Toe ek op skool was het almal hasiegrappies vertel. Hier is so 'n paar ter herinnering aan die goeie ou dae:
Wat noem mens 'n hasie in 'n pyp? 'n Blokhasie.
Wat noem mens 'n hasie in die tuimeldroër? 'n Spinhasie.
Wat noem mens 'n hasie in die hospitaal? 'n Operhasie.
Wat noem mens 'n hasie in die Spur? 'n Inspirhasie.
Wat noem mens 'n hasies wat paar? 'n Vibrhasie.
Wat noem mens 'n deurskynende hasie? 'n Sp-hasie.
Wat noem mens 'n hasie met GPS? 'n Navighasie.
Wat noem mens 'n rugby hasie? 'n Paashasie.
Wat noem mens 'n hasie wat in die tuin werk? 'n Planthasie.
Wat noem mens 'n halwe hasie? 'n Sie.
Wat noem mens 'n hasie wat mond-tot-mond asemhaling toepas? 'n Oksidhasie.
Wat noem mens 'n Walt Disney Hasie? 'n Animhasie.
Wat noem mens 'n Vuvuzela Hasie? 'n Gerhasie.
Wat noem mens 'n hasie op 'n telefoon? 'n Kommunikhasie.
Wat noem mens 'n hasie by 'n geleentheid? 'n Okhasie.
Wat noem mens 'n losbandige hasie? 'n Flirthasie.
Wat noem mens 'n hasie wat preek? 'n Kanselhasie.
Wat noem mens 'n ryk hasie? 'n Inflhasie.
Wat noem mens 'n hasie wat opereer? 'n Operhasie.
Wat noem mens 'n hasie wat verpleeg? 'n Medikhasie.
Wat noem mens 'n hasie wat boer? 'n Plhasie.
Wat noem mens 'n prokureur hasie ? 'n Litighasie.
Wat noem mens 'n siek hasie? 'n Inflamhasie.
Wat noem mens 'n hasie wat oorsee gaan? 'n Immigrhasie.
Wat noem mens 'n hasie met spuitpoep? 'n Purghasie.
Wat noem mens iemand wat heeltyd hasie grappies vertel? 'n Irrithasie.
Vliegie, vliegie, fluister
As jy vlieg vir my;
Waar was jy eergister
Waarvandaan kom jy?
Boetie sê jy lewe
Net maar vir 'n dag
Vliegie, vliegie, fluister -
Waar was jy vannag?
Slaap jy, vliegie? Droom jy,
As jy sedig staan?
Vliegie, kom vertel my,
Eér jou dag vergaan.
Sysie, wat sing in die suurlemoenbome,
Sing nog 'n versie vir my!
Versies van liedjies wat lag as die lente,
Ressies van deuntjies geleen sonder rente,
Wysies herinner uit lang-dooie drome;
Sysie, kom sing dit vir my!
Kriekie, wat kriek in die kafhok se gerwe,
Kriek nog 'n keertjie vir my!
Jy, wat gaan dans met kabouters met kroontjies,
Wees my Galuppi, tok-tok met jou toontjies
Fluit die koraal, wat jy oor het geërwe
Kriekie, kom kriek dit vir my!
Padda, wat onder die paddastel bas sing
Blaas jou basuin nog vir my!
Blaas al jou ouderwetse refreine,
Wat ek kan opvang en vashou as myne,
Elkeen iets nuuts, elkeen 'n verrassing;
Padda, basuin weer vir my!
Borrelvink, borrel, dit is mos jou broeityd,
Sing vir jou maat en vir my!
Kwetter van vreugde, uit liefde kom borrel,
Hef aan 'n danklied vir elke graankorrel –
Graan is so volop, want nou is dit snoeityd;
Borrelvink, sing weer vir my!
'n Klein voëltjie verdwaal in die koue en val doodmoeg op die grond neer. Dis yskoud en die voëltjie dink dis sekerlik die einde.
Net toe loop 'n koei verby en skyt op die voëltjie. Die voëltjie dink, wat kan dan nog erger, maar die warm mis ontvries die voëltjie en hy begin beter voel.
'n Kat wat verbyloop hoor die voëltjie en grou hom uit. Die voëltjie dink hy is gered en raak so opgewonde dat hy onbeheers begin tjirp en dans. Net daar gryp die kat die voëltjie en vreet hom op.
