Ek het nou onlangs verjaar, en ek kon nie help om te dink aan die
ouderdom en sy gevolge nie.
Toe ek 'n student was het ons die volgende stapliedjie gesing:
(op die wysie van - een of ander bekende wysie):
as ek vrek en ek vrot in die aarde
en die wurms krioel om my heen
skop dan sand op my graf met jou tekkies
as bewys van jou liefde vir my.
----------------------
Dis nou tipies van hoe 'n student omgaan met sulke heftige kwessies
soos lewe en dood !
wat is die mens ?
vel, been en pens.
bars die pens,
vrek die mens
Party mense dink natuurlik die son skyn uit hulle gatte uit.
Maar die dood is die groot gelykmaker:
Of jy nou ryk of arm is, jy sal vrek.
Die dood kan jy nie vryspring nie, en wanneer jou tyd kom weet jy nie.
En jou rykdom kan jy nie saamvat nie (party mense is so hard aan die
geldmaak dat hul dit vergeet).
Dit laat my dink: Japanese wetenskaplikes het mos nou met die genes
van muise gepeuter, hulle het die genes van jellievisse ingeplant en
muise geteel wat gloei in die donker. Ek dink sekere mense wat
dink hulle is beter as ander (soos die wat nie voor die
waarheidskomissie wil erken dat hulle foutjies gemaak het nie),
moet van die genes kry om in hul gatte in te plant. Dan kan almal
mos sien hoe wonderlik hulle is.
'n ou vriend van my se pa het aan een of ander siekte
gely en was onbeholpe en na aan sy dood.
Op 'n dag maak sy pa toe per ongeluk sy broek vuil.
Hy help toe sy pa bad toe, waar sy pa toe in trane is van
verleentheid. Hy seg toe aan sy pa om hom nie daaroor te kwel nie:
"Hoeveel keer moes pa nie my vuil agterent skoonmaak toe ek klein
was nie ??".
Ja ons vergeet maar te gou.
Ons moet af en toe herrinner word daaraan dat ons almal kaalgat
in die wereld ingekom het en vir jare ons doeke volgeskyt het.
Ja ons word ouer. Ek werk eergister in die voortuin,
en omdat ek in die buitelug is, en ek boontjiesop geeet het,
dag ek ek los maar 'n wind. Ek het my misgis (seker oor ek nou
al weer 'n jaar ouer is), en die "wind" was toe 'n knal.
Dit laat my toe dink aan wat 'n vriend my eenkeer vertel het:
Die ou omie het partykeer in die kerk gesit en poep.
(Hy het seker al swak spierbeheer gehad maar wou graag kerk toe kom).
Kinders het natuurlik aan die giggel geraak.
Hy het hom toe liederlik vererg en ten aanskoue van die hele gemeente
opgestaan, agtertoe gekyk en uitgeroep: "EK POEP JA!".
Mense, moenie dat 'n poep jou onderkry nie !
(of van die kerk af weghou nie)
Ek is tans werksaam by 'n baie groot konglomeraat in SA. Wat vir my uiters
verbasend is, is die feit dat 'n groot gros van my kollegas nie aan enige
geloof behoort nie - en dit vir 'n land waar ons op 'n 80%
Christenskapsyfer roem (laaste sensusopname).
> Ek is koning van konsepte.
> En van hier
> waar die kragte van die tyd
> glorieryk in balans
> om my helder hede hang,
> heers ek
> oor die verlede
> en oor die toekoms.
Elke mens is die baas van sy eie lewe, gedagtes, emosies ens., en moet dus die
verantwoordelikheid daarvoor dra.
CJ Langenhoven het geskrywe:
"Die reisiger wat in die wapad verby ry by jou plaas en die krom vore sien op
jou ploegland en die kweek in jou wingerd, vra nie wie die jong van die plaas
is nie, hy verneem wie die baas van die plaas is. En die buurman in wie se
mealieland jou osse 'n oortreding gedoen het, sal nie sy skadevergoeding by jou
agtelosige beeswagter soek nie, hy sal na jou toe kom. En die oes van die
verdroogde land, sal jou oes wees.
Jy kan nie die kroon van baasskap dra en die kruis daarvan laat lê nie."
On 6/22/97 12:48PM, in message , "Arthur
Hagen" wrote:
>
> Ik sla steil achterover van alle verbanden die worden gelegd: van
> Einstein via het Kabbalisme tot religie!
