'n Blanke vrou van Port Elizabeth is deur vyf swart gewapende rowers
in haar huis verkrag terwyl haar vierjarige seuntjie moes toekyk.
Volgens 'n plaaslike koerant in die Baai is dit "die eerste
gewelddadige huisaanval waar verkragting betrokke is" sedert die
aanvang van die wêreldsokkerbekertoernooi.
'n Woordvoerder vir die polisie, adjudant-offisier Precious Timla, het
gesê dat die rowers omstreeks 3-uur vm. deur 'n venster van die
kothuis in 'n tuin toegang verkry het.
Die vrou van Pekingstraat, Morningside is deur die geluid van stemme
in die kothuis wakker gemaak. "Die volgende oomblik het die (swart)
mans haar op die bed vasgedruk," het Timla gesê. "Hulle het 'n pistool
teen haar kop gehou en haar bankkaarte en pinnommer geëis voordat
hulle beurte geneem het om haar te verkrag terwyl haar seun dit in die
vertrek moes aanskou."
Blykbaar is 'n mes ook teen die vierjarige seuntjie se keel gehou om
sy ma te dwing om saam te werk.
Die geweldenaars het gedreig om haar seun as gyselaar aan te hou
terwyl hulle bank toe gaan om die geld te trek, maar die vrou kon
hulle oorreed om hom agter te laat.
"Ons is nie seker wat tussen haar en die rowers gebeur het nie, maar
hulle het uiteindelik die kind agtergelaat," het Timla gesê.
Hoewel daar geen tekens van 'n inbraak is nie, het 'n polisiebron gesê
dat die vensters oud is en nie behoorlik toemaak nie, dus kon die
rowers maklik deur een van hulle ingekom het.
Sommige aanvallers het weer deur die venster uitgeklim terwyl ander
deur die agterdeur vertrek het. Die vensterskarniere is los en het
geklap toe die rowers uitgeklim het, wat die huiseienaar op dieselfde
perseel wakker gemaak het.
Hy het opgestaan om ondersoek in te stel en het die vlugtende swartes
skrams gesien. "By die kothuis gekom, het hy die vrou huilende op die
bed gevind," het die bron gesê.
Die polisie is onmiddellik ontbied.
Volgens Timla is "drie van die mans met pistole gewapen, terwyl 'n
vierde blykbaar 'n speelgoedpistool by hom het".
Die erg geskokte vrou is na die hospitaal geneem en later ontslaan.
"Die vrou is hoogs emosioneel en erg getroumatiseer," het die
polisieman gesê. "Haar seuntjie is ook baie ontsteld oor die
voorval."
’n Jong vrou het gister hier toegekyk terwyl die man wat haar met ’n
oopgekapte skedel langs haar ma se lyk gelaat het nadat hy dié ook met
’n byl aangeval het, twee keer lewenslange tronkstraf opgelê word.
Regter David Spilg het Victor Nyezineu (25) vroeër in die rondgaande
hof in Vereeniging skuldig bevind aan die moord op mev. Heila Pienaar
(42) en poging tot moord op haar dogter, Charmaine (20).
Hy is ook tien jaar tronk toe gestuur weens die roof van R2 000.
Nyezineu het mnr. Danie Pienaar (43) se skrootonderneming in Waldrift
op 1 Oktober 2008 met ’n byl binnegestap om te roof en te moor, het
die regter bevind.
Charmaine het sowat ses uur lank met ’n oopgekapte skedel langs haar
ma se lyk gelê.
Nyezineu, ’n onwettige immigrant van Zimbabwe, is 12 dae later in
hegtenis geneem.
Die hof het gehoor hy het as jong seun vee opgepas, maar in 2002 na
Suid-Afrika gekom op soek na ’n beter lewe.
Hy was glo in geldnood toe hy verlede jaar ná sy broer se dood na sy
tuisland wou gaan om sy ma by te staan.
Adv. Kgomotso Tloane, vir die verdediging, het ter strafversagting
aangevoer Nyezineu se wandade sal nie net sy ma verpletter nie, maar
kan selfs tot haar dood lei.
Volgens Spilg het Nyezineu vooraf beplan om Charmaine en haar ma te
vermoor om te keer dat daar enige getuies van die rooftog is.
