new...@icon.co.za wrote:
>
> Is daar enige statistieke beskikbaar oor die huidige bevolkings samestelling van Australie. As gevolg van apartheid is daar relatiewe goeie sensus statistieke
>
> Gert van Eeden.
Jammer Julius, man. Ja, ek het eintlik so gedink (dat dit die vertalings
was waarna jy verwys het, maar was toe skielik nie meer so seker nie). Is
julle mense nou al weer wakker daar down under of wat?
Terloops, Duits sê Donnerwetter, wat nog meer direk met die
weerstoestande te doen het as "donder". In Duits kan mens ook oor die
algemeen "Scheisse" gebruik in kringe waar jy nie sal droom om "shit" of
"kak" te gebruik nie - as 'n uitdrukking, nie letterlik nie, moet ek
byvoeg - e..oeps, ek bedoel 'n woord (my hartlike omverskoning aan die
gemeentes en
kindertjies wat lekker saamlees, maar dis ernstige dinge hierdie).
Daar's 'n vreeslike oulike boek van 'n ou Professor van my, Geoffrey
Hughes, wat "Oaths in Time" heet, wat die etimologie van al die Engelse
vloekwoorde nagaan. Miskien moet die woordboumanne vir ons 'n boek
uitbring met die titel "Die Wet van Transvaal".
Die plaaslike koerant hier in Queensland het n klein beriggie amper
weggesteek. Dit was nie eers op TV of Radio nie. Ek wonder hoekom dit
doodgeswyg word? Hier is dit:
"Mandela Beaten"
Johannesburg: President Nelson Mandela was physically attacked several
times by his former wife, Winnie, during their tumultuous marriage, which
ended in divorce on Tuesday, City Press newspaper said yesterday. "A
bodyguard stepped in on one occasion and drew a firearm, saying he would not
allow his president to be humiliated" the paper said.
Rowwe meid die Winnie! Nelson moet bly wees sy kon nie vuurhotjies in die
hande kry nie!
OK - sorry oor die M woord maar ek kon dit nie help nie. Sy het amper vir
Nelson ge-Thunder.
Snail mail : Julius Bergh, 32 Koola Dr, Nerang QLD 4211, Australia
Email. . . : jbe...@onthenet.com.au
URL. . . . : http://www.onthenet.com.au/~jbergh
Hendrik en Gerhard verwys na Italië se regering wat so dikwels
verander, maar geen groot opskuddings veroorsaak nie. My gunsteling is
nog steeds Switserland, waar die meeste Switsers nie eens weet wie die
Staatspresident is nie. Hulle gee eenvoudig nie veel om nie, aangesien
hy bloot die voorsitter van 'n uitvoerende komitee is, wat buitendien
elke twee jaar vervang word - 'n grondwetlike bepaling. Aangesien die
vernaamste politieke besluite op kantonale- en gemeenskapsvlak gemaak
word, is die politici in die sentrale regering se doen en late van min
belang vir die deursnee Switser. As hulle 'n bietjie te magsbehep raak,
soos politici geneig is om te doen - Switserse politici synde geen
uitsondering nie - word hulle gou deur 'n referendum of inisiatief in
die bek geruk.
--
Reinier de Vos Internet: de...@aqua.ccwr.ac.za
Computing Centre for Water Research Tel: Int+27 331 260-5179
c/o University of Natal, P/Bag X01 Fax: Int+27 331 61896
Scottsville, South Africa, 3200 http://www.ccwr.ac.za/
My views are my own, and do not necessarily reflect the views of the CCWR
------------------------------------------------------------ -----------
Ons spaar die duiwel baie moeite
- C J Langenhoven
we looking out for immigrationpeople from belgium or the Netherlands in yr
country and also speaking the Dutch language
pls by return yr email
regards
Alex
>
> Ek lei af jy is _nie_ entoesiasties oor staatsinmenging nie. Geld
> dit net vir die ekonomie, of trek jy die kring wyer?
>
> Ek sou te vinde wees vir 'n gesprek oor staatsinmenging in die
> onderwys en gesinslewe onder die nuwe regering, as jy tyd en trek
> daarvoor het :-))
>
Ek is nie veronderstel om tyd daarvoor te hê nie, weens die klomp dinge
wat ek eintlik aan moet peuter, maar trek het ek altyd.
Ja, inmenging en ek is glad nie vriendjies nie. O, nee. My idees ry so
bietjie branderplank op die oomblik, maar vryheidsgesind sal ek seker bly
tot die dag dat ek nie meer die walms van onse planeet inasem nie. Ek het
lang en bloedige argumente met menige welsyn-entoesiaste hier op Oxford
en op Wits gevoer, en ek besef dat my teenkanting teen staatsinmenging
praktiese en ander probleme behels. Een probleem is die presedent van
suksesvolle inmenging. Almal is daaraan gewoond om die staat toe te laat
om derduisende dinge wat hulle wil sien gebeur, te laat gebeur, en dink
nie twee keer aan die vryheidsverliese wat daardeur gely word nie. En so aan.
