|Wil iemand nie asb. iets interessant plaas nie.
|
| Iets wat mens eiwerig kan bespreek.
|
|Dalk iets wat die lewe sal verbeter.
|
Francois, ek loop nou al 'n rukkie met 'n idee in my kop rond - 'n
baie dro�-klinkende onderwerp, maar ek hoop dit kan bespreking tot
gevolg hê waaruit ons almal dalk iets kan leer.
Wat is my KULTUUR?
Lekker sat, né! Maar ek is ernstig en ek dink dit kan baie
interesant wees. Dit kan byvoorbeeld wees dat ons besluit dat jou
kultuur deur jou omgewing beinvloed word, en dan vra ons almal, om
soos Pat hier vra, om van hulle omgewing te vertel.
Ek sal begin met 'n paar vrae en ek is nuuskierig om almal se reaksie
daarop te lees.
1) Wat is jou kultuur?
2) Deel jy jou kultuur met 'n groep mense?
3) Kan jou kultuur verander?
4) Wat beinvloed jou kultuur?
5) Kan jy aan meer as een kultuur behoort?
6) Kan jy 'n ander kultuur aanneem?
7) Het almal wat Afrikaans praat dieselfde kultuur?
Kan iermand aan nog vrae dink wat interesante bespreking kan uitlok?
Ons sit almal hier op 'n nuusgroep wat oor kultuur gaan, maar vir my
byvoorbeeld, is dit nog net 'n vae begrip.
Nogal interesant om die woord kultuur op 'n searchengine in te sit en
te kyk wat jy kry - lyk of heelwat russiese tale ook die woord netso
bevat.
Ek sal wegval en my mening in 'n antwoord hierop gee....
KAAPSTAD. - 'n Ministeriële ondersoek gaan ingestel word na verregse
"negatiewe elemente" binne en in die omgewing van die Tempe militêre
basis nadat vermeende AWB lede die naweek 'n minibus op die basis
gesteel het.
Mnr. Patrick Lekota, Minister van Verdediging, het gister ook bekend
gemaak dat lt. Sibusiso Madubela, wat verlede week sewe kollegas by 1 SA
Infanteriebataljon by Tempe in die Vrystaat afgemaai en toe self
doodgeskiet is, nié 'n volle militêre begrafnis sal kry soos wat die PAC
geëis het nie.
"Elemente" het tussen Saterdagaand laat en Sondagoggend die dubbele
heining om die weermagbasis geknip en twee minibusse uit die
vliegtuigskuur probeer steel. Hulle kon met net een wegkom, maar het 'n
"slagspreuk" in Afrikaans agtergelaat: "Ons kom weer. AWB."
'n Oproep van die Boere-Weerstandbeweging aan sy lede tot weerwraak sal
deel van die ondersoek wees, het Lekota gesê by 'n gesamentlike sitting
van die parlementêre komitees oor verdediging en intelligensie.
Die ondersoek, wat ook na "valse" mediaberiggewing gedoen sal word, moet
alle twyfel verwyder oor die omstandighede wat aanleiding tot die
voorval gegee het en het die goedkeuring van pres. Thabo Mbeki.
Die ondersoek is daarop gerig om vas te stel wat die uitwerking van
"groepe negatiewe elemente" is op die verloop van die gebeure op die
basis en of die administrasie en intelligensie-deel daarvan bewus was.
Die ondersoek na verregse invloed kan ook na die Noord-Kaap uitgebrei
word.
Dit sal meer omvattend wees as die twee ander ondersoeke na die
treurspel waarmee die Polisie en die Weermag besig is. Die ondersoek van
genl. Siphiwe Nyanda, weermaghoof, gaan spesifiek oor die omstandighede
wat Madubela kon gedryf het na die optrede en die Polisie s'n is
strafregtelik.
'n "Kritieke element" is waarom Madubela se salaris teruggehou is hoewel
hy toestemming gehad het om na sy pa se begrafnis te gaan. Die
verhouding tussen die bevelvoerders en die soldate sal ook ondersoek
word en hoe dit tot die voorval kon bygedra het.
Lekota het gesê daar was reeds vroeër "ongelukkige" voorvalle by Tempe
soos die wapenrooftog waarin twee lede van die basis twee van hul
kollegas doodgeskiet het. Een van die moordverdagtes is intussen weer
aangestel.
Lekota het Nyanda opdrag gegee om onmiddellik in te gryp. Die verdagte
is toe geskors.
Die ondersoek sal ook wees na 'n mediaberig in die Sunday World die
naweek voor die voorval waarin beweer is dat honderde vuurwapens op die
basis gesteel word. Die bevelvoerders het verlede week aan Lekota
verslag gedoen dat slegs twaalf wapens sedert Januarie by die twee
basisse by Tembe en in die Noord-Kaap vermis word.
