Ons het nou net oorgegaan na 'n ADSL lyn toe, en ons nuwe ISP is
Posix. Wie van julle is by Posix, en weet enigiemand of hulle 'n
newsgroup server het? Ek kon niks op hulle web site kry nie.
En, is daar 'n ISP in die land wat NIE die 3gig (per maand) limiet op
bandwydte het nie? Maak glad nie sin dat jy so moerse vinnige lyn kan
hê en dan beperk moet word tot net 3 gig per maand nie. Ek gebruik
daai 3 gig in 3 dae se tyd op.
Met Kalahari se afslag wil ek nou vir my so veel as moontlik CDs op een slag
koop. Ek het nou al 'n heel paar op my lys, maar nou wil ek 'n klomp van
afrikaanse kunstenaars ook bygooi. (Sien hoofrede onderaan).
Nou wil ek graag hê elkeen moet reply met ten minste een naam van wat hy
dink die beste afrikaanse CD is, redes is nie nodig nie, net die CD se
naam/sanger.
En ek sal ook graag wil weet wat Mathys Roets se nuwe CD se naam is (Is
onlangs baie geadverteer, hy sing o.a. "Kom drink 'n koppie koffie" in die
advertensie).
Byvoorbaat dankie vir al die replies:-)
O ja, die hoofrede: Die afgelope tyd het die afrikaanse sangers begin kla
oor radio stasies te min afrikaanse musiek speel (het begin op die KKNK) en
ek het my nie eintlik veel daaraan gesteur nie en maar aanhou luister na
Jakaranda. Toe het hulle nou die aand 'n insetsel op Pasela daaroor en toe
ek die arrogansie van die mense in beheer van onder andere Jakaranda sien
besluit ek net daar om maar eers RSG te luister totdat Jakaranda sy houding
verander. Maar nou het ek besef RSG is nie heeltemal vir my nie, so nou gaan
ek maar 'n hoop CDs koop en eerder dit luister en so probeer om die
afrikaanse musiek te ondersteun.
Vir gewone mense:
Jy doen iets.
Die parlement hou nie daarvan nie.
Hulle stel 'n wet in wat dit onwettig maak.
Jy word aangekla
Jy verloor jou werk.
Vir lede van die regerende party:
Daar word 'n wet ingestel.
Jy doen verkeerd totdat jy uitgevang word
Jy erken dat jy verkeerd gedoen het
Geen aanklag nie
Jy behou jou pos en voorregte.
Dit na aanleiding van Terror Lakota se erkenning dat hy nagelaat het om
volgens wet sy belange te verklaar.
Hy is 'n direkteur van 'n wynplaas Landzicht - die ander 6 direkteure het
almal Afrikaanse name en vanne - wat hy nie verklaar het nie.
Hy is ook direkteur van 'n plaas wat druiwe verbou en die druiwe lewer aan
Landzicht - wie se belang hy wel verklaar het.
Verder is hy 'n direkteur in 'n pertroleum maatskappy ( die ander twee
direkteure is blankes) wat hoofsaaklik brandstof lewer aan die
boerderybedryf.
Hy beweer dat hy wel direkteursvergoeding kon gekry het by beide.
Hy beweer ook dat hy geen geldelike voordeel gekry het uit die pertroleum
mpy nie - wat 2 miljoen liter brandstof per maand verkoop - wat dui op 'n
bogemiddelde wins ( hulle doen selfs beter as die motorhawe by Drie
Susters) - maar hy gaan glo sy aandele daarin verkoop - wat hom 'n aardige
bedraggie sal besorg.
Die voordeel van die Islam is dat hulle hul afgestorwenes binne 24-uur
begrawe.
Hoe lank gaan dit nog duur voor Sisulu tot rus gaan kom. Hierdie manne kan
vir jou begrafnis hou ...
