Dag beste vrienden,
Ik lees regelmatig die Afrikaanse nieuwsgroep,
en vind dit fantastisch goed (Baye goed) ook wonen jullie in een zeer
prachtig land betreffende
de natuur, wij zijn er op reis geweest en ZA heeft ons bekoord tot en met.
Wij hier in Belgie gaan nu richting Winter, het worden weer korte en kouwe
dagen.
Hopelijk kunnen wij deze reis nog eens overdoen.
Nog de beste groeten uit Belgie
Marc.
bedags loop ons uit in die son
- jy met jou altviool-oë en alp-gladde hare
ek met my aksent
dan loop ons uit tussen vreemde lepels
en geponiede komberse
oor berge wat kneukels trek
onder misrook en kraaie
in wit kano's dryf ons oor die onkunde
oor dae wat gedoilie lê met vrede
met bashemane agter die bokke
met troppe nguni-beeste
bruin duwweltjies teen die hellings
met skeermes-landjies teen Thaba-Tseka
teen Thaba-Putsoa
en Butha Buthe
maar snags: snags
keer ons terug na die wit pastorie op Morija
snags braai ons kreef in franse wyn
snags lê ons tussen handgeweefde tapisserie
tussen le corbusier en frank lloyd wright
verdwaal in mekaar se arms
verlore in mekaar se oë
besig om te klim
na die hoogste
spits
van beskawing.
villanelle vir die oos-vrystaat, clarens-distrik
Tom Gouws
hierdie landskap lê voue van vergeelde papier
in sandsteen sagkens verhard, hoog bo teen die blou lug,
soms dof geskryf in oker ink, soms in die geel van 'n populier,
kras ravyne tot in die grasvelde, geel soos heuningbier,
'n geelkoperklei groei koring en sonneblom hier geil tot vrug
hierdie landskap lê voue van vergeelde papier
waarop eland en springbok steeds wei, nes elke sku dier
op rotswande, net enkele ligte spore verklap hul vinnige vlug,
soms dof geskryf in oker ink, soms in die geel van 'n populier.
snags onhoorbaar steeds die voeteval van geelbruin impi's hier
in geveg, die harde voetsole van die difaqana se vlug terug
hierdie landskap lê voue van geel papier
in die beleë kleur van perkament, elke grot is hier 'n skuur
van beelde uit ons vergeelde geheue, soos ook elke gedig,
soms dof geskryf in oker ink, soms in die geel van populier.
hierdie landskap lê voue van vergeelde papier,
soms dof geskryf in oker ink, soms in die geel van populier.
On Wed, 30 Sep 1998 22:11:57 +0200, "Leendert van Oostrum" wrote:
<<>Ek stel nie voor dat Gloudina nie die gedigte hier moet pos nie.>>
Drie "nie's" maak die sin onverstaanbaar.
<<>Die punt is dit: in al hierdie gevalle is daar gewoonlik voorsiening gemaak
> vir die beskaafde gebruik om bedagsamheid te betoon aan die eiendomsbelange
> van die kunstenaar en die entrepreneur wat (dikwels teen verlies) die werke
> publiseer. Gewoonlik is die toestemming van die belanghouers verkry en
> feitlik altyd is die naam van die bundel, die uitgewer, die prys, en hoe dit
> bekom kan word prominent genoem.>>
Die punt is ook dat jy van die verlede praat. n Baie formele verlede.
Dis verby.
En die Afrikaanse digkuns is in bietjie van n krisis omdat dit nie
gelees word nie, want dit word nie "geadverteer" nie.
En onder sulke omstandighede reken ek enigiemand wat klein stukkies
van Afrikaanse digters se werke (en enkele gedigte is klein stukkies
van hulle werk) op n openbare forum plaas waar dit GELEES word, is
besig met noodhulp.
<<>Ek moet miskien my standpunt herhaal, net om dit duidelik te stel:
>
> a) Ek verwelkom Gloudina se plasing van gedigte op die nuusgroep, en ek
> dink nie sy moet ophou daarmee nie.
> b) Ek reken die meeste van die kunstenaars en die uitgewers sal met
> vreugde toestemming verleen vir die plasing van die gedigte. Dit sou hulle
> ook die geleentheid gee om die nodige inligting te verskaf oor waar die
> bundels bekom kan word.
> c) Ek bewonder nie Gloudina se weiering om ten minste redelike pogings
> aan te wend om die toestemming van die kustenaars en uitgewers te kry, en om
> die verskuldigde blootstelling te gee aan die uitgewers nie.
> d) Ek dink haar houding dat sy 'n stryder vir vryheid en geregtigheid is
> deur die belange van die kunstenaars en uitgewers te ignoreer is 'n bietjie
> sot om die minste te sê. Dit is uiters kortsigtig vir iemand wat voorgee om
> daardeur Afrikaans te bevorder.
> e) Persoonlik vermoed ek dat sy bloot te lui is om die nodige moeite te
> doen.>>
En persoonlik reken ek dat jy en andere n gerieflike stok gekry het om
haar mee te probeer slaan.
