ek het vir jou baie lief
Thu, 20 October 2022 17:46
ek skrywe hierdie gediggie vir jou
om te sê hoe oneindig lief ek is vir jou
jy bring ‘n vonkel na my oog
as ek sien hoe die liefde uit jou hele wese ontvou
die totale oorgawe waarmee jy bak en brou
die teerheid waarmee jy ‘n stukkende voëltjie teen jou bors vashou
die sagtheid waarmee jy wasgoed oor die wasgoedlyn vou
jy bring ‘n wysie na my oor
as ek hoor hoe die liefde diep vanuit jou binneste opbou
die warmte waarmee jy klein gebeurtenisse onthou
die fermte waarmee jy die gesin omvou
die manier waarmee jy lagspiere ontklou
jy bring ‘n klop na my hart
as ek besef hoe gelukkig ek is om jou te mag hê as my vrou
Prosa & poësie |
0 kommentare
die vlinderhuis
Thu, 20 October 2022 17:39
‘n huis vol vlinders
is byna soos ‘n huis vol kinders
jy moet so versigtig stap
dat jy nie per ongeluk een raak trap
want hulle bly bo en onder en langsaan jou
met elke tree wat die pad vorentoe ontvou
hulle is onbeskryflik mooi
in die natuur se kleureprag getooi
en beweeg so sag
soos maar slegs ‘n vlinder mag
maar anders as in ‘n huis vol kinders
gebeur alles sonder klank in die huis vol vlinders
Prosa & poësie |
0 kommentare
die mediatribunaal
Wed, 19 October 2022 09:31
die regering het my so pas weer gefaal
met die aankondiging van die beplande mediatribunaal
waarmee hulle die pen en klawerbord wil snoer
deur soos “groot broer” oor elke skrywer se skouer te loer
hulle het hiermee my laaste greintjie respek en geloof
vir ewig uitgedoof
al my vertroue is van die gesprektafel weggevee
bloot deur die feit dat een van hulle kon dink aan die idee
maar gelukkig is daar niks wat hulle van ons kan weerhou
wat erger kan wees as die skokke en mislukkings wat ons sal onthou
as hul “suksesse” as regering van die afgelope 16 jaar
en die manier hoe elkeen van hulle hul waardes openbaar
en dan is daar mos ook nog die kragtige mond
soms klein soms groot soms plat soms gerond
met lippe dun of dik dalk reguit of getuit
waarteen hulle die bekendmaking van korrupsie nie kan stuit
Prosa & poësie |
0 kommentare
die merk van die dier
Sat, 15 October 2022 08:45
vir die meeste van ons is elektrisiteit soos die son
dit is maar altyd daar sonder dat jy daaraan hoef te dink
totdat dit afgeskakel word
en jy ‘n ietsie warms soek om te drink
dis dan wanneer jy in die motor spring om gas te gaan koop
en met skok besef hoe baie mense word eintlik hierdeur geraak
want die gaswinkel is immers ook sonder krag
en op die paaie heers ‘n chaos omdat die verkeersligte staak
gefrustreerd en dors daag jy op by die werk
en begin naarstiglik na dokumente op jou lessenaar soek
dan onthou jy jy het vergeet om dit gister te druk
en die komper is af en jy smag na die era van die boek
mismoedig besluit jy om te skakel en uitstel te vra
maar die telefoon is buite werking en jou lugtyd is op
dan pak jy maar weer die lang pad huis toe aan
om die dag af te sluit met ‘n yskoue maal en ‘n brandewyndop
uitgeput en vuil gaan kruip jy maar in
want die televisie en radio en warmwatersilinder slaap alreeds
en jou gedagtes gaan na die merk van die dier
is elektrisiteit dalk ons 666 - jy weet nie, maar jy wonder steeds
Prosa & poësie |
0 kommentare
die onbenullige nul
Sat, 15 October 2022 08:43
vir die meeste van ons het “nul” geen waarde
maar dis eintlik ‘n woord wat so baie beteken
dit kan verhoudings verskeur en ook laat versoen
tog besef ons nie altyd wat ‘n “nul” kan doen
want van al die mense hier op aarde
is daar min wat sy werklike waarde kan bereken
mense sê gereeld iemand is die “nul” op die kontrak
maar as ek kon sê watter kontrak ek sou wou hê
sou dit daardie een wees met ses “nulle” in ‘n ry
want neem die “nulle” uit miljoen en kyk wat jy kry
ek sou nie my toekoms sonder “nulle” kon belê
so, dat ‘n “nul” geen waarde het, is pure twak
Prosa & poësie |
1 kommentaar
die allesverterende vlam
Fri, 14 October 2022 17:05
‘n vuurhoutjie word getrek om ‘n vlammetjie te kry
sodat ‘n paar stukkies rommel vernietig kan word
binne sekondes verander die vlammetjie in ‘n vuuroseaan
wat sy reuse vuurgolwe oor vlaktes en berge spoel
om plant en dier, insek en reptiel, voël en mens
dood te brand of te verdryf hiervandaan
onskuldig lê die uitgebrande vuurhoutjie daar
onbewus van die skade deur sy vlam
in ‘n wêreld sonder klank of beweging
as bewys van die vuurhoutjietrekker se bestaan
Prosa & poësie |
0 kommentare
blou en groen
Fri, 14 October 2022 16:48
soos lippe en ‘n soen
net so is die gesigseinder se blou en groen
twee
maar tog ook een
want wat ookal verander
die een kan nooit bestaan sonder die ander
Prosa & poësie |
0 kommentare
destyds en nou
Thu, 13 October 2022 12:51
daar was ‘n tyd nie lank gelede
toe ons land bekend was vir die kwaliteit van sy
soldate, onderwysers, studente, en boere
dokters, polisie, kunstenaars en sakemanne
vanaf 1994 to op hede
is ons land bekend vir die kwantiteit van
misdaadsindikate, verkragters, moordenaars en hoere
korruptes, kapers, plunderaars en laksmanne
Prosa & poësie |
0 kommentare
graf van my land
Tue, 04 October 2022 15:08
die reën val hard en driftig op die dak
terwyl ‘n antarktiese koue die vertrek begin vul
of is dit dalk die trane van afgestorwe burgers
van die eens pragtige land suid-afrika
burgers wat almal wreed vermoor is
deur ‘n empatielose regering
en kom hierdie koue dalk uit die wagtende graf
van die land bekend as sonskyn suid-afrika
land wie se grense ondeurdenk oopgemaak is
om die wêreld se misdaadsindikate in te laat
Prosa & poësie |
0 kommentare
Supertaal
Blog
Soek
Hulp
Lede
Registreer
Teken aan
Tuis
RSS
