Chiasties of chiasmies?; Ma., 02 November 2026 13:44
Sommige mense gebruik chiasties, ander chiasmies, maar dit is onduidelik wanneer watter woord gebruik moet word. Hier is 'n kort beskrywing van die Engels, direk vertaal, vanaf Wikipedia:
'n Chiastiese struktuur, of chiastiese patroon, is 'n literêre tegniek wat in narratiewe motiewe en ander tekstuele gedeeltes voorkom. 'n Voorbeeld van 'n chiastiese struktuur is wanneer twee idees, A en B – tesame met variante A' en B' – aangebied word in die volgorde A, B, B', A'. Chiastiese strukture wat uit meer komponente bestaan, word soms "ringstrukture" of "ringkomposisies" genoem.
Wanneer mens iets vanuit die lug sien; Wo., 28 Oktober 2026 09:06
Dagsê! Ek besef ons taal is relatief jonk en baie woorde is nog nie 'uitgedink' of nodig gewees nie. Help asseblief met die korrekte Afrikaanse woord vir "aerial view", wanneer mens iets vanuit die lug sien, soos vanuit 'n vliegtuig. My gevoel is dat 'lugaansig' kan werk, maar ek vind dit nie op hierdie webblad nie en google spel dit as 'lugansig'!
Goeiedag almal. Ek is Vokhid en ek woon in Namangan in Oesbekistan.
Ek leer Afrikaans omdat dit vir my na Nederlands klink, maar makliker is. Nou lees ek 'n kinderboek en luister soms na Radio Sonder Grense oor die internet, maar die uitdrukkings verstaan ek nie altyd nie.
Kan iemand 'n paar maklike boeke of webwerwe voorstel waar ek kan oefen? En sê gerus as my sinne snaaks klink.
"Voor jy dalk hond se gedagtes kry dat ek muisneste het en kattekwaad aanvang deur 'n kat in die donker te knyp, kan ek die aap uit die mou laat dat jy nie hond haaraf gaan maak nie. Die kool is eenvoudig nie die sous werd nie, jy wil verniet die bobbejaan agter die bult gaan haal, ek is nie 'n vroetelvarkie nie.
Omdat ek twee linkervoete en rooi haakskene het, dans ek soos 'n kat op 'n warm plaat. Terwyl ek oor die onderdeur loer, stem my aand- en môrepraatjies nie ooreen nie en sing ek 'n ander deuntjie. Ek sing dan soos 'n kanarie. Ek weet dat die voëltjie wat saans die laaste fluit, soggens eerste deur die kat gevang word, daarom gaan ek saam met die hoenders slaap en lank voor hanekraai klim ek met die verkeerde voet uit die bed om my eiertjie te lê.
Dit het die naweek katte en honde gereën, maar ons hou darem nog kop bo water. Dit staan egter soos 'n paal bo water dat dit nie nodig is om water met 'n mandjie aan te dra nie. Voor die son water getrek het en die perde horings gekry het, moet ek nie 'n gegewe perd in die bek kyk nie, ek moet die ou koeie uit die sloot grawe, die bul by die horings pak sodat die agteros in die kraal kan kom. Ek moet ook al my varkies op hok sit en daar by oom Daantjie se kalwerhok die kalf uit die put gaan haal.
As jy wors in die hondehok soek, onthou dat blaffende honde nie byt nie. Ek wou nog katte skiet, maar toe is die koeël deur die kerk en ek kry wingerdgriep. Dit was 'n bitter pil om te sluk. Ek was hoog in die takke, want ek het gehoor dat die hoogste bome die meeste wind vang. As die appel nie ver van die boom val nie, kan 'n mens die boom aan sy vrugte ken.
Ek kon nie die kar voor die perde span nie, en het toe maar twee rye spore geloop.
In die dorp het hulle gesê ek speel op Avbob se stoep en dat ek een van die dae 'n houtpak gaan aantrek. Ek het gesê dat ek met 'n goue lepel in die mond gebore is en dat ek nog nie die lepel in die dak gaan steek en boedel oorgee nie. Ek moet rondborstig erken dat die spyker in my doodskis, is dat bloed kruip waar dit nie kan loop nie.
As jy brood in die sweet van jou aangesig eet, moet jy nie met 'n mond vol tande staan nie, jy moet hare op jou tande hê, jy moet jou hand aan die ploeg slaan en die strydbyl begrawe. Weet jy hoe die vurk in die hef steek? As jy wolf skaapwagter maak, moet jy almal oor dieselfde kam skeer."
-- Skrywer onbekend, maar hy of sy verdien 'n medalje!
Goeienaand almal. Ek is nuut hier, Kobus van Oos-Londen.
Rugby kry seker die meeste aandag hier, maar ek is al jare lief vir sokker. Chippa United speel hierdie seisoen hul tuiswedstryde in die Sisa Dukashe-stadion in Mdantsane, net hier by ons, en ek probeer gaan as die werk dit toelaat. Die skare is klein, maar jy hoor elke skree van die spelers, en die pasteitjies by die hek is beter as wat 'n mens sou dink.
Volg iemand anders hier ook die Premiership, of is ek die enigste sokkermens in die Oos-Kaap? Watter span ondersteun julle, en kyk julle op TV of gaan julle self stadion toe?
Ek sal opstaan en na my vader gaan;
opstaan uit my vodde en my vuil;
opstaan en onder die volle maan
wat geel streep oor die vleiland, gaan en huil
aan sy breë skouer, en hóm saggies vra
om alles te vergeet, en te vergewe
die jongkrag van my hoon wat hy moes dra;
dat ek weer soos 'n kindjie klein die lewe
vol sonskyn voel, die vreugde van my werk
in die wingerd waar pers die swaar korrels hang;
dat ek weer voel my hand jonk en sterk,
die voorjaarskoelte saggies teen my wang -
Voorwaar onmiddellik na my vader sal
en moet ek gaan, en aan sy voete val.
Help ons om die forum se Afrikaans te verfyn; Sa., 25 Julie 2026 08:40
Baie dankie aan Lynette LG wat goedgunstiglik aangebied het om die forum se hulp in Afrikaans te vertaal. Sy is 'n ervare vertaler wat al 15 jaar lank vertaling vir verskeie organisasies doen.
Lees asseblief deur die hulp en laat weet ons indien enigiets onduidelik is of verdere toeligting benodig (die Engelse teks is nie altyd so wonderlik nie).
Kyk ook asseblief na die taalgebruik op die res van die forum. Daar is nog 'n paar haakplekke waaraan ons werk, maar as jy iets sien wat ons kan verbeter, laat ons gerus weet.
Supertaal
Blog
Soek
Hulp
Lede
Registreer
Teken aan
Tuis
RSS