Nyezineu het kort-kort sy kop geskud terwyl Spilg hom gevonnis het.
Mnr. Pienaar, sy seun, Frikkie, en Charmaine het gespanne na die
vonnisoplegging geluister, maar was sigbaar verlig toe hulle besef
Nyezineu gaan baie jare agter tralies deurbring.
“Ons is baie tevrede met die vonnis,” het Pienaar sr. buite die
hofgebou aan Beeld gesê.
Rowers val gesin in ‘teikenhuis’ 2 keer in 6 weke aan
2010-06-11 22:56
Hilda Fourie
Binne ses weke het hy een keer ’n rower op sy vrou gekry en die
volgende keer is hy in die gewrig en maag geskiet.
’n Week later het mnr. Gert van Tonder uit sy huurhuis in
Rietvalleipark, in die ooste van Pretoria, getrek nadat hy by sy bure
en die polisie gehoor het dié huis in Escombelaan is ’n gereelde
teiken van misdadigers.
Van Tonder (36), ’n bedryfsbestuurder van ’n veiligheidsmaatskappy,
het in Januarie ingetrek.
“Ek voel die verhuringsmaatskappy moes aan my bekend gemaak het wat
die misdaadsituasie in die omgewing is,” het Van Tonder gister by sy
nuwe huis in Moreletapark gesê.
“As hulle vir my gesê het, het ek nooit daar ingetrek nie.
“Ek dink ’n lewe is meer werd as ’n bietjie sake.”
Twee weke gelede was Van Tonder en sy vrou, Lizette (37), besig om te
braai toe vyf mans, van wie een gewapen was, op hulle afstorm.
“My vrou het hulle eerste gesien en begin skree,” het Van Tonder
gesê.
“Ek het die wapen uit die een se hand gegryp. Dis toe dat hy my in die
gewrig skiet. Ons het verder om die wapen gestoei waarna die tweede
skoot geklap het. Ek is in die maag getref. Toe die tweede skoot klap,
het hulle weggehardloop. Hulle het niks gevat nie.”
Ses weke voor dié voorval het Van Tonder wakker geword van sy vrou wat
skree dat daar ’n misdadiger op haar klim.
Dié misdadiger se makker het langs Van Tonder gestaan.
Van Tonder het die man wat bo-op sy vrou was, geslaan, waarna hy en sy
makker met ’n skootrekenaar en selfone gevlug het.
“Ek moes trek, want ek gaan nie daar bly dat mense my beroof nie. Ek
kan nie my gesin in sulke gevaar stel nie,” het Van Tonder gesê.
“’n Mens moet ondersoek instel die misdaad in die omgewing voordat jy
’n huis koop of huur. Ek weet misdaad kom oral voor, maar ek voel tog
die verhuringsmaatskappy moet ’n mens daaroor inlig.
“As daar weer mense in daardie huis intrek, sal ek hulle self van die
misdaad gaan vertel.
’n Gholfafrigter van Centurion is eergisteraand op ’n kort afstand
deur ’n bakkievenster geskiet kort voordat twee mans haar pa van
duisende rande beroof het.
Dié voorval het net ’n paar honderd meter van die Leriba Lodge, waar
die Italiaanse sokkerspan tuisgaan, gebeur.
Me. Madeleine Kleinhaus (21), wat in die arm en been getref is, is
gister uit die Unitas-hospitaal in Centurion ontslaan.
Haar pa, mnr. Stefan Kleinhaus, het gesê hy gaan sy dogter “uit dié
Sodom en Gomorra” vat en saam met hom terug Pongola toe neem.
“Daar by ons is dit (’n skietery tydens ’n rooftog) ongehoord. Hier
skiet hulle die mense soos vlieë dood,” het mnr. Kleinhaus gesê.
Hy en sy vrou, Santa, het Maandagaand in Centurion aangekom om
onderdele te kom koop. Hulle het eergisteroggend omstreeks 11:00 saam
met hul dogter by die Eerste Nasionale Bank in Centurion gaan geld
trek. Op pad terug na haar huis in Lyttelton het hulle naby die
laagwaterbrug digby die Leriba Lodge langs die pad stilgehou by ’n man
wat tafels verkoop.
