In hierdie komende week gaan daar 'n massiewe konferensie
oor Aids in Toronto gehou word. Bill Clinton sal daar wees.
Bill en Melinda Gates sal daar wees. Daar sal nie net oor
die probleem van Aids gepraat word nie. Wetenskaplikes
sal verslag lewer op die mediese front.
Stephen Lewis, wat 'n aantal jare gelede deur Kofi
Annan as sy spesiale gesant vir Aids aangestel is, sal
natuurlik ook daar wees.( Lewis is vanplan om eersdaags
uit hierdie pos te bedank, en 'n pos te neem in die Clinton
Foundation.) Hy is maar taamlik krities oor die rol wat
regerings in Kanada speel in die geveg teen Aids. 'n
Aantal jare gelede het die Kanadese regering gesê dat
hulle aan die voorfront staan deur veranderde wetgewing
om goedkoop retrovirale medisyne in die hande van die
armes te bring. Maar tot dusver het niks nog hiervan
gekom nie, heelwaarskynlik onder druk van die
farmaseutiese industrie.
Omdat die konferensie in Toronto is, lees mens
baie stukke oor Aids. Een van die interessantstes vir my
was die bevinding dat Aids tot 'n groot mate bekamp kan
word deur mans te besny. Nou, ek het nog altyd aangeneem
dat dit 'n algemene praktyk is onder swartmense in SA.
Maar blykbaar is dit nie so onder die Swazis nie. Hulle
sê dat daar lang toue by hospitale in Swaziland is vir die
prosedure. Nou wonder ek of dit net die Xhosas is wat
hierdie praktyk in SA beoefen.
Die ATKV en Art�ma, die Instituut vir Kunstebestuur en Ontwikkeling, bied
vanaf 5 - 7 September 2006 'n Entrepreneurskursus in die Kunste aan by die
ATKV-Klein-Kariba Vakansieoord.
Wie en wat is 'n kunstenaar? Wat verstaan jy onder die kunste? Het ons die
kunste enigsins nodig?
Kom gesels saam met van Suid-Afrika se top kunstenaars en kunstebestuurders
oor jou eie besigheid (van finansies en bemarking tot die arbeidswet),
loopbaan, en "image".
Alles oor die organisering van "events"' en "gigs", teaters, "venues" en
feeste. Die CD -industrie, -opnames en kopiereg.
Die kursus beloop R2 900 vir 3 dae en sluit in die akkommodasie, etes en
kursusmateriaal. Vir meer besonderhede en registrasie kontak Johan
Esterhuizen by 011 919 9000 voor of op 22 Augustus 2006.
EINDE
Onderhoude kan gevoer word met: Johan Esterhuizen
Kontaknommer: 084 513 5196
ons bly nie meer op sanien nie, my antie. ma' antie moet nou nie bly
word oor antie dalk dink my pa wil kannadaar toe nie. nee antie dis
ergerliker as dit want oom oujei ons burggemeester vannie aas-en-see
het ons dorp se naam loop staan veranner antie. ons bly nou op maak
shôpie antie.
antie sal sekerlik weet lat maak shôpie 'n gerekende aktievis vannie
aas-en-see was innie straggel antie. toe willie aas-en-see hom vereer.
toe sê hille gapanie hospietaal annerkant dywelskloof moet maak
shôpie
word ma' die mense van gapanie sê oor hille dooije liggame. toe sê
hille oukei dan noem hille die skool by mamietwa maak shôpie ma' die
mense van mamietwa sê ok nie oor hille liggame wat gedooi het nie.
toe kry oom oujei 'n bruinwyf antie en hy sê biedêm die konsulterende
gesprekke wat hy lat hou het om aan te beveel lat sanien sanien bly hy
ry met 'n stoomroller oor ons en toe is ons maak shôpie. wat is nou
fout met 'n mooi boere naam soos sanien antie.
my pa is natierlik nie 'n biekie bemoerd nie antie en die jele dorp
saam mit hom. hy sê hille gat hof toe met oom oujei ma' ek het nie
hoop nie antie want antie weet hoe lat 'n hof maak as jou naam oujei
is. ma' een geluk is lat die baas van die oom van die koerant se
koerant ok van sanien af kom. hy skryf stink stories oor oom oujei so
miskien assie hof sien lat oom oujei skillig is aan iets erger as
moort sal ons oom oujei kan aanpaas vir oom robber moegapie lat hy
simbabwie se naam kan loop veranner.
koebaai antie
hennerietjie (antie moet beswaar maak by antie se pelle by die
ambassade oor die naamgatmakery)
Prof Elize Botha, doyenne van die Afrikaanse literere wereld, word 'n
vrou van eerstes genoem:
Sy was die eerste vrou in die Naspers-hoofdireksie;
eerste vroulike raadsvoorsitter van die SA Akademie vir Wetenskap en
Kuns, asook van die Akademie se Letterkundekommissie;
eerste vroulike voorsitter van the Raad van die Staatsbiblio¬teek;
eerste vroulike trusteeraadsvoorsitter van the Stigting vir Afrikaans;
eerste voorsit¬ter van die Kommissie vir Nasionale Simbole (1993)
en eerste vroulike kanselier van die Universiteit Stellenbosch.
