In Zuid-Afrika zijn ze wel erg begaan met hun imago tijdens het WK voetbal.
Het organiserende land is van plan duizenden daklozen, bedelaars,
prostituees en straatkinderen in een speciaal kamp te huizen. Na achthonderd
mensen uit Johannesburg, zijn er nu ook driehonderd uit Kaapstad reeds
'weggestopt' in een township in de buurt: Blikkiesdorp, dat die naam te
danken heeft aan zijn krappe en weinig comfortabele behuizing en waar al
1.450 families samengepakt zitten in een buurt bedoeld voor 450.
Menslievende instellingen staan op hun achterste poten.
Johannesburg - Die ANC is verstom dat die hof nie die party
geraadpleeg het voor die beslissing dat die Struggle-lied "Skiet die
boer" onwettig is nie.
Die party wil nou die beslissing in die konstitusionele hof daag.
Die ANC meen die hof sou anders beslis het indien dit die regerende
party geraadpleeg het.
Die lied is onder die spervuur ná ANC-jeugleier Julius Malema vroeg in
Maart by 'n studentebyeenkoms in Johannesburg "Skiet die Boere, hulle
is verkragters!" gesing het.
Die Suid-Afrikaanse Menseregtekommissie (SAMRK) is voorts toegegooi
onder klagtes teen Malema.
Die hooggeregshof in Johannesburg het Vrydag beslis dat dit
ongrondwetlik en onwettig is om die woorde van die kontroversiële lied
te sing volgende 'n interdik vandeesweek deur ‘n sakeman in Delmas.
Die sakeman, Willem Harmse, wou verhoed dat sy kollega Mahomed Vawda
die lied gebruik op plakkate tydens ‘n optog teen die hoë
misdaadsyfers in Mpumalanga en Gauteng.
Bloemfontein - “Ek is net bly hy het my nie verkrag nie,” sê Hester
Thomas (79) van Bloemfontein nadat haar aanvaller haar pimpel en pers
geslaan, gewurg en boonop op haar getrap het.
Dit is die derde wrede aanval in minder as ’n week in Bloemfontein en
omgewing waarin bejaardes wreed aangeval en beseer is.
Thomas is in die Pelonomi-hospitaal opgeneem.
Haar aanvaller het haar vermoedelik net vir kouevleis, kaas en
kledingstukke “verniel”.
Thomas van Lilaclaan in Gardeniapark het Dinsdag die
Dierebeskermingsvereniging (DBV) gebel om wilde katte uit haar tuin te
verwyder.
Die weduwee bly al twee jaar alleen in die huis.
Thomas het op die stoep gewag toe ’n lang man van tussen 25 en 30 jaar
opdaag.
Hy het werk gesoek, maar Thomas het gesê sy kan hom nie help nie.
Die man het weggeloop, maar later teruggekom en vir geld gevra. Thomas
het gesê sy het nie geld by haar nie.
Die man het haar toe aangeval en met ’n mes bokant haar linkeroog
gesteek. Hy het ook haar gordel afgesny en dit gebruik om haar te
wurg.
“Hy het my geslaan dat die bloed loop en om die huis gesleep,” sê sy.
Volgens haar het die aanvaller ook op haar bors getrap.
“Hy was sterk.”
Die man het die huis se sleutels wat aan ’n lint om haar nek was,
gevat en die huis oopgesluit.
Thomas is in die huis gedwing.
Die dapper vrou het terugbaklei. “Ek het hom al sy hel gegee.”
Van haar tone is blou van hoe sy haar aanvaller geskop het.
Sy het ook ornamente in die huis gegryp en hom daarmee geslaan.
Die aanvaller het in ’n hangkas gordels en ander artikels gekry
waarmee hy Thomas vasgebind het.
Sy is in die badkamer toegesluit en het eers ure later daarin geslaag
om haarself los te wikkel.
In die badkamer was ’n spaarsleutel en sy kon die deur oopsluit.
Thomas is toe na haar bure, wat die polisie ontbied het.
Dit blyk al wat die aanvaller gesteel het, was kouevleis, kaas en
vermoedelik kledingstukke.
Denis Thomas, ’n sakeman van Bloemfontein, sê dit is onaanvaarbaar wat
met sy stiefma gebeur het.
“Sy is ’n goeie mens.”
Volgens hom is sy ’n sterk vrou met ’n wil van haar eie en sal die
nagmerrie-ervaring kan verwerk.
Kapt. Chaka Marope, polisiewoordvoerder, het die huisroof bevestig.
