Hoe belaglik kan jy kry
=============================================
Boer in selle ná hy aanvaller ontwapen
2010-03-17 08:26
Charles Smith, Beeld
Johannesburg - ’n Boer van Kroonstad wat ’n plaasaanvaller ontwapen
het wat hom met ’n mes aangeval het, is Dinsdag summier deur die
polisie vir 48 uur toegesluit omdat die aanvaller gaan kla het.
Chris Grobler (23) se ouers het teen laat gister alles probeer om hom
voor donker uit die polisieselle in Koppies vry te laat.
Christo Grobler het gesê drie prokureurs het hul bes gedoen om sy seun
vrygelaat te kry.
Toe was die polisiebeampte met die dossier soek en daar was kwansuis
géén inskrywing in die voorvalleboek dat die polisie hul plaas
Saterdag besoek het nie.
Sy vrou, Alta, het toe van hul plaaswerkers gaan haal om verklarings
by die Heuningspruit-polisiekantoor af te lê dat hulle - dié einste
polisiebeamptes - wél Saterdag op hul plaas was.
Chris het die polisie Saterdag laat kom toe ’n gewese plaaswerker wat
ses maande gelede afgedank is nadat hy motorbatterye gesteel het,
moles op die plaas Labri gemaak het.
Die polisie het die man toe verwyder. Sondagaand was die man terug -
dié keer erg aangeklam.
Toe Chris hom wegwys, het hy ’n mes uitgepluk en na Chris gesteek. Dié
het die mes afgevat en die aanvaller het hard met Moeder Aarde kennis
gemaak, het Grobler sr. gesê.
Die polisie is weer gebel, maar hulle het nooit uitgekom nie.
Die aanvaller se arm is glo beseer en hy het by die polisie gaan kla.
Maandag het twee konstabels by die plaas opgedaag.
“My vrou wou weet hoekom hulle nie Sondag opgedaag het nie. Een
konstabel het vir haar gesê sy moet haar nie ‘wit hou’ nie. Die
bevelvoerder van die Heuningspruit-polisiekantoor het vir my gesê as
Chris stilgestaan het dat hy raakgesteek is, was die aanvaller in die
selle en nie hy (Chris) nie.”
Chris is gevra om Dinsdag ’n verklaring by die polisiekantoor te gaan
aflê. Hy is kort daarna gearresteer.
Grobler sr. se vrou en Chris se lewensmaat, Angelique, en hul baba van
ses maande, Chris, is alleen op die plaas.
“My vrou het die landdros in Koppies gaan sien, die deur toegetrek en
sy hulp gevra omdat hulle vrou-alleen op die plaas is.
Hy het gesê sy hande is afgekap.
“Ons probeer alles in ons vermoë. Ek weet nie wat in die land aangaan
nie.”
Durban – Die polisie in KwaZulu-Natal het ’n soektog vir vier mans van
stapel gestuur nadat die vrou van ’n boer Sondagaand in Colenso
doodgeskiet is, het die polisie gesê.
Die boer (70) is twee keer geskiet, maar hy het die voorval oorleef en
sterk tans in die hospitaal aan, het supt. Jay Naicker gesê.
“Die boer was besig om die koeie saam met sy werkers te melk toe hulle
deur vier gewapende mans genader is. Die mans het geld geëis en sy
vrou (64) is doodgeskiet,” het hy gesê.
Naicker het gesê die aanvallers het niks gesteel nie.
Die georganiseerde misdaadeenheid is tans besig om die voorval te
ondersoek.
Die Demokratiese Alliansie (DA) beskryf die voorval as 'n voorbeeld
van intimidasie.
"Die sinnelose moord op ‘n bejaarde vrou en die aanval op haar man is
net nog ‘n tragedie vir ons land,” het Tom Stokes, ’n lid van die DA
in KwaZulu-Natal gesê.
Hy het gesê die plaasmoorde is deur die sing van die struggle-liedjies
aangehits wat die doodmaak van boere aanmoedig.
Helen Zille, DA-leier, het gesê pres. Jacob Zuma se weiering om
homself van die liedjie “Kill the Boers, they are rapists” te
distansieer, suggereer dat hy sy “goedkeuring gee om mede-Suid-
Afrikaners dood te maak”, het Sapa vroeër berig.
