Ongeag van baie mense se gevoel, val Gloudina nog steeds onder 'n sekere
klas Afrikaners, soos beskryf in Rapport se brieweblad deur ene Dr PF
Erasmus:
Vir oorlewing saam met ander Suid-Afrikaners moet hulle dringend aan hulle
prioriteite werk.
Die nuwe Suid-Afrika het reeds gister begin en vandag bou die meeste
Suid-Afrikaners aan more, maar te veel blanke Afrikaanses het by eergister
vasgesteek.
Nie vir die sensitiewe siele nie!
******************************
Ronnie Belcher
Kamer
Jy't saggies die gordyne toegetrek,
en toe jy omdraai en jou kleed afgly
het ek die hand begerig uitgestrek
na sagte rondings van jou bors en dy.
Teen myne was jou liggaam diep, jong grond
wat oorgee aan die ploeg se geil insteek
en tussen ruigsels hare was jou mond
'n pruim wat in die somer soet oopbreek.
Seisoene het dié nag verbygegaan
van ek en jy en sterre wit gesaai,
en voordag het 'n vroeë hoenderhaan
êrens op 'n werf vergeefs gekraai.
Want tussen ons was geen besef, geen vrees,
was slegs dié in mekaar verlore wees.
Hier is 'n oulike site (alweer) hoe om te vloek in verskillende tale. Die
beste deel is natuurlik die Afrikaanse deel. Hulle kom goed reg totdat
hulle by Bitch kom. Gaan kyk maar 'n bietjie hoe't hulle dit gespel.
Ek doen bietjie navorsing, ek wil iets nuuts begin (op die Internet), maar
ek's nie seker wat nie. Daar's 'n groot mark vir Afrikaans, maar tog is die
Afrikaanse sites so beperk, en meestal vervelig (net roekeloos is vir my die
moeite werd). Ek wil iets nuuts en prettig begin. So, as julle wil kan
julle die vragies beantwoord, of julle kan my net ignoreer.
1. Wat sal jy graag op 'n Afrikaanse blad wil sien?
2. Waar dink jy kom die Internet te kort (in gevolge Afrikaans, of
Suid-Afrikaanse web sites)?
3. Dink jy die bladdens wat op die oomblik beskikbaar is verteenwoordig
alle Afrikaners?
4. Is daar nog 'n mark vir Afrikaans?
5. Wat van musiek? Word ons kunstenaars voldoende verteenwoording op die
Internet?
6. Flieks?
7. Word ons kultuur/geskiedenis voldoende en korrek uitgebeeld op die
beskikbare sites?
8. As jy enige site kan begin, wat sal dit wees?
Ek gee almal wat deelneem gratis toegang tot die site as dit uitdraai om 'n
betaal ding te wees. Andersins is julle prys die eenvoudige satisfaksie in
die wete dat julle my uitgehelp het :-)) Ek sal my bes doen om julle te gee
wat julle nodig het (op die site natuurlik), en ek belowe dat my werk van
die hoogste kwaliteit sal wees (ek sal tot 'n woordeboek gebruik!).
> FREE INTERNET ACCESS is coming back to South Africa.
>
> Unlimited access subject to registering your own domain
> with us and purchasing a 30Mb e-mailbox. Due to launch
> begining of August 2003.
Jy kan ook gratis inkopies by Pick-a-Pay doen. Dit is natuurlik onderworpe
daaraan dat jy 'n papier strokie by die kasregister koop vir 'n bedrag wat
toevallig dieselfde is as wat die inkopies onder ander omstandighede sou
gekos het. (BTW Incl) ;-)
KUNSKAFEE (153)
Sondag 22 Junie 2003
kykNet 19:30
Herhalings:
Maandag 23 Junie om 15:00
Dinsdag 24 Junie om 10:00
KUNSKAFEE is 'n kunsjoernaalprogram wat alle kunsvorme so wil reflekteer dat
dit vir Jan Alleman toeganklik sal wees - sonder om die fynproewer teleur te
stel. Van teater tot beeldhouwerk; argitektuur tot landskapkuns; klassieke
musiek tot pottebakkery; ballet tot moderne dans; skilderkuns tot
straatkuns; letterkunde tot strokiesprente; rekenaarkuns tot die Internet;
fotografie tot spotprentkuns.
KUNSKAFEE word nie vanuit 'n ateljee uitgesaai nie. Die stel is verskillende
en uiteenlopende plekke - 'n teater, uitstalling, 'n besondere stuk
argitektuur, 'n galery en so meer.
Die program bestaan nie net uit insiggewende profiele oor kunstenaars en
besondere kunsgebeurtenisse dwarsoor Suid-Afrika nie. Daar is ook 'n
weeklikse kringloop waarin daar om die beurt 'n draai gemaak word by
verhoogproduksies, uitstallings, CD-bekendstellings en uitvoerings in die
Wes-Kaap en Gauteng.
Alhoewel "Kunskafee" op M-Net se Afrikaanse TV-kanaal kykNET uitgesaai word,
is die program tweetalig (Afrikaans en Engels). Dit reflekteer die ryk
tapisserie van plaaslike sowel as internasionale kunstenaars wat ons land
besoek.
Ankeraanbieder: Susan Booyens
Boekerubriek: Hettie Scholtz
Veldaanbieders: Dawn Matthews, Pieter Koen en Melt Sieberhagen.
* Hierdie week maak Kunskafee 'n draai by die High Street Galery in die
eksklusiewe Melrose Arch in Johannesburg. Dié galery het 'n jaar gelede
begin handel dryf en sowat 5 kunstenaars stal permanent daar uit. Die
permanente uitstalling word ook gereeld met werke van ander beeldhouers,
skilders en keramiekkunstenaars aangevul.
* Die Suid-Afrikaanse kunstenaar Clifford Charles is hierdie jaar genooi om
by die Biennale in Venesië uit te stal. Hy probeer met sy werk om weg te
beweeg van die post-apartheid sentimente wat vir baie kunstenaars 'n gewilde
tema geword het. Melt Sieberhagen het in Troyeville met hom gaan kennis
maak.
* In die Wes-Kaap gesels Susan Booyens met die immergroen Sarah Theron oor
haar nuwe vertoning "Suiwer Sarah" by die High Street Teater. Sy ontmoet ook
die fotograaf Chris Ledochowski, wat ook hierdie jaar in Venesië uitstal.
* Hettie Scholtz se weeklikse boekerubriek word hierdie week aan die lewens
van 'n paar bekende musici gewy. Sy kyk na die interessante verband tussen
hulle skeppende vermoëns en die kreatiwiteit van skrywers.
Ja wat, 'n grap is 'n grap maar om iemand in die gesig te vat en daaroor te
lag vir 'n prestasie wat jy jouself nie kan vermag is 'n "Low-Blow".
Dieselde geld vir jou Jonas, alles is nie gekoppel aan ras of kleur nie maar
is jy sulke dubbel k senter a grappies maak dan koppel jouself aan ras en
kleur.
Die presidensie het besluit om die senior lede se vlote op te gradeer. Self
senior polisiemanne gaan nou die duurste BMW's op die mark kry.
Die ouens wat op stoele sit en gesels kry die vinnige motors, en die manne
wat die skelms in hul vinnige motors moet jaag en vang, moet voortsukkel met
voertuie wat soms nie eers padwaardig is nie, en met 'n
maksimumenjinkapasteit van 1.4l.
Daar is nie geld vir vinniger voertuie en die behoorlike herstel van die
huidige vloot van die polisie nie.
Supertaal
Blog
Soek
Hulp
Lede
Registreer
Teken aan
Tuis
RSS
