Die behoud van die taal hang nie net van die Afrikaner af nie. As jy
jouself en ander 'n guns wil doen, leer 'n Afrikataal aan. Ek is besig om
Tswana te leer en glo my, as jy met iemand se hart wil praat, praat met
hom/haar in sy/haar moedertaal. Ek gevind dat tot die Mopedi's en Noord-
Sotho's meer toegeeflikker is teenoor mens, al praat jy Tswana.
Sodoende sal ons respek win van ander Suid-Afrikaners en sal hulle weer
Afrikaans begin praat.
'n Bewys hiervan: Radio Seshego in Pietersburg het volgens 'n berig
in Beeld die een dag sommer Afrikaans begin praat. Hulle beplan om
Afrikaans ook deel van die stasiebeleid te maak.
Matthews Phosa het 'n Afrikaanse digbundel, Deur die oog van die naald
gepubliseer.
Tokio Sexwale het met die idee van Punt Op Mediumgolf(Afrikaanse
Praatradio) gese dat dit tyd geword het dat ons 'n bietjie in Gauteng weer
Afrikaans praat.
> Ek dink dat die Neo-Nazibeweging in Duitsland meer is as 'n ontkenning is
> van die geskiedenis - dit word 'n viering van iets wat boos is.
Ek reken dat hierdie verskynsel ook gedurende apartheid voorgekom het. 'n
> idee/stelsel wat vol menslike gebreke was, maar wat minder gebreke gehad
> het as _enige_ van die alternatiewe wat in daardie stadium beskikbaar was,
>> iz...@igs.net (Bouwer) writes: >
>>>
>>> DELWER
>>> E.W.S. Hamond
>>>
>>> My pa was 'n delwer
>>> in die klipgramadoelas
>>> op soek na die blouwitsteen.
>>>
>>> Ek is sy seun,
>>> soekend na my geluk,
>>> en uit die woordwoesteny
>>> uit my kleim gelig,
>>> blink jy, my ongeslypte
>>> klip-gedig.
>>>
>>>
>>>
>>> (gepos deur gloudina bouwer)
>>>
>... die waansinnige gebalk van die Gloudinas..ontbloot
> vir wat dit is - waansin.
Leendert,
Ek is natuurlik gevlei deur die enorme klomp
aandag en energie wat jy op my uitstort. Maar ek
is bekommer dat die heel goeie dinge wat jy soms
sê, nie ernstig opgeneem sal word nie deur mense
wat nou al moeg is vir jou neurotiese fassinering
met my. En as jy dit nie self kan sien nie, kry dan
professionele hulp. Daar is iets in my bestaan en
wat ek sê, wat jou bedreig laat voel. Hoekom voel
jy bedreig?
Ek hou daarvan wanneer jy sê dat Afrikaanse
kinders 'n intensiewe kennis van die geskiedenis
moet kry, nie "gesuiwerde" vaderlandsgeskiedenis
of gesuiwerde strugglegeskiedenis nie. Maar as jy
dan oorgaan om in dieselfde asem te sê dat die
apartheidsregime "minder gebreke gehad het as enige
van die alternatiewe wat in daardie stadium beskikbaar
was" en " 'n swart regering in Suid-Afrika voor die
val van die USSR sou 'n veel erger alternatief wees as
die regering wat ons wel gehad het" dan wonder ek nou
of jou kinders nie maar weer "gesuiwerde" geskiedenis
opgedis gaan word nie. Onthou, kinders is slim. Eendag
kyk een van jou kinders in jou oë en vertel jou om op te
hou nonsens praat. As daar met simpatie en eerlikheid
aandag gegee is aan die nederige aanvanklike versoeke
van die ANC selfs nog voor 1948, en as die bevolking
van SA nie die dwase stap gedoen het om 'n sekere
faksie van die Nasionale Party die teuels te gegee het nie,
dan het SA in die tweede deel van die twintigste eeu heel-
waarskynlik ontwikkel in 'n staat waar alle groepe se regte
gerespekteer was en waar hulle vredevol saam kon leef.
Dan was dit nie nodig om in SA 'n "swart" regering te
gehad het nie. Dit is tog vir almal duidelik dat die domheid
van die Apartheidsera direk verantwoordelik is vir die sg.
"swart" oorname van die regering. (Terloops, as ek die baie
Afrikaanse name onder die sleutel-ministers van die regering
sien, dan wonder ek tog of 'n mens dit 'n "swart" regering
kan noem?)
Julle praat so oor wat 'n mens jou kinders moet leer
sodat hulle nie skaam vir hulle agtergrond hoef te wees nie.