Mnr. Kleinhaus het uit sy voertuig geklim, terwyl Madeleine en haar ma
bly sit het.
“Twee mans het van voor af na die bakkie aangestap gekom,” het
Madeleine gesê. Haar pa het aan die agterkant van die bakkie gestaan.
“Toe ek hulle sien, het ek aan my ma gesê hier is nou moeilikheid.”
Madeleine en haar ma het die bakkie se deure gesluit. Een van die mans
het aan die bestuurderskant se deur geruk. Mnr. Kleinhaus het dit
gesien en nader geloop. Terwyl een van die mans ’n vuurwapen op hom
gerig het, het die ander een na Madeleine se kant geloop.
“Toe ek die vuurwapen (wat die man op haar gerig het) sien, het ek
afgebuk. Ek het weer opgekom. Dis toe wat hy my deur die venster
skiet.
“Hulle het na my ma toe gegaan en gevra: ‘Where is the bag, where is
the bag?’ Hulle het presies geweet wat hulle kom haal het. Ek het
gevoel hoe ek warm word en toe vir my pa-hulle gesê ek is geskiet en
dat hulle my moet help, want ek gaan doodgaan.”
Mnr. Kleinhaus het ’n verbygaande motoris voorgekeer wat Madeleine en
mev. Kleinhaus na die Unitas-hospitaal geneem het.
“Ons het niks verkeerds gedoen nie. Ons het openlik gery en langs die
pad stilgehou om iets te koop, toe word ek geskiet,” het Madeleine
gesê.
“Ná die voorval het ek net agtergekom ’n mens se lewe is nie in jou
eie hande nie.”
Me. Aveline Hardaker, polisiewoordvoerder, het die voorval bevestig.
’n 13-jarige meisie moes toekyk hoe ’n rower ’n vuurwapen teen haar pa
se nek druk en die sneller trek.
Sedert die huisrooftog Saterdagaand in Elarduspark, in die ooste van
Pretoria, kry Michanette van Straaten sielkundige behandeling.
Haar pa, mnr. Wally van Straaten (46), word in die Unitas-hospitaal in
Centurion behandel. Hy kan nie sy linkerarm beweeg nie en kan net ’n
vuis met sy linkerhand maak.
Dokters sal eers ná ses weke kan bepaal of die skade aan sy arm
blywend is. Twee van sy ribbes is ook gebreek.
Slegs drie selfone is gebuit.
Mnr. Van Straaten het gister vertel hy het omstreeks 23:00 in die bed
gaan klim terwyl sy vrou, Margie (43), kuiergaste afgesien het.
Hulle vermoed twee rowers het in dié tyd by die huis ingekom.
Een het ’n vuurwapen en die ander ’n skroewedraaier gehad.
Nadat mev. Van Straaten die mense afgesien het, het sy haar ma, mev.
Patsy Pieters (78), wat onlangs ’n rugoperasie gehad het, in haar
kamer gaan help.
“Ek weet nie wat gebeur het nie, want ek het geslaap,” het mnr. Van
Straaten gesê.
“Margie het my vertel die rowers het met ’n vuurwapen teen my
dogtertjie se keel by hulle in die kamer ingeloop. Dis nie mense wat
sulke goed doen nie.
Hulle kon haar mos aan die hare getrek of aan die skouer gevat het,
maar ’n vuurwapen teen die keel? Dit is barbaars.”
Die rowers het mev. Van Straaten gevra vir geld en waar die man van
die huis is.
Hulle is toe met haar en haar dogter na mnr. Van Straaten se kamer
waar hulle hom wakker gemaak het.
Die rowers het aan Michanette gesê om in die hoek te gaan staan.
“Ek het omgedraai, gekyk en toe weer teruggedraai,” het hy gesê.
“Toe ek terugdraai, besef ek daar is iemand anders (as mev. Van
Straaten) in ons kamer. Ek het opgespring en die een met die vuurwapen
gegryp. Hy het dit teen my keel gedruk en geskiet.
“Hulle het omgedraai en weggehardloop. Ek het hulle agternagesit, maar
Margie het my aan die arm gegryp en die kamerdeur toegemaak. My kind
het alles gesien.”