Hello Arthur
Baie dankie vir e-pos. Wil net noem :-) Einstein was 'n Duitse Jood gewees wat
veral later in sy lewe sterk "religious" geword het.
>
>
>> As ek in my kar ry, weier
>> ek om my venster toe te maak. snip... snip ...Fietsen met een regenpak
> (met capuchon op!) vindt ik een
> "crime" (franse uitspraak, niet engels).
>
Ja, beide At en Arthur. Ek stem saam, en is bly as die gebruik van selfone in
'n motor verban word, behalwe as dit 'n loshande (?) foon is.
> Een citaat uit de bijbel (bladzijde 1)
Yep. "In die beginning was the Word ..."
>
Dankie vir die lekker geselsie,
Vira.
Daar het ek die wiskunde suiwer geleer
van die son wat glorieryk om die aarde tol.
Daar kon die geometrie van my geloof
die hele wêreld elegant aan 'n enkele uur anker.
Maar met die ontvangs van oktrooie
duskant die Swartberge,
het die tyd my heerser gemaak.
Ek het koning oor my lewe geword.
Ek vat die dae en die nagte
en ek maak statistieke daarvan.
Die tyd is 'n mensgemaakte tegnologie.
Ek bestudeer die tyd as 'n ko-ordinaat
van die wêreldlyn.
Ek is koning van idees.
Ek weet hoe vulkane
berge uit die aarde gedruk het,
hoe vreemde diere vroeër
in die moerasse van die Klein Karoo
onder die fel son gebulk het.
Ek weet hierdie berge sal weer beweeg
en valleie, vlaktes en mense saam met hulle sleep
en weer in die koue planeet wegsak
wanneer die son rooi en oud word,
voor alles weer soos saad
in die donker kiltes van die hemel verskiet.
Ek is koning van konsepte.
En van hier
waar die kragte van die tyd
glorieryk in balans
om my helder hede hang,
heers ek
oor die verlede
en oor die toekoms.
Ek het die voorreg gekry om 'n baie belowende span jong atlete af te rig in
landloop. Ek is egter op soek na die jongste inligting oor afrigting
metodes vir landloop, omrede ek glo myne al "bietjie lank in die tand" is.
Enige iemand wat my kan help, asb!
Ek is lankal geintereseerd in "Dimensie" as eienskap op die gebied van visuele
kuns. Julle belangstelling in Taal het my nou daaroor laat dink in die
verband. Dis maar net my eie "brainstorming session" en ek sou enige bydrae
verwelkom. Hier is 'n paar gedagtes bymekaargegooi, geensins afgerond of
volledig nie, maar 'n beginpunt om te probeer bewys dat taal 'n lewende,
groeiende wese is, die kind van al die mense wat dit nou handhaaf, of in die
verlede gebruik het. Dit het relatiwiteit (Einstein)- 'n verlede, teenwoordige
tyd, en 'n toekoms, en alle tydsperiodes is op 'n gegewe oomblik saamgebondel.
Maar ek loop myself vooruit.
Die eerste dimensie, sou ek sê, is die gesproke woord. Dit is eerstens 'n
klank. Soos dit deur die lug beweeg het dit dalk ook te doen met "the Music of
the Spheres", maar dis 'n ander onderwerp.
Die geskrewe woord het twee dimensies - lengte en breedte, kan ook gehoor en
gesien word.
Die derde dimensie het gewoonlik te doen met diepte (?)/depth. Myns insiens
het dit te doen met begrip, diepte van die person/e wat die taal gebruik. Elke
mens se eie "frame of reference" of agtergrond, waarmee hy te werk gaan om die
wêreld om hom te verstaan. Taal is dus baie keer 'n "hit and miss" affêre,
sonder die absolute akkuraatheid van wiskunde, byvoorbeeld. Maar dit los meer
plek vir menslikheid en gevoelens , vir emosie en _Hart_ vs _Brein_. (sien 5de
dim.)
Die 4de dimensie (Einstein - sien bo) het met tyd te doene. Die tydstip waarop
iets gesê word, kan baie verander aan die betekenis of belang van die
kommunikasie.