Twee mannen opgepakt voor moord op Vlaming in Zuid-Afrika
In Limpopo, in het noorden van Zuid-Afrika, zijn twee jonge mannen
opgepakt als verdachten van de moord, vorige vrijdag, op de Vlaamse
zakenman Etienne Cammaerts. Cammaerts, afkomstig uit Wezembeek-Oppem,
woonde sinds acht jaar in Zuid-Afrika, waar hij lodges verhuurde aan
toeristen en natuurliefhebbers. Hij werd vrijdag beroofd en dood
achtergelaten op zijn domein. De verdachten zijn 20 en 29 jaar. (BLG)
Publicatie: Het Nieuwsblad
Publicatiedatum: 3 maart 2010
Auteur: paw BELGA
Pagina: 3
Aantal woorden: 64
Arrestaties na moord op Vlaming in Zuid-Afrika
In verband met de moord van vorige vrijdag op de Vlaamse zakenman
Etienne Cammaerts in het Zuid-Afrikaanse Limpopo, zijn twee jonge
mannen opgepakt. Dat meldt de pers ginds. Cammaerts, afkomstig uit
Wezembeek-Oppem, woonde sinds acht jaar in Zuid-Afrika, waar hij
lodges verhuurde aan toeristen en natuurliefhebbers. Hij werd vrijdag
vermoord op zijn domein Corn Hill in Villa Nora. De verdachten zijn 20
en 29 jaar oud.
Publicatie: Het Laatste Nieuws
Publicatiedatum: 3 maart 2010
Auteur: Cds
Pagina: 11
Aantal woorden: 77
Vlaming vermoord in Zuid-Afrika
BRUSSEL - De zakenman Etienne Cammaerts (61) uit Wezembeek-Oppem is
omgebracht op zijn domein in Limpopo, in het noorden van Zuid-Afrika.
De man was vrijdag aan het werk op zijn domein, waar hij lodges
verhuurt aan toeristen. Omdat hij niet meer reageerde toen zijn
vriendin hem via de walkietalkie contacteerde, hield de politie een
zoekactie. Zo werd het lichaam van de Belgische man ontdekt. Hij was
beroofd en nadien dood achtergelaten door zijn overvallers, die
voorlopig spoorloos zijn.Belga
Publicatie: Het Belang van Limburg
Publicatiedatum: 3 maart 2010
Auteur:
Pagina: 7
Aantal woorden: 307
Zuid-Afrika
De 61-jarige zakenman Etienne Cammaerts uit Wezembeek-Oppem is
omgebracht op zijn domein in Limpopo, in het noorden van Zuid-Afrika.
De man was vorige vrijdag aan het werk op zijn uitgestrekte domein,
waar hij lodges verhuurt aan toeristen en natuurliefhebbers die naar
de wilde dieren komen kijken. Omdat hij niet meer reageerde toen zijn
vriendin hem via de walkietalkie contacteerde, zetten vrienden en
politie een grote zoekactie op touw. Zo werd het lichaam van de
Belgische man ontdekt. Hij was beroofd en nadien dood achtergelaten.
B
Publicatie: Gazet van Antwerpen
Publicatiedatum: 3 maart 2010
Auteur:
Pagina: 6
Aantal woorden: 421
Ek is ’n wit Afrikaner (boer) en ek is dus volgens Julius Malema ’n
verkragter op wie hy wil skiet. Die ANC kan nou op twee maniere op
Julius se nuutste uitlatings reageer.
Hulle kan hulle daarvan distansieer en teen hom optree, of hulle by
hom skaar en dan by implikasie oorlog verklaar teen wit Afrikaners.
Aldus Volksblad van 11 Maart, staan die ANC by Malema se “haatspraak”.
Die berig, Malema se optrede nie haatspraak, sê ANC verwys.
In die lig gesien van hoeveel boere en hul werkers op hul plase
vermoor word, kan ons hierdie tipe praatjies nie langer verdra en
ander pad kyk nie.
Maandag het mnr. Nathi Mthethwa in Centurion plaasmoorde ten sterkste
veroordeel, maar Julius Malema wil die boere skiet.
Dit het nou tyd geword dat die ANC eerlik is met wit mense en dit
duidelik maak waar hulle staan. Hulle is altyd gou om te verklaar dat
hulle ’n nie-rassige organisasie is, maar as hul leiers sulke
uitsprake maak, kan hulle beswaarlik op nie-rassigheid roem. As hulle
hierdie opsweping goedpraat, is dit mos so goed soos ’n
oorlogsverklaring teen wit mense.
