" oorlog 1 " deur PIET van ROOYEN
Wo., 23 Julie 2003 16:53
Piet van Rooyen
oorlog 1
halfronde koppietjie streep soldaatjies ses
doringdraad slote masjiengeweernes
in 'n boom op die vlak sit 'n kwêvoël en lag
op die halfronde koppietjie lê soldaatjies en wag
Kain slaan vir Abel dood oor die rook van sy offer
die kopral draai die son in sy sint kristoffer
onthou my met liefde my arme seun
met die pes in sy pens lê 'n slaaitjie en steun
Prosa & poësie |
0 kommentare
Alles vergewe
Wo., 23 Julie 2003 13:08
Na 'n tydjie van onverantwoordelike optrede, wat 'n laagtepunt bereik het
met 'n nag van oordrewe drinkery en bakleiery, is Lucas van Biljon alles
vergewe sodat hy in die Springbokspan kan speel.
Dit nadat Natal tugstappe teen hom ingestel het.
Lucas sê hy sal nie weer so stout wees nie .
Annette
Koeitjies & kalfies |
2 kommentare
Recce op KYKNet
Wo., 23 Julie 2003 10:25
Baie interessante program gewees dié.....natuurlik net vir die wat die
militêre kan waardeer. Opvallend was die opmerking van die een bydraer wat
gesê het dat hulle soldate is en dat hulle verantwoordelikheid teenoor SA is
en dit maak eintlik nie saak wie die regering van die dag is nie.
Koeitjies & kalfies |
1 kommentaar
Absa die teiken?
Wo., 23 Julie 2003 09:09
Met die voorbladartikel in Noseweek, en die naweek se internetbedrog wat by
Absa voorgekom het, begin mens te wonder of ons nie 'n ge-orkestreerde
bedryfsjaloesie-aanval mee te doen het nie?
Dit is ook nogal opvallend dat in die afgelope twee weke in die media waar
witboordjiemisdaad oor verslag gedoen word, al die oortreders Afrikaanse
name en vanne het.
Van piramide skemas, onwettige betogers, "beleggingskenners" tot pedofiele
Is die Engels sprekendes hier ter lande eintlik engeltjies in 'n aardse
hemel?
Annette
Ekonomie & geldsake |
0 kommentare
" meisie 2 " deur PIET van ROOYEN
Wo., 23 Julie 2003 02:07
Piet van Rooyen
meisie 2
my meisie sit met haar voete in die water
en haar kop in die blare
sy is koel
want sy sit in die skaduwee
en haar rokkie is lig.
sy het druiwe op haar skoot
en sy korrel dit een vir een.
my meisie is mooi,
koel soos druiwe met haar voete in die water.
Prosa & poësie |
5 kommentare
Mandela se verjaarsdag
Di., 22 Julie 2003 16:14
Terwyl ek so na die feesvieringe rondom Mandela kyk besef ek eensklaps dat
dit omtrent al is wat oorgebly het van die post-verandering euphoria. Dit is
nou alles in Mandela gesentreer. En dit is baie jammer - want daar is/was
baie noemenswaardige rolspelers.
Mandela het voorwaar 'n uitmuntende rol gespeel om vreedsame verandering
teweeg te bring. Maar ek voel tans dat hy te veel eer vir homself inpalm.
Koeitjies & kalfies |
5 kommentare
Uitvindings
Di., 22 Julie 2003 12:00
Is daar enige onlangse uitvindings waaraan julle kan dink wat die ou op
straat se lewe revolusionêr verander het? Ek wonder sommer maar net want
mens hoor alewig dat die tempo waarteen nuwe uitvindings gemaak word versnel
met die verloop van tyd.
Daar is waarskynlik baie nuwe uitvindings waarvan mens nie bewus is nie -
veral in die mediese/biologiese wetenskappe - want dit is nie baie opvallend
vir die normale verbruiker nie... of is dit? Dalk aanvaar ek te veel dinge
as vanselfsprekend...
Koeitjies & kalfies |
14 kommentare
Fw Weet Niks
Di., 22 Julie 2003 11:32
FW de Klerk wil nie gaan getuig by die bomplanters se verhoor nie.
Mens moet hom bewonder dat hy nie die belastingbetaler se geld wil mors net
om aan die hof in Gauteng te gaan vertel hy weet niks nie.
Annette
Koeitjies & kalfies |
4 kommentare
Supertaal
Blog
Soek
Hulp
Lede
Registreer
Teken aan
Tuis
RSS
