u was altyd daar
Wo, 10 Augustus 2022 21:17
toe ek as pasgebore baba my oë oopmaak
was u daar
om my in u arms toe te vou en te koester
en my daaglks deur my babajare te help
toe ek as handvol kleuter begin om dinge te ontdek
was u daar
om my aan die hand te neem
en my van ‘reg’ en ‘verkeerd’ te leer
toe ek as nuuskierige knaap sonder einde vrae vra
was u daar
om my vrae te luister
en my elkeen met baie geduld te antwoord en verduidelik
toe ek as trotse skoolseun die leerwêreld betree
was u daar
om my daagliks te ondersteun
en my te help om my kennis te verbreed
toe ek as jong seun stout dinge aanvang
was u daar
om my storie te luister
en my die verdiende straf te gee
toe ek as onseker troepie op die trein klim
was u daar
om my styf vas te hou
en my sterkte en liefde toe te wens
toe ek as jong man begin te werk
was u daar
om my gereeld te ondersteun
en my u kennis te deel
toe ek as volwasse mens my eie pad inslaan
was u daar
om my te sê dat u verstaan
en my teen moontlike gevare te waarsku
nou dat ek as ou man voor u staan
is u daar
om my en my gesin se gelukwensing te ontvang
met u 100ste verjaardag
Prosa & poësie |
0 kommentare
vryheid
Wo, 10 Augustus 2022 21:16
vryheid
dit is die wens van elke mens op hierdie planeet
om vry te wees van die hoë eise wat ander van ons vra
die vriendekring, die skool, die ouerhuis, die regering
want om aan elkeen se eise te voldoen
gaan daar net nie genoeg tyd oor wees
om werklik jouself te wees nie
terwyl ons onbewustelik ook ons eie eise aan ander stel
om werklik vry te wees
is ‘n gawe
wat benut moet word
deur ander te dien
sonder om jouself prys te gee
om werklik vry te wees
is geen reg
geen sleutel wat die deur na misdaad oopsluit
om ander te besteel, te verkrag, te vermoor
sonder om daarvoor te boet nie
vryheid
‘n eenvoudige woord
wat op sy tyd oor elke mens se lippe kom
en diep in die hart gesmag na word
vryheid
‘n baie moeilike woord om te verstaan
weens die betekenisse
wat mense daaraan heg
Prosa & poësie |
0 kommentare
die liefde 2
Wo, 10 Augustus 2022 21:14
ek lees in Die Bybel dat selfs wanneer alles vergaan
die liefde vir ewig sal bly bestaan
ek lees verder dat alles wat sonder liefde gedoen word
sal faal en oor die afgrond sal stort
ek lees ook dat ons mekaar elke dag lief moet hê
omdat ons nie weet wanneer ons in die graf sal lê
dan vra ek myself die mees gevraagde vraag
wat is hierdie liefde waaroor almal waag
om te dig en te skryf en te sing
hierdie iets wat ewe veel lag as trane bring
is dit die iets waarmee die mier sy eier na ‘n nuwe nes toe dra
en die leeu storm wanneer iemand haar welpies pla
die hond stertswaaiend sy huismense groet
en die arend na kilometers se vlieg haar kuiken voed
as die liefde dan daardie iets is waarmee al hierdie dinge gebeur
waarom laat dit dan die lewe van soveel mense uitmekaar uit skeur
Prosa & poësie |
0 kommentare
die watergraf
Di, 09 Augustus 2022 16:55
angstig staan die gemeenskap aan die kus
en kyk met soekende oë na die mis
vannag sal nie een van hulle rus
want hulle wonder waar hulle geliefdes is
sover is hulle van slegs een boot bewus
wat nog nie opgedaag het met die vis
maar hulle sal eers môre hoor van die kabellus
wat om ‘n ander boot se skroef verstrengel is
twee bote se bemanning het in ‘n watergraf gaan rus
twee bote se geliefdes wat nie meer deel van die gemeenskap is
Prosa & poësie |
0 kommentare
afrikaans - taal van my hart
Di, 09 Augustus 2022 13:39
afrikaans, taal van my hart
deur jou kan ek lag
en uiting aan al die mooi dinge van die lewe gee
wanneer ek daagliks in die natuur beweeg
en sien hoe die plante en diere en goggas
elkeen op sy unieke manier
in harmonie met mekaar die sonskyn geniet
afrikaans, harttaal van my
deur jou kan ek ook huil
wanneer ek myself teen die wreedhede van die lewe wil uitdruk
as ek deur die koerante blaai
en deel in die pyn en lyding van onskuldige mense en diere
wat op die wreedste denkbare manier
van hulle plekkie in die son beroof word
Prosa & poësie |
0 kommentare
die aarde versus die mens
Ma, 08 Augustus 2022 19:30
die aarde is die mens se enigste tuiste in die ganse heelal
en die uitleg van die land en die see maak dit ‘n baie mooi planeet
maar elke keer wanneer ek na die landkaart kyk
besef ek opnuut hoe onsettend min leefruimte
