In article , saar...@loxinfo.co.th says...
>
>
> Jan jou stoute bliksim,
>
Ek dink nie hierdie is geskryf deur 'n vrou nie.
Heelwaarskynlik deur 'n manlike rekenaar-nerd.
(Een wat nie "bliksem" kan spel nie.)
Vroue dink nie so nie.
Maar ek dink ook Afrikanermans is van die beste
in die wereld.
Gloudina
TOE my skoonma pas getroud was wou sy probeer broodbak en sy het alles
gedoen soos sy gedink het dat haar ma dit gedoen het.
Die deeg het egter nie warm genoeg gekry nie en wou nie rys nie. Sy wou nie
hê haar bruidegom moes dink sy is dom of 'n slegte vrou nie en was
vreesbevange dat die brood neergeslaan en so swaar soos 'n klip sou wees.
Sy vat toe die skottel met brooddeeg en gaan gooi dit in die hoenderhok en
hoop maar die dom hoenders sal dit oppik voordat haar man van die werk af
kom.
Toe die son warm word begin daardie bondel deeg te rys en die hoenders het
daaraan begin pik en skrop en toe skoonpa die middag gaan eiers uithaal
slof en hobbel al wat 'n hoender is met 'n bol deeg aan elke voet en vere
en hoendermis is daaraan vasgeplak en dit lyk of almal skielik
olifantsiekte onder lede het.
Skoonpa skrik hom skoon in 'n nuwe bloedgroep in vir die vreemde verskynsel
en skree vir skoonma sy moet haar ma bel om gou te kom kyk wat met die
hoenders aangaan. Sy skrik haar weer flou, want sy dink toe die deeg het
hulle siek gemaak en gaan sluit haar in die kamer toe en huil haar oë dik.
Toe sy nie die deur wil oopmaak nie en hy hoor hoe sy huil, spring skoonpa
op sy dikwielfiets en jaag na haar ouers se huis en sê daar is groot fout.
Al die hoenders is siek en nou is sy bruid ook in trane en dalk nog siek
ook.
Sy skoonouers kom toe met gehuurde vervoer en bleek om die kiewe daar aan
en die jong bruid is toe al kliphard besig om die hoenders met 'n emmer
warm water en seep te bad en 'n paar bedremmeldes staan toe al druipnat,
sonder hulle gestewelde spore eenkant.
Na nog baie trane en verleentheid is die waarheid uit en haar pa wou hom
natuurlik doodlag. Haar ma en haar bruidegom het egter meer simpatie betoon
en het maar in die mou gelag en later laat skater.
Ek dink nie daar is die dag baie eiers gelê nie. Hoenders skrik mos baie
maklik hulle lê weg. Skoonma het wel baie vinnig leer broodbak, want sy was
sommer 'n baasbakster toe ek haar seun leer ken het.
Ek dink dis ook maar goed die hoenders het nie veel gelê die dag nie, want
met die warm deeg en die eiers daarin kon hulle dalkies "eggburgers" gelê
het, sommer warm uit die oond of is dit nou warm uit die hoender.
Het jy nie 'n lekker storie/staaltjie soos die een hierbo nie, stuur dit
ASSEBLIEF aan my. E-pos dit na dm...@pixie.co.za
Daar was 'n stilte in die oppersaal
toe Hy met sterk, verhewe hand Hom draai
en sê: "Die man wat My vannag verraai,
sit saam met My aan hierdie avondmaal..."
In twyfel het hul daardie woord herhaal
en wis nie dat hul voor die hanekraai
soos blare van 'n boom van Hom sou waai...
Maar een was doodsbleek teen die lampestraal!
Toe het Hy brood geneem en God gedank,
dit met die hand gebreek en dit geseën:
die beker het Hy boordevol gegooi
met wyn wat dartel was en vonkelrooi -
maar, hoog gehou, was in geen hand voorheen
ooit wyn so rooi, ooit aardse brood so blank!
