Lente is voorwaar in die lug hier in Engeland. Omtrent al die bome is aan
die bot, die kersiebome het al klaar hul confetti rondgestrooi en die groen
skynsel aan meeste bome is nie net die mos nie. Daar is nog heelwat bome
wat met sulke kaal knopperige artritis-vingers aan die wolke krap maar selfs
hulle sal ook een van die dae die sagte groen van nuwe blare hê. Ja, daar
is wolke (natuurlik - dis dan Engeland!) maar die laaste paar dae was al
lekker warm, sonder reën en geen wind. Die Noorde van Engeland en die
Skotte het lekker slegte weer gehad - lyk my Yorkshire het omtrent
weggespoel verlede week.
Toe ek Sondag opstaan sien ek die weer is goed en ek besluit om die kans
waar te neem. Ek ry toe so 'n lang draai na die Suidweste toe. My keerpunt
was Dorchester. Al langs die A30 af. Die pad was (snaaks genoeg) oop,
Julio Eglesias/Sting/Dire Straits/Cars en kie het sulke lekker
voet-innie-hoek musiek verskaf. Wat 'n interessante pad is die A30 nie!
Vol geskiedkundige plekke. Jy ry as't ware die geskiedenis in soos jy hom
van Londen af aanvoor. Runnymede (die Magna Carta), Windsor Castle,
Sandhurst, Winchester, Salisbury met sy ou dorp Sarum, Stonehenge, Wardour
kasteel en Plymouth (sien ek in die atlas) lê op of baie naby aan die A30 en
dek 'n stuk geskiedenis wat strek vanaf die laaste Ystydperk tot vandag toe.
Oral sien 'n mens afdraaie na so-en-so se fort/kasteel/circle/markdorpie
ens. Daar is letterlik dosyne van die 'circles' wat almal omtrent uit die
laat steentydperk kom. Ek het selfs 'n teken gesien waar jy na 'n dinosorus
kan gaan kyk (lewendig? ;-) ). Dorchester is 'n ou Romeinse nedersetting
(so-by-so is Londen, Salisbury/Sarum en Winchester natuurlik ook!).
Salisbury se katedraal en Stonehenge het ek met 'n vorige geleentheid
betrag, maar daar was ander dinge wat my op die helder Sondag (en sondag) na
buite getrek het. By Cerne het iemand 'n figuur (die 'Cerne giant') teen 'n
nabygeleë koppie uitgelê en by Fovant het 'n klomp regimente hul wapens ook
teen die koppie uitgewerk, maar nie sommer net met klippe gepak nie, hulle
het verskillende soorte heinings geplant wat mooi netjies geknip word en die
effek is nogal goed. Ek het ook so 'n anderhalfuur in die New Forest
rondgestap. Aai, so baie beelde/ervarings/gewaarwordinge, en my vingers kan
nie vertel wat ek hier binne ervaar het nie!
Iets wat my opgeval het gedurende die rit was die somtyds eienaardige name
van die plekke, ek bedoel, die Engelse plekname is snaaks, maar hierdie
name... Party name het 'n so anatomiese klank/liggaamsfunksie: Puddletown,
Tolpuddle, Piddlehinton, Piddletrenthide, Alton Pancras, Affpuddle,
Tincleton, Turners Puddle, Briantspuddle, Piddlerivier lê almal so binne 10
myl van mekaar af. Ander herinner weer baie aan die Romeinse en latere
kerk- (Latynse) invloed: Toller Porcorum, Minterne Magna, Minterne Parva,
Milton Abbas, Bere Regis, Teffont Magna en so tussendeur kry jy Franse
(Normandiese?) name ook. Daar's 'n paar wat ek nou so agterna in die atlas
ook raakgesien het (in dieselfde omgewing) wat so 'ekonomies' klink:
Sixpenny Handley, Cashmoor (seker 'n paar Skotte daar ingetrek). Die
snaakse name herinner my aan van die plaasname wat ek al in SA raakgeloop
het: Koppies, en so 'n entjie verder Pierings, Losmytjerrie (wat 'n storie
kan 'n mens nie hieruit optower nie!) en natuurlik die ou staatmakers
Pramkoppies en Tietiesbaai. Kry 'n mens hierdie soort ding in ander lande
ook?
Nou ja, groete vir Sproete en gee die windhond wind...
Dries
Afrikaans en die Afrikaner staar tans baie probleme in die gesig , en dit
is nou maar eenmaal so dat aanpasbaarheid noodsaaklik is vir Afrikaans sowel
as Afrikaners om te oorleef en sy voortbestaan te verseker .
Die enigste manier om Afrikaans se voortbestaan te verseker, is deur dit te
laat groei en ontwikkeling toe te laat deur middel van aanpasbaarheid .
En dan moet ons nog kyk hoe ons as Afrikaners in die buite wêreld as
muishonde bestempel word en volgens hulle ons verdiende loon gekry het .
Dan word daar ook nog die vraag gevra "Is Afrikaans die moeite werd om
gered te word?" Die natuurlike en logiese antwoord is , ja dit is . Maar
ons moet dit doen vir die regte rede en nie omdat daar sekere persone is wat
voel hulle moet Afrikaans red sodat dit gebruik kan word om teen die nuwe
bedeling te velde te trek nie .