Julle dink jul probleem is uniek. Weet julle hoe dit gevoel
het as jou kind na jou toe kom en vra wat in SA aangaan,
wanneer hulle op TV die soldate in die strate van Soweto sien
skiet. Wat vertel jy jou kind as hulle tuiskom met allerhande
dinge wat hulle maats te sê het. Alleen deur vir hulle te vertel
van die geskiedenis van die Afrikaner (van die begin van die
Hollandse kolonisasie, die vernederlandsing van die Franse
Hugenote, die verowerings van die Engelse, tot by die moedige
veg van Afrikaners soos Bram Fischer en Beyers Naude en
ander teen apartheid) kan jy vir hulle trots maak dat hulle
Afrikanerbloed in hulle het. En ja, Leendert, ek het vir hulle
ten alle tye daarop gewys dat dinge in Noord-Amerika nie
veel beter is nie. En as hulle ingekom het en vir hulself
"wit" genoem het, dan het ek gereeld vir hulle daarop gewys
dat hulle nie wit is nie, maar pienk met bruin kolletjies.
die pad tussen vereeniging en johannesburg se naam was eers die sybrand
van niekerk snelweg, maar nou is dit net 'n nommer.
die pad meyerton toe.
ek neem eers die verkeerde afrit. die een wat na susan se sussie se huis
in die voorstede van plat meyerton toe loop. die huis waar haar man haar
gedonner het.
die regte afrit is die een wat by samancor uitkom. samancor wat steeds
donkerbruin wolke giftige gasse die vaal lug inspuug.
die stof in meyerton is nog dieselfde kleur. als is bedek met 'n lagie
geel winterpoeier. als is winterdood. niks groei in meyerton in die
winter nie. die hoogste gebou in die dorp het nog steeds net drie
verdiepings.
daar is meer karre op die paaie as wat ek onthou. die hoofstraat is
besiger. daar is vyf padtekens in die hoofstraat wat jou vertel hoe om by
die lisensiekantore uit te kom.
voor die lisensiekantore sê die verkeersman vir my: nee meneer, jy is
nou heeltemal verkeerd. motorlisensies word betaal by die gebou agter die
toetsgronde. ry tot by die stopstraat, draai regs, verby die skool en dan
links.
hoerskool df malan. die skool die verste van alles in die wereld af.
ek spoor die toetsgronde op. waar ek destyds getoets is. ek het die
padgebruikerstoets geslaag maar ek het meyerton gedruip.
drie minute voor drie stap ek by die _motor_ lisensiekantoor in.
dis groter as wat ek onthou.
daar is twee rye. een vir hondelisensies en een vir motorregistrasies.
ek luister na die gesprek in die hondelisensiery.
sy kon mos nooit weer regkom na haar man se dood nie tannie, sê die man
met die kakiehemp vir die vrou met die kapsel.
my beurt.
ons neem, sê die man agter die glasgordyn, ongelukkig nie tjeks
afkomstig vanaf buite die vaaldriehoek nie.
ek praat my beste engels, ek sit my mooiste smile op.
hy neem my tjek.
plus boete vir agterstallige betaling.
********
-------------------==== Posted via Deja News ====----------------------- http://www.dejanews.com/ Search, Read, Post to Usenet
>
> Nou het ons 'n demokrasie wat met getalle werk. Die Provinsie
> Noord Kaap (Kakamas le ook daarin) het die grootste oppervlak,
> die minste inwoners, die kleinste begroting, die laagste
> persentasie swartmense (Bantoes), die kleinste persentasie
> Engelsprekendes, ensovoorts. Tog is sy regering oorlaai met
> swartes (selfs die premier Dipico is een) en alles amptelik word
> in Engels voorgehou. Wat vir 'n demokrasie!
>
> Wit seuns leef vandag in die Nuwe Suid Afrika (net soos in ander
> Afrikastate noord van die NSA) met die wete dat hulle nooit die
> president van die NSA sal kan word nie. Getalle en velkleur tel.
> teen hulle. Hulle weet dat hulle dit nie eers sal kan fantaseer nie.
>
> Ek sou graag jou kommentaar op hierdie twee sake wil hoor.
At, jy verwag nou van my om verkiesings-analis te
wees ses duisend myl verwyderd van die Noordkaap.