"Dit gaan die verstand te bowe dat enigiemand so iets sal skryf. Die
verslaggewing het onherstelbare skade gedoen aan die koerant se
reputasie, rasseverhoudinge en die publiek se vertroue in die Weermag.
Myns insiens moet die ondersoek vasstel wat aanleiding gegee het tot die
berig," het Lekota gesê.
Volgens Lekota is berigte dat Madubela dronk was, nie betyds ná die
begrafnis teruggerapporteer het nie en van Lesotho teruggestuur is,
vals.
Hy het ook gesê wit kollegas van Madubela sal getuig dat hy sy wapen op
hulle gerig het en hulle nie geskiet het nie.
Lekota het in verbinding getree met "betroubare" individue om aan die
ondersoek deel te neem. Die staat se regsadviseurs ondersoek ook die
wetlike aspekte wat in ag geneem moet word met só 'n ondersoek.
Sy kantoor werk ook op die verwysingspunte van die ondersoek.
Opposisiepartye het gister gevra dat keuring van soldate deegliker
gedoen word om sulke voorvalle te voorkom.
Hoe lyk dit my jy lees self nie die Beeld nie? Ek't toe eintlik
uitgewerk hoe Naspers se oekmasjien werk en kry toe die aangehegte
berig.
Onthou jy die gesprekkie:
>> LOU> Saamgesmelt - o saamgesmelt soos in Inkatha en die ANC se resep?
> FERDI> Nee Lou.
> FERDI> Die ANC en Inkatha het nie saamgesmelt nie. Hulle het bloot sekere
> FERDI> samewerkingsooreenkomste.
> FERDI> Die UDM en Luyt se party het egter wel saamgesmelt.
UDM an FA saamgesmelt?? Waar sien jy dit? Haal jy nou Gloudina se
streke hier uit?
UDM en FA werk saam Ander partye `nie uitgesluit by opposisieplan'
Vrydag 13 Augustus 1999 Johannesburg Finaal Bladsy 2
 Nick Bezuidenhout en Pieter Malan Â
Kaapstad. Die UDM van mnr. Bantu Holomisa en die Federale Alliansie (FA)
van dr. Louis Luyt gaan in die parlement saamwerk met die oog op die
herskikking van die politieke toneel in Suid-Afrika, wat volgens hulle
kan uitloop op die stigting van 'n nuwe politieke party kort voor die
2004-verkiesing.
Ander opposisiepartye het die ooreenkoms verwelkom, maar het nie so ver
gegaan om 'n herskikking te onderskryf nie.
Holomisa en Luyt het op 'n gesamentlike nuuskonferensie aangekondig hul
partye gaan 'n ``werksverhouding'' in die parlement op die been bring,
wat 'n gesamentlike benadering tot parlementêre kwessies insluit asook
gesamentlike koukusvergaderings ``waar nodig''.
Te midde van baie gepraat rondom opposisiesamewerking vóór en ná die
verkiesing van 2 Junie, is dié aankondiging veral oor die beoogde
gesamentlike koukusvergaderings tot dusver een van die mees konkrete
stappe in dié rigting.
Veral Holomisa het gister sterk klem gelê op die nodigheid vir 'n
``herskikking van Suid-Afrika se politieke landskap'' 'n term wat verwys
na die afbreek van rasgebaseerde stempatrone.
Hy het in antwoord op 'n vraag gesê die UDM het die FA eerste genader
omdat Luyt dié herskikking ook voorstaan.
Hy het gesê die UDM het nog geen ander politieke partye genader nie,
maar is buigbaar in dié verband en stel nie voorwaardes oor met wie hy
wil praat nie. In 'n gesamentlike verklaring sê die leiers hulle is van
plan om verder te praat met politieke partye, politici en nie-politieke
groeperinge ``om momentum te gee aan die herskikking van politiek in
Suid-Afrika''.
Beeld verneem egter dat gesprekke reeds gevoer word met sekere ander
partye en individuele politici.
Oor die feit dat samesmelting tussen partye bemoeilik word deurdat
partye wat ontbind word hul setels in die parlement verloor, het
Holomisa gesê 'n konvensie kan dalk later gehou word waar partye
ooreenkom om saam te werk en dan ontbind te word net vóór die volgende
verkiesing.
Hy het gesê samewerking moet nie net gaan oor ``die blote saamgroepering
van opposisiepartye teen die ANC nie'', maar om op die ou end 'n
``alternatiewe regering'' te kan wees.
Die UDM en FA het nog nie besonderhede bespreek rondom die moontlike
verdeling van komiteewerk en spreekbeurte in die parlement en hoe
volgende jaar se munisipale verkiesing benader gaan word nie.