daar vir die meeste van ons landbewoners is
want haal ek die onbegaanbare bergreekse
die sand- en yswoestyne
die riviere en damme en mere
uit die landmassas uit
sien ek ‘n vreeslike klein stukkie grond
waarop stede teen ‘n verstommende snelheid groei
in die proses word medelandgenote uitgeroei
terwyl kosbare landbougrond onder kilometer op kilometer
teer en beton en plaveisel begrawe word
op watter stadium sal die mens wakker skrik en besef
dat hy besig is om sy enigste tuiste in die ganse heelal
totaal te vernietig deur sy dade van tereur
waarteen hy gewaarsku word maar waaraan hy hom glad nie steur
Prosa & poësie |
0 kommentare
vlugtog
Ma, 08 Augustus 2022 16:50
is daar oorlog in die lug
maak mense gereed om te vlug
na ‘n land waar hulle kan woon
sonder die daaglikse vrees vir ‘n rewolwerpatroon
oorloë is veronderstel om ook reëls te hê
selfs wanneer soldate in modderdeurdrenkte loopgrawe lê
want daar is ‘n baie fyn lyn ingeweef
tussen dood en leef
hier aan lande is daar tans ‘n oorlog wat woed
en dit word daagliks deur die regering gevoed
maar dit is ‘n oorlog sonder soldate en reëls
want op hierdie koeverte plak slegs die swartes die seëls
hulle rand aan en verkrag en steel en moor
asof hulle die finale sê het daaroor
terwyl die res van ons weekliks in vrees moet lewe
vanaf dag nommer een tot dag nommer sewe
waarheen kan ons wittes en bruines dan vlug
met die nuus van buurlandoorloë in die lug
want oorsee kan ons nooit nie gaan
waar kom die geld daarvoor dan tog vandaan
iemand moet opstaan en sê: genoeg is genoeg
ons het oor baie jare hard saam geswoeg
om van hierdie suiderland ‘n tuiste te maak
‘n land waar ons soggens in veiligheid kon ontwaak
Prosa & poësie |
0 kommentare
o groot karoo
Ma, 08 Augustus 2022 09:37
o, groot karoo
land van my jeug
ek mis jou so
as ek dink aan al die vreug’
wat ek as kind van jou kon ontvang
ja, groot karoo
so ver van hier
ek verlang na jou velde
jou plant en jou dier
wat ek as kind met jou kon deel
nee, groot karoo
ek sal nooit vergeet
die lewenslesse van my jeug
en baie ander dinge wat ek weet
wat ek as kind by jou kon leer
ai, groot karoo
uitgestrekte land
daar is aanslae van buite
op die wonderlike band
wat ek as kind aan jou kon heg
o, groot karoo
ek wil jou vra
om ook aan al die ander wat jou veld bewandel
al daardie mooi dinge oor te dra
wat ek as kind van jou kon ontvang
Prosa & poësie |
0 kommentare
wonderkaap
Ma, 08 Augustus 2022 09:36
wonderkaap, windkaap, pragkaap, stormkaap, hoopkaap, lieflingkaap
is slegs ‘n paar van jou vele benamings
maar op landkaarte verskyn jy slegs as
kaap van storms of kaap van goeie hoop
want dis hoe jy jouself aan die wêreld verkoop
vir die portugese seevaarders van ouds
was jy die kaap van goeie hoop
vir diaz en andere
was jy die kaap van storms
vir van riebeeck en die hugenote
was jy die kaap van goeie hoop
vir die mense van distrik ses
was jy die kaap van storms
vir die mense van robbeneiland
was jy die kaap van goeie hoop
vir die mense van die vlakte
is jy die kaap van storms
vir die onwettige immigrant uit afrika
is jy die kaap van goeie hoop
vir die buitelandse toeris
is jy die kaap van storms
maar vir my
sal jy immer die wonderkaap bly
die kaap waar die ysterwiele van kapkar en poskoets
diep spore in jou klippaaie sny
Prosa & poësie |
0 kommentare
die vloek van die menseras
So, 07 Augustus 2022 19:25
sy lê daar in haar wiegie aan haar fopspeen en suig
met haar sesmaande oue ogies vol vonkel vir die lewe
drink sy elke beweging, elke item rondom haar in
terwyl sy nog dom met haar handjies alles rondom haar aanraak
om so haar kennis van hierdie wonderlike wêreld te verbreed
maar dan word sy hardhandig uit haar wonderwêreld geruk
deur ‘n vreemdeling of familielid, wat maak dit tog saak
haar brose lyfie word deur geëelte hande gekneus
terwyl hy en sy makkers hulleself in haar in forseer
om daarna soos ‘n vuil lap weggegooi te word
ons kan onsself nie werklik in haar posisie plaas
die skok, die pyn - dit moet onbeskryflik wees
want selfs volwasse vroue kan dit nie hanteer
ons moet ‘n einde maak aan hierdie terreur
om ons jong meisietjies uit mekaar uit te laat skeur
deur hierdie monsters mag nooit weer gebeur
Prosa & poësie |
0 kommentare
Supertaal
Blog
Soek
Hulp
Lede
Registreer
Teken aan
Tuis
RSS
