" Kontrak " deur D.J. OPPERMAN
Fri, 25 July 2003 20:47
D.J. Opperman
Kontrak
U het die wêreld oopgeskiet
tot grot en gramadoela;
toe die blaar en riet,
U arbeiders, gestuur; wortels
wat nederig werk, die mier
wat stokkies dra
en beitelpunt van die rivier.
U droom met dinamiet
en laat aan arbeiders
die besonderhede en verdriet.
Prosa & poësie |
0 kommentare
Interessante statistieke
Fri, 25 July 2003 15:52
Dit was interessant om die uitslag van 'n inbelopname te sien wat gister
deur een van die grootste koerante in Namibië, Die Republikein, gedoen
is. Die vraag was of politieke ampsdraers te veel geld verdien. Dit was
na aanleiding van 'n vorige berig wat beweer dat slegs 220 politieke
aanstelling in die regering die belastingbetaler N$60 miljoen per jaar kos.
Die uitslag was:
93% Ja
7% Nee
6.3% Weet nie
Ek sou seker ook Ja gestem het as ek kon deelneem maar ek wonder sommer
maar net oor die persentasies wat nie so lekker total nie... ;-)
Koeitjies & kalfies |
1 kommentaar
Skisofreniedag
Fri, 25 July 2003 06:47
Vandag is Skisofreniedag.
Dit beteken nie dat die skisofrene die vryheid van die strate het nie, maar
dat almal bewus gemaak moet word dat dit 'n siekte is wat nie sonder
behandeling tot 'n mate genees kan word nie.
Daar is ook sterk aanduidens dat dit geneties oordraagbaar is.
Annette
Koeitjies & kalfies |
13 kommentare
Goeie Polisiewerk?
Fri, 25 July 2003 05:56
Sasja-Leigh Crooke is 10 dae nadat sy vermis geraak het, dood gevind. Daar
is bevind dat sy toe sy gevind is, sy nie langer as 48 vantevore dood kon
gewees het nie.
Die buurman van haar ouma, waar Sasja vir die vakansie gekuier het, is in
hegtenis geneem. Hy het verlede week, en sal vandag weer in die hof verskyn.
Die polisie was glo twee dae nadat sy vermis is in sy huis.
Daar was 'n kamer waarvan die deur gesluit was, en hulle het goedsmoeds sy
verduideliking aanvaar dat hy nie weet waar die sleutel is nie.
Daar word sterk vermoed dat Sasja op daardie stadium in die kamer aangehou
was.
Annette
Koeitjies & kalfies |
5 kommentare
Haai Sjeim
Fri, 25 July 2003 05:51
Daar het gister 'n moeder met 'n seuntjie by die hospitaal in Lusikisiki
opgedaag.
Die kind het drie bene en twee stelle geslagsdele.
Annette
Koeitjies & kalfies |
4 kommentare
" komapunt " deur DAN ROODT
Thu, 24 July 2003 23:14
Dan Roodt
komapunt
'n volksdigter was daar
wat volgens volk en vriende
in insestueuse gestoeltes
goed kon hakkel
oor debakels van 'mirakels'
oor 'die lewe' en oor kak aangaande
DIE KUNS
hy was wel opperhoof
van 'n laboratorium
waar jong moffies en meisies
kon leer van kommas punte
kommapunte dubbelpunte dotjies
kappies umlaute koppeltekens en
aksente
'n flou frankenstein van
DIE POËSIE
hy sou altoos algemeen-beskaafd
NASIONAAL
stem en hom eerder bekommer
oor sy abc as die anc
hy was lief vir afdaal
in 'n bottel of 'n bundel
en verse daaroor te verkoop
solank hy koloniaal agter glas 'n mooi
UITSIG
op die dieretuin plaaslik kon kweek
hy het sy komma geswaai
oor alle mitiese verwysings
oor alle kitschwoordspel
oor alle kleinduimpierympies
tot by die allerewige estetiese
KOMAPUNT
nie meer kon verkeer nie
Prosa & poësie |
0 kommentare
Supertaal
Blog
Soek
Hulp
Lede
Registreer
Teken aan
Tuis
RSS