``Die samewerking raak nie die onafhanklikheid van die twee partye in
terme van beleid en organisering op nasionale en provinsiale vlak nie,''
lui die gesamentlike verklaring.
Die UDM het sestien parlementslede en die FA twee.
Die DP het gesê hy is verbind tot samewerking tussen opposisiepartye.
``Ons is in die proses om private samesprekings tussen leiers te reël om
vas te stel watter verdere vordering moontlik is en of ander
opposisiepartye wil saamwerk.''
Die NNP het gesê hy verwelkom alle pogings wat stukrag sal gee aan
opposisiesamewerking wat gegrond is op gedeelde waardes en beleid.
Die PAC het gesê hy is nie oor samewerking genader nie, maar sal dit na
sy ondersteuners neem vir oorweging. ``As ons oor samewerking of eenheid
gesels, moet dit 'n beginselbasis hê en 'n doel dien.''
Slegs enkele voorbeelde van elke dag se beriggewing -
Vandag se Beeld (Woensdag 22 September 1999)
Bl. 2. "Nóg soldate dreig seniors met die dood in Pta"
Bl. 2. "10-jarige seun met kettings, slotte vasgebind"
Bl. 12. Babawgter Ernie - "twee vermeende skaapdiewe" en (later in
dieselfde berig) "nog twee mans"
Bl. 12. "Wit polisieman dreig glo om twee swart kollegas te skiet."
Die dorpskoerant in Carletonville noem alle oortreders (of vermeende
oortreders ) ook slegs mans (of mense) tensy hulle blank is. Dan skreeu die
lamppale langs die strate, soos enkele weke gelede, "Blanke Mans van Moord
aangekla!"
Indien dit onwettig is om kleur te vermeld, is dit slegs wanneer die kleur
van die oortreders swart is.
Dit is dus logies om te aanvaar dat die groep mans wat die oordbaas so
wreedaardig aangeval het Bl. 3 in dieselfde Beeld swart is want hul kleur
word nie genoem nie.
Bel vanaand (ongeveer 10 oor 6) die nommer 10111 (die blitspatrollie). 'n
Buurman (Weermaglid, of tot onlangs Weermaglid) is besig om 'n vuurwapen in
die straat af te vuur (kinders in die tuin, ens.)
Kom deur na 'n heel lawaaierige oop lyn (gelag en gesels in die agtergrond).
Sonder enige seremonie word ek verwys na 'n ander nommer - 'n selnommer.
Bel die selnommer - Nee, dis die afdeling vir seksuele misdrywe.
Die dametjie (vriendelik) verwys my na my plaaslike polisiestasie. Dit blyk
dat my plaaslike polisiestasie, waar ek verlede jaar dieselfde buurman op
dieselfde klagte aangemeld het, nie meer my plaaslike polisiestasie is nie.
Hulle sal die geval "op die rekenaar plaas", en iemand sal my kontak.
Dis nou 90 minute later......
Die probleem is nie beheer oor wettige of onwettige wapens nie. Die probleem
is beheer oor die polisie, lyk dit my.
Vir so 'n standpunt kan ek respek he^. Dit gaan tog oor Afrikaans, 'n taal wat
ons albei lief het, en nie oor my persoonlike tekortkominge nie. Ek aanvaar jou
punt oor "huidiglik," ek het nooit geweet dat dit nie 'n Afrikaanse woord is
nie.
Iemand het my ook egter vertel dat Afrikaans 'n lewende of 'n oop taal is. As
woorde soos "pavement" vir sypaadjie gebruik kan word en "boks" vir kartondoos,
dan kan "huidiglik" ook seker aanvaarding kry. Die taal word tog gevorm in die
mond van gebruikers en nie deur een of ander universiteit of komitee uit de oude
doos wat bepaal hoe ek mag praat en skryf nie. As 'n woord iemand pla, moet dit
nie gebruik nie, maar moet nie aan andere voorskryf nie.
Afrikaans groei tog en sluit so nou en dan nuwe woorde in wat nie vir almal
aanvaarbaar is nie. Dink maar toe TV in die sewentigs begin het was daar
"televisie" en "beeldradio." Laasgenoemde het verdwyn terwyl "Tie-Vie" gekom
het. Ek kan onthou dat as kind ek moes deurloop oor die gebruik van "omdat"
wanneer ek eintlik "opdat" bedoel het. Deesdae kom 'n mens nie meer "opdat" tee
nie en is "omdat" alom aanvaar as korrekte Afrikaans.
Nes jy is Afrikaans ook my meisie. Jy en jou meisie hou van jou manier, terwyl
ek en my meisie van my manier hou! Dit maak nie een van ons twee verkeerd nie.
