By die Swakopmund'se Vat en Betaal-winkel koop ek Saterdag kruideniersware
en soos gewoonlik stoot jy die karretjie na die kassier en begin uitpak.
Hulle lui dit op deur die items by die 'scanner' verby te sleep, gee die
totaal, ek gee die kontant en ghoebaai! Tot die dag wat jy die strokie
bekyk uit verveeldheid terwyl jy sit en wag in die kar en items sien wat jy
nie gekoop het nie. In my geval, het ek so 'n 3,6% geskenk vir
'regstellende aksie'!!!!! Teruggaan na die winkel se bestuurder sal nie
help nie, want al wat hy vir jou sal vertel is dat jy na die skerm moet kyk
en sien dat die regte goed deurgaan. Sekerlik is hy reg, behalwe dat jy
vir meeste van die tyd hol in die lug staan terwyl jy die karretjie uitpak.
So, hoe doen hulle dit? Ek besluit toe om te gaan rondstap en dop te
hou vir so 'n klompie minute. Probeer om soos die krimineel te
dink......en wat sou ek waarneem? Die werkers het rakke onder die toonbank
en daar steek hulle items weg wat hulle vroeër uit die rakke gehaal het en
as die kliënt nie kyk nie [veral die groter kopende kliënt] dan glip hulle
'n item verby die 'scanner' en sit hom terug onder die rak om later huistoe
te vat? Ek het ook 'n dame gesien wat 'n barcode plakker onder aan haar
oorjas se mou geplak het en dan as die tyd reg is, dit deursit.
Volgende keer by die supermark....as jy jou geldjies waardeer: Kyk!
Dit is die (sowat) vierde keer
wat ek hier deur julle sitkamervenster loer.
Julle stel teleur vandag. Die ander kere
het julle mekaar in die hare gevlieg sonder
werklike provokasie, en vandag, lyk almal
half verskonend. Ek was besig om op
televisie 'n louwarm debat dop te hou,
en dink toe dat ek hier by julle groep
meer agressie as daar gesien het.
Het julle nou kalmeerpille gedrink?
Hulle word nou verplig om ten minste drie dae per week die noodafdeling om
middernag te sluit. Die rede is dat hulle nie dokters kan kry om die 14
vakanste poste te vul nie.
--
Groetnis
Annette
Hoe gemaak wanneer een besteel word sonder dat een die item van belang
kwyt is...?
My pistool, wat my 'n hele derdonnerse R 7 0 0 0 - 0 0 gekos het, besit
ek nie meer nie. Ja, inderdaad, dis nie meer my besitting nie! Sy
edelhoogbaargeid Opperminister van Goeters en Dingisse, Sir Lord Charles
Nqakula Esq., vertel dat "fire arms are not a person's property". So ek
besit nie meer my pistool nie, alhoewel ek hom nog hier aan my sy voel.
Ek het hom wettiglik gekoop by 'n winkel, deur al die wetlike stappe
gegaan, en hy is (soos my motor en my motorfiets en my huis) op my naam
geregistreer. Ek 'leen' dit dus by die staat ast'ware - wat vir my
daarop dui dat die staat ten enige tyd sy besittings van ons kan op eis
sonder dat ons 'n voet het om op te staan, want aangesien ek nie die
pistool meer besit nie, ek geen werklike aanspraak daarop kan maak nie.
Ek is die bliksem in.
(dit herinner sterk aan daai sêding van destyds dat hulle die suiker uit
jou koffie uit steel terwyl jy daaraan drink...)
Die nuus is nou vol oor die vroue wat deur Afrika gaan reis en waar ek
aanvanklik voorbehoude oor die storie gehad het, verstaan ek die storie
beter. As enige mens vir my sê hy 'wil deur Afrika reis' dan neem ek
onmiddellik aan dat hierdie persoon nie net die grootpad noord wil aanvat
nie, maar ook kontinent wil verken omdat meeste van sy lekkerhede ver weg
van die normale paaie is. Dís nie iets wat jy ligtelik aanpak nie.
Wat die vrouens egter gaan doen, is om een lekker geborgde vakansie op
die langpad te hê en dis sekerlik ook nie snaaks nie want vier van die ses
is joernaliste! As ek reg verstaan wil hulle 10 000km ver ry op die oop
pad, en verkieslik teerpaaie sover moontlik. Dit is dus maar een uithourit
en die kontinent is toevallig maar Afrika. 'n Probleem dalk is die boodkap
wat die onervare besoekers uit die buiteland verkeerdelik gaan lees uit hul
wyd gepubliseerde tog, en dit is dat Afrika 'oorwin' kan word en eintlik wat
hulle gedoen het was 'n poeierpoefie-rit met stadskarretjies deur die
teerpaaie van wilde Afrika! Ons sit reeds met 'n probleem van Europeërs en
Amerikaners wat dink as hulle die regte voertuig huur, die regte boeke koop
en 'n GPS bygooi, kan hulle wilde Afrika oorwin.....baie keer met tragiese
gevolge.
Maar dan weer, miskien moet ek nie kla nie. Die mense wat 'recovery'
doen, maar moerse lekker geld uit die spul uit. Dis niks snaaks vir so 'n
gestrande voertuig in die woestyn om 'n woeste rekening te kry nie. Die
koste per kilometer van soek 'n die insleep of herstelwerk plus dalk nog die
koste van 'n vliegtuig wat moes gaan soek......maklik tussen R20 - 50 000.
'n Moerse lot geld om te betaal vir onnoselgeid!
Supertaal
Blog
Soek
Hulp
Lede
Registreer
Teken aan
Tuis
RSS
