herfs
So, 31 Julie 2022 21:19
ek stap deur die tuin
soos elke ander dag
om na die plante
en die uitleg te kyk
terwyl blomme en blare
van verskillende kleure op die grasperk en in die beddings val
en dan dring dit tot my deur
dat ek eintlik na een van God se lewende skilderye kyk
Prosa & poësie |
0 kommentare
hello herfs
So, 31 Julie 2022 21:18
soos die skoenlapper wat uit die papie ontvou
om sy lewensreis
in die planteparadys
te begin
voel ek vandag ook nuut en skoon en vars
en baie opgewonde
oor al die geleenthede wat ek elke stonde
sal kan ontgin
want die eerste herfsbui het geval
Prosa & poësie |
0 kommentare
afrikaans - sterwende taal
So, 31 Julie 2022 21:16
die grootste afrikaanse digter van ons tyd
skryf in die koerant dat afrikaans gaan sterf
omdat ons regering afrikaans by die deur uit smyt
sodat engels die amptelike landstaal kan word
terwyl besighede en skole en universiteite
alles wat afrikaans is in die dreinpyp stort
maar ‘n taal word nie sommer dood gewens
want dit is lewende mense wat dit praat
en ons taal vloei alreeds oor menige grens
afrikaans mag miskien sy wetenskapstatus verloor
maar die opkomende jeug het reeds bewys
hoe hulle met dig en drama en sang kan toor
om afrikaans lewend en fris en gesond te hou
sodat die res van die wêreld afrikaans kan sien
as die afrikataal wat alle nasies en kulture omvou
Prosa & poësie |
0 kommentare
wanneer wil vergaan
So, 31 Julie 2022 19:34
wanneer ‘n doofstom kind opgewek ‘n storie aan ‘n horende vertel
is dit wil
wanneer ‘n blinde kind trots die woorde uiter waaroor hy met sy vingers streel
is dit wil
wanneer ‘n beenlose man knersend die wedloop in sy rolstoel aflê
is dit wil
wanneer wil vergaan
o God, gee krag
Prosa & poësie |
0 kommentare
my land - suid-afrika
Sa, 30 Julie 2022 22:10
as pasgebore kind
het ek my in een van die heel pragtigste lande bevind
‘n land waar mense van verskillende kulture
in spontane harmonie met mekaar lewe
‘n land waar ‘n dierverskeidenheid
daagliks die vlaktes en riviere en lugruim deel
sonder om die natuur te ontneem van sy ryke plantverskeidenheid
as opgroeiende kind
het ek my in een van die politiekbedrywigste lande bevind
‘n land waar mense van verskillende kulture
in haat teenoor alle witmense lewe
as gevolg van die apartheidsbeleid
wat nie-wittes verbied om die land met wittes te deel
‘n land waar miljoene mense met nuwe oë kyk na hul eie identiteit
as destydsgebore kind
is dit een van die heel gevaarlikste lande waarin ek my bevind
‘n land waar mense van verskillende kulture
in uiterste vrees vir ander mense lewe
weens die misdadigers se moordmetodeverskeidenheid
‘n land waar mense daagliks moor en verkrag en steel
as gevolg van ‘n algehele gebrek aan ‘n misdaadbeleid
Prosa & poësie |
0 kommentare
om werklik arm te wees
Sa, 30 Julie 2022 19:32
om sonder geld vir ‘n maaltyd op die tafel te wees
is van die ergste wat met iemand kan gebeur
om sonder hoop vir die dag van môre te wees
is om iemand se hart in stukke te skeur
maar om sonder geloof in God te wees
is die heel ergste wat met iemand kan gebeur
want dit is om werklik arm te wees
Prosa & poësie |
0 kommentare
is dit sien en hoor of is dit kyk en luister
Do, 28 Julie 2022 13:44
"sien" en "hoor"
dis twee woordjies wat ons baie graag gebruik
ons sien en hoor hulle elke dag in verskeie vorms
ons gebruik hul tuis, op skool, by die werk en
ja, selfs in die parlement
as ons mooi sou kyk en luister
dan sou ons sien en hoor
dat ons met sien en hoor
nie altyd sien en hoor
dít wat ons veronderstel is om te sien en te hoor
dis omdat ons net sien en hoor
in plaas van om te kyk en te luister
want as ons sien en hoor
weet ons nie waarna om te kyk en te luister