Mev. Van Straaten het ’n handdoek teen haar man se keel gedruk waarna
hulle na die Kloof-hospitaal gery het.
“Ek kan niks van die skietery onthou nie. Ek kan onthou ek het gaan
slaap.
“Die volgende wat ek onthou, is waar ek in die bakkie sit met ’n
handdoek teen my keel en Margie wat sê ek moet vashou. Dis toe wat my
arm lam geword het,” het hy gesê.
“Die ergste is dat hulle ’n vuurwapen teen my kind se keel gedruk
het.”
Mnr. Van Straaten is later na die Unitas-hospitaal oorgeplaas.
Me. Aveline Hardaker, polisiewoordvoerder, het bevestig ’n gewapende
rooftog word ondersoek.
Slagoffer van huisrooftog dink man is dood toe hy ophou kla
2010-06-09 23:17
Hilda Fourie
’n Afgetrede kolonel in die weermag se wangbeen is vergruis en sy
ribbes gebreek nadat hy en sy vrou in hul huis in Wierdapark,
Centurion, deur rowers aangerand, geskop en met messe gesteek is.
Die polisie was Saterdagoggend só vinnig op die toneel dat hulle ’n
man op heterdaad in kol. (afg.) Thys Eagar (78) en sy vrou, Barbara
(74) se kamer betrap het.
Slegs twee selfone en kol. Eagar se trouring, wat hulle van sy vinger
afgehaal het, is geroof.
Eagar, ’n voormalige senior offisier in die pantserkorps, en sy vrou
sal na verwagting vandag uit die Unitas-hospitaal in Centurion
ontslaan word.
Twee rowers het omstreeks 03:00 deur die dak van Eagars se huis in ’n
veiligheidskompleks geklim en deur die plafon bo die sitkamer
gebreek.
Die Eagars het nie die lawaai gehoor nie omdat hulle hardhorend is.
“Ek het wakker geword toe twee figure bo-op ons op ons bed val,” het
mev. Eagar gister, ’n dag ná haar 74ste verjaardag, vertel. “Een het
my dadelik getakel, terwyl die ander een hom (kol. Eagar) getakel
het.
“Ek het gegil... so hard gegil dat my buurvrou my blykbaar gehoor
het.
“Die worsteling en marteling het toe begin.”
Volgens mev. Eagar het een van die rowers ’n mes teen haar keel gedruk
waarna hulle haar van die bed afgegooi en haar hande en voete
vasgebind het.
Sy is ook verskeie kere met die mes gesteek en aangerand.
Kol. Eagar is ook van die bed af gegooi, geskop en geslaan.
“Ek het hulle in hul eie taal (Zoeloe) gevra of hulle kos of geld of
wat hulle wil hê,” het hy gesê.
“Al reaksie wat ek gekry het, was ’n hou teen die wangbeen met iets
blerrie hard.”
In die tussentyd het een van die rowers mev. Eagar aan die keel gegryp
en ook ’n kombers oor haar kop gegooi om haar verder te smoor. Kol.
Eagar is ook gewurg.
Hy het twee keer sy bewussyn verloor.
“Ek het begin roggel en net geweet nou gaan ek sterf,” het sy gesê.
“My man het opgehou kla. Ek het gedog hy is klaar dood.”
Ná ’n rukkie het mev. Eagar gehoor dit raak stil.
Die volgende oomblik het iemand haar begin losmaak. Toe sy haar oë
oopmaak, het sy in ’n polisieman se gesig vasgekyk.
Volgens mnr. André Eagar (50) het sy ouers se buurvrou wakker geword
van ’n geskree en gesien die ligte in sy ouers se huis is aan. Sy het
die polisie en ander bure in die kompleks gebel.
“Ek is net baie dankbaar ons leef,” het kol. Eagar gesê.
Kapt. Agnes Huma, polisiewoordvoerder, het gister gesê mnr. Siphiwe
Phakathi (21), wat in die Eagars se kamer gearresteer is, het Maandag
in die Pretoriase landdroshof op ’n aanklag van huisroof verskyn.
Hy sal in hegtenis bly tot en met sy volgende verskyning aanstaande
week.
