So 'n paar dae gelede het ons net so geraak aan die verskille tussen
bevolkings en dat nou, 14 jaar na onafhanklikheid en demokrasie, probleme
begin ontstaan omdat die demokrasie nie voorsiening maak vir verskille
tussen mense nie. Almal is mos gelyk, dan nie? Laas naweek het die
gemors ernstig in Namibië begin toe die Herero's op 'n vergadering geëis het
dat hulle hul eie regte wil hê. Hulle sien nie meer kans vir die
oorheersing deur die Owambo's nie. Wat die regerende party, Swapo, doen,
is om regeringsamptenare in elke dorp en gehuggie aan te stel wat partylede
en Owambo's is. Polities is daar sekerlik niks mee fout nie, behalwe dat
die gemiddelde mens in die dorpe nie Swapo ondersteuners is nie [Swapo kry
die massa van sy ondersteuning in die noorde van die land] en die lewenswyse
en modus operandi van die plaaslike bevolking baie verskil van dit wat die
Owamboregeringsleiers op aandring. Terwyl byvoorbeeld 'n Owambo, 'n
Herero, 'n Damara, 'n Boesman, 'n Baster, 'n Afrikaner, ens. basies saamstem
dat alle mense vry en geregtig moet leef en behandel, is daar net geen
manier wat hulle met mekaar se kulture aanslag kan vind nie.
Dis seker die maklike uitweg om te sê dat almal mos gelyk onder die wet
is, maar daar is praktiese probleme wat na die 'groot vryheid' nou kop
uitsteek en as jy teruggaan in die geskiedenis, dan is die eintlike probleem
van Afrika nog nooit opgelos nie!
Beste zuid-africaanse vriende ons stik hier van die warme weer in Europa
terwyl het by jullie nu winter is en baie lekker weer
Hierdie temperatuur is nou buite en binne 35�C;ons zweet soos een paard :):)
> I contacted the organiser, and he will have some pics taken for me. He will
> email it to me at the end of this week or early next week - so any of you
> who needs the piccies forwarded to them, please let me know.
Ag, asseblief, sal jy vir ons ook van die piccies
stuur?
Tant Hessie van Waterval Onderstebo
Penkop, wat besluit het om hanskakie te word
Bongani Mvumvu is die nuwe Kinder Wêreldkampioen in dressage. Hy het
deelnemers van 17 ander lande uitgestof.
Deelname aan die kampioenskap is op uitnodiging alleenlik.
Bongani is drie jaar gelede gevind deur die 4-jarige seun van 'n varkboer
van Phillippi - hy was besig om vir kos te soek.
Sy ma het hom by sy pa gelos om te gaan werk soek, sy pa is toe dood, en hy
het die huis verlaat op soek na sy ma.
Hy kon onthou dat sy ma op die plaas al gaan werk soek het en kos soek het.
Hy en die seuntjie het dadelik maats geword, en hy is genooi om die
paasnaweek saam met die Mohr gesin deur te bring.
Hy bly nog steeds by die gesin, en hulle is nou sy pleegsorgouers.
Hy het oral saam met hulle gegaan, en baie gou het hulle agtergekom hy het
'n natuurlike talent vir perdry.
Hulle het hom laat afrig by 'n bekende afrigter, en hy het elke kompetisie
gewen waaraan hy deelgeneem het.
Verlede jaar het hy selfs 'n kompetisie gewen waaraan senior ruiters
deelgeneem het.
Mnr Brett Kebble dek die onkoste van Bongani, sy pleegmoeder Linda Mohr en
sy afrigter Mike Lewis in Duitsland.
Bongani het besluit dat Afrikaans sy moedertaal is.
Ek lees dat die 'Fante nou in die Krugerwildtuin soveel geword het dat hulle
weer sal moet begin uitskiet as hulle die veld reg wil bestuur. Die
'greenies' is daaroor natuurlik op die oorlogspad en skree blou moord.
Hulle reken nog nie genoeg navorsing is oor alternatiewe beheermetodes, soos
geboortebeperking, is al gedoen nie en daarom is die uitdun van die olifante
nie reg nie. Ek onthou wel dat ek 'n verslag gelees het van navorsers juis
oor geboortebeperking en dat bronstige bulletjies rêrig gevaarlik raak omdat
die koeie nie op hitte wil kom nie.....en 'n man met 'n lus is mos lus?