Volgens hom is niemand al in hegtenis geneem nie.
Dié aanval kom nadat ’n gesin Sondagaand in Jagersfontein deur ses
mans met grawe en messe aangeval is.
Onder die slagoffers is mev. Francina van Vuuren (77) wat met bloeding
op die brein in die Pelonomi-hospitaal in die stad opgeneem is.
Wat 50 jaar gelede by Sharpeville gebeur het, was ’n groot jammerte.
Maar die laaste paar dae is ons gepeper met berigte van hoe die
“apartheidspolisie” so wreed was om soveel mense dood te skiet wat
“vreedsaam” betoog het.
Vyftig jaar gelede het ek in Westville gewoon, reg langs Cato Manor,
waar nege polisiemanne (wit en swart) ’n week voor die Sharpeville-
tragedie met pangas in klein stukkies opgekap is.
In daardie tyd wou die meerderheid swart mense niks met die ANC/SAKP
te doene hê nie en hulle wou in vrede woon. Maar hulle het in vrees
gelewe omdat die opstokers sulke weerlose mense vermoor het as hulle
nie wou saamwerk nie.
Destyds het die polisie almal gehelp, ook swart mense, al was hulle
hóé gevaarlik. Maar dié keer het die polisie hulle in ’n lokval bevind
met tragiese gevolge.
Die optog na die polisiestasie in Sharpeville was lank voor die tyd
gereël. Op pad is almal gedwing om saam te loop, anders sou hulle
daarvoor moes boet.
Ons moenie vergeet nie dat die opstokers van daardie tyd meer as 300
van hul eie mense lewend met die barbaarse halssnoer-metode
doodgebrand het.
Hoe sou enigiemand gevoel het in die skoene van daardie polisiemanne
met net ’n draadheining tussen hulle en die aankomende massas wat al
hoe nader gebeur het, met ’n opruiende dreunsang van “Cato Manor, Cato
Manor”?
Met die wete van hul makkers se lot die vorige week in Cato Manor kan
’n mens verstaan dat die jong polisiemanne in Sharpeville daardie dag
paniekbevange geraak het. Vandag, in ons gemakstoele, is dit maklik
vir ons om hulle te veroordeel.
Omkopery en teistering van die publiek deur wetstoepassers is besig om
’n epidemie te word.
So sê mnr. André Snyman, koördineerder van die kuberbuurtwag
eBlockwatch.
“Die aantal klagtes wat ons deesdae hanteer van die publiek wat deur
metro- en polisiebeamptes geboelie word, het geweldig toegeneem en dit
kan as niks anders as ’n epidemie beskryf word nie,” sê hy.
Nagenoeg 500 mense het eBlockwatch die afgelope twee maande gebel
omdat hulle bang was vir sulke viktimisasie, sê Snyman.
Dit kom nadat eBlockwatch in Februarie sy program Polisiëring van die
Polisie in werking gestel het. Met dié program kan sy lede ’n
selfoonnommer skakel wanneer hulle deur wetstoepassers afgetrek word
en die oproep word dan opgeneem.
In vier van dié opnames kan gehoor word hoe wetstoepassers mense
afgeknou of gedwing het om omkoopgeld te betaal.
Die groot getal oproepe wat eBlockwatch al ontvang het, dui daarop dat
sulke viktimisasie gereeld voorkom en dat die publiek bang is vir die
polisie, sê Snyman.
“Mense het geen vertroue in wetstoepassers nie. Hulle tree op asof
hulle verhewe is bo die gereg. Hulle is skietlustig en onbehoorlik
aggressief teenoor die publiek, wat op die ergs moontlike maniere
geïntimideer word om omkoopgeld uit hulle te kry,” sê hy.
Volgens hom vererger die publiek ook die probleem deur die omkoopgeld
te betaal.
“Die publiek se houding hieroor maak dit vir korrupte
misdaadbestryders maklik en winsgewend om omkoopgeld te vra.”
Die Instituut vir Sekerheidstudie (ISS) het in ’n ondersoek bevind dat
metropolisielede verlede jaar deur omkoopgeld tot R30 000 per week as
bykomende inkomste verdien het. Volgens die studie verdien sommige
beamptes tot R6 000 per nag aan omkoopgeld van dronkbestuurders.
Snyman sê korrupte misdaadbestryders se algemene werkwyse is om by
toegangsroetes na drinkplekke en in afgeleë gebiede op hul slagoffers
te wag.