Sowat tien mans in polisie-uniforms en met R5-aanvalsgewere en
dienswapens het die skuifdeur van ’n gesinshuis in Roodepoort gister
kort ná middernag oopgebreek en daarop aangedring om die huis deur te
soek.
Die huiseienaar, Marius Claassen (41), het op ’n lasbrief aangedring.
“Toe sê hulle net: ‘Oooeeeee... dis dan die verkeerde huis’ en ry
weg.”
Claassen, bestuurder van Ciao Baby Cucina, ’n restaurant in die
Clearwater-winkelsentrum, het gesê ’n lawaai buite sy huis in Florida
het hom kort ná middernag wakker geruk.
’n Swart Volkswagen-mikrobus en ’n sedan met sowat tien polisielede
het Claassen se erf op die hoek van Westlaan en The Highway bestorm.
“Hulle het aan die deur gehamer en geëis dat ek oopmaak.”
Terwyl Claassen die sleutel gesoek het, het die mans vermoedelik
ongeduldig geraak en “dalk gedink iets word weggesteek”. Die volgende
oomblik het hulle die skuifdeur se slot gebreek en die deur oopgeruk.
Hulle wou toe weet hoekom hy so lank neem om die deur oop te maak, het
Claassen vertel.
“Ek het verduidelik hulle weet mos in watter omstandighede ons in die
land leef... Sou ’n redelike man nie ook versigtig gewees het om oop
te maak nie?”
“’n Groot, vet man in siviele klere”, glo ’n bevelvoerder van ’n
intelligensie-eenheid, het toe gesê hulle is besig om na “kriminele te
soek” en het Claassen se adres in inligting ontvang.
Hulle wou volgens Claassen nie sê aan watter polisiekantoor hulle
verbonde is of hul range of name gee nie.
’n Polisie-identiteitskaart of twee is wel voor hom rondgeswaai, maar
hy kon nie in die donker sien of dit eg is nie.
“Hulle wou selfs weet of iemand bedags by die huis is. Wat het dit met
hulle te doen?
“Eers het die ‘offisier’ grappies gemaak oor hoe ek nie moet worrie
dat hul na my vrou se ‘golo’ (Zoeloe vir ’n vrou se geslagsdele) sal
kyk nie.”
Claassen se vrou, Michelle (39), het die polisie se noodnommer, 10111,
uit die slaapkamer gebel.
Hul kinders, Sabrina (12) en Joshua (7), was in hul kamers.
“Die polisie het nou nog nie opgedaag nie,” het Claassen gesê.
Toe die mans daarop aandring om die huis deur te soek, het Claassen op
’n lasbrief aangebring. Dis toe hulle blykbaar skielik besef het hulle
is by die verkeerde huis.
Volgens Claassen het geeneen van hul voertuie nommerplate opgehad
nie.
Sy dogter moes gister traumaberading kry weens die voorval.
Kapt. Lydia Mtila-Dikolomela, woordvoerder van die Florida-
polisiekantoor, het gister bevestig ’n noodoproep is kort ná middernag
van mev. Claassen ontvang.
“Volgens aantekeninge is die klag omstreeks 00:08 van 10111 na die
Florida-polisiekantoor verwys. ’n Polisiebeampte het teen 00:09 daarop
gereageer.”
Die beampte wat volgens polisie-inligting in reaksie op die klag na
die huis is, kon teen gistermiddag laat nie opgespoor word nie.
Die Florida-polisie het te kenne gegee dat ander eenhede soms in hul
polisiëringsgebied werk.
’n Rustenburgse man en sy gesin is verlede week landuit omdat hulle
vir hul veiligheid vrees nadat hy mnr. Julius Malema, die ANC-
jeugligaleier, weens volksmoord en misdade teen die mensdom by die
internasionale strafhof in Den Haag verkla het.
Die ANC-regering en nog hooggeplaastes word ook gepak, maar nie by die
naam genoem in die deel van die dokument waarin die klagte vervat is
en wat Beeld gister gesien het nie. Hulle sal wel later geïdentifiseer
word.
Die man wie se identiteit aan die hof in Den Haag, maar nog nie aan
die media bekend is nie, het uitgebreide boerderybelange, het mnr.