Botha is goed bekend met die baanbrekerswerk wat in plaasskole verrig
is vir die opvoeding van die verarmde Afrikanervolk na die
Anglo-Boereoorlog en die daaropvolgende Depressiejare van die 1930's.
Haar vader, mnr. Klaas Lindes, was naamlik hoof van 'n
tweeman-plaasskool op Koesterfontein in die Magaliesbergse distrik.
SA paaie 'nie gevaarlik genoeg' vir 'n vuurwapen
01 Aug 2006 09:06:44:537PM - (SA)
Eduan Roos
Suid-Afrika se paaie is nié gevaarlik genoeg om 'n vuurwapen te hê nie -
ondanks verskeie dodelike aanvalle op motoriste regoor die land.
Sê het 'n Kempton Parkse man gehoor nadat hy einde verlede jaar om 'n
vuurwapenlisensie aansoek gedoen het.
As motivering vir sy aansoek op 29 Desember het mnr. Gerhard Marx (28), 'n
ouditeur wat daagliks na sy werk in Pretoria ry, gesê hy wil hom beveilig op
dié "gevaarlike paaie".
Op 14 Julie het Marx egter 'n brief van die sentrale vuurwapenregister
ontvang waarin sy aansoek afgekeur word, omdat hy - ingevolge die nuwe Wet
op die Beheer van Vuurwapens - "nie genoeg bewyse het" dat die land se
hoofweë gevaarlik is nie.
Marx kon glo ook nie motiveer waarom hy nie dié behoefte kan bevredig anders
as deur die besit van 'n vuurwapen nie.
Minstens vier motoriste is die afgelope maand vermoor en nóg vier deur
rowerbendes aangeval.
"Dit is belaglik," het Marx gesê. "Ná al my geld en moeite om eers bevoeg
verklaar te word en daarna aansoek te doen om dié lisensie, moet ek nou
hoor dat die paaie nie gevaarlik genoeg is vir my om 'n vuurwapen te besit
nie."
Marx het die vuurwapen, 'n .22-rewolwer, by sy pa geërf.
"Ek het in November 2004 aansoek gedoen om 'n bevoegdheidsertifikaat en
daarna vir die lisensie," het hy gesê.
Dir. Phuti Setati, nasionale polisiewoordvoerder, het by navraag erken dat
die land se paaie gevaarlik is, maar gesê aansoeke word "baie deeglik"
nagegaan en dat Marx teen die besluit mag appelleer.
"Daar kan verskeie redes wees waarom sy aansoek afgekeur is en hy het sê
lank gewag omdat daar doodseker gemaak moet word dat aansoekers in alle
opsigte bevoeg is om vuurwapens te hanteer," het Setati gesê.
"Daar is géén manier om vas te stel hoe lank dit sal duur sou hy appelleer
nie, omdat ons nie oorhaastig is om lisensies toe te staan of af te keur
nie - juis omdat dit sê noukeurig gedoen moet word."
Mnr. Martin Hood, woordvoerder van die Suid-Afrikaanse
vuurwapeneienaarsvereniging (Saga), het gesê onvoldoende motivering word in
70% van alle aansoeke aangevoer.
"Om appèl aan te teken vat gewoonlik meer as twee jaar," het Hood gesê.
"In meeste van die gevalle word die appelle toegestaan - wat beteken dat die
polisie nie doen wat nodig is om landsburgers hulself te laat beveilig nie."
Dis vreeslik warm in Noord-Amerika op die oomblik. Die hitte,
wat so 'n week of twee gelede in Kalifornië begin het, het ons
uiteindelik hier in Ontario bereik. Vandag was dit 36 C hier by
ons in Ottawa, en met die "humidex" diep in die 40 C. Dit het
rekords in Ontario gebreek. Volgens die weerkanaal, sal die
uitsonderlike hitte nie te lank duur nie, maar ons almal hou
maar duimvas dat daar geen kragonderbrekings sal plaasvind
en ons in ellende dompel nie. Vir die eerste keer gebruik
Ontario meer elektrisiteit in die somer as in die winter. Dis
natuurlik omdat meer en meer private huise nou met lug-
verkoeling gebou word.
Terwyl ek nou op die onderwerp van hitte is, wonder
ek toe waar die Afrikaanse woord "sjoe" vandaan kom. Onlangs
het 'n gas van ons vir ons 'n HAT uit SA saamgebring. Maar
dit is geen help nie. Daar is geen verklaring van die oorsprong
van die woord nie. Ek is regtig teleurgestel in HAT. Het nog
altyd aangeneem dat dit die oorsprong van woorde in Afrikaans
outomaties sou aangee ( iets wat die Dictionary of South
African English gereeld doen.)
Ek moes toe maar op my eie wonder wat die oorsprong
van die woord "sjoe" is. Is dit oorspronklik van die Khoi of die
San, of kom dit af van die Franse woord "chaud" ? Wie weet?
Supertaal
Blog
Soek
Hulp
Lede
Registreer
Teken aan
Tuis
RSS
