Wys: Vandag se boodskappe :: Onbeantwoorde boodskappe :: Stemmings :: Navigasie

Hartlik welkom! Op hierdie webtuiste kan Afrikaanse mense lekker in hul eie taal kuier, lag en gesellig verkeer. Hier help ons mekaar, komplimenteer mekaar, trek mekaar se siele uit, vertel grappe en vang allerhande manewales aan. Lees asb ons aanhef en huisreëls om op dreef te kom.

" my lewerik wou te hoog " deur DOLF VAN NIEKERK

Wo., 01 Oktober 2003 14:00

Dolf van Niekerk

my lewerik wou te hoog

my lewerik wou te hoog
die reën gaan haal
toe raak sy keel droog
en hy val

as jy reën wil hê
moet jy jou
vlerke vinnig klap
en amen sê

Prosa & poësie | 1 kommentaar

Goeie Plan?

Wo., 01 Oktober 2003 12:05

Sien vandag by 'n Pizza plek in Oranjezicht - terwyl mens daar sit en eet en
WB kyk, dan sal hulle vir mens 'n glas gratis bier gee elke keer as die
bokke punte aanteken:)))

Annette

Koeitjies & kalfies | 3 kommentare

Aardklop

Wo., 01 Oktober 2003 10:07

Ek is oortuig dat Aardklop die KKNK gaan verbysteek - tensy die KKNK na
Stellenbosch toe verskuif...

Koeitjies & kalfies | 1 kommentaar

Boere maak Zambië nuwe tuiste

Wo., 01 Oktober 2003 09:56

Meer as 70 Zimbabwiese boere wat hul grond weens pres. Robert Mugabe
se grondhervormingsplan verloor het, het plase in Zambië gekoop, sê
die Zambiese regering.
Beleggings deur Zimbabwiese boere beloop sedert Januarie sowat $83
miljoen (R614 miljoen).

Volgens mnr. Jacob Lushinga, hoofdirekteur van die Zambiese
beleggingsentrum, kom gemiddeld ses tot agt boere elke maand na
Zambië.

Hulle verbou 'n verskeidenheid produkte, insluitend tabak en mielies.

Lushinga sê die boere bring voldoende toerusting en geld om hul
landbouprojekte suksesvol te begin wat Zambië se ekonomie 'n hupstoot
gee.

Dié boere vestig hulle in vrugbare gebiede. Dikwels moet met
tradisionele leiers onderhandel word om grond te bekom.

Bron:news 24

Koeitjies & kalfies | 5 kommentare

Happy sage se einde

Wo., 01 Oktober 2003 07:16

Happy Sindane, wat sekere mense ietwat op hol gehad het, het sy laaste dag
in die hof gehad.
Daar is toe bepaal dat hy definitief 19 jaar oud is, en nie 16 nie. Dit
beteken dat hy nie meer onder die kindersorgwet val nie, en die mense wat
vir hom sorg is nou nie meer sy pleegouers nie, maar sy werkgewer.
Happy het ook R100 000 gekry van 'n verfmaatskappy omdat hulle sy naam in 'n
advertensie gebruik het sonder sy of sy voog se toestemming.

Annette

Koeitjies & kalfies | 5 kommentare

'n Miljoen vir 'n miljoen

Wo., 01 Oktober 2003 06:18

'n Firma bied 'n miljoen rand aan aan enigiemand wat hulle na die
Krugermiljoene kan lei.

--
Annette

Koeitjies & kalfies | 2 kommentare

Woordoorsprong

Wo., 01 Oktober 2003 02:51

Wie weet?
Ek gebruik per toeval die woord (?) "poerdesmerdes" ("poer-des-merdes") - en
uit die bloute kry ek 'n verduideliking van die oorsprong van die woord?
Wie weet?

Koeitjies & kalfies | 29 kommentare

Nare skok

Di., 30 September 2003 15:04

Die mense wat vrag op die Sealnd Express gehad het, moet nou %-gewys 'n deel
van die herwinningskoste betaal.

Annette

Koeitjies & kalfies | 0 kommentare

Laaste RSG Huisgenoot vandag

Di., 30 September 2003 10:57

Nou gaan ek niks meer weet wat in Huisgenoot staan wat ek met die deurblaai
by die rak gemis het nie.
Van volgende week Maandag is daar groot programskommelings op RSG.

--
Annette

Boeke, tydskrifte & koerante | 2 kommentare

Kellies en Kroeks

Di., 30 September 2003 10:55

Vanoggend in Gauteng het 'n minibustaxibestuurder in 'n woordewisseling
betrokke geraak met 'n bestuurder van 'n Mercedes.
In 'n daad van padwoede het die merc-ou die taxi-ou doodgeskiet.
Die mercedesbestuurder is by 'n polisiestasie in hegtenis geneem waar hy
blykbaar iets wou rapporteer.
--
Annette