Wys: Vandag se boodskappe :: Onbeantwoorde boodskappe :: Stemmings :: Navigasie

Hartlik welkom! Op hierdie webtuiste kan Afrikaanse mense lekker in hul eie taal kuier, lag en gesellig verkeer. Hier help ons mekaar, komplimenteer mekaar, trek mekaar se siele uit, vertel grappe en vang allerhande manewales aan. Lees asb ons aanhef en huisreëls om op dreef te kom.

Omgewings toerisme

Wed, 28 April 2004 12:50

Kortbroek in bevel van Omgewingsake en Toerisme, maar was dit dan nie NNP
wat sulke lekker gholfbane wou bou nie?

:-)

TJ

Koeitjies & kalfies | 2 kommentare

Zuid-Africa invites black Hitler for anniversary

Wed, 28 April 2004 10:25

Ferdietjiekie - en ek onthou goed hoe die Romeine die Christene doodgemaak
het - daarom loop die pous met 'n skuldgevoel rond.
Beprk jou tot die onderwerp - in die geval Mugabe. Ons kan seer sekerlik
almal 'n sonde op die ander opdiep. Wat is joune? (Behalwe vir die duimsuig
joernalistiek...)

Koeitjies & kalfies | 6 kommentare

Ons Volkslied

Wed, 28 April 2004 09:08

Gister is toe net Die Stem gespeel as ons volkslied. Sou dit nou 'n stille
nuwe reeling wees, of is die militêre orkes 'n bietjie agter die tyd?:))
--
Annette

Koeitjies & kalfies | 1 kommentaar

Applous vir Mugabe

Wed, 28 April 2004 05:03

So - toe herdenk die ANC kamerade 10-jaar van demokrasie deur Mugabe 'n
helde-applous te gee by die Uniegebou. (Op daardie oomblik het ek weereens
gewonder of die regse ouens se siening van dinge nie moontlik in die kol is
nie ...)

Koeitjies & kalfies | 10 kommentare

Snaakse grap

Wed, 28 April 2004 04:48

Verskoon die Engels:

3 men, 1 German, 1 Japanese, 1 hillbilly were sitting naked in a sauna.
Suddenly there was a beeping sound. the German pressed his forearm and the
beep stopped. The others looked at him and questioningly. "that was my
pager" he said. I have a microchip in my arm. A few minutes later, a phone
rang. The Japanese fellow lifted his palm to his ear. When he finished, he
explained that was his cel phone, had a microchip in his hand. The
hillbilly felt decidedly low tech. Not to be outdone, he decided he had to
do something just as impressive. He stepped out of the sauna and went to the
bathroom. He returned with a piece of toilet paper hanging from his behind.
The others raised their eyebrows and stared at him. The hillbilly finally
said, "well, would you look at that. I'm getting a fax."

Humor & grappe | 11 kommentare

" Ballade van die bloeddorstige jagter " deur G.A. WATERMEYER

Tue, 27 April 2004 22:46

G.A. Watermeyer

Ballade van die bloeddorstige jagter

Die geelkapêl se kronkels lê
drie sirkels om die maan.
Met watter woede sal die wind
teen middernag sy tentseil slaan?

Uit elke kloof en krans
hoor hy die klipdas skree,
die ou wildwrede roep
van lang verstarde wee.

Oor kimme van die ooste ruk
die werwelwind sy mane los.
Uit watter ribbes van die nag
kruip wonde teen die swarthaakbos?

Koor van verminkte diere:

Ons was die hoefslag teen die grond,
die vlerkslag teen die lug;
maar ál wat lenig was het jy
in kronkels van die pyn ontwrig.

Jagter:
Hy wat in weerlig loop het my
uit dreuning van Sy stem geblaas,
my mag gegee oor al wat hier
in vleie en die vlaktes graas.

Koor:
Ons kyk uit oë soos jy kyk
en asem uit dieselfde long
en deel die dydrif en die dors,
die angs waarmee die moeders jong.

Jagter:
Die soetvleis en die sagte vleis
van al wat op die aarde loop
en in die seë swem, sal ek
na wellus in my hutte hoop.

Kraai:
Wee as die skubbe van die haat
die weekvlies om die hart verdring;
laat elkeen wat hier donker lê
die sleepsel van sy lyding bring.

