Ek weet ek's maar min hier deesdae, maar moes net hierdie ene met julle
deel.
Elaine
--------------------------
'n Bietjie Afrikaanse opvoeding op hierdie dag. Oorvertel as die waarheid,
die volle waarheid en niks anders as die waarheid!!!
Op 'n Maandag oggend, het die hele skool soos gewoonlik in die saal
vergader. Die skoolhoof het soos gewoonlik sy storie vertel, die eerste
rugbyspan geprys, die skoolkommittee hartlik bedank, die kinders met stories
bang gemaak - nie dat ek dink kinders skrik meer vir enigiets minder as die
doodstraf, wat hulle weet hulle nie opgele kan word nie. Hy betuig verder
sy dankbaarheid teenoor die kinders wat hulle siviele eise teen die skool
teruggetrek het, en vir die wat nie meer in die klaskamers rook nie.
Op die verhoog staan daar twee kartondose. In hierdie kartondose is daar
Bybels wat deur die Gideon organisasie (dis die ouens wat Bybels in hotelle
ens. plaas) aan die skool geskenk is. Die idee is om vir alle kinders wat
nie bybels het nie, 'n bybeltjie te gee. Omdat hierdie nogal 'n
noemenswaardige gebaar is, het twee van die Gideon mense na die skool gekom
om die Bybels te oorhandig. Die twee sit so half eenkant - weg van die
onderwysers af. Toe die hoof klaar is met sy aankondigings, kyk hy so op
na die kinders, en sonder om 'n beat te mis, swaai hy sy hand so na die twee
Gideon mense se kant toe en se:
"Julle wonder seker wat hierdie twee dose op die verhoog doen?"
Nodeloos om te se die volgende oomblik het chaos uitgebars en die
onderwysers rapporteer dat dit onmoontlik was om enigiets die moeite werd
vir twee dae in die kinders se koppe te kry, aangesien hulle telkens
uitgebars het van die lag. Die arme twee Gideons het nie 'n woord kon inkry
nie en die twee dose met Bybels in is onuitgedeel na die hoof se kantoor
verskuif.
N.S.Dis hoekom 'n "box" 'n boks is en nie 'n doos nie! Ons het die woord al
te veel verniel in Afrikaans.
Ek hoop die Pous raak gou gesond, maar hy kan mos nou die pakket vat en gaan
af koel op 'n tropiese eiland. Hy is dan nou net soos flippen Robert
Mugabe, hulle weet fokkol van aftree of uittree nie....Miskien het hulle 'n
bet aangegaan om te sien wie kan die lankste aan karring.
Daar vang ons toe weer vir ons-self uit. Die aangeneemde Pommie Kevin
Pietersen werk so op my gat, hy is nogal uitgesproke en baie opgemaak met sy
nuwe land asof Suid Afrika uit die hond se gat kom....Wens Nel kan hom boul
laat hy sterre sien.....
Dinsdagmiddae net ná ses was dit Haas Das. Dit onthou ek.
En Donderdae was dit World at War. En Saterdae Columbo. En
Sondagaande was die kerk leeg, want dan het ons saam met Jacques
Cousteau die wêreld onder die see verken.
Ek praat van die beginjare van TV in die land: die middel sewentigs.
Stevie Ferreira-hulle was die eerste mense op ons dorp wat 'n TV-stel
gekry het - 'n Barlowvision, met 'n 77 cm-skerm. Pal Colour. Al ons
laaities was die middag by toe Beares se bakkie hom by hul huis kom
aflaai het. En toe Stevie se pa hom aanskakel, het ons stil geraak en
na daardie veelkleurige toetspatroon op die skerm gestaar asof dit 'n
soort Kleed van Turyn is.
Ons het daardie middag maklik 'n uur lank toetspatroon gekyk. Stevie
se ma, 'n tannie met tamaai, goue oorbelle, het later in die deur kom
staan, en gesê: "Julle outjies moet kom koekies kry."
"Netnou, antie," het ons gemompel. "Netnou." En bly sit.
'n Maand of wat later het Beares se bakkie vir ons ook 'n TV gebring.