Dit is wel so dat verswelging versnel word deur die integrasie van skole,
hospitale universiteite en welsynsdienste . ons moet ook misdaad , etniese
konflik , verstedeliking , instroming uit Afrika , politieke onstabiliteit
en regstellende aksie in die oë kyk . Ons moet aan onsself asook die res van
die wêreld bewys dat die Afrikaner nie met sy broek om sy knieë gevang sal
word nie , maar hoe ?
Die antwoord is aanpasbaarheid en daar is die pioniers tussen ons wat aan
die ander moet bewys dat die droom uitvoerbaar is . Ons sal moet begin bou
terwyl ander nog sal sit en kyk of dit sal werk .
Om aan te pas is inderdaad wat gedoen moet word . Ons sal moet ophou
neersien op ons broers wat Afrikaans met 'n Kaapse aksent praat , wat djy en
djou maar in hul harte ons passie deel ,
ons mede broers wat na takhare lyk , maar hulle net in my en jou moedertaal
kan uitdruk
Het u geweet dat daar passievolle Afrikaners is wat neusringe dra ,nie aan
die NG-kerk behoort nie en in krokke rond ry ; dat hul kinders eendag in
Afrikaanse skole wil skool gaan en dat Engelse woorde wat hul taal so
deurvlek nie van hulle Rooinekke maak nie.
Hierdie mense is die mense wat moet weet hulle is ons mede Afrikaners en dat
hulle welkom is om hulle uit te druk in ons pragtige , buigbare en
aanpasbare taal .
Hou op om Afrikaans perfek te hou , maar verklaar Afrikaans eerder oop tot
verandering sodat almal welkom en tuis sal voel , maar ook sodat ons taal
kan ontwikkel en groei .
Onthou net , of dit nou Afrikaans van Langa of Waterkloof is, van Dimbaza of
die Vetkoekpaleis , in sy wese bly dit Afrikaans , my en jou moedertaal .
Kom ons kyk op na hierdie moderne sprekers en erken hulle as taalverykers en
die opbouers van ons moedertaal . Kom ons erken Afrikaans as ons nommer een
peoriteit en vergeet vir 'n oomblik van ander goed soos status ,geld en
aansien .
Kom ons vergeet van die " Winternag " Afrikaans waar druppelsdou verbleek in
die kou en erken gedigte soos die van Annetjie Krog waar sy die volgende
skryf MA EK SKRYF VIR JOU 'N PLATVOET GEDIG SONDER FANSIE LEESTEKENS .
In woorde klink dit tog plein of miskien selfs common maar in mening sal dit
enige ma se hart verryk.
Dit is tog hoe ons taal nog altyd was , beskrywend , ryk en uitdrukkingsvol
. En alhoewel dit vir sommiges verbasend mag klink kan ons , ons taal so hou
al beteken dit ons moet aanpassings maak .
Onthou net Pendoring se treffende slagspreuk NIKS SE DIT SOOS AFRIKAANS NIE
!!!!
Juan van Zyl cham...@bigfoot.com
George Campbell Tegniese Hoerskool
Durban
Kaal is die ou sandwêreld hier, en kaal
Die see daar buite waar die branders breek -
'n Strand vol klippies en 'n pol’tjie kweek
Van ruigtegras, nou nie meer groen, maar vaal.
Hier praat die veld 'n onverstaanbêre taal;
Hier maak die son die blou soutwater bleek,
Totdat hy saans vermoeid sy kop versteek
Agter die duine, waar sy glans verdwaal.
Hier staan die soutkors sonder vou of plooi,
Glad, silwerwit, en met 'n goudgeel lys
Van modder en klei - hier dun en daar nog dig.
So arm die wêreld hier, en tog so mooi -
Stil, soos 'n oumens amper oor sy reis
En met die Dood se skadu op sy gesig.
>> -"Op Hartebeesfontein"
>> -"Dis Al" en "Martjie" deur Jan F.E. Celliers
>> -"Vliegie" en "Die Soutpan" deur Leipoldt
>> Groete uit Vlaanderen.
>
> DIS AL deur Jan F.E. Celliers
>
> Dis die blond,
> DIE SOUTPAN deur Leipoldt
>
> Kaal is die ou sandwêreld hier, en kaal
OK, Moosebumps, wie van ek of jy gaan
"Martjie" intik? Dis vreeslik lank.
Wens iemand met 'n scanner kan dit
doen. In ons taamlik ouerige edisie
van die Groot Verseboek het ons nie
"Vliegie" en "Op Hartebeesfontein"
nie, dus kan ek nie daarmee help
nie. Ek wou net "Martjie" begin
intik, toe sien ek jou pos. In die
Groot Verseboek staan onder die titel
"Martjie" die woorde " 'n Fragment."
Was die oorspronklike gedig langer
en is wat ek het net 'n fragment? Ek
kan nie onthou of daar meer was nie.
Ek het dit te lank terug bestudeer.