Wilde kanarie:
Ek kelk die sonlig in my keel
en rym die rondebessie ryp;
met kinderhand het hy, het hy
die fluite uit ons bors gegryp.

Steenbokkie:
Hy het my op die sesde dag
laat dartel uit Sy hand;
en sewe mane spartel ek
dié breekbeen oor die sand

Valk:
Die speerpunt van die wind was ek,
geel ster wat in die daglig skiet;
sy nyd het my getref en sê
laat bondel in die riet.

Elandbul:
My skouer en my skof rond bó
die trots van elke horingdier,
maar wie sal nou die kleiner trop
al windop na die kuile stuur?

Olifanttrop:
Ons wat die sterkstes is gaan stil
verby die koedoe en die kelkiewyn;
maar dreun die oerwoud oop en stort
die stamme in ons pyn.

Duif:
Hy het my swaar van Hom laat gaan
omdat my oë van Hom was,
maar watter boodskap spartel ek
hier áfkop aan die gras?

Koor:
Om wie se honger sterwe ons,
vir watter welp of swanger maat?
Dit is die tyging, dit die klag
dat hy ons wond en sê verlaat.

Kraai:
Een het ons aan die lig gegee
en aan die duisternis beloof,
maar elke klou wat slaan, moet snel
met die genade kloof .

Koor:
moet snel met die genade kloof,
die sening met die been verbreek;
maar hy het hom in marteldood
en massamoord op ons gewreek.

Kraai:
Jy skuil jou in die steiler trots
van dié wat weet en minder weet,
jy swyg, maar sal getuies hoor
van dié wat in die nanag vreet.

Luiperd:
Ek is die drinker van die bloed,
die ding wat donker loop,
maar ruk alleen vir eie dors
die polsing van die slagaar oop.

Krokodil:
Die stilte van die kuil is ek,
die stootgolf van die vloed,
maar weinig water weet hoe rooi
die borrel van die bloed.

Luislang:
Ek span die sirkel van die son
en anker met die halwe maan;
ek gryp, maar lê in vrede tot
die harslag en die huid vergaan.

Rooimeerkat:
Ek, die geringste van die kring
wat sonder ritsel gaan,
het nooit met ronde buik die tand
in tortelbors geslaan.

Kraai:
Die vleiwind en die vlaktewind
styg met die asem van die dood.
Waar skuil die asers van die blou,
die asers van die rondepoot?

Hiëna:
Ek grinnik teen die môregrou
en gryp wat ander laat;
uit gaping van sy gorrel knal
die gekkelag van haat.

Aasvoël:
Ek wentel met planeet en ster
en stort met elke dood,
maar stort die droë tak verby
en lê, gekruisig in sy lood.

Kraai:
Hy wat Sy horing bo die kimme stoot,
Sy vleuels met die wolke sprei
en in die donder hoef, het ons geleer
om in die vlakte rein te bly .

Koor:
om in die vlakte rein te bly
en helder teen die hang te leef,
maar wie sal hierdie graskol krop
waarom die trae brommers beef?

Duikerlam:
Reeds spalk my lippe van die dors
maar as ek aan my moeder stoot,
dan breek daar bitter teen my tong
die donker druppels van die dood.

Kraai:
Met hierdie snawel het ek self
Elía in die grot gevoed,
vereffen jy jou skuld, o mens,
met moordslag en met lammerbloed . ?

Koor:
Met moordslag en met lammerbloed,
ons hyg vergruisde longe uit
en roggel, roggel van die dors
hier teen die silwer stroomgeluid.

Kraai:
Toe ons op Grootbevel van Hom
in pare by die ark indraai,
was dit Sy wil dat hierdie mens
ons kwistig teen die grond sou maai?

Koor:
Was dit Sy wil, was dit Sy wens?
Ons daag jou wat die heerser was.
Die peulboom sidder in sy stam
en bitter buig die gras.

Maanhaar:
Ek is die tand wat skeur.
Mamba:
En ek die tand wat dood.
Laat ons die klopping van sy hart
aan hierdie sterre bloot.

Kraai:
Jy het die sening van die wet
tot staalklou in jou hand verdraai;
maar wee wanneer die dooie drif
hom snouend uit sy kronkels swaai.

