VILLANELLE
(vir Paul Verlaine)
Breyten Breytenbach
wat sê jy, reisiger, van die stasies en die lande?
is hierdie dwase onskuld nog nie genoeg gestraf?
nou hou jy, jonker, gebreek die veertjie in jou hande
ver het jy geloop, verloop, jou voeteval die wande
wat die swartspore hou van jou drome se draf
wat sê jy, reisiger, van die stasies en die lande?
veel het jy gesien, die glimlag wat met tande
in die ruimte byt, maar die spuiteinde lag was laf
nou hou jy, jonker, gebreek die veertjie in jou hande
dood het jy in jou asem geproe, die amandel
smaak van miere, bouende aan die donker, af
wat sê jy, reisiger, van die stasies en die lande?
en oor al jou landskappe kruip die brande
van die ysseisoen, ons dae is wit al kaf
nou hou jy, jonker, gebreek die veertjie in jou hande
skryf, skryf, pronker, soos 'n eendvoël rou om die rande
sy snoerspoor moet borduur om die graf:
wat sê jy, reisiger, van die stasies en die lande?
nou hou jy, jonker, gebreek die veertjie in jou hande
Terwyl ek Bosman se "Cask of Jerepigo" lees, merk ek op dat hy 'n stuk
geskryf het oor Fred Perls, die vader van Gestalt teorie. En dat hierdie
boek blykbaar in Johannesburg vir die eerste keer gepubliseer is. Ek
vors toe bietjie uit op die internet en vind uit dat Fred Perls van 1933 tot
in 1945 in Johannesburg gebly het, op vlug van die Nazis.
Gedurende die Tweede Wêreldoorlog het daar nogal baie
interessante mense as vlugtelinge uit die oorlog in Europa na SA
gekom. Die Griekse koningsfamilie was een voorbeeld. Daar was
ook 'n hele paar goeie akteurs wat liewers in SA wou bly terwyl
Hitler in Europa aktief was. Ek onthou nou die naam van Hermione
Gingold, wat later in Hollywood - films verskyn het. Maar daar was
nog ander beter Engelse aktrises wat die toneelwêreld in SA
verryk het. Ek kan nou net nie hulle name onthou nie.
Konneksies met Europa was somtyds nie so 'n goeie
ding nie. Die SA regering het byvoorbeeld geweier om vir
die digter Peter Blum burgerskap te gee, blykbaar omdat
daar twyfel was Nazi-konneksies in die familie.
Ek het nog al die tyd gewonder of Herman Charles
Bosman nou 'n Afrikaner was wat in Engels geskryf
het, of 'n Engelssprekende Suid-Afrikaner. Onlangs
het ek egter, in die voorwoord tot 'n herdenkings-
uitgawe van " A Cask of Jerepigo " die antwoord
gekry. Hulle haal Mary Morison Webster aan
wat in 1957 in "Forum" die volgende skryf:
" Wherever he is, or whatever he is doing,
becomes illumined for the reader. True,
he makes mistakes with his tenses, as
many Afrikaners do, because he habitually
thinks not in English but in Afrikaans.."
Dis geskryf ses jaar na sy ontydige dood in 1951
aan 'n hartaanval. Hy was nog maar net 46 jaar
oud.
Ek behoort nou seker nie rassisties te wees
nie, maar dit gee my groot genot om te weet dat
die twee beste skrywers in Engels in Suid-Afrika
tot op datum - Herman Bosman en JM Coetzee -
albei volop Afrikaanse bloed in hulle are gehad
het. JM Coetzee was nou wel Engelssprekend
in die huis. ( Sy ma was 'n SA Duitser en sy
pa 'n Afrikaner.) Maar ek dink hy het Afrikaans
foutloos gepraat, en het ten minste een Afrikaanse
boek van Wilma Stockenström in Engels vertaal.
As ek reg onthou, het hy ook sy eerste boek,
"Dusklands" eers in Afrikaans geskryf.
Dis natuurlik ook werd om te noem dat
ten minste twee van die beste Afrikaners wat
in SA geskryf het tronkvoëls was. Herman
Charles Bosman het vier jaar in die tronk gesit
omdat hy iemand ( glo per ongeluk) doodgeskiet
het. Breyten Breytenback het nog langer in die
tronk gebly. Bosman het van sy beste werk gebaseer
op sy ondervindinge in die tronk.
Deur die jaar reel so baie mense / dorpe / ens feeste. Soos byvoorbeeld die
Biltongfees op Potgietersrus om maar een te noem.
My probleem is dat ek baie keer eers van die fees hoor as dit alreeds
plaasgevind het, weet iemand dalk van 'n site wat redelik op hoogte is van
feeste wat oor die land gehou word.
Ek sien Empty N se 3G advertensie veldtog het ook nou begin, net toe Vodacom
'n reeks verskillende 3G pakkette bekendstel. Nogal billik maar die caps is
'n bietjie knap. Hulle kan Telkom se ASDL nog meer komptisie gee. Kry mens
nog nie 'n 3G PCI poort vir jou desktop nie?
Dit wil vir my voorkom asof Monitor ook nou 'n speelbal geword het van
die regering of te wel die ANC. Gisteroggend (27 Junie 2005), van net
na die 6 uur nuus tot en met half sewe, was daar net berigte op van die
ANC. Die anc dit en die anc dat. Nou moet ek ook byse dat al die
stories 'n mooi berig was maw dit het gegaan oor die ANC wat alles mooi
en reg doen.
Vanoggend was dit nou weer Cosato se beurt op monitor. Alles het gegaan
oor die gister se staking. Ek het naderhand so gatvol geword dat ek die
radio afgesit het. Hulle kon daardie berig na 3 minute verkort het en
dit sou meer aanvaarbaar gewees het vir my.
Het die eerste halfuur van monitor 'n "Ons bring julle ons getroue
kammerade gou op datum met wat julle gedoen het, en dan kan julle ook
hoor hoe goed julle is?"
Daar is soveel nuus in Suid Afrika hoekom moet hulle so bly hamer op
die Anc en Cosatu ?
Net Vrydag was daar 'n brokkie nuus op 702 gewees, waar 'n swart vrou
gekla het oor die gebooorte kliniek by Baragwanath hospitaal. Haar baba
is gebore en hulle het hom toegedraai in 'n swartsak omdat daar nie
komberse was nie. Hoekom kom sulke berigte nooit op Monitor nie?
Die hoofnuus vir my was die skool in die Kaap wat die saak gewen het
teen die Kaapse onderwts departement. Maar tot half sewe wat ek
geluister het was dit net genoem as hooftrek en nie breedvoerig
bespreek nie.
Al afleiding wat ek kan maak is Monitor dans na die NAC se pype.
Pieter: Jan, het jy gehoor Koos het geval uit 'n boom wat 30 meter hoog is?
Jan: Nee. Hy lê seker nou in die hospitaal?
Pieter: Nee. Hy het net 'n meter hoog geklim toe sy voet gly en hy val.
--
Groetnis
Annette
Weet iemand dalk wat is die gemiddelde TTL (Time To Live) van die plasings
op die NG. Ek merk op dat sekere boodskappe vir weke nog "leesbaar" is, maar
ander word as "message no longer available" na net 'n dag of twee gegee.
Supertaal
Blog
Soek
Hulp
Lede
Registreer
Teken aan
Tuis
RSS