-------------------------oOo--------------------
Ek verskil met jou, indien mense ophou om negatiewe betekenis aan doodgewone woorde te heg, en dit negatief te gebruik, sal die wêreld 'n beter plek wees. Net soos idiome begin deur een mens wat dit meer as een maal gebruik, so ontstaan negatiewiteit ook.
Dietrich Bonhoeffer:brief aan homself
I.L.de Villiers
as niks meer heilig is nie
word alles heilig
en die wind waai waar hy wil
ek is
ek wil
sal wees
en sal nie wees nie
was gister?
en die pad terug na kind
en kinderland is lank
selfs as jy die koers ken
maar die wind
waai alles weg
scho"nberg en buchenwald
berlyn etsi deus non daretur
hoe rooi is die tamaties
op die tafel
hulle is so daar
gebring deur 'n bewaarder
bid vir my pastor bid vir my
ek is so hier
hier in die hoek
op 'n kombers 'n katel
kyk die tossels roer
as ek hier raak
daar is nog rooi tamaties
iewers in tuine
hier in flossenbu"rg
duisende rooi tamaties
ry op ry
in kruise opgebind
soos in berlyn
toe ek 'n kind was
as niks meer heilig is nie
word alles heilig
word die wind stil
hoor jy niks
dis winter
wit
en alles hang
hoog in die dood
groot fees van die wat vry wil wees
dit groei uit rooi tamatie-rye
uit die swart grond uit
groter en ruimer as die son
as vriend as vrou
groei uit na God
swaai aan 'n tou
Ek het julle briewe oor die Kerk geweldig interessant gevind,
baie dankie. Die indruk wat ek kry is dat die kerk wel 'n merk
op julle gelaat het en dat julle iets daaroor te sê het.
Ek vind ook dat Suid Afrikaanse tydskrifte (wat ek laat pos na
Australie) interessante artikels het soos in De Kat
(oor ons "Calvinisme") en Insig (oor "is daar net een God?") ens.
In vergelyking met RSA, is daar weinig artikels oor godsdiens in
Australie, en mense het oor die algemeen nie veel te sê daaroor
nie omdat hul eenvoudig nie belangstel nie.
Maar julle klink ook vir my 'n bietjie sinies oor die Kerk.
(Ek self was vir 'n lang ruk vreeslik die moer in vir die NG Kerk).
Maar ek vind die doen en late van die Kerk wel interessant,
die kerk het tog altyd iets te sê, op allerhande vlakke,
of dit nou op politiek, kultuur/taal of persoonlike vlak is.
Sonder sy reenboog van kultuur en godsdiens sal SA maar 'n vervelige
ou landjie wees. Verder is RSA dominees akademies die bes opgeleidste
in die wereld, en ek mis dit nogal hier. Dominees kan soms 'n kwessie
soos genadedood of so iets op 'n veel dieper manier bespreek as die
tipiese TV "fast-food" manier. (Genadedood is nou 'n groot kwessie
hier in Australie). Onthou al die dominees is nie oud en verstok nie,
party "surf" in die see en op die "net". En die bybel is ook op CD-ROM
beskikbaar, in Afrikaans (ou en nuwe vertaling).
My vriend het 'n groot boek met fotos in van al die kerke en dominees
in die ou dae in SA. Geweldig interessant, dis seker Africana.
Die Afrikaner en sy taal kom 'n lang pad met die kerk saam.
Ek het op Stellenbosch 'n student geken wat sy PhD in Teologie
besig was. Hy was geen Christen nie, maar het intens belanggestel
in teologie. Eintlik is die fondament van Westerse kultuur is gesetel
in die Kerk. Of jy daarvan hou of nie. (Dink maar terug aan die donker
middeleeue ens, ons filosofiese geskiedenis: Kant, Hegel, Marx ens).
Dis nou die tweede jaar dat die Passiespel op Hermanus
opgevoer gaan word in die amfiteater by die ou Hawe.Dit vind plaas
op Goeie Vrydag , 28 Maart 1997 onder leiding van mev. Lisma Kotze.
Supertaal
Blog
Soek
Hulp
Lede
Registreer
Teken aan
Tuis
RSS
