In article , gal...@ibm.net says...
>
> Hollywood films: Amerikaanse kitch !
Galjoen, ek is so bly jy is terug!
Ek het gedink jy het ge-"self destruct" na daardie laaste
pos van jou oor die honde. Terloops, ons het nooit jou oor-
spronklike pos daaroor hier gekry nie; net later in ander
se poste gelees toe hulle daarop reageer. Julle daar down
under moet nou ophou om julle stelsels op diesel te laat loop.
Nou blaas jy weer stoom af oor "Die Amerikaners." Maar
is die term "Amerikaner" nie iets wat grotendeels geskep is
deur mense buite die VSA nie? En gee ons hulle mitiese status
as gevolg daarvan? My Amerika is vol van die nageslagte van
die oorspronklike stamme wat hier gebly het - daardie stamme
wat deur die wit mense uit Europa uitgeroei is, net soos hulle
ook die buffels op die prairies amper uitgeroei het. My Amerika
is vol van die nasate van die Chinese wat die spoorweg tussen
die twee Oseane gebou het. My Amerika is vol Mexikane wat
nou in die sogenaamde Amerika bly, maar in 'n area wat tot net
'n bietjie meer as 'n eeu gelede nog deel van Mexico was, daar
in Los Angeles en San Fransisco. My Amerika bevat die Cajuns,
Akadiese Kanadese wat in die suide van die kontinent gaan bly
het toe Engeland hulle in die noorde uitgeskop het. Hulle het daar
gaan bly toe daardie deel van die kontinent nog sogenaamd aan
Frankryk "behoort" het.
Wanneer jy na 'n sogenaamde Amerikaanse fliek kyk,
moet ook nie so seker wees dit dat hulle is wat dit geproduseer
het nie. Universal Studios was eers in die hande van Japannese,
en is nou die besit van 'n Kanadese firma. Uitlanders maak dus
films op Amerikaanse bodem vir die groot Amerikaanse mark.
Ek dink wat jy haat van die Amerikaners is die arrogansie
van die wit Amerikaner, wie se voorouers meestal van Europa
gekom het. Dis daarom dat ek so bly is dat in Suid-Afrika stadig-
aan die mense met die wit velle besig is om ons witvelliges te
"redeem." Ek het gister gehuil toe ek op ons Kanadese nuus sien
hoe kore met wit gesigte "Nkosi Sikelele" sing by die onthulling
van die monument ter ere van die skrywer. En hoe meestal wit
orkeslede die begeleiding op klassieke musiekinstrumente begelei.
Ek dink wit Suid-Afrikaners moet NOOIT vergeet watter bevrug-
tende rol hul nou in die wêreld speel nie. Skielik het die wêreld
weer respek vir mense met wit velle.
|
| ___/////
| / \ /|
| / O \ \/ |
J > / /\ |
\_________/ \|
\\\
Ek kan dit darem nie laat verbygaan om te sê hoe mooi hierdie
gedig is wat Gloudina gepos het nie:
As ek sulke dinge lees wil ek sommer
my goed pak en teruggaan Suid Afrika toe.
> OOM SAMPIE SE AFSKEIDSLIED
> George Weideman
>
> dies my laaste sleepmiswinter
> die voornagwindjie stoot snaardun
> die ou blootsvoet se breivoetsole
> verlang vanaand 'n toemaakding
>
> dies my laaste sleepmiswinter
> ou bokveldsberg le^ dig toegedraai
> selfs hantam se uitsoekwaboomkole
> kon nog nie my vingers laat katspoor maak
>
> dies my laaste sleepmiswinter
> ek voel dit aan my opstaanseer:
> as die sleepmis weer so oor die sandveld streep
> is dit rus myn siel jou god is koning
> en ek le^ my hoof vir oulaaste neer.
>
Ek staan ook al hoe swaarder en stywer op elke oggend.
Word seker oud. Maar as ek dit kan help wil ek vir my
laaste winter in die Kaap wees.
Herman Charles Bosman Literary Society
=================================================
Fund-raising project to renovate the "Heimweeberg" school in which
Bosman taught. Weekend package - 25 to 27 October 1996 - Groot Marico,
South Africa.
Performances by Patrick Mynhardt.
Support a good cause and have a fun cultural weekend in the REAL South
African bushveld.
In Article, writes:
> Path: hermes.is.co.za!quagga.ru.ac.za!howland.erols.net!cs.utexas. edu!nntp.primenet.com!hunter.premier.net!newsfeed.internetmc i.com!in3.uu.net!news-m01.ny.us.ibm.net!news-s01.ny.us.ibm.n et!news
> From: gal...@ibm.net
> Newsgroups: soc.culture.south-africa.afrikaans
> Subject: Ek hou nie van honde en hondekak nie !!
