ANC het dié boer se dood veroorsaak’
2010-03-13 10:32
Marietie Louw-Carstens, Beeld.
Agri SA gee ANC-politici die skuld vir nóg ’n plaasmoord in Limpopo
gisteroggend.
Jan Wheeler (65) is in die vroeë oggendure op ’n plaas sowat 10km
buite Marble Hall vermoor waar hy as ’n bestuurder gewerk het. Hy is
met ’n skerp voorwerp gesteek en verskeie kere geskiet.
Die moord kom drie dae nadat Julius Malema, president van die ANC-
jeugliga, tydens ’n studentesaamtrek by die Universiteit van
Johannesburg gesing het: “Skiet die Boere, hulle is verkragters.”
Dr. Theo de Jager, visepresident van Agri SA, het gesê: “Die ANC kan
nie vra vir moord op boere en dan omdraai en sê hulle het niks daarmee
te doen nie.”
Volgens hom veroorsaak uitsprake soos Malema s’n plaasmoorde. “Dit het
destyds begin by Peter Mokaba en sy ‘kill the Boer, kill the farmer’.
Dit kan nie so aangaan nie, daar sal ’n duidelike streep in die
samelewing getrek moet word oor dié uitsprake. Die ANC kan nie vra vir
nog plaasmoorde nie.”
Marie Helm, streekbestuurder van TLU SA-Noord, het gesê Malema het met
die sing van die liedjie gewys hy en die ANC het geen respek vir lewe
nie. “Hulle skep daardeur ’n klimaat vir volksmoord en dit is vir
hulle aanvaarbaar.”
Helen Zille, DA-leier, het gesê pres. Jacob Zuma se weiering om
homself van die liedjie “Kill the Boers, they are rapists” te
distansieer, suggereer dat hy sy “goedkeuring gee om mede-Suid-
Afrikaners dood te maak”, berig Sapa.
Wheeler is die vyfde mens wat binne drie weke op plase in Limpopo
vermoor is.
Volgens Paul Jacobson het van die plaaswerkers glo inligting gekry dat
daar ’n aanval op Wheeler, sy oom, gaan wees. Hulle het die eienaar
van die plaas waarop Wheeler gebly het daarvan ingelig.
Die eienaar het die polisie daaroor gebel. Jacobson het gesê die
veiligheidshek by die agterdeur van sy oom se huis is oopgebreek.
Wheeler is in die hoofslaapkamer oorval.
Hy was alleen tuis, want sy vrou, Lorraine, is in die Groblersdal-
hospitaal met ’n gebreekte been.
Supt. Ronel Otto, provinsiale polisiewoordvoerder, het gesê Wheeler is
eers met ’n skerp voorwerp gesteek, waarna hy verskeie kere geskiet
is.
Jacobson het gesê ’n ketel, mikrogolfoond, elektriese braaier,
stoompot en twee DVD-spelers is uit die huis gesteel. Die aanvallers
het in Wheeler se vragmotor gevlug.
Otto het gesê die polisie sal ondersoek instel na die wenk wat glo oor
die aanval deurgegee is.
’n Spesiale span polisielede is volgens haar saamgestel om Wheeler se
moordenaars vas te trek.
Teen druktyd is niemand nog in hegtenis geneem nie
Dokter vermink kind se geslagsdeel
2010-03-08 10:10
Wat ‘n wat ’n eenvoudige prosedure in ’n staats-hospitaal moes wees,
het ‘n kleuter die helfte van sy penis gekos.
Marco van Vuuren, 5, se ma Hester het vier maande terug haar seun
hospital toe geneem om besny te word. Maar iets het daardie dag in die
staatshospitaal op Vryheid verskriklik skeefgeloop.
Van wat eens die normale geslagsdeel van ’n vyfjarige seuntjie was,
bly net ’n stompie oor. En ná maande van pynlike prosedures en
doktersondersoeke lê die moeilikste bult nou voor: om vir ’n seuntjie
te moet verduidelik hy sal nooit heeltemal soos ander seuns en jong
mans wees nie.
