'n helse slag skoon uit sy slot geslaan. En daar in die deur, kant aan wal en rooikrulhare wat skuur teen die kosyn se bokant, staan die grootste man wat ek in my lewe gesien het. Net die gedagte aan sy woorde van toe gee my nou nog maagwerkings. Hy dreun, nie praat nie, dreun toe daar in die deurkosyn."

"Wat soek julle by my verloofde?" Ou Hennie het nog nadergestaan deur toe, om te verduidelik, maar met een tree was die man by hom en slaan vir ou Hennie dat hy die lengte van die vertrek handeviervoet deurhardloop. Toe hy so by my verbykom het ek geweet dat die einde naby was. Maar nood leer mos bid, sê hulle. En ek kan vandag, soos ek hier staan, getuig van die waarheid daarvan. Ou Hennie het nog nie eers teen die ander muur neergeslaan nie, toe ek daardie wit hangkas gryp, dit daar eenkant neersit en deur die skeidingsdeur in die ander woonstel inhardloop. Reg in 'n meisie se slaapkamer in waar sy net besig was om haar nagklere aan te trek. Sy skree toe net; Oh! (gevolg deur 'n Groot woord uit die hemel!)

Gelukkig was ek nog by magte om in die verbyhardloop haar gerus te stel. Nee, het ek gesê; Dis nie Hy nie, dis net ek. Maar ek is op pad uit. Laat daardie nag, veilig in ons treinkompartement, maar nog aan die bibber, het ek vir Hennie gesê: "Hennie, op hierdie toer gaan ons stukkend gemxxr word." En dit was ook so.

-- Marietjie du Plooy

Humor & grappe | 0 kommentare

Bladsye (1871): [ «    1  2  3  4  5  6  7  8  9  10  11  12  13  14  15  16    »]
Tyd nou: Di Mrt 26 11:10:44 UTC 2019