Fanie van der Walt, sy prokureur, gister gesê.
Hy sal volgens Van der Walt terugkom na Suid-Afrika en sy identiteit
bekend maak sodra die hof in Den Haag sy veiligheid kan waarborg.
Van der Walt het die beskuldigings gister skriftelik aan die hof in
Den Haag gestuur.
“Dié hof sal die klagte nou ondersoek en dan dalk ’n klagstaat met
strafregtelike aanklagte formuleer.”
Die Rustenburgse man steun in sy aantygings teen Malema en die ANC-
regering op die Rome-statuut wat die Verenigde Nasies (VN) opgestel en
in Julie 2002 in werking getree het.
Ingevolge daarvan kan selfs opsweping tot volksmoord as volksmoord
geklassifiseer word.
Malema en ander hooggeplaastes kom in die dokument wat gister na
Nederland gestuur is, onder skoot oor moord, marteling, seksuele
misdrywe en diskriminasie teen ’n spesifieke groep mense (Afrikaanse
boere).
Misdade teen die mensdom ingevolge internasionale reg sluit onder meer
in moord, verkragting, slawerny, onwettige deportasie, onregmatige
ontneming van persoonlike vryheid, marteling en gedwonge prostitusie.
Malema word in die dokument daarvan beskuldig dat hy weke aaneen in
die nasionale sowel as internasionale media gevra het boere moet
vermoor word deur die gewraakte woorde “Skiet die Boer” te sing.
Hy het sy volgelinge daardeur ook tot volksmoord teen Afrikaanse boere
aangehits, ondanks herhaalde versoeke en selfs ’n interdik om hom van
sulke uitsprake te weerhou, lui die dokument.
’n Rustenburgse man en sy gesin is verlede week landuit omdat hulle
vir hul veiligheid vrees nadat hy mnr. Julius Malema, die ANC-
jeugligaleier, weens volksmoord en misdade teen die mensdom by die
internasionale strafhof in Den Haag verkla het.
Die ANC-regering en nog hooggeplaastes word ook gepak, maar nie by die
naam genoem in die deel van die dokument waarin die klagte vervat is
en wat Beeld gister gesien het nie. Hulle sal wel later geïdentifiseer
word.
Die man wie se identiteit aan die hof in Den Haag, maar nog nie aan
die media bekend is nie, het uitgebreide boerderybelange, het mnr.
Fanie van der Walt, sy prokureur, gister gesê.
Hy sal volgens Van der Walt terugkom na Suid-Afrika en sy identiteit
bekend maak sodra die hof in Den Haag sy veiligheid kan waarborg.
Van der Walt het die beskuldigings gister skriftelik aan die hof in
Den Haag gestuur.
“Dié hof sal die klagte nou ondersoek en dan dalk ’n klagstaat met
strafregtelike aanklagte formuleer.”
Die Rustenburgse man steun in sy aantygings teen Malema en die ANC-
regering op die Rome-statuut wat die Verenigde Nasies (VN) opgestel en
in Julie 2002 in werking getree het.
Ingevolge daarvan kan selfs opsweping tot volksmoord as volksmoord
geklassifiseer word.
Malema en ander hooggeplaastes kom in die dokument wat gister na
Nederland gestuur is, onder skoot oor moord, marteling, seksuele
misdrywe en diskriminasie teen ’n spesifieke groep mense (Afrikaanse
boere).
Misdade teen die mensdom ingevolge internasionale reg sluit onder meer
in moord, verkragting, slawerny, onwettige deportasie, onregmatige
ontneming van persoonlike vryheid, marteling en gedwonge prostitusie.
Malema word in die dokument daarvan beskuldig dat hy weke aaneen in
die nasionale sowel as internasionale media gevra het boere moet
vermoor word deur die gewraakte woorde “Skiet die Boer” te sing.
Hy het sy volgelinge daardeur ook tot volksmoord teen Afrikaanse boere
aangehits, ondanks herhaalde versoeke en selfs ’n interdik om hom van
sulke uitsprake te weerhou, lui die dokument.
Supertaal
Blog
Soek
Hulp
Lede
Registreer
Teken aan
Tuis
RSS