Die Kubaanse dokter moes net ’n klein snit maak en haar kleuter besny,
het Hester aan Huisgenoot vertel. Maar toe gebruik hy stikstof, en hy
verbrand Marco se penis so verskriklik dat die hele kop doodgegaan en
vyf weke later letterlik afgeval het.
Kaapstad. – Wit landsburgers wat hul dienstegeld weens swak
dienslewering weerhou, kan hulle regmaak vir “oorlog”.
As gesprekke met die nasionale belastingbetalersunie (NBU) wat vir
volgende maand beplan word, misluk, gaan die regering wanbetalers hof
toe sleep.
So het mnr. Sicelo Shiceka, minister van koöperatiewe regering, gister
tydens ’n ministeriële inligtingsessie gewaarsku.
Hulle “ondermyn” munisipaliteite, het Shiceka gesê en gewaarsku sy
departement sal hom tot die hof wend as die voorgenome samesprekings
met die NBU nie vrugte afwerp nie.
“Ons het uitgevind daar is meer as 280 organisasies – ongelukkig almal
wit – wat ’n parallelle regering vorm deur die geld wat
munisipaliteite toekom, in ’n trust te betaal. Dit ondermyn
munisipaliteite se vermoë om dienste te lewer,” het Shiceka gesê.
Volgens hom moet gegriefde inwoners eerder met die regering praat.
“Kom ons tree in gesprek oor die slaggate en die gebrek aan
dienslewering.”
Inwoners van sowat 300 dorpe oor die land heen weerhou hul belasting
en dienstegeld onder leiding van die NBU. Dié geld word in
afsonderlike rekenings betaal en gebruik om dienste op eie houtjie reg
te ruk.
Die minister het aan Beeld gesê hy gaan in April met die NBU
vergader.
“Vir nou stem hulle deur hul geld (te weerhou). Maar wat hulle doen,
is onwettig. Dis hoekom ons eers wil praat.
“As dit misluk, sal ons regstappe doen. Ek het my departement klaar
opdrag gegee om die moontlikhede te ondersoek.”
Mnr. Jaap Kelder, voorsitter van die NBU, het by navraag ontken hul
optrede is onwettig.
Hy het gesê in al die dorpe waar belastingbetalers geld weerhou, is
daar vooraf eers ’n dispuut met die munisipaliteit verklaar.
Volgens hom het Shiceka nog nie ’n afspraak met die NBU gemaak nie.
“Uiteraard sal ons met die minister vergader, maar hy moet sy
munisipale bestuurders saambring. Een ding moet hy wéét: Dit gaan nie
net by praat ophou nie, ons wil aksie sien.”
Shiceka het gister toegegee net behoorlike dienslewering sal inwoners
oortuig om weer hul dienstegeld te betaal. Volgens hom wil die
regering juis wit gemeenskappe betrek, “want hulle het die vaardighede
en die hulpbronne” om ’n verskil te maak.
Shiceka sal vandag, wanneer hy met LUR’s vergader, ’n strategie
voorhou om gewelddadige protesoptogte te beperk.
Nóg 3 bejaardes in huise vermoor in vlaag van aanvalle
2010-02-21 22:37
Fanie van Rooyen
Die vlaag van moorde op bejaardes het die naweek voortgeduur toe nog
drie mense by hul huise in onderskeidelik Mokopane, Limpopo en
Eldoraigne, Centurion, vermoor is.
Mnr. en mev. Jozua (70) en Esmé Booysen (54) is Vrydag deur rowers
buite hul huis op ’n mynperseel in Mokopane ingewag en met klippe
doodgegooi.
Die tuinwerker van mnr. Jerzy (George) Kanienski (60), ’n ingenieur
wat oorspronklik van Pole kom, het eergisteroggend omstreeks 07:00 op
Kanienski se bebloede lyk afgekom waar dit in ’n gang in sy huis in
Eldoraigne gelê het.