Hul houding is geweldig aggressief wanneer ’n motoris van die pad
getrek word en dié word geterroriseer vir omkoopgeld, sê hy.
“As jy jou verset, word jy in hegtenis geneem en in ’n polisiesel
gegooi waar nog klagtes uit die lug gegryp word om jou bang te maak.
Sodoende word daar verseker dat jy groot bedrae omkoopgeld sal betaal
om los te kom,” sê Snyman.
Polisieer die polisie met eBlockwatch
eBlockwatch is ’n landwye teenmisdaadnetwerk.
Sy Polisieer die Polisie-program is om sy lede te help wat bedreig
word deur wetstoepassers of iemand wat hulle as wetstoepassers
voordoen.
Lede skakel die nommer 082 236 0003. Die oproep word as ’n klankgreep
opgeneem en na eBlockwatch en vier vriende se e-pos-adresse gestuur
sodra die oproep beëindig word.
Dié klankgreep kan later as bewys ingedien word. Lede word aangeraai
om die betrokke wetstoepasser se naam en nommerplaat te kry. Dié
inligting sal ook aan die polisie se teenkorrupsie-eenheid gegee
word.
Die diens kos R30 per maand vir ’n enkellid en R50 vir ’n gesin van
vyf.
Mnr. Miles Orbell verduidelik hoe sy motor deur Ekurhuleni se
metropolisie vol gate geskiet is nadat hy glo nagelaat het om by ’n
stopstraat stil te hou. (Foto: Bongiwe Gumede)
2010-03-27 16:32
Johan Eybers
Hy het gedink dit is ’n motorkaping toe daar op hom geskiet word, want
daar was geen sirene nie, net flikkerende ligte van ’n voertuig agter
hom.
Die skote het blykbaar begin klap toe mnr. Miles Orbell, ’n 53-jarige
oud-vlieënier, Maandagoggend oor ’n stopstraat in die afgeleë
Bapsfontein-gebied aan die Oos-Rand in Gauteng gery het.
Toe al vier sy motorbande flenters geskiet is en ’n patroon in sy
sitplek beland, het Orbell so groot geskrik dat hy oor ’n stuk veld
gejaag het om veilig by die Barn Stormers-klub uit te kom waar sy seun
Kallum (23) die oggend aan die nasionale kampioenskap vir
radiobeheerde vliegtuie deelgeneem het.
Dit was eers toe hy in die parkeerterrein van die klub stilhou en voor
sy seun en klublede geboei is, dat Orbell besef het hy is deur
Ekurhuleni se metropolisie agtervolg wat op hom geskiet het toe hy nie
vir hulle wou stop nie.
“Ek is rondgestamp, daarvan beskuldig dat ek as ’n wit persoon dink
dat ek kan doen net wat ek wil en vir ’n misdadiger uitgekryt.”
Eers 12 uur later is hy uit die Olifantsfontein-polisiekantoor se
selle vrygelaat nadat mnr. Howard Dembovsky van die Justice Project
South Africa (JPSA), ’n organisasie wat hom vir motoriste se regte
beywer, tussenbeide getree het.
“Ek was in ’n gebied wat bekend is as ’n kapingsbrandpunt en ek het
gedink ek word deur kapers agtervolg. Ek is ’n wetsgehoorsame burger
en ’n versigtige motorbestuurder met geen misdaadgeskiedenis nie.
“Die hele affêre het my geweldig geskok. Ek kan nou nie slaap nie en
ek het geen meer vertroue in wetstoepassers nie,” sê Orbell.
Mnr. Kobus Erasmus (40) van die plaas Jakkalsdans naby Moloto, noord
van Pretoria, sê sy hond Rufus het een van hul aanvallers
eergisteraand gebyt. Foto: Jaco Marais
2010-03-28 22:15
Virginia Keppler
’n Bende gewapende rowers het eergisteraand twee huise op die plaas
Jakkalsdans naby Moloto “omsingel” en talle skote op die eienaars
geskiet in wat soos ’n “klein oorlog” geklink het.
Mnr. Kobus Erasmus (40) het gesê hy en sy seun, Corrie (18), moes vir
die koeëls weghardloop wat uit alle rigtings op hulle geskiet is.
Die pa en seun het gaan ondersoek instel nadat hul honde omstreeks
21:30 erg begin blaf het.
“Corrie het eers deur die venster gekyk en gesê daar is mense in ons
erf. Ek het eers gedink dit is een van ons werkers en ons het gaan
ondersoek instel,” het Erasmus gesê.
