Solank jy net Leeuloop; Sa, 03 November 2018 14:57
Robbie Wessels se Leeuloop het nou al volksbesit geword. Sy rukkerige dansiepassies, gewoonlik in 'n spandex-nommertjie wat 'n paar groottes te klein is, het die hele land aan die gons gehad. Die liedjie vertel die verhaal van 'n besoek aan 'n kroeg in Parys in die Vrystaat. Tydens die besoek word daar (vermoedelik na 'n paar drankies) pronkerig soos 'n leeu geloop en gebrul. Hierdie snit is op Wessels se tweede album, Halley se Komeet, beskikbaar en is in 2006 as Huisgenoot se Liedjie van die Jaar aangewys. In 2007 is dit in die rolprent Poena is Koning gebruik. Vodacom het dit ook vir 'n reklameveldtog ingespan en die advertensie is gereeld tydens rugbywedstryde op TV uitgesaai. 'n Variasie van die lied is as temalied vir die 2013-rolprent 100 meter Leeuloop gebruik.
Leeuloop
Tennisballe, krieketballe, snoekerballe as jy wil.
Tennisballe, krieketballe, snoekerballe as jy wil.
Daar is 'n lelike ding wat kopwys, in Parys.
Iets heeltemal anders as 'n bike race of 'n kopluis of by bachelor parties muis wys.
Op 'n barstoel by 'n braai, sit 'n ou en eet sy slaai.
Asseblief my lief se ja!
Kan ek Leeuloop?
Die ouens het mooi gevra.
Nou as jy weet wat die Leeuloop is, en jy weet waar die leeu moet rus.
Maak jou broek en jou belt los geleidelik, die Leeuloop is baie verleidelik.
En ek gaan hom nou stap vir stap verduidelik.
Knyp, twee balle vas tussen jou bene.
Met jou hande en jou knieë op die stene, trek af jou broek en brul.
As jy wil.
Solank jy net Leeuloop.
Tennisballe, krieketballe, snoekerballe as jy wil.
Tennisballe, krieketballe, snoekerballe as jy wil.
My boetie Brollocks wou die Leeuloop uitraai, by 'n spitbraai.
Ek staan eenkant en ek kou aan 'n garage pie.
Toe ek omdraai, staan die SABC daar en wil dit uitsaai.
Nou hy't geweet wat die Leeuloop is, en hy't geweet die leeu moet rus.
Hy maak sy broek en sy belt los geleidelik.
Hy weet die Leeuloop is baie verleidelik.
Op SABC 2 het hy hom stap vir stap verduidelik.
Hy knyp twee balle vas tussen sy bene.
Met sy hande en jou knieë op die stene, hy trek af sy broek en brul.
Want hy wil.
Hy weet hy moet Leeuloop.
Tennisballe, krieketballe, snoekerballe as jy wil.
Tennisballe, krieketballe, snoekerballe as jy wil.
Knyp, twee balle vas tussen jou bene.
Met jou hande en jou knieë op die stene, trek af jou broek en brul.
As jy wil.
Knyp, twee balle vas tussen jou bene.
Met jou hande en jou knieë op die stene, trek af jou broek en brul.
As jy wil.
Solank jy net Leeuloop.
Solank jy net Leeuloop.
Solank jy net Leeuloop.
Solank jy net Leeuloop.
CNN-omroeper Don Lemon verklaar Maandag dat die grootste terrorismebedreiging in die VSA wit mans is en skimp dat 'n reisverbod op wit mans, soortgelyk aan Donald Trump se reisverbod op terroriste, ingestel moet word.
'n Suidwes Visvangstorie; Sa, 27 Oktober 2018 09:30
Pa het nie sommer kwaad geword nie. Nou meen ek soos om te gat loop en 'n anner man se lyn afsny, oorlat hy oor pa se lyn gegooi het en nou wil reken die vis wat uitgekom het is syne. En pa was nie groot nie, ôk nie 'n fieta nie, ma reken net fietas baklei, maar daai dag het hy kans gesien vir 'n groot kalant. Gelukkig kon ons die lyne losgemaak kry en kon pa darem bewys dis sy vis daai.