Korrigeer my as ek verkeerd is, maar ek wil al onthou dat sy gedigte
plaas vandat die nuusgroep begin het. En dat jy baie onlnags eers
besware begin aanteken het. En ek wil my half herinner dat julle twee
onlangs - net voor jou besware - n bietjie stry gekry het op die
nuusgroep.
Maar die oplossing is redelik maklik. Jy kan mos by elke plasing van
haar die nodige inligting byvoeg. Daar is sover ek weet omtrent net
twee uitgewers wat nog gedigte in Suid-Afrika in Afrikaans publiseer.
Jy kan dit mos aanlas by haar plasings. Dis nou as jy werklik so
ernstig oor die digters se regte voel. Jy is in Suid-Afrika en sy is
in Kanada. En as dit waar is dat jy betrokke is by die Universiteit
van Pretoria (waar die ANC lyk my n aktiewe jeugvleuel ook het), is
dit mos nog makliker - jy vra net die mense by die Afrikaanse
departement!
Die situasie is nou hier dat as Gloudina haar aan julle steur en haar
ingeligte en intelligente liefde vir digkuns (en of jy nou van haar
hou of nie, dit is sy beslis) onderdruk en ophou om gedigte te plaas
op die groep, dan gaan nie een van julle dit doen nie. Niemand gaan
dit meer doen nie.
En dan gaan jy regstegnies korek wees (maar die digters gaan
waarskynlik geen enkele sent kry van die geldelike potensiaal inherent
aan jou argument nie - hulle gaan zero meer bundels verkoop) en die
groep gaan sonder gedigte wees en die Afrikaans digkuns gaan n klein
maar kragtige internasionale blootstelling verloor.
Watter soort oorwinning gaan dit wees?
Wie gaan gewen het?
Leendert en sy kring gaan n kleinlike persoonlike oorwinning oor hul
aartsvyand Gloudina kan vier. Vir omtrent so n week - die nuusgroepe
se geheue is maar kort.
En die verloorder gaan die Afrikaanse digkuns wees.
Voorts veronderstel ek dat n mens jou ook seker maar sal moet dophou
in die toekoms om te sien of jy - wanneer jy n geskrif aanhaal - meld
dat jy die skrywer se toestemming het en se waar presies n mens dit
kan koop. Ek kan nie onthou dat jy dit al ooit gedoen het nie, maar
miskien is ek verkeerd.
Ek hoop nie Gloudina steur haar aan julle klipgooiery nie. Sy doen
baie meer as julle om die Afrikaanse digkuns te bevorder en in mense
se gedagtes te hou.
By the way Leendert, wie is jou gunsteling digter en wat in jou
gunsteling-gedig?
Louis Luyt - die man wat baie onlangs gese het hy beskerm SA rugby
teen politieke inmenging - het n politieke party gestig.
Die Federale Alliansie of so iets.
Dis gestig as n opposisie vir die ANC.
Luyt was vanaand op TV en het laat blyk hy stel beslis belang om
Suid-Afrika se president te raak.
Hy het ook met die aankondiging van sy party gese hy sal binnekort
aankondig watter opposisie-partye by hom gaan aansluit.
Intussen het:
1. Die DP gese hulle stel nie belang nie.
2. Die UDM gese Luyt is bietjie "deluded" en nee hulle stel ook nie
belang nie.
3. Die NP gese hulle gaan nie saam met hom nie.
4. Die KP gese nee hulle is ook nie op die kar nie.
5. Die IFP gese hulle stel nie belang nie.
6. Die VF gese nee dankie hulle is klaar saam met die DP.
Wie is Luyt se bondgenote?
My telling laat die PAC, Azapo en die AWB.
> MANDELA CONFIRMS HE HELPED RAISE FUNDS FOR BOESAK'S DEFENCE
> Speaking at Genadendal after talks with Lesotho's King Letsie III,
> Mandela said he hoped the news that he had helped raise funds for
> Boesak's defense would not prejudice the cleric's further application
> to the Legal Aid Board.
Toe ons sien hoe cute Koning Letsie 111 op
die TV nuusberigte is, toe val ons sommer
vir hom.
Tant Alie en Tant Miena
Waar is Genadendal? Is dit nie naby die Seder-
berge of die Bokkeveld nie? Wat soek Mandela
daar.
Mag ek tog almal wat nie weet nie, herinner dat
Boesak 'n produk is van my kontrei in die Noord-
Kaap. Boesak is Kakamas se Clinton.
En ou Frikkie, wie is Mandella? Nog nooit van hom
gehoor nie.
Baie interesant dat die stigter en instandhoudster van die Afrikaanse taal
alias Gloudina, nie op sekere berigte reageer nie maar vir haar 'n
swartskaap uitgekies het nl Leendert.
Dit laat my wonder of sy nie meer skietgoed in haar arsenaal het nie, of
het sy dalk die punt bereik waar die argumente te ingewikkeld vir haar
begin word het.
Wat is fout Gloudina, het die Kanadese winter jou vingers teen die
A-S-H-O-L-E sleutels van jou sleutelbord vas gevries. ?
Supertaal
Blog
Soek
Hulp
Lede
Registreer
Teken aan
Tuis
RSS
