Die buitekerk se
orrel op Narries
laat ook 'n dansie waai
Die langbeenmeisies swaai
op die gemmerbierdans 'n
koeksister-draai Op die
wyksouderling se swartpak
wink 'n jonkmansblom
Alwyn Nel wrote in message ...
Dit het waarskynlik meer drugs in as punt-in-die-wind middele. Is dit
die begin van 'n nuwe kultuur ?
Alwyn
KH-News wrote: (.......en dan Viagra per pos )
Nou hoekom sou hulle nog die koste aangaan om "dope" so te verkoop
?????
Gewone kalkpille, man, gewone kalkpille - dws. AS jy wel iets sal
ontvang
Wonder hoeveel gaan gevang word ??
Gegroet
Oom Hans
uit die verlate skag van die huis
het hy na haar kamer gekom
en met die oopgaan van die deur
het alles, verblindend soos 'n perskeboom, begin blom
hy was alleen in die spieël van die maan
die v van sy bors
die soepel sekel van heupe en
skraal dye
het skugter voor haar bed kom staan:
- onder die gesplete wit pajama kon sy sien
hoe spits wag
die sagte skulp van sy geslag -
hy was so jonk en mooi in sy blonde krag
sy hande reeds volwasse van teerheid
sy oë bloeiselsag
en bokant die huis, in die koerslose nag
het die sterre begin draai
asof hulle van haar geboorte af
op hierdie teken wag
toe hy soos 'n kalfie teen haar kom lê
die lakens onder sy ken gevou
wou sy hom nog 'n storie vertel
soos sy ma in sy kleintyd vir hom nagsê
maar die ruite het verbleek
sodat hulle woordeloos na mekaar moes draai:
sy, omdat sy al wat sy het vir hom wou gee
al sou hy deur vlegseljare breek
om van 'n pophuis, met gordyntjies
wat deur die vensters waai,
'n grootmenshuis te maak
wat gemeubileer met vrede,
daglank in sy sonlig week
hy omdat hy haar wou besit
nie soos 'n viking met bloed en
lawaai
maar stadig soos 'n blom
vanself sy kelk na die son toe draai
onder die loom trosse van sy lag
was sy syne gewees
en het hy met ladings ingeskuif
vir altyd tussen haar en die
maagdelike bron van haar krag.
kan jy nog herspeel pantsers ruwe westekus
hoe waterspier en sand verloop en ons
van alles onbewus by paternoster op die stoep
hoe outyds alles was hoe die kinders veraf roep
helenabaai met skemertyd die see was glad
en grieks die bote stil en toegesluit
kan jy nog onthou vraatsugtige son by lambertsbaai
hoe jy my hare stadig kam hoe die voëls
rooflustig nader nader draai: dat ek jou wil hê
is so maklik om te sê dat ek jou wil hê
is 'n ding wat in my lê
Hoe rits die kooi vannag
o hoe rits die kooi vannag
daar's dikvoet en pontak vanaand
in die oubaas se laaste vrag
die hanslam lek my hand
o die hanslam lek my hand
met watter genade hêt jy dan
op Gunsfontein beland
die bloulig op die draai
o die bloulig op die draai
hoe het jy van die skraalbeen-meid
dan so danig reg geraai
die spekbos in die blom
o die spekbos in die blom
op wie se gedagte hêt jy dan
na Dwars-in-die-weg gekom
Terwyl jy nog slaap
teen 'n vroeë lente
die aardkors dor terwyl die bome
beur aan blaar en blom
terwyl jy slaap die skerp
verlange in jou lyf verpak
om saam te bring tot hier
as jy alles oop gaan maak
terwyl jy slaap sit ek hier
half oopoog trillendwakker
want geen snaar kom tot rus
in hierdie lied wat uitgeslape
draai-draai teen jou bors in
jou asemende mond die binnegleuf
in jou lyf jou gesig jou kop
hoe keer ek dit hoe laat ek
dit tot haltroep dwing as elke sel
wil bars teen die bloeiselende
ruimte wat skielik uitstrooi
more-more-more
at last teen die dag se skitterende
sk(amper)breek
(ongepubliseerde nuwe verse)
Kopiereg voorbehou deur
Marlise Joubert
Supertaal
Blog
Soek
Hulp
Lede
Registreer
Teken aan
Tuis
RSS