> Date: 18 Sep 1996 08:28:21 GMT
> Lines: 64
> Message-ID:
> Reply-To: gal...@ibm.net
> NNTP-Posting-Host: slip202-135-22-207.sy.au.ibm.net
> X-Newsreader: IBM NewsReader/2 v1.03
>
> Ekskuus dat ek so lelik is, maar wat noem mens dit anders: hondepoefie ?
> Laat ek julle vertel hoekom dit die verskriklike 3-letterwoord verdien:
>
> Honde kak waar mens piekniek hou, in die gras speel, op die strand,
> hul kak waar kinders daarin trap, dit optel en in hul mond steek.
> Die kak sit aan jou skoene vas,
> dit word in jou huis ingedra, of in jou motor.
> Dit lok vlieë en brommers,
> Die kak le^ in die son en stink.
> Selfs in die koue winter van Europa: -
> die kak le^ die hele winter gevries,
> om dan te stink met die eerste somerson.
> Dit maak jou naar en bederf jou eetlus en jou dag.
>
> Ek hou nie van stadshonde nie.
> Honde hoort nie in woonbuurte en parke nie, hul hoort op plase.
> Parke is vir kinders om in te speel.
> Maar honde eienaars dink mos parke en strande is daar vir hul honde
> om te kak.
>
> En ek haat dit as honde my eenjarige dogtertjie stormloop en haar in
> die gesig lek.
> Dit is onhiegehenies, mens kry siektes daarvan, en wurms.
> Mense wat hul honde soen - sies man! daai hond lek sy eie ballas en
> ander honde se gat!
>
> Honde hoort nie in huise nie, nog minder in woonstelle.
> En hul hoort ook nie op die deur se drempel waar hul met hul
> ballas in die son le^ en bak nie, vir iemand om oor te struikel.
> Blaf jou in die nag wakker.
> Hondehare oral, op mense se meubels en aan mense se klere.
> En mens kan sien dat stadshonde gemorskos kry om te eet aan hul kak:
> dit het soveel preserveermiddels in dat dit vir dae lank le^ en stink,
> dit vergaan nie, - jy kan sommer sien dit het 'n ongesonde kleur.
> En die hond poep heeldag daarvan.
>
> Hoekom mag ek nie netjies agter 'n bos water afslaan nie,
> maar honde mag oral in die openbaar pis en kak ?
>
> Ek haat juppies sonder kinders, wat honde aanhou asof dit hul
> kinders is, en omdat dit 'n mode-aanhangsel is. Armsalig, selfsugtig.
> Honde wat geteel is om goed te lyk, maar eintlik funksioneel
> gebreklik is.
> En hierdie ou klein keffertjies, die walglike ou klein wolhondjies
> en skoothondjies: ek wens daar kom 'n plaag van kraaie wat hul opvreet.
>
> Waarom spandeer mense soveel aan honde ? Hondekos en hondesallonne
> en hondesielkundiges en alles ? En bemaak groot somme geld aan honde,
> en sit grafstene op ? Dit terwyl mense vrek van die honger ?
>
> Ek is gatvol van honde wat klein kinders sonder rede aanval en byt:
> Hulle moet vrekgeskiet word en hul eienaars moet vir die res van hul
> lewe in 'n hondehok toegesluit word.
>
> En die liewe "Animal-Rights" brigades, oftewel die "Bunny Clutchers",
> wat gedurig aan die teem is en dweep oor die arme goed: As hul ly,
> maak hulle van kant en spandeer julle geld dan op iets beters.
>
> Met permissie gesê aan al my vriende met honde.
>
> Groete & Voertsek! :-)
> Elke hond kry sy dag!!
>
>
Snaakste storie wat ek in 'n lang tyd gelees het!
Dit blyk ook duidelik dat jy baie tyd aan kak spandeer. :)
Die manier waarop die Natuur sade verpak, was vir my nog
altyd 'n saak van groot verwondering, en soms ook verbystering.
Ek kan heeltemal die redenering verstaan agter die konstruk-
sie van die waatlemoen. Gegee 'n klomp sade, hoe verpak jy dit
sodat dit, in 'n droë klimaat, genoeg water het om te ontkiem
en wortel te skiet? Jy skep die waatlemoen, vol water, harde skil
rondom, en rangskik die pitjies in rye in die middel. (En jy maak
'n deel in die middel sonder pitte, sodat die slim vindingryke
Afrikaners 'n kroon kan skep in die middel. Die beste idee wat
nog uit Suid-Afrika gekom het! Die dom Noord-Amerikaners
wil nie daaraan byt nie. Hulle het ook nie die regte soort waatle-
moene hier om goeie krone te skep nie.)