Kanienski se hande was met kabelbinders vasgebind en daar was
steekwonde aan sy liggaam.
Dit volg nadat ses bejaardes reeds sedert begin vanjaar in Pretoria
vermoor is.
Kapt. Louise Reed, polisiewoordvoerder, het gesê Kanienski is
waarskynlik Vrydag laatmiddag reeds deur ’n onbekende aantal rowers
vermoor.
Die rowers het met slegs ’n kamera en twee handwapens van Kanienski
gevlug.
“Dis verskriklik, ek weet nie eers wat om te sê nie,” het ’n bedroefde
me. Johanna Fidos, ’n niggie van Kanienski en sy enigste familie in
die land, gister gesê.
“Ek verstaan nie hoe jy iemand vir niks kan doodmaak nie. Is ’n kamera
en twee pistole werklik iemand se lewe werd?”
Fidos het Donderdag laas met Kanienski gepraat en hulle sou eergister
ontmoet het om te kuier.
“Ek het uitgesien om hom te sien, maar toe bel ’n vriend van hom wat
deur die polisie gekontak is my om my van sy dood in te lig,” het sy
gesê.
“Dit is ’n absolute skok.”
Kanienski, wat by die departement van waterwese gewerk het, woon al
meer as 25 jaar in Suid-Afrika. Hy is jare gelede geskei en het geen
kinders gehad nie.
Supt. Ronel Otto, polisiewoordvoerder in Limpopo, het gister gesê die
Booysen-egpaar het Vrydag gaan inkopies doen en is by hul terugkeer by
hul huis deur vermoedelik twee rowers oorval.
“Twee van die egpaar se werkers is vroeër die dag deur die rowers
oorval en in die huis vasgebind,” het Otto gesê.
“By hul aankoms by hul huis is die egpaar toe ook deur die rowers
oorval en met klippe doodgegooi.”
Die rowers het volgens haar verskeie vuurwapens uit die Booysen-egpaar
se huis gebuit en in mnr. Booysen se Mercedes-Benz van die toneel
gevlug.
Die egpaar se werkers kon hulself loswikkel en het hulle na ’n
nabygeleë polisiekantoor gehaas om die voorval aan te meld.
Die polisie het kort daarna die Booysen-egpaar se lyke by hul huis
gekry.
Mnr. Booysen se uitgebrande motor is later sowat 20 km van die
moordtoneel deur die polisie gekry.
Niemand is nog in verband met dié moorde aangekeer nie.
Die moordenaars van ’n bejaarde vrou van Northmead, Benoni, was teen
gister nog op vrye voete.
Mev. Alice Botha (75) is in die gang van haar huis dood weens ’n hou
teen die kop.
Haar man, Jack, (ook 75) word in die hoësorgeenheid van die Unie-
hospitaal in Alberton behandel waar sy toestand gister nog as
bedenklik bestempel is.
’n Onbekende aantal mense het die egpaar Vrydagnag in hul huis in
Negende Laan oorval, het konst. Ron Nchali, polisiewoordvoerder,
gesê.
Die egpaar se dogter, mev. Antoinette Jannecke, het op hulle afgekom
toe sy en haar vriend, mnr. José Vieira, van ’n fliek by die huis
gekom het.
Vieira het gesê toe hulle omstreeks 23:00 by die huis kom, was die
garagedeur oop en was daar bloed op die deur se handvatsel.
“Dit was alles vreemd. Antoinette is eerste by die huis in en het haar
pa op die vloer in die kombuis gekry.”
’n Vreemde man het uit een van die vertrekke kombuis toe gekom om by
die huis uit te gaan, het Vieira gesê.
“Hy het ’n baie welkome houding gehad, asof hy die volste reg het om
in die huis te wees.”