Hoekom noem jy jou Moosebumps? Bly
jy dalk in Noord-Amerika? Het jy al
"Moose droppings" ge-eet? Yummy.
Die droë bossies waai
taai taai in gelid
vorentoe skep die wind
die lied van die doedelsak
druk aan na die rante
waar die donderweer
vuurslag slaan teen
die swart ysterklip
tog het dit nie gereën nie
maar die wind het gaan lê
Ek is `n burger van Noorweë, en tussen 1980 toe 1990 het ons höer viel van
die anti-apartheid held ;Alan Boesak. Maar ek het nie meer gehöer nie. Kan
julle meedeel wat hy maak vandag.
Vandag is die president van die Suid Afrikaanse Replubliek mnr. Nelson
Mandela in Noorweë. Hy was welkom by die Koning van Noowe� Harald V en se
Koningin Sonja. Vannaand is dat `n middag in die Kaseel.
> As "apartheid" 'n gebou is wat bestaan uit 'n fondament en strukture wat
> daarop gebou is, dan het ek net so min beweer dat iets (wat dit ookal mag
> wees) die gevolg is van die Wet op Bevolkingsregistrasie, as wat 'n gebou
> die gevolg is van sy fondament.
Ek wonder of jy weet wat jy _wel_beweer het?
> .................................
>>
>> b. As "apartheid" gebou is op die wet op bevolkingsregistrasie, beteken
>> dit dat enige wet op bevolkingsregistrasie sal lei tot "apartheid" as dit
>> etniese verskille omskryf?
> ..................................
> Miskien ja - veral as die oorgrote meerderheid van persone wat deur die
> wetgewing geraak word geen seggenskap gehad het by die maak daarvan nie.
Sou dit 'n verskil maak as hulle wel seggenskap gehad het?
> niemand sal met jou stry as jy sê dat daar rassisme / rasse-diskriminasie
> oral in die wêreld voorkom nie. Alhoewel rassisme 'n belangrike element
> van "apartheid" is is "apartheid" meer as net rassisme.
In watter opsigte is dit meer as 'net' rassisme? (En moenie nou soos
Gloudina skroomvallig raak en in algemene skeltaal verval nie, verduidelik
asseblief!)
> Gloudina het jou
> uitgeskel as 'n apartheidsvark (nie 'n rassis nie) en jy wil vir ons vertel
> dat
> jy naarstiglik soek na wat sy met "apartheid" bedoel. Dit lyk egter vir my
> of jy nie regtig wil weet wat sy daarmee bedoel nie, Dis hoekom sy vir jou
> die storietjie vertel het
> van haar oupa op die stoel - there are none
> so blind as those who do not want to see.
My liewe Simon. Of jy dink dat ek regtig wil weet wat Gloudina bedoel, is
heel irrelevant. Want jy is nie die een wat beskuldig staan nie.
Soos jy miskien behoort te weet, staan ek hier beskuldig van 'n sogenaamde
'crime against humanity'. Geen triviale sakie nie.
Soos jy ook behoort te weet, erken beskaafde gemeenskappe (insluitende
beskaafde elemente van die Kanadese gemeenskap, soos sy grondwet,
byvoorbeeld) dat ek 'n bepaalde reg het in hierdie situasie: Ek het die reg
daarop dat die beskuldiging teen my uiteengesit word in voldoende
besonderhede dat ek die daad/dade kan identifiseer waarvan ek beskuldig
word.
Gloudina vermy konsekwent my pogings om te bepaal presies wat dit is waarvan
sy my beskuldig. Daarmee ontneem sy my die vermoë om my teen haar
beskuldigings te verdedig.
Dit, sal jy saamstem, Simon, sou deur beskaafde mense beskou word as 'n
skending van my regte.
Nou: Wanneer Gloudina _wel_ so ver gekom het om haar beskuldiging behoorlik
uiteen te sit, kan ek daarmee maak wat ek wil. Ek kan dit ignoreer, ek kan
my daarteen verdedig, of ek kan dit toonset vir die volgende CD van die
Naaimasjiene. Maar dit het met jou geen snars te make nie.
> My poging hier is maar net om die
> konsep van "apartheid", soos ek glo meeste mense (ook Gloudina) dit
> verstaan,
> 'n bietjie te analiseer.
Weereens. Hoe _jy_ dit verstaan is bloot irrelevant. Ek is die een wat
beskuldig staan. Ek is die een wat die reg het om te weet wat dit is waarvan
ek beskuldig staan.
(Maar ek is wel ge-interesserd om te weet hoe jy dit verstaan.)
>>
>> Insgelyks: Die regering van die NSA vereis van my werkgewer (soos bepaal
>> deur hul nuwe arbeidswetgewing) om aan die regering te rapporteer wat my
>> geslag en ras is.
> ..........................................
> Hierdie is 'n vorm van rassisme of, as jy 'n bietjie meer eufemisties wil
> wees, rasse-diskriminasie. Maar dis nog nie "apartheid" nie.
Goed: Wat is die verskil tussen 'rassime'/'rassediskriminasie' en
'apartheid'?
Supertaal
Blog
Soek
Hulp
Lede
Registreer
Teken aan
Tuis
RSS