Hier by ons in die woestyn is die getalle olifante ook besig om toe te
neem en begin dit ook gevaarlik raak. Die mense betrokke reken daar moet
planne gemaak word om die getalle onder beheer te kry en die 'greenies' huil
dat die sop spat. In die woestyn is water skaars en kos is skaars en is
daar maar sekere paaie waarop die groot manne kan loop. Kom hulle egter op
plase, dan breek hulle drade om by die waterinstallasies uit te kom. Hulle
sal maklik 'n plaasdam platdruk [sinkdam] net om die ou kleintjies ook
toegang tot die water te gee. Hieroor oee! en aaah! die meeste stadsjapies
want hoe kan jy water weier vir 'n ou klein olifantjie? Behalwe natuurlik
dat daai dam die boer net so R20 000 kos! En die regering en ook nie die
'greenies' is bereid om hom te kompenseer vir die skade nie. Hulle skiet
mag hy ook nie.
Natuurbewaring het al probeer om planne te maak om die 'fante te verdryf
deur skote oor hulle te skiet om hulle sodoende in die regte rigting te laat
vlug. Maar olifant se kind is nie vandag gebore nie! Daar is vele
gevalle bekend waar die olifante in 'n rivier afgedryf word en as die
bewaarders dink hulle het hulle in die regte rigting, dan vat hulle 'n ompad
terug na waar hulle was en voor die bewaarders terug by hulle kamp is, dan
is 'fant se kind rustig besig om kak te maak waar HY wil kak maak!
In die Etosha is destyds elektriese drade [eintlik kabels] met
spoorstaafpale gespan om die olifante te probeer binne hou. Daar is gesien
hoe twee koeie 'n jong bulletjie met hulle slurpe van agteraf vat en deur
die kabels stoot sodat hy die skok kry en hulle so die kabels kan breek!
Dan is die hele trop deur! Hierdie is natuurlik die enigste geval bekend
in die natuur waar 'n vroumens slimmer as 'n man is......................
Oor die naweek weer bewys dat daar 'n eienaardige skuif in prioriteite mbt
die media plaasgevind het.
1) Op die voorblad van Sunday Times is die hoofartikel oor die hopelike
nuwe ommeswaai ( weer) van die regering ivm die beskikbaarheid van middels
vir die behandeling van vigs.
Rapport se hoofartikel handel oor eks Mej. SA - Yolande Kloppers ( nou
Wright) wat in 'n rusie betrokke is met Bad Brad van LB1 faam.
2) Op Saterdag het daar twee ongelukke plaasgevind.
Die eerste, wat oor die algemeen baie meer media-aandag geniet, is die
sokkerspeler van Pirates wat na die wedstryd op pad na sy ma verongeluk het.
Hy het ook vir Bafana gespeel.
Die tweede is van 'n dame wat as mede-wenner as uitsonderlike vroulike
entrepeneur 'n toekenning sou ontvang van die Prez, verlam is toe die
verhoog ineen gestort het. Tot die prez wat niks oorgekom het nie, het meer
media-dekking oor die voorval gekry.
Welkom in my kasteel. Jy lyk verbaas;
die mure brei uit, trek hulself weer in.
Jy raak aan klip, tas aan die begin
en einde van tyd wat déúr my vensters blaas.
Wat bly oor? Jy kyk terug.
Slegs die eggo van die eggo van 'n sug.
Trek die gordyne van jou oë oop
en sien my landgoed se grense in die lug.
Water ruis onder en deur my valbrug
na seë wat alle vastelande sloop.
Wat bly oor? Ek kyk terug.
Slegs die eggo van die eggo van 'n sug.
Jy voel vreemd; kom nader, kyk rond.
Uit jou drome ken jy reeds dié prent,
en waarop my kasteel se fondament
ook al gebou is, dit bly steeds grond.
Wat bly oor? Ons kyk terug.
Slegs die eggo van die eggo van 'n sug.
Daar is 'n paar lelike op- en aanmerkings deur die NZ en Aussie media jeens
SA rugby maar ook jeens Afrikaners. Dit raak ietwat persoonlik.
Ek aanvaar die stof sal weer gaan lê rondom die dinge. Die op- en
aanmerkings bevestig bloot my vermoede oor die sentimente wat deur die manne
gekoester word. Geen wonder dat ek nie die NZ en Aussie skeidsregters
vertrou nie.
Supertaal
Blog
Soek
Hulp
Lede
Registreer
Teken aan
Tuis
RSS