’n Struweling het buite die huis tussen Vieira en die vreemdeling
ontstaan, maar die vreemdeling het hom glo nie teëgesit nie.
“Antoinette het intussen histeries begin gil en ek het besef sy is
alleen in die huis. Ek het toe net ingehol en hy het weggekom.”
In die gang na die slaapkamer het mev. Botha se lyk gelê.
Konst. Godin Nyathi, polisiewoordvoerder, het gesê dit is nog nie
bekend wat alles gesteel is nie, maar ’n plastieksak met selfone en
juwele is in die tuin opgetel.
land of the incompetent and thieves: if you can avoid and absorb it
stop contracting for organs of state. Disinvesting is the only answer
as the newly added planning departments now even want to partially
nationalize pension funds of employees thinking that it is their
moeny ... they are looking for citizens' resources to pay for blunders
such as these. All the failed socialist and communist policies tested
over a century ago, are repeated by far more clue-less ministers and
officials.Impossible
==============================================
(artikel)
Gautrain: Govt faces R10bn lawsuit
Mar 07 2010 13:49
Antoinette Slabbert
Pretoria - A claim of more than R10bn against the Gauteng government
is seemingly in the offing for "delays and disruptions" to Gautrain
building operations.
This is according to Jeremy Cronin, Deputy Minister of Transport,
following remarks by Brian Bruce, chief executive of Murray & Roberts.
Murray & Roberts is part of the Bombela consortium, which is building
and will operate the Gautrain system.
If the claim succeeds, Gauteng's taxpayers will have to foot the
bill.
If it does not, shareholders in Murray & Roberts and French group
Bouygues, together with the other shareholders in Bombela, would have
to bear the additional costs that the contractors have incurred.
For the six months to December 31 Murray & Roberts deferred R230m's
operating profit from the Gautrain project in light of this possible
claim.
The fact that the project, according to Bouygues, is proceeding
haltingly is evident from a reference in the group's annual results
last week to the "negative impact of the Gautrain project" on the
construction subsidiary's operating profit.
But how has the claim arisen? Bruce says the Gauteng government handed
over the building sites late and in a completely different sequence
from that agreed upon.
In such a complex project this can totally upset a contractor's
planning and involve additional expense.
This seemingly left the contractor with entirely too little time for
investigations into soil conditions in dolomitic and sinkhole-ridden
Centurion.
The assignment of risk for this dolomite is one of the other points of
contention. Jack van der Merwe, chief executive of the Gautrain, from
the outset said that it would be for Bombela's account, but Bruce
simply smiles at this.
Bruce also announced that Bombela had concluded an agreement with the
Gauteng government to accelerate by a couple of weeks a temporary,
scaled-down version of the first phase of the train system - the link
between Sandton and the OR Tambo Airport - so that it would be
completed before the World Cup soccer tournament kicked off.
Bombela would apparently have borne the associated cost, and then
later tried to recoup it as part of the claim.
Airport link
Van der Merwe and Bombela technical director Errol Braithwaite said
that the agreement had not been ratified yet, although negotiations
were well advanced.
In January the Gauteng government rejected an earlier offer from
Bombela to accelerate the airport link.
This would have cost the province an additional R1.3bn, but the real
thorn in the flesh was that it would be linked to referral of the
claim to the dispute-settlement procedure provided in the Gautrain
contract.
According to Cronin this would mean that claims for billions would be
determined through arbitration in the space of 20 days.
Even if it were tested later in court, the determination would become
effective in the interim.
Cronin says the procedure is aimed at quickly resolving small disputes
so that the project can proceed.
Frequently the procedure is to divide the amount in dispute. If a
claim of R10bn were to be divided in this way, government would have
to pony up R5bn that it does not have.
Cronin says the difficulty was that the province would have to borrow
it and burden the project with a great deal of debt.
This would also put the sustainability of the project in the balance
at the operating phase.
The contractors, who will largely walk away from the project after the
construction phase, could delay the subsequent court case
indefinitely, while holding on to a stack of money.