omdat ons dink sien is kyk en hoor is luister
ons kan net werklik sien as ons eers kyk hoe iets lyk
so kan ons ook net hoor as ons luister wat iemand fluister
want sonder om te kyk, weet ons nie hoe dit lyk
en sonder om te luister, weet ons nie wat word gefluister
want sien is mos nie kyk en hoor is mos nie luister
Prosa & poësie |
0 kommentare
meiringspoort
Do, 28 Julie 2022 13:43
o magtige poort van die suiderland
wat strek van die klein tot die groot karoo doer anderkant
waar kom jy oorspronklik vandaan
sê my tog, hoe het jy ontstaan
was jy reeds 'n voetpad in die dinosaurustyd
waar reuse pote jou soliede kranse laat slyt
of het ander dierepote hul weg deur jou gebaan
voordat ook hul verdwyn het hiervandaan
dalk het geweldige donderbuie
die grootrivier se waters oor jou rotse laat kruie
waar dit grond en klip en plant meesleur
soos dit deur jou krake seewaarts beur
miskien het 'n verwoestende aardbewing
jou kranse uitmekaargedwing
en skep toe so die wonderpoort
ons roete tussen suid en noord
met elke oorsteek van die grootrivier
open 'n venster op die wonders hier
gekleurde kranse strek hemelhoog
jy is 'n lafenis vir elke oog
om elke draai besef mens weer
hoe swak, hoe klein, hoe teer
die mens werklik is dis tog so
jou skepper kom ook nie van hier, maar wel van Bo
Prosa & poësie |
0 kommentare
zoeloe-liefdesbriefie
Do, 28 Julie 2022 12:00
'n zuluman stuur my 'n briefie
maar dit kom per hand by my aan
dit is 'n zulu-liefdesbriefie
wat net die zulu kan verstaan
dis nie geskryf met pen en papier
maar wel met vele kraletjies
die boodskap is baie duid'lik hier
van liefde en mooi dingetjies
hy't elke kraaltjie met sorg geplaas
om so die boodskap oor te dra
sy liefde betuig hy sonder haas
so wil hy ook my liefde vra
daar is kraletjies van elke kleur
in die metafoor van sy taal
elke wens, elke vrees, elke geur
word in die briefie aangehaal
'n wit kraletjie dui op reinheid
skoon en eg en ongeskonde
'n rooie bring opgewondenheid
warm liefde elke stonde
'n bloue dui op diep verlange
hy kan nie wag om my te sien
maar groen bring 'n traan oor sy wange
hy kwyn weg 'dat hy my nie sien
pienk sê weer hy is baie ontsteld
want ek bestee my geld verkeerd
geel is 'n kleur wat dui op geweld
sy jaloesie raak onbeheerd
swart plaas my altyd op my hoede
omdat dit nooit iets goeds inhou
jaloesie, probleme en woede
daarom is dit die kleur van rou
ek lees die zuluman se briefie
en druk dit styf vas teen my hart
die kleure van sy liefdesbriefie
beteken liefde en geen smart
Prosa & poësie |
0 kommentare
ware demokrasie, ware vryheid
Do, 28 Julie 2022 11:34
oor baie jare heen het ek tale bestudeer
en my telkemale na die woordeboek gekeer
sodat die woorde wat ek soek
presies beteken soos in daardie boek
een so 'n woord was "demokrasie" gewees
'n pragtige woord, want daar het ek gelees
dit staan vir vryheid, gelykheid, menslikheid
regverdigheid en nog vele ander "heid"
ek weet nou wat "demokrasie" beteken
maar nou is daar 'n storm in my ontketen
ek verstaan nie die woorde wat end in "heid"
want ek lewe nou in 'n heel ander tyd
toe die boek gedruk is, het "vryheid" gesê
vry om te lewe. vry om 'n huis te mag hê
vry om te werk, vry om skool toe te mag gaan
vry om te ontspan en nog "vrye" verder aan
nou het ek tot my grote spyt ontdek
dat "vryheid" beteken vry om te vrek
vry om te steel en ook vry om te moor
vry om te alles wat die land versmoor
as dit dan nou is wat "demokrasie" beteken
sal ek baie graag die eerste petisie teken
wat ons weer terug sal neem na 'n vroeëre land
en ek weer tale kan leer met my eie verstand
Prosa & poësie |
0 kommentare
Supertaal
Blog
Soek
Hulp
Lede
Registreer
Teken aan
Tuis
RSS