'n Ander punt: Jou taal, stem, woord kan lank na jou dood verder lewe. In die
geskrewe vorm, boeke. Mens kry 'n klein skok as jy onverwags die stem op band
hoor van 'n geliefde wat reeds dood is. As ons vinnig genoeg kon beweeg, sou
ons ons eie woorde in die toekoms kan hoor, wat ons lank terug geuiter het. Ek
wonder hoeveel maal ons nie sou skaam voel oor wat ons gesê het nie, en moet
dus baie versigtig te werk gaan met dit wat ons uitgee. Klankgolwe is ook in
die Skepping gebruik en het ook te doen gehad met die oprig van piramides,
onder andere (net my eie opinie).
Dit bring my tot die laaste dimensie. Hoe verder die mensdom wetenskaplik
vorder, hoe nouer trek die verband tussen geloof (religion) en wetenskap. Die
moderne teorie van Quantum Physics stel voor dat die 5de dimensie te doen het
met sleg- en goedheid (?) The inherent amount of good and evil, as in the
potentiality of nuclear physics.
Dit is hier waar taal , en die gebruik daarvan, van uiterste belang is.
Woorde wat deur wêreldleiers gespreek word kan al te maklik veroorsaak dat ons
en ons land/wêreld vernietig word.
Hier's 'n interessante punt - in Hebreeus, was daar nog altyd 'n noue verband
tussen letters en syfers. Dieselfde simbole word vir albei gebruik. Die Bybel
noem die Jode "God's chosen people". In "Gematria" (deel van die studie van
Qabbala onder die Torah ) word die woord eerstens as 'n woord gelees, en
tweedens word al die syfers wat daardie woord opmaak bymekaar getel, en alle
woorde wat dieselfde som opmaak het 'n verwandskap. Dit maak dan 'n soort van
kode en dis ongelooflik hoe mooi die woorde in hulle verskillende kategoriee
inpas. Dit sê dus op 'n 'mathematical' wyse veel meer as net die woord alleen.
(There are also the 3 Mother Letters suggesting the Trinity, Aleph = 1 [the One
God], Mem = 40 [see biblical refs of 40 days, etc], and Shin = 300).
Hulle het dit dus lank gelede al reggekry om die twee (left and right brain, if
you like) te versoen.
Vandag se tegnologie doen vir ons 'n soortgelyke funksie. Die binary codes (?)
van 'n komputer verander ons woorde in nommers, wat dit moontlik maak vir ons
om hier op die ng met mekaar te gesels. Miskien is ons almal besig om nader
aan God te beweeg, omdat wetenskap en godsdiens dalk 'n spieëlbeeld van mekaar
is. (Ek hoop nie ek trap op tone nie - indien wel , vergewe my asb., dis nie my
bedoeling nie). Ons woorde en taalgebruik is die emosie/hart, ons gedagtes en
rekenaars is die brein daaragter.
Rekenaars het dit ook moontlik gemaak om die Bybel in 'n kode te verander, en
probeer "decode". Die nuwe boek deur Michael Drosnin, "The Bible Code",
handel hieroor.
Dit lê die Bybel voor as 'n waarskuwing teen die verskriklike dinge wat in
Revelations voorspel word. In geskrewe vorm. Presies dieselfde is lank terug al
gedoen is met die Egiptiese piramides, maar in die vorm van syfers. Duisende
jaar gelede, is dit vir die hedendaagse mens daargelos, ingeval ons die een of
die ander sou verstaan. Albei het min of meer dieselfde boodskap, die een
wetenskaplik daargestel, die ander godsdienstelik.
Ek dink Die Skepper/God/Vader kan as Brein verstaan word, daarna Christus as
Hart - vir die mens om makliker te indentifiseer. Vereniging van syfers en
taal, wetenskap en woord.
Die mense wat so baie vloek, en mekaar slegsê op die Internet, kan dalk net so
bietjie hieroor nadink.
Jammer, ek het nou so bietjie van die onderwerp afgewyk. My bedoeling was net
om die krag van taal as skeppingsmetode te demonstreer, en hoe dit gebruik kan
word om geskiedenis te verander. Afrikaans is 'n baie groot deel van die
skepping van SA - verlede, nou, en toekoms. Ek sal nou weer stilbly en den bek
houden oor geloof sake.
Vir die wat nog steeds lees, baie dankie - ek sou julle kommentaar of kritiek
verwelkom.
Supertaal
Blog
Soek
Hulp
Lede
Registreer
Teken aan
Tuis
RSS