According to Cronin, the province is insisting that the claim goes to
court, where complex technical and financial information can be
thoroughly examined.
Meanwhile, time is running out to reach a substantive agreement about
the acceleration of the airport link.
The Gauteng government is, however, determined not to be blackmailed
and is reportedly making interim arrangements for bus transport should
the train not be ready in time.
- Sake24.com
For more business news in Afrikaans, go to Sake24.com
(Swart polisie slaan toe op swart tradisionele 'dokter')
Polisie slaan toe op tradisionele ‘dokters’
2010-03-05 21:02
Johannesburg – Verskeie ledemate van bedreigde dierespesies is in
Gauteng gekonfiskeer tydens ‘n klopjag deur die polisie hierdie week,
het ‘n woordvoerder gesê.
Die ledemate ter waarde van R500 000 is opgespoor tydens ‘n operasie
wat spesifiek gefokus het op tradisionele geneeshere, het snr. supt.
Noxolo Kweza gesê.
Die Suid-Afrikaanse polisiediens (SAPD), Interpol, verskeie
natuurbewaringsorganisasies en ander instansies het aan die operasie
deelgeneem.
Luiperd-, renoster-, leeu-, krokodil-, olifant-, luislang- en
wildehondvelle is gevind. Verskeie luiperd- en krokodil-koppe is ook
opgespoor.
Die polisie het ook verskeie medikasie gevind wat nie deur die Suid-
Afrikaanse Buro vir Standaarde (SABS) goedgekeur is nie en wat
vermoedelik onwettig in die land ingevoer is.
‘n Chinese vrou is in Cyrildene in hegtenis geneem omdat sy onwettige
aborsies by ‘n tradisionele kliniek uitgevoer het.
Twee verdagtes, van Suid-Afrika en Ghana onderskeidelik, het in
Pretoria boetes ontvang omdat hulle in besit was van verskeie diere se
ledemate.
Zuma mors miljoene met Zambië uitstappie
2010-03-06 09:39
Liesl Peyper
Kaapstad - Altesaam 76 staatsamptenare het pres. Jacob Zuma en sy
tweede vrou, mev. Nompumelelo (MaNtuli) Zuma, verlede jaar op ’n
driedaagse besoek aan Zambië vergesel.
Dít blyk uit ’n antwoord op ’n parlementêre vraag van Kenneth Mubu, DA-
woordvoerder oor internasionale betrekkinge.
Ses ministers, twee adjunkministers en “amptenare van verskeie
staatsdepartemente” was deel van die afvaardiging wat Zambië van 7 tot
9 Desember besoek het.
Nie minder nie as 27 amptenare het uitsluitlik vir Zuma en sy vrou se
gerief saamgereis.
Dit sluit in vyf beamptes wat met protokol gemoeid was, vier mediese
personeellede, drie persoonlike sekretarisse en twee “persoonlike
helpers” vir die presidentspaar.
Die besoek – wat die belastingbetaler R1,6 miljoen uit die sak gejaag
het (vlugkoste uitgesluit omdat die syfers nog nie beskikbaar is nie)
– was daarop gemik om “politieke, ekonomiese en maatskaplike
samewerking” tussen Suid-Afrika en Zambië te bevorder.
Mubu het gister by navraag aan Die Burger gesê dit is ’n “absolute
verkwisting” van belastingbetalersgeld – veral as in ag geneem word
dat geen noemenswaardige ooreenkomste uit die besoek gespruit het nie.
Volgens die presidensie is twee samewerkingsooreenkomste en vier
memorandums van verstandhouding onderteken.
Mubu meen die voordele van die besoek is nie naastenby genoeg nie –
veral omdat memorandums nie bindend is nie.
“Alles aan die besoek was oordadig – die geld wat bestee is en die
klomp mense wat saamgereis het. Ek kry die indruk die president wou
maar net sy ou makkers in Zambië gaan besoek.”
