Colin Bouwer Jr. het skuld beken op die moord van sy vrou.
Hy sal later die week of vroeg volgende week gevonnis word.
Sy ma het 2 jaar tronkstraf gekry weens regsverydeling toe sy sy daad
probeer toesmeer het.
Sy pa sit in NZ in die tronk vir moord van sy tweede vrou.
Hulle almal word as hoogs intelligente mense beskryf en onthou.
Die nuwe Pendoring advertensies oor die radio geniet ek vreeslik - veral
wanneer hulle die Afrikaanse volksliedjie in Engels met 'n Franse aksent
sing.
Die Legendasie Wall Street bellegger, Bernard Baruch, het al sy aandele
verkoop voor die "ineenstorting" van '29 nadat hy raad ontvang het van 'n
skoenskoonmaker.
Daar is meer as 'n 1000 verskillende soorte chemikalieë in een koppie
koffie.
Shakespeare het onder andere die woorde "well-behaved, never-ending,
anchovies, manager, zany, eyeball en bedroom" uigevind.
Bill Gates was net 31 toe hy 'n biljoenêr geword het.
Die woord karate beteken "leë hand".
-----------------------------------------
Dit sluit dan die week se nuttelose inligting af :-))
Ek het op 'n goeie (ernstige useless web site) afgekom waar jy enige akteur
of aktrise se naam kan intik en hulle sal in 6 stappe of minder vir jou kan
wys hoe daai akteur aan Arnold Schwarzengger verbind is. Gaan kyk gerus, ek
het van die onmoontlikste akteurs se name ingesit, en hulle het nog steeds
by ou Arnie uitgekom - gewoonlik in so min as 3 stappe. Kom ons kyk wie kan
die sisteempie uitoorlê. Onthou nou SA akteurs tel nie!
In die Rapport Sondag was daar 'n artikel oor al die Afrikaanse organisasies
wat glo veg vir die behoud van die Afrikaanse taal en kultuur.
Almal, behalwe die ATKV, is besig om 'n stille dood te sterf, en Praag en
G63 is glo hoofsaaklik afhanklik van die kuberruimte.
Selfs die Afrikaanse Akedemie vir Wetenskap en Kuns is besig om te verskiet
na hulle blapsvolle Wetenskapsolimpiadevraestel.
Die FAK bestaan nog net in naam, en ons het juis Saterdag gepraat dat daar
nie meer 'n toekoms is vir 'n organisasie soos die VLV nie. Verskeie takke
is besig om saam te smelt omdat die ledetal per tak te min raak.
Die ATKV bemoei hulle nie uitsluitlik met die behoud van die taal en kultuur
nie, maar spits hulle eerder toe op die uitbreiding daarvan dmv projekte
waaraan enige persoon kan deelneem. Die lede betaal elk R32 per maand, en
dit sorg natuurlik dat die vereniging 'n vaste bron van inkomste het.
Supertaal
Blog
Soek
Hulp
Lede
Registreer
Teken aan
Tuis
RSS
