Ek is At van der Walt van Durban, ek sit hier soos Veldsman (was dit hy)
diep beswaard die nuwe S A is nie meer 'n lekker plek nie. Ek wens ek kon
verhuis na Kanada of die VSA, enige iets moet beter wees as die chaos
hier.
My kinders het mos nie 'n toekoms hier nie, is daar nie iemand in die
buiteland wat my 'n werk wil aanbied nie ek sal enige iets doen.
Ek is registrateur by die Durbanse Onderwyskollege en my vrou is
onderwyseres by 'n Primere skool.
Ewenwel laat dit goed gaan en mag Afrikaans vir altyd voort leef.
Ek sal graag Nederlanders (of Vlaminge) wat die moeite doen om hierdie
nuusgroep te besoek se mening wil hoor oor Afrikaans. Ek het redelik kontak
met Duitsers wat SA besoek en vir meeste van hulle klink Afrikaans goed op die
oor, maar dan verstaan hulle ook minder van die taal as Nederlanders. Sommige
Duitsers dink die taal is te plat.
Wat sê die mense van die stamland? Moenie skaam wees nie, julle is mos bekend
daarvoor dat julle sterk menings het en reguit praat. Ek dink Afrikaans is
bakgat en 'n eg Afrika skepping wat spruit uit 'n sterk Europese
wortelstelsel. Met die sterk Khoi, Maleise, Franse, Duitse en (tot 'n
mindere mate) Engelse invloed is die Europese stamtaal omvorm tot 'n
gemaklike, soepele en pragtige spreektaal waarin mense hulleself kan
uitleef sonder enige voorbehoude. Kom stap deur die Tuine in Kaapstad en
kom luister hoe Afrikaans soos 'n vars waterstroom vloei as die
Kleurlingkinders met mekaar gesels. Oop en sonder enige inhibisies.
Maar ek is bevooroordeeld. Wat sê die mense van die lae lande?
In article , gar...@iafrica.com says...
>
> A subscriber to the Theatre List has queried if any of us
> know how she might find a copy of a play by Adam Small entitled
> "Orange Earth."
>
> Could someone forward me a possible source or supplier?
>
> Colin
> gar...@iafrica.com
>
> ------------------------------------------------------------ ------------ -------
> \:. Colin George Garvie .:/
> \;, ,;\\\,, PO Box 50216,Musgrave,Durban 4062,South Africa ,,///;, ,;/
> \\\;;:::::::o gar...@iafrica.com o:::::::;;///
> ///;;:::::::: ::::::::;;\\\
> /;' "'/////'' "The garvie sprat" ''\\\\\'" ';\
> ------------------------------------------------------------ ------------
-------
Kan jy nie sien of agterkom dit is 'n nuusgroep oor Afrikaans nie,
nietemin hoekom probeer jy nie volgende keer in Afrikaans skryf nie.
Die wonderlike van David Kramer is dat hy 'n snaar van Suid-Afrikaans wees -
en veral Afrikaans wees (al is hy nie Afrikaans nie) aanraak waarmee almal kan
vereenselwig, veral ons wat in die sestigs en sewentigs grootgeword het. Veral
in die Kaap!
Die Burger (11 Junie 1996) op bladsy 3 berig dat Afrikaans Stereo sy naam moet
verander omdat die SABC nie wil hê dat taal- of etniese groepe geïdentifiseer
moet word in die naam van die tien taalgebonde radiostasies nie. Sweerlik kan
daar nie fout wees met etnisiteit of taal as sodanig nie. So wat is dan die
SABC se probleem?
Enige idees?
Die nuwe naam van Afrikaans Stereo gaan blykbaar Radio Sonder Grense wees.
Enige beter name as dit?
Het iemand dalk 'n e-pos adres vir Eben Venter in Oz ?
Dankie
Franz
_________________________________
Franz Dullaart (021) 650 3053
j...@its.uct.ac.za http://www-jfd.its.uct.ac.za/
_________________________________
Snoepie oor sy inkleurboek:
"Ek maak altyd die lug blou"
Bobbejaan, bobbejaan, waar kom jy vandaan ?
Bo uit die berge, onder die maan.
Bobbejaan bobbejaan, wat maak julle daar ?
Ons grawe vir uintjies, en stoei met mekaar !
Nou leer ek dit vir my seun. Hier in die buiteland.
Dis mos kultuur. Of is dit net tradisie ?
Charl Durand verklaar dat hy sinies is oor die "damaskus-
pad" ondervindinge deesdae. "Wat ons red," se hy, "is die
ongelooflike verdraagsaamheid aan alle kante: Swart se
verdraagsaamheid van die witte... en wit se vertroue dat hy
nie gaan wraak neem nie." Is dit nie alreeds 'n gevolg van
die funksie wat die Waarheids- kommissie vervul nie?
Onthou, ook, daar is swart gewetes wat swaar dra aan dinge
wat gedoen is in die afgelope paar dekades. Soos die mense
wat 'n jong tuinwerker sommer net daar in die tuin doodmaak,
omdat hy werk toe gegaan het en nie aan die optog deur die
strate van Durban deelgeneem het nie, in die vroegsestigerjare,
net na Sharpville. Ek het altyd gewonder: het hierdie jong seun
selfs geweet van die boikot?
Supertaal
Blog
Soek
Hulp
Lede
Registreer
Teken aan
Tuis
RSS