Laastens, Julius Malema, gaan kyk bietjie wie is die oorgrote
meerderheid mense wat regtig in die howe beskuldig word van
verkragting en hou op om my en my volksgenote so te beledig. Ons gaan
dit nie langer verdra nie.
Toe oudpres. Thabo Mbeki ’n paar jaar gelede eensydig die
kommandostelsel afgeskaf en die weermag aan die landsgrense onttrek
het, is hy gewaarsku dit sou lei tot ’n vakuum op die platteland wat
die veiligheid van die landbougemeenskap in die gedrang sou bring.
Dit is presies wat toe gebeur het.
Daar gaan deesdae kwalik ’n dag verby sonder dat Beeld berig oor ’n
plaasmoord of plaasaanvalle.
Vir die boere is dit niks anders nie as ’n oorlog in die kleine.
Om dié rede eis boere en landbouleiers nou dat die kommandostelsel –
wat meer as 100 jaar lank baie doeltreffend was – teruggebring word.
Die polisie het net eenvoudig nie die mannekrag om die uitgestrekte
plattelandse gebiede behoorlik te patrolleer nie – met of sonder
reserviste.
Mbeki het destyds die kommandostelsel – waarvan die meerderheid lede
swart was – afgeskaf en die soldate aan die grensgebiede onttrek
sonder om die belanghebbende partye, die weermag, die polisie en die
landelike gemeenskappe, daarin te ken.
Dit was ’n politieke besluit – een waarvoor die landelike gemeenskappe
nou die prys betaal en pres. Jacob Zuma se regering ’n oplossing moet
vind.
Die stelsel van sogenaamde sektorpolisiëring wat ingestel is om die
kommandostelsel te vervang, is ’n goeie idee, maar is nie oral
suksesvol nie.
Landelike ontwikkeling is hoog op die Zuma-regering se prioriteitslys,
maar is gedoem as die platteland in oorlogsones verander en nie veilig
is nie. Voedselsekerheid is in dié omstandighede ook in sy peetjie
in.
Zuma hoef net in Zimbabwe te gaan kyk wat gebeur as landelike gebiede
onstabiel word.
Zuma het al gewys sy administrasie huiwer nie om goed terug te bring
wat voorheen gewerk het en sommer net verander is ter wille van
verandering nie. Hy en die betrokke ministers kan gerus ernstige
oorweging skenk aan die versoek dat die kommando’s teruggebring word.
Soos gesê, die huidige stelsel slaag nie eens naastenby daarin om
landelike veiligheid te verseker nie.
Die boere het ’n noodkreet laat hoor en die regering het ’n plig om ag
te slaan daarop.
Cobus Coetzee, Sarel van der Walt en Felix Dlangamandla
Die ANC staan by mnr. Julius Malema nadat die ANC-jeugligaleier in ’n
opruiende liedjie gesing het: “Skiet die Boere, hulle is verkragters!”
Die Menseregtekommissie (MRK) het tien klagte van haatspraak teen
Malema ontvang nadat hy eergister oor en oor saam met 250 studente by
die Universiteit van Johannesburg se Doornfontein-kampus gesing het:
“Dubula ama-Bhunu baya raypha.”
Mnr. Jackson Mthembu, ANC-woordvoerder, meen die klagte is ongegrond
en Malema se optrede is nie haatspraak nie.
“’n Mens kan Julius nie daarvoor kruisig nie, hy sing net ’n
bevrydingstrydlied. Beteken dit nou ons kan nie meer dié liedere sing
nie?”
Die ANC verstaan nie hoe Malema vir ’n rassis uitgekryt kan word nie.
“Soms sing ons dié lied, want ons herinner onsself aan waar ons
vandaan kom,” het Mthembu gesê.
Volgens hom verwys die amaBhunu nie na boere of wit mense in die
algemeen nie, maar na dié wat swart mense steeds onderdruk.
Mthembu het daarop gewys dat die lied wat Malema gesing het, nie die
slagspreuk “Kill the farmer, kill the Boer” is nie.
Mnr. Carl Niehaus, destyds die ANC se inligtingshoof, het in 1993 aan
Beeld gesê die party se nasionale uitvoerende komitee het besluit dié
slagspreuk is taboe.