Dit was weer een van daardie dae, die kabeljou het geloop. Maar dit was 'n annerster loop daai dag. Ons het noord gegaan tot annerkant myl 92. En ons was gereed om enige tipe vis te vang. Daar was tjokka, witmossel, pilchards, lagoonwurms wat pa by 'n maat gekry het, selfs 'n klomp swartmossels en dit ôk maar net oorlat pa die vorige dag 'n galjoen met een gevang het. Heel alleen staan ons daar, geen ander hengelaars in sig nie. Die see is mooi skoon en rustig, virgin water noem ma dit. En soos dit enige hengelaar groep betaam begin elkeen van ons met 'n anner aas aan die hoek. Ek deps die witmossel, Morris vat tjokka, Rens pilchards, Ma lagoonwurms, en Pa... natuurlik 'n swartmossel. En ek kry sommer vinnig byt en vang hom, 'n mooi groot kaaljou. Toe ek die tweede een vang en niemand anners kry eers byt nie, word daar ingekatrol en almal probeer witmossel, en dit werk, want toe vang almal een, en daarna weer. Dis 'n blessitse kieskeurige klomp visse die sê ma en ons vang fluks. Maar gou raak die witmossel op. Gelukkig was die uwe 'n kampioen met mossels grawe, wens eintlik eerder dat hy 'n kampioen met die meisies kon wees soos boet Jan, en ek gaat grawe nog uit.
Nou, om 'n mossel te grawe is daar 'n paar maniere wat jy kan gebruik. Jy kan so op die laagwater merk met jou hak trap en as hy daar is maak hy 'n gaatjie of hy piepie sommer ôk somtyds. Dan grawe jy maar net so bietjie en jy het hom. As dit hoogwater is moet jy maar staan en jive tot jy hom hier onner jou voete voel en dan so uithaal. My manier was egter die heel maklikste. Die bakkies ry mos nou gewoonlik daar by die laagwatermerk oorlat die sand lekker hard is daar. So al wat ek doen is loop en hou mooi dop waar het die mossels gaatjies gemaak langs die spore en dan haal ek hom so uit, sonner sukkel.
En dis nou eintlik daar waar pa se kwaad begin het daai dag, want wyl ons vang toe kom die klomp Valies daar aan met hulle grênde 4x4. Sommer so op die strand langs en hulle sien die kabeljou loop, en hulle stop net daar langs ons. En hulle is raserig en gooi in. Nie lyne nie... Coke en Klippies. Sulke goed maak vir pa onrustig maar darem nog nie kwaad nie. Maar toe hulle beginte lyne ingooi en die een Valie sy lyn oor pa s'n gat staat gooi en toe boonop reken maar dis sy vis toe die lyne gekoek uitkom, toe is pa kwaad, wil sommer lyne afsny. Ma verduidelik toe maar mooi aan die man dat dit tog nie sy vis kan wees nie, want die hoek het nog 'n stuk van die mossel aan, en die vis byt vandag net aan mossel. Hy verduidelik terug op 'n minder mooi manier dat dit mos nou sommer 'n str*nt storie is, en daar moes toe maar gewag word totdat die lyne losgekoek is. Pa straal toe sommer toe die lyn aan die hoek - in die vis se bek - aan sy visstok behoort. Str*nt storie se gat hoor ek ma vermakerig sê en wonner of hierie dag sonner voorval gat verloop.
Blyk toe dat die Valies nie 'n enkele witmossel besit nie, net pilchards. Hulle probeer elke denkbare manier, maar die kaaljou byt net aan die mossel. Elke af en toe moet ek laat los waar ek sit en vis skoonmaak om eers weer te gat mossels uithaal. Nou is dit natuurlik baie makliker want die Valies se spore lê net reg. En die gaatjies blom sommer. So loop ek en haal hulle uit. So uit die kant van my oog sien ek die valies beginte dophou wat ek doen, want hulle het tot nou toe nog g'n enkele vis gevang nie en pa-hulle trek hulle een na die ander uit. En ek was reg vir hulle. Toe hulle kom vra hoe weet ek waar om te grawe, verduidelik ek dat mens net jou se twee hande so saam moet slaan, amper soos wanner jy wil gebed opsê. Dan sit jy jou se twee wysvingers vorentoe, lat jou hanne nou amper soos 'n rollie lyk. En dan loop jy maar net, as die mossel daar is sal jou wysvingers onnertoe beur, net soos dit gebeur met die waterwyser stokke. En ek demonstreer vir hulle. Ek loop so met die hanne en waar ek sien 'n gaatjie blom, lat gat ek die hanne en siedaar daar haal ek 'n mossel uit. Ek sê hulle natuurlik niks van die gaatjie nie. Hulle beginte toe hanne saamslaan en loop, lyk kompleet asof hulle mekaar hênsop, maar die hanne wil nie onnertoe beur nie, net myne doen.
