Ek stem nie saam nie - tog is daar sake wat
nader nadenke vereis (sug!)
Patrick
knip/knip/
In article , Mister Taxi
wrote:
"jvb" skryf in boodskap news:agvcbr$jeb$1885@ctb-nnrp2.saix.net...
A Fish Out Of Water (racism and other myths)
"True wisdom is not manifested in trying to see resemblances in th
knip/knip
Dis weer is woes hier in die Oos-Kaap. Dit reën so nou en dan en
daar's n windjie wat deur mure waai. Daai klein dorpies in die verre
Noord-Ooste, Maclear, Ugie, Elliott, Indwe ens. is afgesny en sit nou
al dae lank sonder krag. Busse en motors is oral op die paaie
vasgekeer en laasnag het twee skepe gestrand, een by Koffiebaai en een
by Nahoonpunt.
OK, dis nou nie waaroor ek wil praat nie. Tradisioneel eet Afrikaners
mos sop as dit koud is. Hoekom weet en nie want ek hou nie van sop
nie, maar hier is een wat rêrig goed is en ook
goed by koue aanpas.
Bestanddele:
! Kg geskilde aartappels, in blokke en sag gekook
2 medium uie, gesny of gekap en goed sag gebraai in olie
250 g maer bacon, velle af, gesnipper en gebraai
500 ml sterk hoenderaftreksel (Maggi se nuwerige poeierstok is die
beste - 2 hoë teelepels)
200 ml room
Pietersielie, vars of gedroog as jy wil
Metode:
Dreineer die aartappels, meng dit met met die uie en warmgemaakte
aftreksel en maak dit goed fyn, nie mash nie, fyn. Ek het so sakie
met lemme onder wat mens in jou hand hou. Dit werk goed.
Meng die bacon in, roer en maak goed warm in die mikrogolf
Sit nou die room by en meng goed, moenie weer kook nie, die room sal
skif
Skep in borde en versier met pietersielie as jy so voel
Nou kort dit brandgoedjies; Wyfiemens gebruik 'n lekker skerp Cajun
spice en ek smyt nogal heelwat Tabasco by
Eet met lekker vars bruin brood
Net twee punte:
Hierdie is 'n groot bak kos. Tensy jou gesin groot is, maak minder
Ek het hierdie een skaamteloos gesteel maar darem effenns verander,
dus beroem ek my net op 80% plagiaat.
('n Gas van Anton Prinsloo op "Die Tale wat ons Praat": Leksikografie
- Plagiaat in alfabetiese volgorde,)
Dit gee my 'n groot lekkerkry om julle almal mee te deel dat die hemele toe
nie gister op ons geval het nie.
Daar was vandag 'm bietjie erge stormweer in die SuidKaap - twee bote ietwat
in die moeilikheid, 'n stapper vermis op die Otterwandelpad, 9 mense
verdrink wat oor 'n lae brug wou ry, en Elliot en 3 ander tongknoperplekke
wat sonder elektrisiteit sit na hewige sneeuneerslae.
Of dit die begin van die einde is weet ek nie.
))
Ek het vandag hierdie nommertjie van die noorde gekry...
From: Kobus Nel [GLK Herstelbeheer]
Sent: 21 May 2002 11:56
To: Kobus Nel [GLK Herstelbeheer]
Subject: FW: Nuwe dorpsname!!
Dagsê daar.
So iets om oor te "chuckle"
Ek het getrek maar ek bly nog op dieselfde plek - maar hoe verduidelik ek
dit vir mense soos sekretaresses in ander provinsies?
Ek wil 'n boodskap laat vir 'n kollega in Mpumalanga. "Vra asseblief hy moet
my in Polokwane skakel", sê ek."Waar??" vra sy en sy klink narerig, asof sy
'n mufgroen pasteitjie uit die pakkie gehaal het. "Polokwane". "Waar is
dit?" "Tussen Mokopane en Makhado in Limpopo".
Ek kan hoor sy dink ek is of van lotjie getik of het êrens ontsnap. "Waar is
dit?" hou sy geduldig vol. Wel, beduie ek, jy ry van Tswane af, verby
Bela-Bela en Modimolle. Ry deur die tolhek en hou reguit verby Mokopane,
maar hou jou spoed dop want die spiedies maak geld uit jou uit as jy daar te
vinnig ry.
Polokwane is net na Mokopane en net voor Makhado. Ek verstaan nie mooi
waarom ek die pad moet verduidelik as ek wil hê iemand moet my bel nie.
"Nee wag meneer" sê sy. "Waar is dié Makhado?" "Tussen Polokwane en Musina"
probeer ek hulpvaardig wees. "En waar is dit?" vra sy nou duidelik erg
verward."Musina is tussen Makhado en Harare" help ek so goed as wat ek kan.