Goduka Europe, wat “gaan huis toe, Europa” in Xhosa beteken, “Go
away”, “Hamba” en “Futstek” [sic] is onder meer op die standbeeld (van
koningin Victoria) gespuitverf.
Werner Hills en Helga van Staaden
Port Elizabeth - Die standbeeld van koningin Victoria voor die
Sentraal-biblioteek is geskend in ’n klaarblyklike teenreaksie op die
vyandige ontvangs van pres. Jacob Zuma in Brittanje.
Die pragtige marmerbeeld het nou “bloed” wat uit haar borste en buik
loop en swartgeverfde oë waar dit oorkant die markplein staan. Die
plein is ’n bekende toeriste-aantreklikheid.
Graffiti in talle van die amptelike landstale laat geen onduidelikheid
nie dat dié meer as honderd jaar oue Baaise baken gevandaliseer is uit
weerwraak oor die Britse aanvalle op Zuma. Hy is selfs as ’n “barbaar”
uitgemaak.
Goduka Europe, wat “gaan huis toe, Europa” in Xhosa beteken, “Go
away”, “Hamba” en “Futstek” [sic] is onder meer op die standbeeld
gespuitverf. Geskokte verbygangers kon gisteroggend skaars glo wat
hulle sien.
“Ons moet onsself afvra hoekom die mense hierdie ding gedoen het,” het
Siya Mapinda gesê. “Ek dink dit is oor die negatiewe berig-gewing oor
Zuma. Maar dít is nie reg nie, daar is beter maniere om te
protesteer.”
Johan Goosen meen die mense wat dit gedoen het, moet gehang word,
“want dit is ’n belangrike deel van ons geskiedenis. En wat sal die
internasionale besoekers dink wat met die 2010-sokker hiernatoe kom?”
Vir Robert Burton stuur dit weer die sinistere boodskap uit dat
toeriste nie eintlik welkom is in die land nie.
Die standbeeld was vroeër in die nuus toe Mike Xego, voormalige ANC-
leier van die Nelson Mandelabaai-metrostreek, sy haat teenoor
kolonialisme uitgespreek het.
“Ek haat koloniale name en sou sélf koningin Victoria se standbeeld
voor die stadsbiblioteek in die middestad verwyder as ek kon.
“Die koningin (Victoria) se hande is vol bloed,” het Xego gesê.
Die Burger kom Xego nie gister in die hande kry om te hoor of hy nog
dieselfde voel nie.
Ernest Devasconcellos wou weet waar die sekerheidsdienste was wat die
gebied moes beveilig. “Sedert die munisipaliteit Omega-
sekerheidsdienste in Sentraal weggeneem het, raak die wetteloosheid al
hoe erger.”
’n Uiters ontstelde Jeremy Davis, DA-raadslid in die gebied, het gesê
die sekerheid in die gebied sal daadwerklik opgeskerp moet word.
Manuel de Castro, eenmalige burgemeester van Walvisbaai, het in
afgryse na die geskende beeld gestaar en gesê: “As dít die manier is
hoe Suid-Afrikaners gaan optree oor die negatiewe publisiteit oor
Zuma, gaan dit net verhoudings tussen Suid-Afrika en Brittanje
versuur.”
Kupido Baron, munisipale woordvoerder, het gesê die voorval is by die
polisie aangemeld. Baie goeie bewysstukke wat by die standbeeld gevind
is, asook die veiligheidskameras se opnames sal help met die
ondersoek.
Anton Momberg, ’n beeldhouer wat 15 jaar gelede deur die
munisipaliteit gehuur is om die standbeeld van koningin Victoria te
restoureer, het gesê daar sal eers navorsing gedoen moet word om die
regte skoonmaakmiddels te kry om die beeld mee skoon te maak sodat dit
nie in die prosesbeskadig word nie.
Supertaal
Blog
Soek
Hulp
Lede
Registreer
Teken aan
Tuis
RSS
