Selfbeeld
Di., 30 April 2002 06:13
Ek hoor nou op RSG onderhoude met dogtertjies oor hulle Barbie-poppe. ( nie
een het net een nie)
Ek sien ook dat daar alweer 'n artikel oor Advokaat Barbie in Huisgenoot
is.
Nou is daar een of ander sielkundige wat beweer dat die pop 'n simbool van
bemagtiging van die vrou is.
Ek stem nie saam nie - maar die vraag kom wel op hoekom sekere mense aan
hulle uiterlike beeld drastiese veranderinge laat aanbring en dan verklaar
dat hulle nou uiteindelik hulleself is.
Vir my het Self tog niks uit te waai hoe ek lyk nie - maar miskien kan
iemand hier vir my verduidelik hoekom daar mense is wat wel so dink, en wat
die rede tot so 'n denkrigting is.
Dis net vir my moeilik om te verstaan dat 'n besadigde persoon met 'n
introverte persoonlikheid eensklaps kan verander in 'n uitgesproke
ekstrovert met die kleur van die hare na blond en plastiese verandering aan
sigbare bates, en dan te verklaar dat hulle nou uiteindelik hulself is.
Annette
--
Groetnis,
Annette. ann...@ctnet.co.za
Happiness is a State of Mind
Koeitjies & kalfies |
5 kommentare
Thysie Grappie
Ma., 29 April 2002 18:03
Een van die manne hier se werk was om gate in die tietiebottels se tuite te
steek.
Agter hom was 'n vervoerband met kondome op wat verpak moes word.
Die voorman is hoogs ontsteld toe hy sien hoe ons man elke nou en dan
omdraai en 'n paar gate in die kondome steek soos dit verbybeweeg.
Die voorman roskam hom vreeslik, en beveel hom om hom net by die botteltiete
te bepaal, waarop ons man hom antwoord:
Nei, ma' hoe dinkie maneer dan nou? Wa' moet ons dan allie customers vi'
hierie moese lot botteltiete vedaan kry?
Humor & grappe |
0 kommentare
PUvir CHO
Ma., 29 April 2002 12:09
Op sê wie nou 'n gesprek dat hulle die naam wil verander, sodat Engels die
voertaal daar kan word.
Ek weet nie hoekom nie - PU vir CHO is elke geval amper klaar heeltemal
Engels - Potch. Univ. vir Cokes, Hotdogs en Ontug;))
Annette
Koeitjies & kalfies |
2 kommentare
Nog Vigsinligting
Ma., 29 April 2002 08:59
Ek het die nommer van die Hulplyn geskakel, ( soos in die koerant se
advertensie gegee) om seker te maak dit bestaan wel.
Dit word eers in Engels en dan in 'n ander taal beantwoord - ek is nie seker
watter etniese taal nie.
Die nommer is: 0800-012-322.
Annette
Koeitjies & kalfies |
0 kommentare
Wie is Ek?
Ma., 29 April 2002 07:25
Mense is bang vir my.
Sommige is so bang dat hulle nie eers my posstukke aan hulle wil oopmaak
nie.
Die meeste mense is absolute senuweewrakke as hulle vir my moet kom kuier.
Daar word ook algemeen aanvaar dat ek almal om my wil indoen, en hulle wil
besteel.
Soos ek geleer is, weet my linkerhand nie wat my regterhand doen nie.
Annette
Koeitjies & kalfies |
2 kommentare
Voluit Vir Vigs
Ma., 29 April 2002 06:20
Na die ommeswaai verlede week ivm vigs, is dit nou weer tot oordadens toe na
die ander kant. - soos gewoonlik.
Nou is daar glo 'n vigs Taakmag aangestel - en ons word in 'n volkleur
volblad advertensie daaroor ingelig:
Die Taakmag bestaan uit:
T. Mbeki - Staatspresident
J . Zuma - Adjunkpresident
D. Omar - minister van Transport.
M. Tshabalala-Msimang - minister van Gesondheid
K Asmal - minister van Onderwys.
S Mufamadi -minister van iets
E Pahad - minister van die presidensie
G Fraser-Moleketi - minister van Administrasie
Z Skweyiya - minister van Sosiale Ontwikkeling
M Mdladlala - minister van Arbeid
B Skosana - minister van Korrektiewe Dienste
T Didiza - minister van Landbou
B Ngubane -minister van Kuns &Kultuur.
Boonop word 'n tabel gegee met die begroting vir HIV/AIDS tot 2005 - en die
opskrifte van die tabel is verkeerd!!
Wat IS dit met die mense dat daar tot met sulke duur en onnodige
advertensies sulke foute deurglip? Daar is geen advertensiemaatskappy se
naam gedruk nie, so dit is die uitsluitlike werk van ons welbetaalde
presidensiele kantoor.
Ek dink die minister van Gesondheid kon die ou takie lag-lag alleen hanteer
het.
Ek sien ook toevallig dat die Presidensiële Raadgewende Raad ivm vigs wat
hom en die ANC so lekker stewig op die dwaalspoor gehou het, in Maart
verlede jaar laas vergader het.
Wonder wat was in die koffie dat die paljas sooooo lank gewerk het.
Annette
Koeitjies & kalfies |
1 kommentaar
Krieket
Ma., 29 April 2002 05:41
Na verlede week se bosberaad om uit te vind wat met ons krieket verkeerd is,
is die huidige keurkommitee afgedank.
Pat Symcox is een van die nuwe keurders.
Kepler Wessels en Fanie de Villiers het dit nie gemaak nie.
Dit lyk ook of ons miskien ook 'n nuwe afrigter en kaptein gaan kry, maar
geen name is genoem nie.
Annette
Sport & ontspanning |
0 kommentare
Pakistanse Boksers
Ma., 29 April 2002 05:14
Ook maar goed ons weet nie van Pakistanse boksers nie - want dit maak dat SA
nog 'n onderskeiding het - volgens die Amerikaners het ons land se boksers
name wat die ergste tongknopers is.
Die bokser tans wat hul tongknoper koning is, is SA strooigewig kampioen
Mlungiseleli Xokoloshe.
Ek het hom nog sien boks nie - wonder of sy boksbynaam Tokkolossie is;)))
Annette
--
Koeitjies & kalfies |
2 kommentare
Ierse Logika
Ma., 29 April 2002 04:41
Die Universiteit van Cork het 'n ere-doktorsgraad in die Regte aan Roy
Keane, sokkerspeler van ManU en Ierland, toegeken.
Hulle het seker gereken hy het uitsonderlike kennis van die Reg, omdat hy 10
jaar gelede gearresteer was, in 1999 'n nag in die tronk deurgebring het, en
daarvan beskuldig is dat hy 'n buurman met 'n kierie gedreig het.
Annette
Koeitjies & kalfies |
0 kommentare
Supertaal
Blog
Soek
Hulp
Lede
Registreer
Teken aan
Tuis
RSS