En ek dink pa het sommer die kwaadgeit gevergeet, want hy en ma het so lekker gelag vir die valies wat so al op die spore rondloop en mekaar hênsop.
Wat dit was wat die Valies lat oppak het weet ek nie, ma-hulle wat so lekker gelag het, of die vis wat nie aan hulle pilchards wou byt nie of dalk het hulle besef dat 'n jong laaitie hulle nou lekker vir die fool gehou het.
Die storie het by Jakkalsputz se storte die rondte gedoen van 'n jong outjie wat wragtag kon mossels uitwys soos anner mense waterwys.
Baie mense stroom deesdae TV-sepies en rolprente oor die internet vanaf 'n inhoudverskaffer soos NetFlix, Hulu en Amazon Prime. Ongelukkig bied nie een van hierdie maatskappye Afrikaanse programme nie. Mens wil tog so af en toe iets in jou eie taal ook kyk. Dit behoefte daarna is selfs groter in die buiteland, waar talle Afrikaners nie toegang tot DStv en die SAUK se gebrekkige Afrikaanse programme (soos 7de Laan) het nie. So, wat is die oplossing?
JouAfrikaans
JouAfrikaans (JA) is 'n platform vir Afrikaanse filmmakers om hulle films, reekse, dokumentêre, kortfilms en ander vermaaklikheidsidees te wys. Hulle pryse is billik en die katalogus redelik omvattend. Sluit aan by https://www.jouafrikaans.co.za/
ShowMax:
ShowMax het 'n aansienlike hoeveelheid internasionale en plaaslike inhoud, insluitend talle Afrikaanse programme wat op hulle platform beskikbaar is. 'n Lys van hul Afrikaanse programme is beskikbaar by https://www.showmax.com/eng/browse?audio_language=afr
RoepTV
RoepTV is 'n Afrikaanse Christelike aanlyn of digitale TV-kanaal. Besoek hulle by https://roeptv.com/
Snotkop se "Cool Soos Koos Kombuis" is al bykans 5 miljoen keer op YouTube gespeel. Meer as 10 000 mense het die video gelaaik. Dit is glad nie sleg vir 'n Afrikaanse nommertjie nie. Daarom is dit ook die moete werd om dit te deel en te kyk as jy nog nie daarby uitgekom het nie:
Die son daal in glorie; basuine
Steek op in die hemel van kleur
En knetter oor rotse en duine,
Wat die troos van sy taptoe verbeur;
Die klowe word pers en die hange,
Die bergtoppe bloos in hul' prag;
Die wind blus die gloed en maak gange
Van groen en smarag.
Maar gee my 'n dag op die Hoëveld,
Waar 'n wilkerboom druip oor 'n voor,
Waar die rooi vesels spoel in die water
En die vinkneste wiegel daaroor.
Ek wil douspore trap op die kweekvlak,
Ek wil groen sien en skoon asemhaal;
Ek is sat van die dal van Giloam,
Waar net knoetsige boom'graamtes praal.
*Taptoe verwys na die "aandsinjaal" (laaste taptoe) wat op 'n trompet uitbasuin word. Dit word o.a. by begrafnisse gespeel.
*Wilkerboom, waarskynlik die Safsaf-wilger of Fluitjieswilger (Salix mucronata), die enigste inheemse wilgerboom in Suider-Afrika.
*Die Dal van Giloam moet een of ander droë en dorre plek wees (dit klink amper Bybels).
Supertaal
Blog
Soek
Hulp
Lede
Registreer
Teken aan
Tuis
RSS