Dieselfde prinsipe word gevolg in die spanspek, die tsamma,
en seker ook maar in die tamatie en die kweper en die perske,
alhoewel die arme pitte minder water het, en harder moet werk
om deur al daardie omhulsel na buite te kom.
Dan is daar die peule wat oopbreek, en die sade wat sommer
so los in die wind waai nadat hulle hul moederplant ligtelik tot-
siens gesê het. Daar is baie ander metodes. Ek persoonlik dink
dat die Natuur heeltemal oorboord gegaan het met die verpakking
van die mielie. Was dit nou nodig om dit so deeglik te verpak?
En wat is die funksie van al daardie baard aan die een ent? Dit
is veral hinderlik hier in Kanada, waar jy veronderstel is om elke
mielie te ondersoek voor jy dit koop. Ek het aanvanklik gedink:
hoe onbeskof om die omhulsel gedeeltelik af te trek en te kyk na
die pitte binne. Nou doen ek dit ook, anders dink die mense ek
weet nie waarom dit gaan nie.
Die een saadverpakking waarvan ek die prinsiepe nog nooit
kon begryp nie, is die kameeldoringpeul. Die hele peul is hard,
buite en binne. Dit lyk of die Natuur die swart pitte binne-in wil
bewaar, soos juwele in 'n kluis. Geen voorsiening word gemaak
vir gunstige toestande vir ontkieming nie. Die peul is sag en syig
aan die buitekant as jy met jou vinger daaroor streel. Maar maak
geen fout nie : dis 'n harde harde peul. Tog eet die bokke dit.
Hier is 'n gedig van Donald Riekert daaroor:
DIE HERDER
Kleinnooi dit gaan maar
swaar Eintlik bly die Here
maar die herder Die jong Tswana-
vrou bedaar beduie met haar oë
Ons is net twee
maar my ou man is bedelaar
hulle hou hom op hok
Nou moet ek agter die bok
Maar die Here bly herder
Soms verstaan ek die geloof nie
maar as die bokke honger raak
gooi ek met die groot klip
op teen die kameeldoring se mik
reën dit peule
op die klip se val
Gloudina,
Baie dankie vir hierdie bydrae. Ek is een van die ouens wat lankal lees wat
almal te se het, maar self nie eintlik bydra nie. Lekker gelees aan jou
stukkie, en gedink aan dinge wat baiemaal by 'n mens verbygaan in die
daaglikse gejaag en geskarrel.
Hier by ons sukkel die lente ook maar om aan die gang te kom. Ek hoor vandag
juis weer dat sneeu op die berge verwag word. So 'n dag of twee later voel
ons dit weer hier in Johannesburg.
Maar die Jasmyn is vol in blom, en onthou jy nog hoe groen 'n doringboom se
nuwe blaartjies hierdie tyd van die jaar is . . . . . .
Groete
Faan Koekemoer
DIE SWAELS KEER VANJAAR LAAT TERUG
Henning Pieterse
Die swaels keer vanjaar laat terug.
Die eerstes huiwer vir die suide,
ril op drade en hoor
hoe bye vernielend die bloeisels bevrug.
Om ons het die jakarandas pers
op malvas in die tuin gedrup.
Ek wou jou van my reis vertel,
deur 'n sagte land in die noorde
waar bloed in wortels ingetrek het,
maar glase het gestamp
om vrese te besweer;
ek het die ure een vir een
oopgebreek soos 'n artisjok.
Uit die hart van die land,
Europa onder 'n stil Afrika-boom,
stuur ek hiermee my swaels,
en hoop jy kan hulle hoor
voor die winter uit die suide kom.
Samewerking met die Afrikaner (Broeder-)bond (AB), die FAK en
ander organisasies is die nuutste ommeswaai van dr. Ferdi
Hartzenberg van die KP. Die KP is reeds met hulle in
onderhandeling om samewerking te bewerkstellig. Daar is selfs
sprake van samewerking met "ander politieke partye". Die HNP is
nie genader nie, met die gevolg dat dit slegs kan beteken die
Vryheidsfront en die "Nasionale" Party.
Sake waaroor daar onderhandel word, is onderwys, plaaslike
owerhede en die KP se "konfederale vryheidsplan".
Hierdie skokkende verklaring van dr. Hartzenberg is gedoen
tydens sy toespraak voor die Vrystaatse kongres van die KP wat
die afgelope naweek in Bloemfontein plaasgevind het.
In sy toespraak voor die kongres het ds. Daan van der Merwe te
kenne gegee dat hierdie volksvyandige organisasies ook bekommerd
is oor die posisie van die Afrikaner. Van hulle, ook in die NP,
het in die duister van die nag by hom besoek afgel om hulle
kommer met hom te deel.
