Dis die eerste keer dat ek die nuusgroep bekyk, maar het nog nooit iemand
op enige ander nuusgroep gesien wat soeveel op alles te se het nie. Ek moes
dit net se.
Ek stem saam met sekere gedagtes in die NG dat daar darem klippe rond
trek en meestal ou koeie uitgegrawe word. (Ja, Ja - ek weet die NG gaan
eintlik oor argumentering ens...)
Ek wil 'n paar opinies hê oor hoekom mense dit nog hier (SA) geniet en
hier bly en hoekom hulle nog semi-gelukkig is.
Ek wil graag 'n paar van my ligpunte probeer oordra:
Die gevoel as jy wakker word op 'n Sondag en die lug is so blou soos dit
net op die Hoëveld kan wees.
Die klank van 'n donderstorm en die reuk van reën na 'n snikhete
Desember middag.
Die oop pad tussen Kakamas en Pofadder wat so reguit in die niet verdwyn
met die smaak van droë vye wat jy in Kakamas gekoop op jou tong.
Tietiesbaai in buite-seisoen. Jy in jou tent 15 meter van die see af.
Die oom by die hek wat jou oupa verlangs geken het. Jy gesels met hom
soos ou vriende. Kreef vars uit die see met rooiwyn.
Die reuk van braaivleis.
Afrikaanse drama in die Statusteater.
Vrydag middae op Hatfield Square saam met jou vriende.
Die koue van winter in jou gesig as jy fietsry saam met ou vriende.
Witwyn en snoek op Onrus.
Die vibe in Rockey straat.
Piekniek met 'n stryk kwartet in die Botaniese tuin.
Hamburgers op die sypaadjie voor Varsity Bakkery.
Kerkbasaar met mense wat jou al ken van voor jy gebore is.
Om in 'n skoolkys vas te loop na julle mekaar 10 jaar laas gesien het.
Om in Afrikaans te vloek.
Dankie aan Koos en Izak Bouwer. Dit was nogal heel nostalgies om dit weer
te lees na al die jare. Mmm Koos, miskien moet ek daai verse boek op
kersvader se lysie sit.
Ek sien die AWB leier, Eugene Terre'Blanche sal dalk binnekort moet sit.
Omdat hy 'n arme swart ou se harsings papgeslaan het.
En hy vertel op TV nuus, dat God die landdros moet genadig wees want dié
uitspraak sal in elke afrikaner huis weerklink. Selfs Boerestaatparty leier
Robert van Tonder waarsku dat iets "verskrikliks" gaan gebeur as "Meneer"
Terre'Blanche moet sit.
Wie dink hierdie ou is hy after all? Wie is die handjievol wat hom nog
volg?
Hoe durf hy my naam, as Afrikaner, so gat maak met sy optrede.
Vir enige iemand met 'n IK hoër as 80 is hy lagwekkend.
Net daarna sien ek hoe sing 'n klompie, een nogal 'n dominee, die Stem
terwyl Dr Verwoerd se borsbeeld voor die ou Verwoerd hospitaal in Pta
verwyder word.
As ek ooit enige simpatie vir die saak van die regse vleuel gehad het, het
dit soos water in 'n drein verdwyn danksy Terre'blance en sy militante
trawante en die wat steeds nie vir Dr Verwoerd in die verlede kan laat nie.
"Die Vierde Horison" (Inhuis 1995) is een van my gunstelinge, veral "Die Huistoepad". Hier
is die lirieke, vir die wat dit nie ken nie:
die huistoepad is die pad wat jy vat
as jou siel verdor maar jou oë bly nat
en jy loop maar jy weet jy't die koers vergeet
lê die huistoepad tussen hoop en weet
maar die huistoepad is 'n donkerpad
dis 'n opdraendpad dis 'n dronkaardspad
dis 'n rowerspad en 'n konkelpad
want die huistoepad is 'n kronkelpad
die huistoepad is 'n ware pad
maar 'n nare en vol gevarepad
dis 'n sloop-maarpad en 'n stroop-maarpad
want die huistoepad is 'n hoop-maarpad
die huistoepad is die pad wat jy vat
as jou siel verdor maar jou oë bly nat
en jy weet en jy weet jy is lank vergeet
lê die huistoepad tussen hoop en weet
en die huistoepad is 'n somber pad
dis 'n dink -en 'n peins -en 'n wonderpad
dis 'n sukkel -en beur -en 'n strompelpad
want die huistoepad is 'n kronkelpad
die huistoepad is 'n hartseer pad
dis 'n enkelpad dis 'n swart leë pad
dis 'n snags alleen deur die hoop loop pad
want die huistoepad is 'n doodlooppad
(Musiek en lirieke deur Koos Du Plessis)
------------- (So gepraat van slaggate en moeilike paaie .... )
Supertaal
Blog
Soek
Hulp
Lede
Registreer
Teken aan
Tuis
RSS
