You have been added to list afri...@unseen.aztec.co.za.
The system has recorded your address as
soc.culture.south...@magus.dgsys.com
and in order for your messages to get posted (if the list accepts postings),
you will have to send them from this address, unless the list does not require
subscription for posting.
If a message is ever rejected, please contact the list's owner: p...@aztec.co.za
For information on this service and how to use it, send the following
request in the body of a mail message to lists...@unseen.aztec.co.za:
HELP
All requests should be addressed to lists...@unseen.aztec.co.za.
Die Afrikaanse poslys is 'n informele forum vir die bespreking in
Afrikaans van die taal, die kultuur, die geskiedenis en die toekoms van
Afrikaans. Besprekings is nie beperk tot Afrikaans of tot in Afrikaans
nie, maar daar moet tog gepoog word om nie te ver daarvan te dwaal nie.
Die lys word ge-administrateur deur Johan Ferreira. Enige probleme of
vrae kan gestuur word aan fe...@beldin.sun.ac.za.
Sou 'n posstuk, wat die poslys aan jou pos, bons, sal jy van die lys
verwyder word. Geen vrae sal gevra word nie en geen waarskuwings word
gegee nie.
Wat is Afrikanerskap?
Charles Durand se die "Afrikaner se nasieskap is op 'n einde,
vrinne." Vir my te pessimisties.
Christo van der Merwe se "burgerskap het niks met Afrikaner-
skap te doen nie." Meer in my kraal.
Vir my sentreer Afrikanerskap definitief op die bestaan van die
taal Afrikaans : 'n geweldige soepel taal. Ek wonder somtyds
of die soepelheid tot 'n groot mate gekom het toe die bruin mense
van die westelike dele van die land begin het om die taal van die
wittes te praat. Dit is daarom dat David Kramer so reg in die
Afrikaner se siel kan inpraat. Hy ken die resep. Daar is dinge waar-
oor gepraat moet word, en net mense soos Kramer en Boerneef
ken die kortpad na die hart.
Vandag begin ek 'n DAVD KRAMER fan club hier op die
nuusgroep. ( Hoe se 'n mens "fan club" in Afrikaans?)
Koos het vir ons vertel een van sy oumas was Afrikaans.
Wat weet ons nog van hom? Waar en wanneer is hy gebore.
Het hy 'n gewone fan-klub? Is daar 'n Kramer kuber- fan
club?
Ek wil hoor wat almal se gunsteling Langenhoven spreuke/gedigte is. Ek
het al 'n paar mooies gesien - meestal op die "tekening" van 'n pos.
Hier is 'n paar wat ek nog nie gesien het nie.
Waar is die waarheid. Ja, waar is hy, dis waar. Maar, waar is hy?
En ook:
Dis die smorende vuur wat swaarkry
En tog nie die kos kan gaarkry.
En die vrolike vlam wat klap en krak,
Dis hy wat sy taak tot vermaaklikheid maak,
En sy swaarkry met lekkerkry klaarkry.
Nog my hele lewe lank is ek deurmekaar oor die
kwessie van Feminisme. Vir my staan enige vrou wat
haar 'n feminis noem, 'n soort apartheid van die
geslagte voor, wat vir my dan minder as 'n man laat
voel, en nie sy gelyke nie. Enige gedagtes oor hierdie
saak? Wat gebeur in Suid-Afrika deesdae op hierdie
front?
My redes is op.Misdaad is genoeg rede om my hier weg te kry,al is ek
maar net 23.Die internet gee my geleenthede vir werk in ander lande
wat my n beter toekoms bied.Sukkel om al die kultuur veranderings te
aanvaar.
Ek skryf as iemand wat (tot my spyt) bitter min van Afrikaanse
letterkunde weet, omdat Engelse letterkunde altyd vir my meer
toeganklik was. In die afgelope paar jaar het ek 'n hele paar van die
twee genoemde skrywers se werke probeer lees. Die probleem is om verby
die eerste paar bladsye te kom. Noem my oppervlakkig, maar ek kon nog
glad nie die punt in meeste boeke van die twee here sien nie.
"Sewe dae by die Silbersteins" van Le Roux is ontsettend bisar, en, na
omtrent die 4e partytjie kon ek dit nie meer vat nie. Die punt was
verlore op my.