Op daardie oomblik het Erasmus se pa, mnr. Lukas Erasmus (64), ook uit
sy huis op die erf gestap om te gaan kyk waarom die honde blaf. Die
twee huise is ’n klipgooi van mekaar.
“Toe ek en my seun om die motorhuis se hoek kom, het my hond, Rufus,
’n verdagte gegryp. Die volgende oomblik het ’n ander verdagte op ons
begin skiet. Hy was so 5?m van ons af,” het mnr. Kobus Erasmus gesê.
“Skielik was daar meer as vier mense wat op ons geskiet het. Ek het
vir my pa geskreeu om terug huis toe te hardloop.
‘Gryp jul gewere en skiet!’ het ek geskreeu. In werklikheid het ons
nie ’n vuurwapen van ’n dag oud nie. Ek het maar net gehoop hulle
skrik as hulle dink ons gaan terugskiet,” het hy gesê.
Terwyl hy en Corrie huis toe gehardloop het, het die koeëls aanhou
kom.
Mnr. Kobus Erasmus se vrou, Tessa (46), het hul ander twee kinders (17
en 10) gegryp en na die hoofslaapkamer gehardloop.
Hulle het op die vloer langs die bed gaan lê.
Mnr. Erasmus se pa en stiefma, Marie, het ook in hul huis die ligte
afgeskakel en op die vloer gaan lê.
“Ek en Corrie het die die huis ingehardloop, ligte afgeskakel en
gordyne toegetrek en plat gaan lê. Ons het ’n ruk lank bly lê totdat
dit doodstil was,” het Erasmus vertel.
Hy het gesê dit is ’n wonderwerk dat niemand raak geskiet is nie. Een
van die koeëls het sy bakkie se modderskerm getref.
Die polisie het op 9?mm-pistool- en haelgeweerdoppe beslag gelê.
’n Geskokte me. Elsie Smit vertel hoe haar lewensmaat, mnr. Assie van
As, in hul huis doodgeskiet is. Foto: Wayne Coetzee
2010-03-25 22:50
Virginia Keppler
’n Pa van East Lynne, Pretoria, wat vyf keer in die bors geskiet is,
het eergisteroggend tot die dood baklei om sy lewensmaat en seuntjie
teen drie gewapende rowers te beskerm.
“Dêdda se groot seun, jy moet mooi na Mamma kyk. Ek is lief vir jou,”
het die sterwende mnr. Jan (Assie) van As (49) vir die vyfjarige
Daniël gesê.
Hy het ook vir me. Elsie Smit (37), sy lewensmaat, gesê hy is baie
lief vir haar. “Toe hoor ek hom roggel.”
Die aanvallers het Van As en Smit eergisteroggend net voor 03:00 in
hul bed in hul huis in Uilstraat wakker gemaak.
“Die volgende oomblik het ek die drie elk met ’n vuurwapen in die hand
sien staan. Hulle het gesê ons moet stilbly en het geld en vuurwapens
gevra.”
Van As het dadelik die kluis oopgesluit en vir hulle R4 000 wat daarin
was en vier selfone gegee.
Smit het gesê toe Van As die kluis wou toemaak, het een van die rowers
die sleutel gegryp.
“Assie het dit terug probeer gryp en op daardie oomblik het hy vir een
van hulle geskreeu: ‘Is jy nie die een wat gister in my erf was nie?’
Toe klap twee skote.”
Smit het haar kop met die duvet toegetrek en hardop gebid. Terwyl Van
As met sy aanvallers baklei het, het hy daarin geslaag om Daniël se
kamerdeur toe te trek.
“Nog twee skote het geklap. Toe was dit ’n ruk stil terwyl hy die
diefwering in die sitkamer wat die aanvallers oopgebuig het om in die
huis te kom, weer toegebuig het. Toe klap nog ’n skoot.”
Smit en haar seun het by Van As gebuk waar hy langs die bank gelê en
bloei het. Hy het hulle toe gegroet.
Smit het daarna deur die venster om hulp geroep en ’n buurvrou en
polisievrou wat toevallig in die straat verby gery het, het kom help.
“Ek het my vingers in sy wonde gesteek en die bloeding probeer stop.
Ek het vir hom geskreeu ‘jy het die eerste keer toe hulle jou gekaap
en geskiet het oorleef en jy kan dit weer doen’, maar dit het nie
gehelp nie.”
’n Geskokte Smit het gesê Van As is ’n paar jaar gelede tydens ’n
motorkaping geskiet.
