Jean de Villiers is in en uit die bokspan binne 'n week.
Verlede week is hy aangewys as die plaasvervanger vir die beseerde Bobo -
nou is hy beseer en gaan nie na die WB toernooi nie.
'n Plaasvervanger vir die plaasvervanger moet nou aangewys word.
jy praat van trek na griekeland
maar my oë
sien reeds hoe eensaam
staan die suikerbos
teen die berg se suidekant
o hierdie land sal ons swaar verlaat
elke oggend
strek net 'n dagreis voor ons uit
al droog die dae
net perskes by bethulie
weg van mense in die son
hierdie land gaan ons swaar verlaat
hierdie land wat konsertina speel
met eensaamheid
hierdie land wat wals met hartseer
as jou voete nie vat aan sy grond nie
hierdie land sal ons swaar verlaat
ja selfs die son keer terug
en hierdie grond weet reeds
hoe klop die tuisblykierie op sy rug
Dan kom pa saans dronk huis toe
en slaan vir Lammie, ma en my.
Ek was naderhand skoon gebreklik
in die regterbeen meneer,
nou nog effens: Kyk maar as ek stap.
Toe's ma dood en ek is Goudstad toe
om werk te soek en dak
maar geld was skaars
en niemand wou my storie glo:
ek meen nou van my pa.
Maar die Heer was goed vir my,
baie goed meneer,
En Kaatjie neem my toe
agter sy eie toonbank in
...Kaatjie...
Nee, sy hart, die was van goud
al is hy dan nou Slams.
Nou nog meneer, na al die jare nog,
sorg hy spic-en-span vir my.
Ek meen, Bobbie, dis nou die oudste,
is ookal negentien
en ek, die had nog nooit gebrek.
Soos ek nou se meneer,
Die Here was goed vir my.
Ek meen, se nou maar net
jeretjie, meneer,
se nou net ek het
a witman
slegman
soos my pa gekry?
Ek soek vir al die woorde van Al Debbo se Wie is nou bang vir die spook - ek
dink ek ken dit, maar is nie seker of ek al die versies ken nie, so wil net
doodseker maak.
Nietemin - ek tik toe op 'n soekenjin in: Wie is nou bang vir die spook, en
ek word verwys na 'n preek: Niks is Onmoontlik nie.
:))))
Annette
Adriaan Niewoudt, gewese kubuskoning, het 'n nuwe blink plan om die volk ryk
te maak.
Met meer plooie, bril, ander tande en sy paadjie aan die oorkant, nooi hy
mense uit vir 'n adminfooi van R50 om aandelesertifikate te bekom in die
suiwerste koalienneerslag ter wêreld, wat heel toevallig op sy plaas is.
Met die grondstof en die geld van al die aandeehouers wil hy
satelietwerkswinkels stig, sodat die werkers vanuit hul huis tot die
produksieproses kan bydra, en nie elke dag ure en rande spandeer om by die
werk te kom nie.
Microsoft learning that 'local is lekker'
Are you tired of your computer screen glowing with underlined documents
because your Microsoft spellchecker has rejected typical South African words
like "stoep" and "braai"? Well, take comfort in the fact that you'll soon be
able to type away in Afrikaans and Zulu with nary a red line in sight. Full
Story...
www.iol.co.za/index.php?newslett=1&click_id=79&art_i d=vn20030923093444882C30
3181&set_id=1
Elders op 'n webwerf verskyn daar 'n artikel oor 'n verslag wat so pas
uitgereik is in Frankryk oor die spontane segregasie wat daar plaasvind in
skole rondom die stad Bordeaux. Wat egter vir Bordeaux geld, geld regoor
Frankryk en die res van Wes-Europa. Die instroming van immigrante uit Noord-
en Wes-Afrika veroorsaak 'n Europese apartheid en segregasie wat vir die
owerhede 'n verleentheid is.
Ná die afgang van die kommunisme met sy gelykheidsideaal, het die
multikulturele samelewing met sy strewe na rassegelykheid die nuwe dogma
geword. Kommunisme kon slegs deur die geweld van revolusie tot stand kom en
onder dwang in stand gehou word. Josef Stalin het dit baie goed verstaan, en
onder sy bewind is twintig miljoen mense in die ou Sowjet-Unie doodgemaak,
om ideologiese redes, maar veral ook omdat hulle nie gehou het by die reëls
van die huidige vyfjaarplan nie.
Net soos Stalinisme, kan die multikulturele samelewing slegs onder
dwang verwesenlik word. Indien die bevolkings 'n keuse gegun word, sal hulle
nêrens op aarde reënboognasies vorm nie. Die meeste mense verkies om binne
hul eie etniese groep te trou en voort te plant, asook om hul kinders deur
lede van hul eie groep te laat opvoed in etnies homogene skole.
In die VSA is honderde miljarde dollar reeds bestee om veral blanke
Amerikaners te oorreed om vrylik met Afro-Amerikaners te meng, asook hul
kinders na dieselfde skole te stuur. Dwangmaatreëls soos "bussing" geld
reeds dekades lank. In weerwil hiervan, is veral skole in Amerika nou meer
gesegregeer as dertig jaar gelede. In Boston, waar die munisipaliteit $30
miljoen per jaar bestee om kinders met busse na skole in ander gebiede aan
te ry, het die aantal "geïntegreerde" skole verminder van 23% in 1974 na 17%
tans.
Ook in Suid-Afrika is multikulturele dwangmaatreëls onderliggend aan
die hele struktuur van die staat, die werkplek, opvoeding en selfs sport.
Omdat Afrikaans as skooltaal veral by blanke Afrikaners gesog is, moet dié
taal gepenaliseer word. Daarom moet skole en universiteite verengels word,
en studente en leerlinge gedwing word om dikwels teen hul sin met mekaar te
verkeer.
Afrikaanse jongmense in die mediese en verwante professies, selfs
spraakterapeute, word voor die voet gedwing om in swart woonbuurtes te gaan
praktiseer. Veral waar dit jong Afrikanermeisies raak, geskied hierdie
gedwonge "gemeenskapsdiens" ongeag hul eie persoonlike veiligheid of eie
voorkeure. Binnekort gaan dokters en privaathospitale gedwing word om nie
net vir 'n jaar nie, maar permanent hul dienste aan te bied "waar daar
behoefte bestaan", naamlik in swart gemeenskappe.
Die meeste mense stem met hul voete teen multikulturalisme.
Privaatskole word teen buitensporige koste opgerig, en mense skep
veiligheidsbuurte met hoë mure, elektriese drade en ander maatreëls wat
dikwels die indruk skep van 'n geprivatiseerde volkstaat waar een etniese
groep gewoonlik in beheer is.
Die Berlynse muur, wat dertig jaar lank die simbool was van gedwonge
gelykheid, het 17 miljoen Oos-Duitsers gevange gehou in hul sogenaamde
"werkersparadys". Die swetterjoel dwangmaatreëls wat veronderstel is om tot
die utopie van 'n multikulturele samelewing te lei, is ietwat minder
blatant, maar nie minder drakonies en onregverdig nie.
Terwyl multikulturele dwang in Westerse lande nog oorwegend
individuele vryheid toelaat, het dit by ons in Suid-Afrika binne 'n kort tyd
ontwikkel tot 'n vorm van totalitarisme wat moeilik te onderskei is van dit
wat tot onlangs in Oos-Europa gegeld het.
Die vraag kan met reg gevra word: is multikulturalisme die nuwe
inkarnasie van Stalinisme?
Supertaal
Blog
Soek
Hulp
Lede
Registreer
Teken aan
Tuis
RSS