So kan ek aangaan. Die enigste wat ek wel geniet het was "`n Droë wit
seisoen", wat briljant geskryf is, veral die gedeelte waar Ben met die
kolonel in die veiligheidspolisie gaan gesels.
Kan enigiemand vir my nuwe lig werp op Afrikaanse letterkunde ? Daar
is briljante skrywers, maar hoe moet 'n mens hulle verstaan ?
Die "Gallery Page" se volgende uitstalling is nou gereed op die Internet.
Hierdie keer wys die Gallery onder andere werke van die jong kunstenaars
Anton Karstel en Minnette Vari.
Die uitstalling "The Way West" is tans by die
Newtown Gallery in Johannesburg te besigtig.
********************
"Ananzi: The South African Search Engine"
het onlangs die "Gallery Page" genoem as een van die beste
kuns-sites tans aktief op die Suid-Afrikaanse WWW.
Hopelik sal die nuwe uitstalling die help om die site verder te verbeter.
********************
En terwyl ek besig is met reklame:
Vir inligting oor kanker in die algemeen, maar veral borskanker
in Australia, sien: http://www.nbcc.org.au/
Dis nou die laaste vyf maande voor die Amerikaanse verkiesing
in November. Vir ons in Kanada is die Amerikaanse verkiesing
altyd van belang omdat ons ekonomie so nou verbind is met
hulle s'n. Daar is ook vaagweg ideologiese bande: Die Konser-
watiewe Party in Kanada (wat nie so lank gelede 'n magtige
party was, maar nou bestaan uit twee Lede in die Parlement) is
in gees verwant aan die Republikeine. Die Liberale Party wat
nou in Kanada aan bewind is, het ideologiese bande met die
Demokratiese Party.
Op die oomblik lyk dit of die Republikeine se kanse nie te
goed is nie. Alles kan natuurlik verander as Colin Powell
besluit om as Dole se vise-president op te tree.
Ek is nie soseer geinteresseerd wie die volgende President
van die V.S.A. is nie. Vir my is die hele demokratiese proses
in die V.S.A. mooi om te aanskou. En vir my vereis daardie
proses dat daar twee sterk partye is waartussen die mense sal
kan kies : wil hulle die volgende vier jaar stadig oor die klippe
gaan, of wil hulle meer liberaal en vrydenkend wees?
Om daardie pendulum te laat swaai, verkies 'n mens dat daar
net twee groot partye moet wees. Kleiner derde partye maak die
keuse troebel. Dis daarom dat ek bly is dat dit lyk of daar nou in
Suid-Afrika ook net twee groot partye uiteindelik gaan oorbly.
Ek nooi mense uit om hulle eie gedagtes oor hierdie dinge met
ons op die nuusgroep te deel.
Ek het hierdie nuuwsgroep vandaag gevind. Wat leuk, ek wilde n.l. gra Afrikaans
leer, en alles oor Afrikaners. Wij word hier in ons land (Nederland) nogal eenzijdig
voorgelicht oor julle. Toevallig was ek vorige maand 'n paar dae vir mijn
werk in Suid-Afrika en maakte kennis met dat wat die koerante hier niet vertel.
En nu die nieuwsgroep, wat een geklaag! Julle lijk wel Hollanders! Julle
mag best wel een beetjie trots sij op jeself hoor! Lande die helemaal self
'n uraniumverrijkingstegnologie, bijbehorende fabriek, 'n eigen helikopter,
en 'n oliefabriek (Sasol) ontwikkel omdat hulle geboykot word, vind die
maar eens! Nederland het twintig jaar terug ook te lijd van 'n olieboykot,
maar ons regering voerde motorlose sondae in.
Nu lig daar 'n uitdaging die niet gemakkelijk is met julle nuwe situasie.
Maar julle kun 'n voorbeeld zijn vir die rest van die wereld. Overal, ook
bij ons, speelt die probleem van blank naast zwart. Alleen hier mag je er nie
oor praat nie, want dan is jij meteen een rassist. In julle land moet julle
Afrikaners die ekonomiese wa trek. Succes en baie veel geluk!
(Ekskuus voor mij slegt Afrikaans, dir is die eerste keer dat ek in hierdie
taal probeer te skrijf.)
Supertaal
Blog
Soek
Hulp
Lede
Registreer
Teken aan
Tuis
RSS