So van die fynere punte van Afrikaans gepraat, kan iemand miskien verduidelik
wat die verskil is tussen "gure weer" en "ongure weer?" Wanneer is die weer nou
sleg en wanneer is dit nou mooi weer?
Cyber Sakkie
In article , skoer...@spam.net says...
>
> On 21 Sep 1999 06:42:20 -0700, Cyber Sakkie
> wrote:
>
>> Ag Skoert Mannetjie,
>>
>> Sie seunie, maar iemand moes in jou pap gepieps het vanoggend. Jy's vir die
>> hele wereld kwaad. Dink nou maar die die onskuldige gebruik van 'n enkele woord
>> hierdie tirade van jou uitlok. As jy so reageer klink dit vir my nie net of jy
>> 'n skroef los het nie, maar of die skroefie sommer lankal verloor het. Kalmeer
>> seun, niemand is kwaad vir jou nie! Diep asem, diep asem en rustig wees!
>
> Inderdaad. Iemand het op 'n keer geskryf dat sy meisie Afrikaans is.
> En ons hou nie daarvan dat ons meisie huidiglik verkrag word nie.
Die afgelope ruk het daar by twee aparte geleenthede op openbare forum
bespreking plaasgevind waarna die gevolgtrekking gemaak is dat Afrikaners en
korporatiewes die Afrikaanse teater moet ondersteun (beide of MNet betaal
TV-kanaal en op Radio Sonder Mense se Monitor aktualiteitsprogram).
By beide gleenthede is daar bloot net met akteurs en ander teaterwerkers gesels
en myns insiens 'n skewe beeld geskep. Op Monitor het Liz Meiring (seker ook
bekend as Elisabet Meiring) die stelling gemaak dat die korporatiewes (sies dis
darem 'n lelike woord) Afrikaanse teater moet ondersteun - m.a.w. besighede moet
geld gee sodat akteurs teater kan doen. So bv. het 'n korporatiewe wat bekend
staan as "Die Broederbond doen Besigheid" (dis nou Sanlam) skynbaar R200 000
beskikbaar gemaak sodat Gen. Mannetjies Mentz by die Aardklopkunsfees eersdaags
in Potchefstroom op die planke gebring kan word. Dis wonderlik.
Waar Meiring egter die kluts kweit raak is deur te vra dat korporatiewes borg
dan sport, hoekom nie teater nie? Ek dink omdat sy in die teaterwereld leef
sien sy die hele ding dalk skeef. Sport maak geld en teater nie. Sportstadions
het ruimte vir 60 000 mense en teater slegs miskien vir 200 - 300 mense. Sport
is multi-kultureel en trek alle kulture in. Dit is 'n verenigende faktor in die
Suid-Afrikaanse samelewing. Ons almal ondersteun tog ons nasionale spanne (hoe
goed of hoe sleg hulle dan nou ook doen - ja, selfs die blerrie Springrokkies
onder Niks Mallet).
Aan die ander kant sluit Afrikaanse teater ander kulture uit is dit nie
dieselfde verenigende faktor as sport nie. Dis tog nog die taal en kultuur van
die onderdrukker. Dit is bloot net gefokus op Afrikaanssprekendes, wit en
bruin, en teiken nie die bree" Suid-Afrikaanse samelweing nie. Miskien het die
Afrikaanse kultuur weg begin beweeg van Meiring en kie se teaterkultuur na 'n
meer mensgesentreerde kultuur. Liz, soos die liedjie dit stel: "Moenie moan
nie, eet jou kaas en jou polonie!"
Wat van al die ander kulture, moet die korporatiewes hulle nie dalk ook 'n
bietjie borg nie, Lizzie? Dis 'n wonder dat die korporatiewes dan nog kans kry
om korporatiewes te wees en geld te maak.
Boonop sorg die markmeganisme dat diegene wat sterk genoeg is om dit te maak
sonder hulp, dit in elk geval maak. Kyk nou maar na David Kramer en Taliep
Peterson met hulle musikale stuk in London. Dit maak dat 'n mens se hart warm
klop om elke keer verby daardie teater in London te gestap het.
Ek dink Mering se noodroep is gegrond op die feit dat daar a.g.v. die ou
provinsiale kultuurrade soos Truk en Kruik, 'n ooraanbod middelmatige akteurs
ontwikkel het wat nou hulp soek sodat hulle middelmatige stukke op die planke
kan bring. Goeie akteurs en goeie stukke het nie hulp nodig nie, hulle sal in
elk geval suksesvol wees.
Afrikaans is lewendig en dit gaan goed. Die Nasionale Party van ouds het by 'n
byeenkoms in Venda gesê " Viva Pik Botha, viva!" Nou sê ek: "VIVA AFRIKAANS,
VIVA!"
Supertaal
Blog
Soek
Hulp
Lede
Registreer
Teken aan
Tuis
RSS