Die moraal van die storie:
1. Nie almal wat op jou kop skyt is jou vyand nie.
2. Nie almal wat jou uit die stront kry is jou vriend nie.
3. As jy in die poef is, hou jou snater toe.
"Pa" vra hy, "Wat is die verskil tussen ‘kwaad’ en ‘woedend’?"
"Kom ek wys jou" sê Koos. Hy tel die telefoon op en druk sommer 'n paar nommers.
"Hallo," antwoord 'n stem aan die ander kant.
"Hallo," sê Koos, "Is Johannes daar?"
"Nee," antwoord die stem aan die ander kant. "Ek stel voor u gaan u nommer na."
"Sien jy," sê Koos vir sy seun. "Daai oom is glad nie in sy noppies met my nie. Hou dop wat nou gebeur."
Koos skakel weer dieselfde nommer.
"Hallo, is Johannes daar?"
"Luister hier," antwoord die man vies. "Ek het mos gesê hier is nie 'n Johannes nie! Hoe durf jy weer die nommer bel!"
"Het jy dit gehoor?" vra Koos vir sy laaitie. "Dit was ‘kwaad’. Nou gaan ek jou wys hoe lyk woedend."
Koos skakel weer die nommer.
Toe die man antwoord sê Koos: "Hallo! Dis Johannes hier. Was daar enige oproepe vir my?"
Koos werk by 'n dokter as 'n skoonmaker.
Dokter vra Koos moet 'n ogie oor sy pasiënte hou want hy moet uitgaan.
Volgende dag vra Dokter vir Koos: "en hoe het dit gegaan?"
Koos: "Daar was 3 pasiënte. Een het gehoes en ek het hom Benylin gegee."
Dokter: "Goed so Koos, en die ander?"
Koos: "Die ander pasiënt het gekla oor allergieë en ek het hom Allergex gegee."
Dokter: "En die laaste pasiënt?"
Koos: "Dit was 'n vrou, sy het ingekom, kaal uitgetrek en op die ondersoektafel gaan lê en gesê, "ek het vier jaar laas 'n man gesien".
Dokter: "O, hell Koos en wat doen jy toe?"
Koos: "Toe gooi ek oogdruppels in haar oë!"
Koöperasiestories is nou beskikbaar op https://afriforum.tv/, asook op die AfriforumTV toep.
Intekenare kan die skreeusnaakse storie (en talle ander programme) gratis op dié stromingsdiens kyk.
As jy 'n Android TV het, kan jy die toep direk op jou TV installeer.
Belangrike boodskap aan alle vroue, meisies en metgeselle:
Die 8ste September is dit die begin van die 'Wêreldbeker Rugby' reeks van 2023. Tydens hierdie belangrike gebeurtenis is daar 'n paar dinge wat jy / julle moet weet en verstaan:
1. As jy 'n 'Mmmm' hoor na 'n vraag wat jy gevra het, beteken dit: "Gaan, en geniet dit, moenie die kar stamp nie, en moenie meer as R500 spandeer nie. Bring klam biltong met 'n vetjie, tesame met 12 koue biere, 'n pak tjips, rump steak, wors (bykos), skaaptjops (bykos) en charcoal saam."
2. Skuif vroegtydig die meubels sodat jy nie tussen die rugby-kenner en die TV-stel verby beweeg nie. Om dit poedelnakend te doen gaan geen verskil maak nie. Jy weet mos nou al.
3. Halftyd en beseringstyd is bedoel dat die man 'n draai kan loop. Moenie dan kom met onbenullige vrae soos: "Moet daar water by die plafon uitdrup?" of "Moet daar vlamme by die Kuga se dashboard uitkom?" Los dit tot ná die "game". Asseblief!
4. Hou jou opruim-gedagtes vir ná die wedstryd.
Baie dankie by voorbaat vir julle samewerking, dames. Ons is lief vir julle. Julle lyk mooi in daai nuwe rok en nee, niemand moet skielik kom kuier nie. Sien julle weer raak in Desember as die rugby "replays" boring raak.
Supertaal
Blog
Soek
Hulp
Lede
Registreer
Teken aan
Tuis
RSS