Inderdaad stem hierdie agenda van die KP tot 'n groot mate
ooreen met die punte wat geopper is tydens die byeenkoms te
Pionierspark in Januarie vanjaar. Dr. Hartzenberg en dr. Willie
Snyman het persoonlik hierdie funksie bygewoon wat gereÂl is deur
die Afrikaner (Broeder-)bond. Daarna het die Afrikaner-
Volksfront, wat onder die vleuels van die KP opereer, hom
volledig van die byeenkoms gedistansieer, veral omdat die Junior
Rapportryers onder dr. Theo de Jager gepoog het om die Mandela-
vlag daar te hys.
Dr. Hartzenberg en dr. Snyman het hulle egter nooit van die
byeenkoms en sy agenda gedistansieer nie. Inteendeel, dr.
Hartzenberg het na afloop daarvan geluide laat hoor dat hy hom
heeltemal daarmee vereenselwig! Hy het selfs te kenne gegee dat
hy sy hulp sou verleen met sekere aksies wat daaruit voortvloei.
Die nuutste verklaring van dr. Hartzenberg bewys dat hy, net
soos genl. Constand Viljoen, versuim het om sy verbintenis met
die Broederbond te verbreek. In die lig van die nuutste
verwikkelinge duik die vraag onwillekeurig op of hy ooit sy
lidmaatskap van hierdie geheime organisasie beÂindig het. Dit
is bekend dat genl. Constand Viljoen steeds lid van die
Broederbond is. Dr. Treurnicht het toentertyd te kenne gegee dat
hy uit die organisasie bedank het.
Daar was die afgelope jaar telkens baie duidelike aanduidings
dat daar 'n vaste verhouding tussen die KP en hierdie
volksvyandige geheime organisasie bestaan. Teen die helfte van
die jaar het die AB erken dat hulle kliphard aan die werk is om
hulle voormalige Broeders in Toekomsgesprek en aanverwante
organisasies weer by hulle te betrek. Dr. Boet Schoeman,
uitvoerende direkteur van die AB, het teenoor Rapport erken dat
hulle samesprekings voer met politieke partye wat insluit die ANC
en die NP, maar ook met die VF en die KP. In 'n brief in Die
Stellalander het die leier van die AB in Vryburg in antwoord op
'n skrywe van mnr. Carel van der Merwe van die HNP, erken dat
hulle steeds lede het wat behoort aan die KP en die VF.
Die gewone lede van die KP is egter deurgaans in die duister
gehou oor hulle leiers en hulle party se onderhandelinge met die
AB.
Daarom sal die bekendmaking van dr. Hartzenberg dat hy amptelik
met die Afrikanerbond oor samewerking oor 'n bre terrein
onderhandel, vir sy ondersteuners as 'n groot skok kom.
In opvolging van die nuus verlede week dat dr. Hartzenberg
"eendragtigheid" met genl. Constand Viljoen en die Vryheidsfront
nastreef, en die feit dat hy ook met die Afrikanerbond in 'n
soortgelyke verhouding staan, sal veroorsaak dat talle lede van
die KP nie meer bereid sal wees om met dr. Hartzenberg en die KP
op hierdie pad voort te gaan nie.
Die jaarlikse WALVISFEES vind weer plaas vanaf
Vrydag 20 September tot Sondag 29 September.
Daar word voorsiening gemaak vir 'n ieder en elk.
Kom kuier gerus. Afrikaanse musiek en toneel om jou
tone te laat omkrul van lekkerte.
Dit lyk of Afrikaners amper kompulsief veral in dig-
werk besig is met die vraag: hoe het ons hier te lande
gekom? Met wonder kyk hulle om hulle rond. Dit wat
hulle sien, wek hulle liefde. Hier is 'n gedig van PETRA
MULLER (uit "Obool", 1977.)
BOSMENS
Ons wat uit die gesellige laelande padgegee het
uit die dampkring van die herbergiers
- ons skepe vaamloos oor die see
Ons wat die oortog gemaak het
en onder die kantelende kruismas snags verbysterd
die sterre sien stroom het
Ons wat op 'n nuwe kontinent gewag het
en dit toe self kon werf -
Hier op die strand vol blouklip en suring staan ons
huisloos soos klipvolk soos die blootste strandmens
van die nuwe domein
Hoor jy hoe huil die jakkals ons aankomslied
Bou nou vir my die skerm:
skerm wat ook nooit die koue
van ons nuwe vaderland sal afkeer nie -
Hier waar ons intrek by die swart klippers
en die geradbraakte bome,
en maak ons toe met wolkies, wolkies,
want vannag sal dit oor ons ontblote liggaam dou.
Supertaal
Blog
Soek
Hulp
Lede
Registreer
Teken aan
Tuis
RSS
