Gistermiddag kyk ek vir die eerste keer in 'n lang tyd na Oprah - en die
program gaan oor jong kinders wat in Sierra Leone en Uganda deur
rebellegroepe ontvoer word en dan gemartel word, en in die geval van die
dogters, verkrag word.
Nadat 'n vreeslike spraaksame Amerikaanse joernalis gepraat het, en daarna
nog 'n Amerikaner wat veral in Sierra Leone werk om die ontvoerde kinders
met hul families te herening, en ook Oprah, word daar toe twee gaste na die
verhoog genooi.
Die eerste 'n dame van Sierra Leone wat 'n skool het waar die dogters ( 70%
van hulle met kinders agv die verkragtings) wat deur hule families en
gemeenskappe verwerp is, kan skoolgaan en selfs ambagte aanleer.
Die tweede is 'n moeder van Uganda wie se dogter saam met al haar maats uit
'n katolieke skoolkoshuis ontvoer is.
Die moeder het begin om die getraumatiseerde families saam te snoer en uit
te praat teen die rebelle - en die rebelleleier het haar toe die aanbod
gemaak dat sy haar dogter kan terugkry as sy ophou praat. Sy het dit
geweier, en haar dogter is nog steeds 'n gevangene.Die moeder sal nie ophou
voordat nie al die kinders vrygelaat is nie.
Nou, behalwe vir die eerste dame se oorhoopse tradisionele drag van helse
groot moue, skerp kleure en kragies en valletjies, en die tweede een se
matriaaloordrewe gevoude en geknoopte kopstuk, het hierdie twee dames op die
wyse waarop hulle met stille waardigheid opgetree het, en die goed
geartikuleerde antwoorde in goeie Engels, kop en skouers uitgestaan bo die
ander deelnemers op die verhoog.
Annette
groot Klaas Filemon
het sy baasperd
Gabriël Sankatana Everest
een Sondagmiddag opgesaal
met sy kraakleersaal
en die kunsleertoom oor sy neus getrek
tot siens vrou
sorg goed vir die kallers Moses
ensovoorts
en die hel ingery
In 'n resep wat 'n dame op Roekeloos ingestuur het praat sy van
knoffeltoontjies. Word die woord algemeen gebruik? Ek weet net van
knoffelhuisies, maar hou nogal van hierdie knoffeltoontjie storie.
Iets wat ek nog nooit kon 'gryp' nie, is hoekom die jong mense van vandag so
graag gate in hulle lywe maak en ringetjies en alle soorte van dinge
daardeur sit. Hoekom?
Na 'n tydjie van onverantwoordelike optrede, wat 'n laagtepunt bereik het
met 'n nag van oordrewe drinkery en bakleiery, is Lucas van Biljon alles
vergewe sodat hy in die Springbokspan kan speel.
Dit nadat Natal tugstappe teen hom ingestel het.
Lucas sê hy sal nie weer so stout wees nie .
Baie interessante program gewees dié.....natuurlik net vir die wat die
militêre kan waardeer. Opvallend was die opmerking van die een bydraer wat
gesê het dat hulle soldate is en dat hulle verantwoordelikheid teenoor SA is
en dit maak eintlik nie saak wie die regering van die dag is nie.
Supertaal
Blog
Soek
Hulp
Lede
Registreer
Teken aan
Tuis
RSS
