Ek moes nou lag - ek hoor nou net die Boesmans sê glo die rede hoekom 'n
volstruis altyd 'n eier buite die nes het, is omdat die voël se brein so
klein is, dat sy iets moet hê om na te kyk om haar te herhinner waarmee sy
besig is.:))
Markinor het bepaal dat 85% mense te kenne gegee het dat hulle gaan stem.
Werklike stem% ( Markinor was verkeerd) - 76,73%
Ander syfers - en bewys dat die % verteenwoordiging kokaaid is:
ANC - Aantal stemme & % nasional - 1999 - 10 601 330 ( 66,35%) 2004 10 878
251 ( 69.68%)
DA/DP - 1999 - 1 527 337 ( 9.56%) 2004 - 1 931 201 ( 12.37%)
Dus, die ANC kry vir 'n toename van 226921 stemme 3.33% meer
verteenwoordiging, en die DA kry vir 'n toename van 403864 stemme 2.81% meer
verteenwoordiging.
NNP - 1994 - 1098215 ( 6.87%) - 2004 257824 ( 1,65% - Dus kry die NNP vir 'n
verlies van 840391 stemme slegs 'n verlies van 5.22% stemme.
Wie was die dommes ( en hulle kry nog steeds stemme) by die
onderhandelingstafel?
--
Annette
Ek lees van die NNP LP's wat nou so kwaad is vir Kortbroek omdat hy gesorg
het dat hulle nou nie meer in die parlement kan gaan sit en slaap nie.
Wat my die vieste maak is die NNP leier van Gauteng wat sy setel verloor het
en verklaar het die kiesers is te dom om die NNP se nuwe konsep te verstaan.
Wie is eintlik die dommes?
--
Annette
Dié storie word so in mens se keel afgedruk op die nuuskanale dat mens nie
kan help om te begin wonder oor die storie nie. Wie is nou eintlik die
skurk in die verhaal? Ooglopend sou dit seker die eenvoudigste wees om te
sê dat dit die man was wat sy vrou met die meisie verneuk het en dat sy 'n
tert, 'n hoer of wat ook al is? Dan word ook vertel dat die vrou eintlik
die een agter die beroemdheid van die Beckham-ikoon is. Dat die
sokkerspeler op sy eie nie so baie gepla is oor al die gehoe en gehaa van
die pers nie. Daar was vele berigte in die pers dat die vrou agter die
vele publisiteitsfoefies sit en selfs 'n eie fotograaf het om fotos te neem
wat hulle aan die pers verkoop. Toe raak die man gefrustreerd met hierdie
'gemaakte' lewe en hy soek sy plesier op ander plekke.......wat eintlik 'n
logiese gevolg is op so 'n saketransaksie-huwelik.
Toe praat die koekie. Nie net is sy mooier en het meer klas as
Victoria nie, sy's duidelik veel slimmer ook. Ek wonder net hoekom het sy
besluit om te praat? Was dit bloot uit wraak uit of was sy aanvanklik van
plan om die sokkerspeler te spyker en dan die storie te verkoop? Dit lyk
nie vir my so nie en ek dink sy't op 'n kol net besef maar sy sit op 'n
goudmyn en as sy nie gaan skep terwyl dit pap reën nie, gaan sy dalk nie
weer die geleentheid kry nie. So 'n R4m skep.....nie sleg nie!
Uys Krige
Plaashek
Bloedrooi die aalwyn langs
die slingerpad.
Dis of daar vonke uit
elk vuurpyl spat.
Maar niks, niks roer nie . net
'n luggie wat
skrams aan die ritselende
grassate vat.
Daarbo die blou, blou lug,
daaronder die rivier
wat deur die boorde kronkel met
'n groene swier.
Niks stoor die yle swewende
bergstilte hier.
Ná al die jare maak ek weer
'n plaashek oop.
Waar het my paaie
tog nie geloop
om my hier by 'n hek te bring
van al my waan gestroop,
maar met my denke helder
en in my hart die hoop?
Die hek staan in die skad'wee van
'n kremetart.
Die stilte in my's volkome met
niks troebels, niks verward.
Ek lig die knip . Ek maak
'n hek oop in my hart.
Twee kundige ondersteuners wil 'n houtsneekursus in Orania aanbied. Dit sal
ongeveer Oktober geskied. Laat weet gerus as u belang stel (dalk kan dit
saam met die wetenskapfees geskied).
Stigting.
U sal onthou dat Orania sy eie vakansiedae vier: een hiervan is Stigtingsdag
(6 April). Vanjaar is dit herdenk deur 'n vertoning van verskeie
video-opnames wat rondom Orania se stigting (April 1991) gemaak is. Daar is
verskeie ooreenkomste tussen die RSA en Orania: groot verwagtings, groot
moeite en verskeie teleurstellings, maar eindelik tog positiewe vordering!
KKNK.
Die Orania Juweliersgilde het pas weer op die KKNK uitgestal. Blykbaar was
sake na wense en kan hulle ook spog dat hulle elke jaar sedert die KKNK se
stigting daar 'n stalletjie gehad het.
Weefkuns.
'n Plaaslike dame bied gereeld weeflesse aan en is besig om vanaf buurdorpe
leerlinge te werf en so die idee te versterk dat Orania meer aanbied as die
gemiddelde dorp van dieselfde grootte.
Demokrasie.
Stemdag op Orania was rustig en het geen probleme opgelewer nie, behalwe die
gewone toeloop van die pers (is demokrasie op Orania iets anders as in die
res van die land?). CNN se insetsel hierdie week beweer ons "resist change"
(ons glo weer ons het die verste verander en vooruit gegaan: tyd sal leer!)
Byeenkoms in Pretoria
'n Baie suksesvolle gespreksaand is op Vrydagaand 2 April aangebied deur die
Orania Belangetrust van Pretoria. 'n Onafhanklike ekonoom, prof. Johan van
Zyl, het die gesprek ingelei. Prof van Zyl het die nuwe denkraamwerk rakende
ekonomiese ontwikkeling behandel en het gefokus op aspekte soos
gemeenskapsbemagtiging, volhoubare ontwikkeling en instrumente wat
gemeenskappe kan gebruik om hulle selfstandigheid te bevorder. Meer as 60
persone het die geleentheid bygewoon, wat plaasgevind het by die
Monumentrestaurant.
Hierdie nuusbrief word redaksioneel versorg deur John Strydom namens die
Orania Beweging. Teken in of uit by www.orania.co.za
Supertaal
Blog
Soek
Hulp
Lede
Registreer
Teken aan
Tuis
RSS