Op 'n ander noot. Hoe plant julle in julle families? Ons hou 'n bymekaarkom
die aand voor die tyd en dan maak jy 'n stywe dop (of meer) - of jy nou
drink of nie. Die voordeel is dat wanneer die begrafnisdiens plaasvind, dan
is jy te fodde vir treur. O ja, jy maak weer lekker vriende in die familie
in.
Die Ingelse/Iere noem dit klaarblyklik 'n "wake".....
1) Willie Ludick ( bokser) is vroeër die week oorlede op 62-jarige ouderdom.
Hy het kanker gehad.
2) Luyanda Mboniswa is skuldig bevind aan moord op Marike de Klerk, en is
tot twee termyne lewenslank gevonnis. Hy is vrygespreek op die aanklag van
verkragting.
3) Daar is geen SA rugbyspan wat verder aan die Super 12 toernooi sal
deelneem nie. Nou kan hulle lekker uitrus vir die wêreldbekertoernooi.
4) Sedert 9 Mei mag geen plastieksak deur enige onderneming gratis verskaf
word nie. Die publiek moet of 'n sak koop, of hulle eie sakke verskaf.
Die wêreld se top golfkoekie het besluit sy gaan die mans in 'n groot
toernooi aanpak en skryf in. Die mans is egter nie so opgeklits met
hierdie idee nie. Sekerlik sal hulle nie omgee om saam met die beentjies
rond te loop nie, maar vir wat wil 'n vroumens tussen die mans inboender?
Ek sit nou die aand en blaai op DStv op soek na sport toe ek toevallig te
ruste kom op Hallmark waar 'n fliek besig was en op daardie oomblik wys
hulle die vrou wat deur 'n polisieman by die stasie ontvangs vakerig en met
min entoesiasme hanteer word. Dis toe dat sy hom vertel dat as
staatsamptenaar is sy werk om die publiek te dien en as hy nie daarvan hou
nie, dan moet hy vir hom 'n ander werk gaan kry waar hy nie die publiek hoef
te bedien nie.
So 'n paar gedagtes later, toe besef ek maar dis presies die kern van
wat verkeerd is met die dienste wat nie net die staat nie, maar ook die
semi-staat en baie privaatmaatskappy ook lewer.....die personeel werk maar
oor die algemeen ook maar net om 'n salaris te verdien om aan't lewe te bly,
maar van passie en werkerstrots is daar eintlik g'n sprake nie. Sekerlik
weg is die dae wat werk vir mense 'n roeping is wat vervul moet word na die
beste van sy vermoë?
Waarom is dit so? Is dit omdat die mense glo hy is eerder deel van 'n
oorlewingsproses en het g'n beroepstoekoms in Afrika nie? Sekerlik dink
baie blanke kinders so. Weens regstellende aksies word swart werksmense
in poste gesit waarvoor hy/sy sekerlik die kwalifikasies voor het, maar
omtrent geen vorige ondervinding het van hoe dinge in 'n departement gedoen
word nie. Weens dieselfde regstellende aksie is sy onmiddelike hoof en
bestuur ook mense wat nie die nodige ondervinding het om te kan bepaal wat
presies dit is wat maak dat effektiewe diens aan die publiek gelwer word
nie. Dis 'n 'viscious circle' en die verloorder is die publiek wat nie
die dienste kry waarop hy geregtig is omdat hy belasting betaal daarvoor
nie.
Enigiemand wat in Suider-Afrika woon sal weet voorbeelde is legio. Ek
kla nie, want dit help nie om te kla nie! Wat ek wil weet is daar 'n
manier waarop mens dit ooit kan regstel? En antie Gloudina, voor jy my nou
weer beskuldig van apartheid voortrek, laat ek jou vertel dat voor die val
van apartheid, so verkeerd soos hy was, so 'n effektiewe staadsdiens het SA
en SWA gehad. Die waarheid kan nooit verkeerd wees nie! Vandag is dit
chaos en dit verswak by die dag.
Supertaal
Blog
Soek
Hulp
Lede
Registreer
Teken aan
Tuis
RSS