Hier is dus net 'n paar gedagtes vir jou om aan te
dink: Die verkiesing was tog 'n ope proses. Elkeen
wat gestem het, het geweet vir wie hy stem en watter
etniese agtergrond hy gehad het. As daar na die ver-
kiesing nou 'n onbalans van swart lede in die regering
van die provinsie is, wie se skuld is dit? Tog seker net
die skuld van die mense wat gestem het! (Dis wel waar
dat as ek die ANC was, ek daar kandidate sou probeer
werf het wat nie swart was nie.) Ek hoop dat jy met jou
klagte oor die oorwegende aantal swartes in die Noord-
Kaap, nie probeer sê dat daar met die verkiesingsproses
geheul is nie. Dit sou 'n ernstige aantyging wees.
Oor die gebruik van Engels in die Provinsiale Regering.
Wat stel jy voor? In Namibië het hul selfs besluit om net
Engels as enigste offisiële taal te gebruik om dinge makliker
te maak. Ek was so ontroerd toe ek lees dat een van Swapo
se leiers voor die oorgang sy kinders in 'n Afrikaans-medium
skool gesit het, sodat hulle maats kon hê in die trauma van
skielik in Engels te moet klasloop. (Daar was nou 'n prag-
matiese man.) Selfs een van my swaers, 'n oortuigde NP lid,
het kort voor die verkiesing gesê hy dink daar moet net een
offisiële taal wees.Toe ek vra watter een, toe sê hy: Engels.
Hier in Kanada is daar onmiddellike vertaling in die banke
van die Parlement aangebring, elkeen praat Engels of Frans
en die mense wat nie albei tale kan verstaan nie, sit oorfone
aan. Ek wens iemand wil eendag opstaan en in Algonquin
praat sodat ek die uitdrukkings op die mense se gesigte kan
sien.
Oor of 'n wit seuntjie kan fantaseer oor president van SA
te kan word. Daar is niks wat so 'n seuntjie verhoed in die
grondwet van SA nie, dank die Vader. Ek persoonlik sal egter
geen trane stort as 'n wit seuntjie vir die volgende drie-honderd
jaar nie weer president van SA gaan word nie. Wit seuntjies
het hulle kans gehad. Dink daaraan: kon wit dogtertjies met
enige mate van realisme hoop om regeringshoof van SA te word
in al die eeue wat die essensieel patriargale kultuur uit Europa
die subkontinent gedomineer het? Wit seuntjies moet nou ophou
dink hulle is God's gift to the universe en ander mense ook kans
gee.
Jy betreur die rassisme van die hedendaagse Suid-Afrika.
Ek is egter nie so pessismisties oor die toekoms nie. Ons het
wel die wit-rassisme van die apartheidsjare gehad, nou gevolg
deur 'n sekere mate van swart-rassisme in reaksie daarteen.Maar
oor 'n paar dekades is dinge miskien heeltemal anders. Ek het
vertroue in die menslikheid en regverdigheid van die mense van
Suid-Afrika.
Vanoggend wakker geword om na rugbywedstryd te kyk.
Windstil.
Nie eers koud nie.
Geen verkeer.
Net die geraas van die voëls buite in die bome.
Ek was nie op 'n plaas nie.
Ek was in Kaapstad.
Snaaks, dit was wat ek altyd die eerste gemis het wanneer ek
oorsee gereis het. Mens het nooit die voëls gehoor nie.
-
ann...@fast.co.za
Rooiwyn liefhebber ( en ly vandag na gisteraand)
.
Annette sluit af in artikel
...
> ann...@fast.co.za
> Rooiwyn liefhebber ( en ly vandag na gisteraand)
Liewe Anette,
Eens op 'n tyd, 20 jaar gelede, was ek ook 'n rooiwyn
drinker.
Toe kry ek kongokoors. Gelukkig was ek die een uit
25 mense wat dit oorleef het.
Kongokoors is soos bosluiskoors, maar net veel erger.
Tydens die hoogtepunt van die koors het bloed uit my
ore, neus en o"e geloop, sowel as my uriene en otlasting.
Dit neem 30 dae langer as bosluiskoors om van kongokoors
gesond te word.
In elk geval, die eerste rooi wyn wat ek toe na die aanval
drink, het my laat dink dat my kororner gaan spring. Die pyn
aan die likerkant van my bolyf en arm was oor weldigend.
Na toetse bepaal die doketer toe dat dit gewone jig is.
'n Jaar later probeer ek toe weer rooiwyn. Was beide my voete
nie pynlik nie.
Nou los ek die rooiwyn uit. Ek vermy ook kosse uit die
Solanaceae (tabak) familie soos tamaties, aartappels en
eiervrug. Hulle maak net soos rooiwyn (osbloed)..
Supertaal
Blog
Soek
Hulp
Lede
Registreer
Teken aan
Tuis
RSS
