Polisieadvertensie
Ma, 28 Julie 2003 05:30
Op RSG - Die regering kondig aan dat 'n nuwe era begin het.
Die voorbeeld wat gegee word is die aantal polisielede wat verering ontvang
het vir pligte wat hulle verrig het buite polisiëring, soos om babatjies te
vang.
Annette
Veiligheid & wapens |
0 kommentare
" simptoom " deur JEANNE GOOSEN
So, 27 Julie 2003 14:25
Jeanne Goosen
simptoom
ek dink ons het parasiete in die familie
so is daar byvoorbeeld my oom
hy is dood nou (mag sy siel rus: hy was 'n begrafnisondernemer)
lewerslakke
het dit glo van 'n skaap gekry of drank
hulle sê die onsuiwer het hom al van binne gepak
toe hy ander nog gekis het
ek het ook so iets geërf
draaisiekte
daarom dat ek soms so aanhoudend blêr en blêr
onder 'n huilbosboom
die dokter kan my gesond maak
sê hulle
natriumbromiede
maar ek wil nie
want die brak is lekkerder
daar onder die huilbosboom
op my oom die ondernemer
se graf
Prosa & poësie |
0 kommentare
Give me hope Johanna . . . . .
Sa, 26 Julie 2003 19:36
Almal ken seker daai anti-apartheids liedjie wat ons supposedley nie mog
hoor nie.
Kan iemand my dalk verduidelik wie daai "Preacher who works for Jesus" van
wie die man sing?
Desmond (snotklap) Tutu?
Musiek & liriek |
5 kommentare
Geraamte in die kas
Sa, 26 Julie 2003 09:16
'n Regter van Wellington (Nieu Seeland) is van sy pos onthef, omdat hy na
prente van naakte volwasse dames gekyk het op die usenet. Hulle reken dat
iemand wat na so iets kyk, nie betroubaar geag kan word om die pos te beklee
nie. (As hy 'n motowerktuigkundige was, het geen haan seker gekraai nie.)
Ek dink die samelewing is siek. Die lekkerste ding op aarde is om iemand wat
in die kollig is te pinpoint en te verneder. Hansie, Bill Clinton,
onderwysers, predikante en ministers is seker die mense wat hulle gatte die
gouste sien as hulle 'n foutjie begaan.
Ek loer so af en toe na die mense se "Shared Folders" op KaZaa. Agt uit tien
mense (seker mans) het daar êrens tussen al hulle MP3's so 'n lekker paar
tiettie foto's. Man, dis mos die lewe - waarom sal ons nou stry?
Nou hoekom wys ons dan so gou vinger?
Henri
Koeitjies & kalfies |
25 kommentare
Die Dom Kraker
Sa, 26 Julie 2003 09:16
Ek wil maar net vir Elaine laat weet dat, ongeag haar stelling dat die
krakers slim is en nooit gevang sal word nie, die Absa-krakerdief toe wel in
hegtenis geneem is.
Annette
Koeitjies & kalfies |
3 kommentare
Nelson in 'n glaskas
Sa, 26 Julie 2003 08:07
Ek kan nie verstaan wat so spesiaal aan Nelson Mandela is nie. Vandag skryf
hulle in die Volksblad dat sy lyk moontlik eendag vir die nageslag bewaar
gaan word. (In die Uniegebou of Voortrekker monument) Dis darem bietjie vêr
gevoer.
Verdien hy regtig al die eer wat hy kry?
Koeitjies & kalfies |
46 kommentare
" Kontrak " deur D.J. OPPERMAN
Vr, 25 Julie 2003 20:47
D.J. Opperman
Kontrak
U het die wêreld oopgeskiet
tot grot en gramadoela;
toe die blaar en riet,
U arbeiders, gestuur; wortels
wat nederig werk, die mier
wat stokkies dra
en beitelpunt van die rivier.
U droom met dinamiet
en laat aan arbeiders
die besonderhede en verdriet.
Prosa & poësie |
0 kommentare
Supertaal
Blog
Soek
Hulp
Lede
Registreer
Teken aan
Tuis
RSS