Mev. Elsa Smit, Smit se ma, het gister gesê hul dominee het mooi vir
Daniël verduidelik sy “dêdda is nou by Liewe Jesus”.
Volgens Smit het inbrekers ’n week gelede kabels van sowat R7 000 uit
hul erf gesteel.
Van As, ’n elektrisiën, se begrafnisdiens is Woensdagoggend om 10:00
in die Hervormde kerk East Lynne.
Afrikaans is nie op die punt om uit te sterf nie, maar
Afrikaanssprekendes kan gerus die digter Breyten Breytenbach se
waarskuwing oor die taal ter harte neem.
Geen kleiner taal is in die vinnig veranderende en toenemend
globaliserende wêreld 100% veilig nie.
Afrikaans het die verdere nadeel dat hy nie deur die ANC-regering as
een van ons inheemse bates beskou word nie.
Afrikaans se hedendaagse prestasie as inheemse Afrika-taal is
ongeëwenaard op die vasteland.
Dit het tot ’n kuns- en wetenskapstaal ontwikkel waarin werke van
wêreldgehalte geskryf kan word.
As algemene spreektaal in al sy verskillende variante is Afrikaans
waarskynlik so gesond soos selde tevore.
Duisende stroom na Afrikaanse kunstefeeste en populêre Afrikaanse
musiek en boeke bloei.
Die probleem is nie op straat of in die kombuis – waar die
verskillende soorte Afrikaans soos kosbare kleinode bewaar moet word
nie.
Dis by wat genoem word die hoër funksies van taal: aan universiteite,
in howe, hospitale, skole en in die regering.
Weliswaar het Afrikaans sy hoër funksies onder ’n NP-regering tydens
apartheid verwerf. Kan dit teen ’n taal gehou word?
Meer as die helfte van Afrikaans se sprekers is bruin.
Hoe drasties Afrikaans se verlies was, blyk uit Afrikaanse onderrig op
skool en universiteit.
Afrikaans-enkelmediumskole het van 1 396 in 1993 tot 667 in 2010
afgeneem.
Is daar nog enige ingenieur, dokter, veearts of wetenskaplike wat hul
graad van die eerste tot die finale jaar in Afrikaans voltooi?
Met Engels se stewige houvas as internasionale en akademiese taal is
groter tale soos Nederlands en Duits ook hieroor bekommerd.
Afrikaanssprekendes kan nie toelaat dat Afrikaans sy posisie as
akademiese taal prysgee nie.
Dit sal tot die skande van die huidige geslag besluitnemers wees as
Afrikaans oor tien jaar ’n vergete taal op universiteit is.
In reaksie op Neels Jackson se artikel verlede week: Hy sê ons moet
onsself nie ’n rat voor die oë laat draai dat dinge erger is as wat
dit regtig is nie.
Hy sê ook dat die persepsie-probleme waarmee baie Afrikaanse mense
juis vandag sit, is omdat die koerante nie in die 1980’s vir hulle
vertel het wat regtig in die land gebeur nie.
Ek stem saam: As die koerante alles moes vertel wat werklik gebeur
het, sou geen regdenkende mens sy wapen vrywillig by die polisie
ingegee het nie.
As die koerante alles vertel het, sou meer mense lankal uit hul gemak
sones en staat van ontkenning gekom het.
Hulle sou beslis geen “persepsie-probleme” gehad het om te sien dat
Suid Afrika reeds ’n mislukte staat is nie.
Hy verwys terug na die “goeie dae”, wat eintlik maar ’n kookpot was
wat gewag het om te ontplof.
Ja, Neels, as jy lank genoeg ’n leuen herhaal, begin jy dit later self
glo. Jy weet self die ANC doen dit ook altyd.
Al die jare is ons in die pers gebombardeer met die feite dat
apartheid so sleg was; dat ons moes mag oorgee aan die ANC om ’n
ongekende bloedbad te verhoed.
Word wakker en ruik die rose!
Gelukkig het die heer Julius ’n klomp van die slapendes met ’n skok
laat wakker skrik.
Afrikaners gaan hulself moet geestelik voorberei op die ergste.
Dit gaan kom soos ’n dief in die nag. En terloops, ek maak geen
verskoning daarvoor dat ek uiters pessimisties – of sal ek sê
realisties – is nie.
( http://tinyurl.com/yzy22d2 )
Supertaal
Blog
Soek
Hulp
Lede
Registreer
Teken aan
Tuis
RSS