Onderwys is 'n probleem. Groot probleem. Die mens is eers vatbaar vir
outonomie nadat hy deur andere soos 'n stukkie klei gevorm is. Nou wil my
hart vir my vertel die ouers van die kind is die enigstes wat kan besluit
waar gedruk word en watter klei toegevoeg word, of ten minste nie die
staat se burokrate nie. Maar dieselfde hart, en die hoof daarby, ken
kinders wat eerder maar myle ver van hulle ouers moes gebly het. Ek het
groot bedenkinge oor die idee dat sekere waardes deur die staat aan
kinders gevoer moet word, en dat ouers wetlik verplig moet wees om
hierdie maaltyd te ondersteun, of dit nou is wat hulle wil eet of nie.
Maar my afsku vir 'n sentrale waardeskeppende industrie kry dit nie reg
om onomwonde voor te stel dat staatsonderwys 'n verkeerde idee is nie.
Die probleem duik natuurlik op deurdat die staat strafregtelik belasting
hef om die skole op te rig en die onderwys te betaal, en dan nog die
inhoud van die onderrig bepaal. Diegene wat eerder hulle eie waardes aan
hulle kinders wil oordra, en nie vir die staat se waardes wil betaal nie,
moet maar die vyandige waardesisteem subsidieer. En hulle voorgestelde
vorm van skoolopleiding moet ook eers deur die staat aanvaar word, voor
dit kan geld as nakoming van die onderrigsplig. Die welsynmanne voeg dan
dadelik by dat die demokratiese proses veronderstel is om sulke probleme
op te los. Die probleem is natuurlik dat diegene wat nie met die staat se
waardes saamstem nie, kan stem tot hulle blou in die gesig is, hulle sal
steeds maar moet opdok vir wat die meerderheid wil h^e, totdat hulle die
dag genoeg mense kan oorreed om saam te stem, en dan weer die
andersdenkendes op hulle beurt strafregtelik onderdruk. Ja, groot
probleem. Want as mens dit nie doen nie, dan skryf mens 'n hele geslag se
armsalige kinders af, omdat hulle ouers of andere nie kan of wil betaal
vir goeie onderwys vir hierdie kinders nie.
Die enigste halwe uitweg is vir die staat om so ver weg as moontlik te
bly van waardes wat omstrede is. Makliker geseg as gedaan. Die
Amerikaanse Jefferson-muur idee het ook al dikwels absurde resultate
gehad. En alle waardes is ook maar iewers omstrede.
Wat ekonomiese inmenging betref, neig ek in die rigting van Hayek en Von
Mises wat voel hoe minder hoe beter. Maar die probleem is dat mens in
elke ekonomie van die wêreld sit met 'n ding wat al deurmekaargepeuter
is. As mens net oornag loslaat, dan "meng" jy maar op 'n sekere manier
heftig in. As mens byvoorbeeld 'n ekosisteem vir 100 jaar op allerhande
maniere kunsmatig ondersteun het, dan kan jy nie sommer besluit
ondersteuning hou nou op nie. Daar's dinge wat dan ongedaan gemaak moet
word. En sekere doelwitte, soos byvoorbeeld omgewingsbewaring, is amper
onmoontlik om aan 'n vrymark oor te laat sonder drastiese katastrofes.
Sodra mens sekere bepaalde doelwitte as waardevol beskou, begin inmenging
na die enigste moontlikheid lyk.
Hoe dit alles ookal sy, ek sou baie beter voel as meer mense hulleself
sou afvra of mens hoegenaamd inmenging moet h^e, voor hulle vra watter
soort inmenging mens vandag vir 'n bepaalde probleem moet beoefen. Want
hoe meer die staat gesien word as iets wat mens mag gebruik om jou morele
kruistogte mee uit te voer, hoe meer aantreklik word die magsetel, en hoe
groter die versoeking van korrupsie. En, tot iemand my die dag kan
oortuig dat die grootste rede vir die begeerte om te regeer NIE brute mag
is nie, sal ek so min mag as moontlik in die hande van die staat wou
sien. Die staat is 'n noodsaaklike euwel, nie 'n waardevolle instrument
nie. Vir sulke idees word mens gewoonlik as "rabidly right wing"
gekritiseer. Miskien is Jan se houding teenoor Kinder TV die beste
houding teenoor wat alles in die demokratiese proses aangaan.
Binnekort sal die enigste boewe op die TV "Mean Mr Sexist" en "Nasty Mr
Racist" wees, en die enigste helde en heldinne die PC brigades.
As hulle dan nog nie die klassieke werke verban of verbrand het nie, sal
vrydenkende ouers maar self moet sien klaarkom met die meesterstukke van
ouds as "anti-PC" teenvoeter.
Geen sensuur hoegenaamd op die internet nie!!! (viva, viva...)
On Mon, 25 Mar 1996, Abi Coetzee wrote:
>
[siteer my beskrywings van breedvoerige en gewelddadige rassisme wat ek
onder menige Afrikaners te"egekom het]
> Frank , hierdie is 'n baie eensydige beskouing van wat jy onder die siek
> krimineele elemente waargeneem het. Netso kan kan ek vir jou ook 'n
> paar verhale vertel.