Jagter:
Bo die trompette van die wind
hoor ek die vlakte kreun,
en teen my skene styg en skuim
dit wat nie uit die wolke reën –

Koor:
Dit wat nie uit die wolke reën
maar van jou hande drup,
wat jy gebreek het uit ons bors,
gestort het oor ons lip.

Kraai:
Jy staan gehoring in die haat,
omvleuel van die dood.
Stort neer op hom! Stort neer en lê
die halsbeen en die heupbeen bloot!

Die buffelhoring bo die ster
breek teen die Weste bloed,
die buffels van die vlakte bulk
en snuif die sand met klammer snoet.

Om rondebeen en ribbebeen
lê kronkels van die mamba swart;
klou aan die skedel kras die kraai:
Hoof om 'n hoof! Hart om 'n hart!

Prosa & poësie | 1 kommentaar

Gevleuelde Woorde

Tue, 27 April 2004 17:59

Time is a great teacher, but unfortunately it kills
all its pupils.
- composer Hector Berlioz

Vir Antie:

Tyd is 'n goeie leermeester, maar ongelukkig
maak hy alsy leerders dood.

Koeitjies & kalfies | 0 kommentare

Loodsing van eie Geldstelsel

Tue, 27 April 2004 12:06

Loodsing van eie Geldstelsel

Die amptelike loodsing van Orania se eie geldstelsel vind op Donderdag 29
April om 18:30 plaas in Orania se Gemeenskapsaal.

Om hierdie geleentheid te vier word die eerste 100 reeksnommers in 'n
netjiese gedenkverpakking beskikbaar gestel. Elke verpakking bestaan uit
vier note (Ora10, Ora20, Ora50 en Ora100) met dieselfde reeksnommer.

Met die loodsing sal daar 'n veiling van die eerste tien gedenkstelle (met
reeksnommers een tot tien) plaasvind. Enigeen kan 'n bod plaas vir een of
meer van hierdie waardevolle stelle. Persone wat nie die
loodsingsgeleentheid kan bywoon nie, maar wel 'n bod op van die eerste tien
stelle wil plaas, kan met die kantoor van die Orania Beweging skakel om die
nodige reelings te tref.

Reeksnommers 11 tot 99 word verkoop vir R250 per stel. Reeksnommer 100 is te
koop vir R500.Hierdie gedenkstelle kan aangekoop word by die kantoor van die
Orania Beweging. Skakel gerus die Orania Beweging by 053 - 207 0062 indien u
daarin sou belangstel om so 'n gedenkstel te bekom.

Ekonomie & geldsake | 2 kommentare

Vrou met die 100-tal ambisie

Tue, 27 April 2004 10:14

Ek lees in die koerant laas week dat daar 'n vrou is in SA wat in een aand
100 manne wil bykom. Kan my net indink dat sy so effe seer geen wees!

Koeitjies & kalfies | 15 kommentare

Al weer 'n paar SA Spelers ge-'site' - is on STUPIT of wat?

Tue, 27 April 2004 07:34

Corne Krige geskors, AJ Venter (weer) in die moeilikheid ens ens ens.
Vir ouens wat profesionele salarisse kry is dit bloot nie aanvaarbaar
nie!

Geen wonder die ander lande sien ons as vuil, ongedissiplineerde
spelers nie.

Dit is een van twee dinge:
1) Of al die spanne speel vuil en die SA spelers is dom genoeg om dit
openlik te doen.
2) Of slegs die SA spanne speel vuil en die ander spanne is net beter
daarmee om ons spelers kop te laat verloor.

'n Vraag - waarom site die SA spanne nie oorsese spelers nie - mens
sien genoeg voorbeelde van vuil spel wat deur die skeidsregters gemis
word - die 'Cowboys don't cry' houding van SA rugby veroorsaak dat ons
spelers eleke keer aan die kortste end trek - byvoorbeeld die vuishou
van Deallio wat Tinus Delport se oogbank opgeslaan het in die Engeland
/ SA toets was m.i. erg genoeg vir skorsing. Ek is seker die spul
Enegelse sou seker gemaak het dat ons speler verkla is as die rolle
omgeruil was.