Volgens Mthembu is albei egter deel van die land en die ANC se
geskiedenis en sal steeds gesing word.
Dr. Pieter Mulder, VF+-leier en adjunkminister van landbou, bosbou en
visserye, het gister ’n strafregtelike klag teen Malema by die polisie
ingedien.
Die Afrikanerbond het ’n klag by die MRK ingedien omdat Malema geweld
aangehits het.
“Dit is duidelik dat nóg die ANC-jeugliga nóg die ANC die politieke
wil of vermoë het om mnr. Malema tot orde te roep in sy daaglikse
tirades teen alles wat vir ons dierbaar is in Suid-Afrika,” het mnr.
Jan Bosman, bestuurshoof van die Afrikanerbond, gesê.
Mnr. Vincent Moaga, woordvoerder van die MRK, het bevestig hulle het
die klag, asook nog nege van individue, ontvang. “Ons verwag nog
meer,” het hy gesê.
Beeld verneem dat Zuma vanaand met verskeie Afrikaanse belangegroepe,
sakelui en sportmanne vergader.
Die sanger Steve Hofmeyr het gisteraand in ’n verklaring gesê hy het
sy uitnodiging van die hand gewys omdat hy ontnugter is met Malema se
optrede en ANC-leiers se stilswye.
Malema sal waarskynlik hoog op die agenda op die vergadering wees.
Dit word onder meer bygewoon deur prof. Piet Strauss, moderator van
die NG Kerk, AfriForum, TLU SA en die Springbok Victor Matfield.
Me. Helen Zille, DA-leier, gaan Malema dagvaar nadat hy haar ’n
satanis genoem het.
ANC-jeugligaleier, mnr. Julius Malema, word deur 'n stortvloed klagtes
in die gesig gestaar nadat hy 'n rassistiese uitbarsting voor 'n
studentegehoor gehad het.
Malema het studente van die Universiteit van Johannesburg onder meer
aangehits om "Kill the boer" te sing.
Die Vryheidsfront+-leier en adjmin. van landbou, dr. Pieter Mulder,
beplan om 'n klag van haatspraak teen Malema in te dien.
"Spraakvryheid sluit nie in dat haat op grond van ras, geslag of
geloof aangeblaas kan word nie..."
Volgens die Sowetan het Malema onder meer gesê: Skiet die boere, hulle
is verkragters".
Oud-pres. Nelson Mandela het vergifnis bepleit, maar swart mense moet
nooit vergeet wat met hulle gebeur het nie, het Malema volgens die
koerant gesê.
Malema het glo ook die Kaapse premier, me. Helen Zille, daarvan
beskuldig dat sy 'n satanis is en kerke in die Wes-Kaap afbreek.
Oor me. Patricia de Lille sou hy glo onder meer gesê het dat geen
normale man met haar sou trou nie.
Malema het glo ook gesê dat rykdom van "mnr. Nicky Oppenheimer se
familie gevat moet word om aan die mense van Suid-Afrika te gee".
Mnr. Ernst Roets van Afriforum-jeug het gesê sy organisasie gaan 'n
klag by die Gelykheidshof indien. Dit is nie die eerste keer wat
Malema die Peter Mokaba-lied gesing het nie. Hy het dit verlede week
in Polokwane by sy verjaardagvieringe gesing - dis 'n provinsie waarin
ses boere die aflgelope maand vermoor is, het Roets gesê.
"Julius Malema is 'n verleentheid vir nie net die jeug nie, maar ook
vir die hele land."
Die Afrikanerbond het 'n klag by die Menseregtekommissie ingedien.
ANC-woordvoerder, mnr. Ishmael Mnisi, het vroeër gesê die party sal
met Malema praat oor sy uitlatings, maar later gese die ANC het nog
nie besluit of hulle met hom daaroor gaan praat nie. - Sapa
’n Sakeman van Bedfordview, Johannesburg, is gisteroggend koelbloedig
voor sy vrou doodgeskiet toe hy vermoedelik in reaksie op haar gille
uit die stort hul slaapkamer binnegestorm het.
Mnr. Michael Palm (50) van Kingsweg is doodgeskiet nadat rowers eers
die huiswerker en tuinwerker (wie se name nie verstrek is nie) by die
agterdeur en daarna sy vrou, Mary-Lynn (48), oorval het nadat sy die
agterdeur oopgesluit het, het kapt. Roelien Marais,
polisiewoordvoerder, gister gesê.