[gaan voort en vertel van verskriklike wreedhede wat swartmense op
blankes uitgevoer het]
> Ek sal dus voorstel dat jy die prentjie van byde kante af bekyk. Geensins praat
> ek die dade goed nie. 'n Mens moet net oppas dat dit nie vir politieke gewin na
> die een kant toe opgeblaas word nie.
Abie, ek het nie probeer om 'n volledige prentjie te skets nie. Ek het
net Paul se stelling dat die Afrikaner "mensliewend" is, van nader
beskou. Sien my boodskap "die hele vis". Politieke gewin het ek ook beslis
nie in gedagte nie.
"Democracy: running the circus from the monkey cage" - HL Mencken.
In article "Abi Coetzee" writes:
> From: "Abi Coetzee"
> Subject: Die Koolstof-14 ouderdomstoets
> Date: 22 Mar 1996 16:34:50 +0200
>> Abi verwys seker na die koolstof-14 ouderdomsbepaling. Vertel ons meer hoe
>> dat dit nou "plat" is, en nie meer 'n geldige metode is nie?
> Johan , ek het 'n artikel in die verband gelees. Ek kan ongelukkig nie al die
> gegewens onthou nie , maar ek sal gaan soek na dit. Ek kan ook onthou dat
> daar 'n uitsending op TV was wat iemand opgeneem en vir my gewys het. Sodra
> ek die inligting het sal ek dit deurgee , ek het dit baie insigewend gevind.
> Abi Coetzee
> Suid-Afrika
Die koolstof-14 toets is nog steeds geldig en baie akkuraat, mits dit soos
alle toetse, korrek aangewend word. As jy sulke wilde bewerings wil maak oor
'n uitstekend gefundeered wtenskaplike beginsel stel ek voor dat jy dit doen
op grond van meer as 'n televisie-program en artikel waarvan jy die
besonderhede nie eers kan onthou nie. Beide die items waarna jy verwys is
waarskynlik die werk van kreasioniste.
Leon Retief, Bellville
> Onthou net, wat vir jou eties is is nie noodwendig vir 'n ander persoon
> eties nie.
Beslis waar. En dis hoekom ek baie benoud word as mense wetgewing op
etiese gronde verdedig. My "etiese beroep" was 'n persoonlike gevoel, wat
geensins op algemene geldigheid aanspraak gemaak het nie.
Antonie skryf verder oor Dennis Davis se onderonsie met Barney Pityana en
die Makgoba-storie by Wits as voorbeelde van onregverdige en
kommerwekkende antagonisme teenoor blankes wat die land groot skade sal kos.
Ek moet weer met hom saamstem. Ek ken vir Davis goed. Ek verskil met hom
wat ideologie betref (hy's redelik entoesiasties oor staatsinmenging,
soos Antonie sê), maar het groot respek veral vir sy onafhanklike denke. Hy
sal nie skroom om enige iemand te kritiseer as hy nie met daardie persoon
saamstem nie. Die insident is uiters kommerwekkend. Net so kommerwekkend
is die hele Makgoba-sage. Mense aan die Wits regsfakulteit vir wie ek net
respek en bewondering het, is ontsaglik sleg behandel, en as rassiste
uitgekryt, wat belaglik is. Hulle het bloot hulle professionele plig
gedoen, en is redelik verpletter deur wat gebeur het.
Ja, daar's probleme. En mens kan nie verwag almal moet die huidige
situasie en mense se relatiewe posisies met 'n gebalanseerde houding
aanskou nie. Die mensdom is nie so nie. Ek het nie die Davis-storie
gevolg nie (ek kyk elke nou en dan na die SA koerante op die internet),
maar ek kan my kop op 'n blok sit dat die oorweldigende reaksie (in
invloedryke kringe) op Petyana se "rassis"-beskuldigings in Davis se guns
was, en is. Nes die denkende oordeel beslis het die Witsdekane was nie
"rassiste" nie. Mens kan net hoop dat die belaglike gebruik van die
"raskaart" die wenslikheid om hierdie troef altyd te speel sal verminder,
eerder as om presedente te skep vir verdere belaglike gebruik. So lank
ons persvryheid en vryheid van spraak geniet (wat deesdae groter is as
ooit onder apartheid), is daar hoop vir kritiek om die regte mense te
beinvloed. Sien, onse Dennis het 'n goeie ding gedoen om die moontlike
ernstige gevolge van sulke onnoselheid aan die pers te verklaar. Want hy
gee om vir die land. En sy uitsprake beteken soveel meer, weens sy
onmiskenbare simpatieke houdings in die verlede.
Wat staan ons dus te doen?
1) Aanvaar ons sit met 'n plofbare situasie, wat net met moeite op die
regte pad gehou kan word, maar wat moes kom, omdat apartheid moes weg, en
wat 'n miljoen keer beter is as wat omtrent almal verwag het.
2) Verwerp die situasie en maak oorlog of emigreer.
Ek voel keuse nommer een verdien nog 'n kansie of wat.
Supertaal
Blog
Soek
Hulp
Lede
Registreer
Teken aan
Tuis
RSS
