Ek lees - worstel is miskien meer gepas! - op die oomblik 'n Afrkaanse
boek oor die reis van die heilige Brandaan. Die eerste deel van die
boek is 'n ellelange dermuitryg van die Middeleeuse teks, tesame met 'n
vergelyking met DJ Opperman se Brandaan-siklus. Op bladsy 43 lui 'n
frase 'n klokkie by my. Daar staan: "Rykheer (1961:74) merk hiervan op:
"In 'Brandaan' verskuif die toneel...". Rykheer? Blaai ek gou agtertoe
en sien daar in die bibliografielys: "Rykheer, Gloudina M. 1961. Die
stryd om digterskap in die poësie van D. J. Opperman. P.D.-proefskrif.
Pietermaritzburg: Universiteit van Natal".
Nè! Gloudina in haar prille jeug, dink ek. Sy is mos 'n nooi Rykheer,
dan nie? So as sy oor gedigte, en veral DJ Opperman, praat, moet ons
seker maar aanvaar dis evangelie?
Ek sien op die net iewers dat die Nederlanders nou die langste nasie in die
wereld is. Jare gelede was dit die Amerikaners. Die Swede is glo tweede.
Een Nederlander se dit is omdat hulle baie suiwelprodukte gebruik, en hulle
mediese skemas is beter as ander lande, m.a.w. almal het toegang tot gratis
mediese dienste. Die gemiddelde Amerikaanse man is glo 5' 9" (jammer ek
weet nie wat die metrieke maat is nie), en die gemiddelde Am. vrou is 5 '4",
dus stofpoepertjies :-) Gemiddelde Nederlandse man is 6' 1"en vrou 5' 7".
Nogal interessant. Wonder wat die gemiddelde S.Afrikaner is? Ek is 5'8",
maar so met die ouderdom dink ek ek krimp effens ;-)
By die Swakopmund'se Vat en Betaal-winkel koop ek Saterdag kruideniersware
en soos gewoonlik stoot jy die karretjie na die kassier en begin uitpak.
Hulle lui dit op deur die items by die 'scanner' verby te sleep, gee die
totaal, ek gee die kontant en ghoebaai! Tot die dag wat jy die strokie
bekyk uit verveeldheid terwyl jy sit en wag in die kar en items sien wat jy
nie gekoop het nie. In my geval, het ek so 'n 3,6% geskenk vir
'regstellende aksie'!!!!! Teruggaan na die winkel se bestuurder sal nie
help nie, want al wat hy vir jou sal vertel is dat jy na die skerm moet kyk
en sien dat die regte goed deurgaan. Sekerlik is hy reg, behalwe dat jy
vir meeste van die tyd hol in die lug staan terwyl jy die karretjie uitpak.
So, hoe doen hulle dit? Ek besluit toe om te gaan rondstap en dop te
hou vir so 'n klompie minute. Probeer om soos die krimineel te
dink......en wat sou ek waarneem? Die werkers het rakke onder die toonbank
en daar steek hulle items weg wat hulle vroeër uit die rakke gehaal het en
as die kliënt nie kyk nie [veral die groter kopende kliënt] dan glip hulle
'n item verby die 'scanner' en sit hom terug onder die rak om later huistoe
te vat? Ek het ook 'n dame gesien wat 'n barcode plakker onder aan haar
oorjas se mou geplak het en dan as die tyd reg is, dit deursit.
Volgende keer by die supermark....as jy jou geldjies waardeer: Kyk!
Dit is die (sowat) vierde keer
wat ek hier deur julle sitkamervenster loer.
Julle stel teleur vandag. Die ander kere
het julle mekaar in die hare gevlieg sonder
werklike provokasie, en vandag, lyk almal
half verskonend. Ek was besig om op
televisie 'n louwarm debat dop te hou,
en dink toe dat ek hier by julle groep
meer agressie as daar gesien het.
Het julle nou kalmeerpille gedrink?
Hulle word nou verplig om ten minste drie dae per week die noodafdeling om
middernag te sluit. Die rede is dat hulle nie dokters kan kry om die 14
vakanste poste te vul nie.
--
Groetnis
Annette
Supertaal
Blog
Soek
Hulp
Lede
Registreer
Teken aan
Tuis
RSS