En van toe af was niks meer dieselfde nie: my ma het ons eetkamer
in 'n TV-kamer omgeskep en saans het ons op ons nuwe TV-trays voor
die TV geeet. Ons het nie meer Scrabble gespeel, of na die aandstorie
oor die radio geluister, of soms tot laat op die grasperk gelê en kyk
hoeveel satelliete ons kan sien nie.
Ons het ook nie juis meer by die bure gekom nie. Of hulle by ons nie.
En tussen alles deur het ek my pa se ou reënjas begin dra en uit die
hoek van my mond begin praat, nes my held, Columbo. Die vroue het hul
hare Purdey-styl laat sny en almal het hul nuwe honde Petrocelli of
Boomer gedoop. Taki het sy kafee se naam van die Acropolis na die
Dallas Hamburger Hut verander en Falconetti van Rich Man, Poor Man
was 'n gemerkte man in ons dorp.
En op 'n dag, in 1976, toe ons die TV aanskakel, toe marsjeer daar
kinders deur Soweto se strate en steek geboue en motors aan die
brand.
Nou die dag kom ek toevallig af op 'n koerant van 1976 - 15 Junie
1976: die dag voor die Soweto-opstande uitgebreek het. En raai wat is
op die voorblad? Nie 'n foto van padblokkades, doringdraad en
woedende townshipkinders nie. Op die voorblad pryk David Carradine,
held van Shane, die cowboyreeks op Woensdae. Onder 'n vet opskrif wat
lui: GAAN HY HAAR VANAAND SOEN?
Die stil, sterk Shane se gesloer om die heldin te soen, het daardie
jaar swaar op ons gemoed gelê.
Shane is later opgevolg deur Bonanza, met Lorne Green as Horse
Cartwright. Soweto is opgevolg deur Sebokeng en Boipatong. Bobby
Ewing is een Dinsdagaand doodgeskiet en ses maande later het hy
opgestaan uit die dode in 'n stort in Southfork. Trompie het 'n
sakeman geword. PW het in 1989 sy vinger 'n laaste keer in ons
rigting geswaai op Agenda, en 'n jaar of twee later, toe stap Madiba
een Sondagmiddag uit die tronk, terwyl ons saam met Clarens Keyter
warm kry. En toe verander Cliff Saunders in Snuki Zikalala, Sarel
Seemonster in Zet, en Kolie van Coller in Felicia Mabuza-Suttle.
Dana Snyman het dit op 21/04/03 In Beeld geskryf, mooi nê?
het my skiereiland vir jou te klein geword
het jy die padkaart met jou wysvinger gevolg
by die flouerige lig van verwarring
wat ophelder tot jou professionele sonopkoms?
al die jare kon ek jou vang voor die waterval
ek kon vir jou visvang, ek kon jou ekologies behandel
jy't saam met my verstedelik
jy't saam met my elke winter verjaar
en nou sê jy -
jou sandduin het verskuif
die lugfoto's kan jy nou verduidelik
miskien is dit hoekom jy huil
skielik het die seisoenale monsoene hulself vergeet...
ek hoop jy kan my bo die sikloon hoor skree
ek wil jou laat weet van mooiweer,
verspoelings wat herstel is na die onlangse reën, en
as jy kans kry om in die atlas te kyk, seblief beskryf
waarheen die kontinente dryf?
Ek het nounet 'n wonnerlikke idee gekry om die Dakar by te bring. Geniel het
nou net vertel dat hulle nie eintlik ontbyt en middagete kry nie (
hoofsaaklik energiestafies), en net 'n aandete van bra vervelige Europese
kos.
Ons is mos 'n nasie wat grootgeword het op padkos - daardie Dakar deelnemers
gaan mos baie beter konsentreer as hulle 'n koue gekookte eier, stuk koue
boerewors, 'n koue aartappel en 'n grondboontjiebottertoebroodjie so al
ryende eet:))
En saans kan hulle beter ontspan met 'n regte vis- of vleisbraai:))
--
Groetnis
Annette
Supertaal
Blog
Soek
Hulp
Lede
Registreer
Teken aan
Tuis
RSS