Die vermoede bestaan dat die rowers op die een of ander manier die
kode vir die veiligheidshek bekom het en só toegang tot die erf verkry
het. Toe die huiswerker omstreeks 07:00 by die huis opdaag, het die
vrou se motor in die oprit gestaan met een insittende in.
Die huiswerker het vermoed dit is die gesin se motorbestuurder en dat
mev. Palm wou ry.
Twee rowers het haar op pad agterdeur toe met vuurwapens aangehou.
Hulle het toe reeds die tuinwerker oorrompel.
Mev. Palm het oudergewoonte die agterdeur vir die huiswerker
oopgesluit. Dis is toe dat sy ook oorval en aangehou is.
Van die vier rowers het die tuinwerker en huiswerker in die kombuis
aangehou terwyl die res mev. Palm na die hoofslaapkamer gedwing en
geld geëis het.
Die vermoede is dat mnr. Palm die rumoer buite die stort gehoor het en
die slaapkamer ingestorm het om sy vrou te help.
Hy is koelbloedig in die bors geskiet, al het hy kaal uit die stort
gekom en dus geen wapen by hom kon gehad het nie.
Die moordenaars het daarna met mev. Palm se handsak, haar man se
beursie en ’n bos sleutels gevlug.
Hulle het nie enige van die gesin se motors gesteel nie.
Dit is nie bekend hoe hulle gevlug het nie.
Die egpaar se seun, Brain, in sy 20’s, wat in ’n woonstel bo-op die
garage langs die huis woon, het na buite gegaan toe hy die skoot
gehoor het. Die moordenaars was al weg.
Die egpaar se dogter, Hailey, ook in haar 20’s, het gisteroggend van
Rustenburg gekom om haar ma by te staan.
Mnr. Palm het sy eie spysenieringsmaatskappy bedryf met kantore in
Steeldale en Alberton.
Verlede Woensdag is mnr. Donovan Smith (75) van Dowerglen uitbr. 2,
Bedfordview, in die sitkamer van sy huis doodgeskiet.
Die sleutel was nog in die slot van sy veiligheidshek en sy beursie
het op ’n tafel by die lyk gelê.
On Mar 14, 10:25 am, Etienne Marais wrote:
> Man shot on farm
> 2010-03-14 08:42
>
> Pretoria - A 46-year-old man has been shot and wounded on a farm in
> Potchefstroom on Saturday night.
>
> Unknown attackers apparently shot the man with a shotgun through his
> bedroom window as he lay asleep. The man’s father, who was also
> asleep in the house, was not injured.
>
> ER24 paramedics rushed the injured man to hospital where his condition
> is critical.
>
> Police are investigating the incident.
>
> - News24
> (http://tinyurl.com/yl43kjf)
========================================================
Nog ‘n plaasmoord in Noordwes
2010-03-14 10:02
Johannesburg – ‘n Boer is in sy bed in sy huis op sy plaas naby
Potchefstroom doodgeskiet. Paramedici sê die man (46) is noodlottig
gewond toe skote deur sy kamervenster gevuur is.
“Hy het menigte skietwond aan die linkerkant van sy rug opgedoen. Sy
beserings was noodlottig,” het Vanessa Jackson, woordevoerder vir
ER24, Sondag gesê.
Die man se pa, wat ook in die huis was tydens die voorval, is nie
beseer nie.
Polisie in die Noordwes wou nie kommentaar lewer nie.
Johannesburg – ‘n 65-jarige boer is Vrydag buite Marble Hall vermoor,
het polisie in Limpopo gesê.
“Die verdagtes het vanoggend toegang tot die huis bekom deur die
agterdeur te breek. Hulle het Jan Wheeler in die slaapkamer
oorweldig,” het supt. Ronel Otto gesê.
Hy was herhaaldelik met ‘n skerp voorwerp gesteek.
“Die verdagte het gevlug nadat hy ‘n paar elektriese huishoudelike
toebehore geneem het.”
Hulle het weggejaag met Wheeler se wit bakkie.
Volgens Otto is die polisie op soek na vyf mans wat met die voorval
verbind word.
Supertaal
Blog
Soek
Hulp
Lede
Registreer
Teken aan
Tuis
RSS