"Bly jy in Zimbabwe?" vra sy asof daar skielik 'n lig vir haar opgaan.
"Nee", sê ek. "Ek beduie net vir jou waar Polokwane is." "In Zimbabwe?" vra
sy hoopvol. "Nee, in Limpopo" help ek haar reg.
Sy sug moedeloos en sê: "Kom ons begin voor." Ek dink sy wonder of dit nie
Leon Schuster is wat haar met 'n slapriem probeer vang vir een of ander
advertensie nie. "Waar is Tswane?" "Dis maklik" sê ek. "Tussen Bela-Bela en
Egoli"."Nee meneer, ek bedoel die dorp". "Ek ok" sê ek. Ek kan hoor sy is
nou by sepies terwyl ek nog by pad beduie is. "Egoli is anderkant Tswane as
jy van Bela-Bela se kant af kom" sê ek.
"Meneer", vra sy, "is jy getrek?" "Nee", sê ek. "Ek het nie getrek nie,
hulle het net die naam verander".
"Wat bedoel jy hulle het jou naam verander?"."Nie my naam nie, die dorp se
naam" help ek haar reg. "Watter dorp se naam?" "Pietersburg".
"Bly jy in Pietersburg?" vra sy en ek kan hoor daar gaan nou 'n helder lig
vir haar op. "Nee", sê ek "ek bly in Polokwane maar dit was voorheen
Pietersburg." "Wragtig?" sê-vra sy. "Wragtig" sê-bevestig ek. "So, jy skakel
van Pietersburg af wat nou Polokwane is?". "Einste", sê ek.
"Nou watter ander name het jy dan genoem?" vra sy en ek kan aanvoel dié vrou
het 'n erge behoefte om iets oor die toekomsgeskiedenis van die land te wete
te kom.
Toe verduidelik ek: "Egoli was eers Johannesburg. Tshwane is Pretoria. As jy
dan Noord ry kom jy by Bela-Bela wat eers Warmbad was, daarna by Modimolle
wat Nylstroom was en Potgietersrus wat nou Mokopane is. Na Mokopane kry jy
Polokwane wat Pietersburg was en daarna Louis Trichardt wat Makhado geword
het. Verby Makhado kry jy Musina wat eers Messina was."
"En Messina is by die Limpopo!" jubel sy. "Ja" sê ek, "maar die Limpopo
waarvan ek praat is die provinsie". "Nou wat noem julle die rivier?" vra sy.
"Limpopo" sê ek.
"Meneer?" vra sy, "stook jy mampoer?"
--
______________________________________
Rudolph Thomas
in...@tigme.com
TIGME.COM
Het ek die koerant reg gelees en is die man 'n uh, moffie? Sy
ex-bestuurder dagvaar hom blykbaar. Ai, nou's my Saterdagaand op TV
bederf................
Bly omdat die son weer skyn en ook seker bly omdat ons Annette se swart
Woensdag oorleef het.
PG Wodehouse het gepraat van dae waarop jong verliefdes uitgaan en besef
"love" rym met "skies above" en dan terstond 'n gedig daaroor pleeg.
In Afrikaans is die ekwivalent seker dat "hart" rym met "smart". Ek kan nie
help om te glimlag as ek hierdie kombinasie in 'n liefdesliedjie hoor nie.
Wat my laat wonder - ek wonder hoeveel duisende maal is die hele verloop en
betekenis van 'n lied of 'n vers al voorgeskryf deur goeie ou rymdwang?
Ek het al baie gewonder oor Leipoldt se "vir ons liefde wat uithou en alles
vergoed" om te rym met "boet", bloot omdat die vers vir my as verliefde
tiener so mooi was.
Ek wonder hoeveel Afrikaanse gesange het "lot" om te rym met "gebod" of dan
met "God". Arme digters - daar is maar min loflike dinge wat rym met "Here",
tensy jy tevrede is met "klere" of "sere" of "gewere", en wat maak jy dan
met die res van die sin?
Van 'n verveelde Koot in die Baai wat self al aandadig was aan dergelike
sondes...
Woon een van die mense op die nuusgroep naby of in Messina? Ek soek 'n
oornag plekkie daar iewers om op 4 Desember die son eklips te kan kyk.
Ek het al aanbod gekry maar waarskynlik omdat ons Vlaminge is, is die pryse
baie hoog: van 1000 ZAR vir kamer +ontbyt tot 3500 ZAR met aandete per
persoon per nag.
Wil iemand vir 'n paar dae 'n kamer (vir 2 persone) verhuur of weet iemand
van plekke met normale pryse?
Supertaal
Blog
Soek
Hulp
Lede
Registreer
Teken aan
Tuis
RSS
