Mnr. Julius Malema, ANC-jeugliga-leier, is op pad na Zimbabwe om onder
meer te gaan kyk hoe nasionalisering daar werk.
Luidens ’n verklaring wat die jeugliga gister uitgereik het, gaan hy
en ’n afvaardiging van nog agt jeugliga-lede met pres. Robert Mugabe
vergader en jeugdiges van sy Zanu PF-party ontmoet.
Malema en sy gevolg sal op Goeie Vrydag na die buurland vertrek en
beoog om Maandag, op Gesinsdag, na Suid-Afrika terug te keer.
Die ANC-jeugliga wil later vanjaar ook na China, Chili, Venezuela,
Brasilië en Kuba toer om dié lande se “suksesse en mislukkings” in
nasionalisering te ondersoek.
Malema en die jeugliga eis sedert einde verlede jaar Suid-Afrika se
myne moet genasionaliseer word.
Die besoek kom te midde van struwelinge tussen Zimbabwe se
parlementslede en die land se minister van mynbou, mnr. Obert Mpofu,
asook ander ministers van Mugabe se party, oor ’n ondersoek na die
diamantmyn buite Chiadzwa in die Marange-
distrik van die Manicaland-provinsie.
Me. Venitia Govender, ’n koördineerder van die Zimbabwe Blood Diamond-
veldtog wat uit talle nie-regeringsorganisasies (NRO’s) bestaan, glo
daar is bewyse van menseregtevergrype deur die Zimbabwiese weermag en
smokkelhandel in ongeslypte diamante.
Edwill van Aarde (71), voormalige radio-omroeper en TV-aanbieder, is
gister in sy huis in Krugersdorp oorval en aangerand.
In sy swakheid het hy probeer terugbaklei, maar gou besef die rower is
“te jonk en sterk”, het die voormalige sportkommentator en aanbieder
van die vasvraprogram Flinkdink, gister in trane vertel.
“Ek het net geweet ek kan nie. Ek kan níks doen nie.”
Van Aarde se vrou, Piena (67), was net weg winkel toe toe hy omstreeks
11:30 ’n geraas by die kombuisdeur gehoor het. Die Van Aardes woon al
37 jaar in die huis.
By die kombuisdeur het hy ’n skraal, jong man aan die veiligheidshek
sien werk. Die man het aan hom gesê mev. Van Aarde het hom gestuur om
die slot te herstel.
Die man het ’n tuinvurk, ’n geroeste vyl en moersleutel by hom gehad.
“Toe ek hom vra waar my vrou is, het hy gesê sy is in die motorhuis by
haar geel motor – sy is op pad. En toe dink ek maar sy rý ’n geel
motor,” het Van Aarde vertel.
Hy het die deur toe oopgesluit.
“Toe slaan hy my plat. Hy het my toe aan my voete in die gang
afgesleep en my heeltyd geskop en geslaan,” het ’n geskokte Van Aarde
vertel.
Hy het aanvanklik probeer terug- baklei, maar gou gevoel hy het nie
die krag nie. Die mes in die rower se hand het hom ook afgeskrik.
Toe die rower hom tot by sy slaapkamer gesleep het, het Van Aarde
regop gebeur.
Die rower het laaie en kaste in die slaapkamer omgekeer en sowat 30
juwelekissies in ’n sak geprop.
Die Van Aardes het dié kosbare juwele in die kissies tydens oorsese
reise in stede soos Parys, Londen en Wene gekoop.
“Dit is onvervangbaar. Ons sal nóóit weer oorsee gaan nie,” het Van
Aarde vertel.
Die rower het ook Van Aarde se kamera en verkyker gebuit.
“Ek het so mooi gevra dat hy nie my kamera vat nie, want daar’s foto’s
van my kleinkinders en hondjies op.”
Die egpaar se geliefde honde is kort gelede weens ouderdom dood.
Terwyl die rower besig was met sy plundertog het Van Aarde die
noodknoppie gewaar en daarin geslaag om dit in die hande te kry.
Al het hy besef hy waag ’n groot kans, het hy dit nogtans gedruk.
Toe die alarm begin loei, het die rower “net ’n vloekwoord gegee” en
gevlug.
“Wat ek nooit sal vergeet nie, is die kyk in sy oë. Aan die begin het
hy nog vriendelike geselsies gemaak. Maar toe hy eers inkom, was daar
net haat in sy oë.”
Die polisie en ’n paramedikus was kort ná die voorval op die toneel om
na Van Aarde, wat oor borspyn?gekla het, om te sien.
“Ek is maar verpletter. Ek het darem nie letsels in my gesig nie, maar
ek het erge lyfseer. Tog is ek dankbaar ek het nie seerder gekry nie,”
het Van Aarde gesê.
Dié aanval moet as voorbeeld vir ander dien, meen hy.
“’n Mens kan nooit oorversigtig wees nie, al is dit helder oordag.”
Dié aanval is uitgevoer enkele weke voordat ’n konsert ten bate van
Van Aarde op 21 April gehou word. Verskeie kunstenaars, onder wie
Steve Hofmeyr, gaan in die konsert optree.
Hofmeyr het hom ná die voorval woedend uitgespreek oor aanvalle op
weerlose kinders en bejaardes.
“Hy is regtig ’n goeie vriend van my – ’n ou man, lamgelê deur
ongesondheid, wat homself nie kan verdedig nie. Dit is trágies,” het
Hofmeyr gesê.
Net 160 voedselkoepons is van 2008 aan ’n groep van 600 000 wit armes
uitgedeel.
Die uitdeel van sulke koepons aan die inwoners van Bethlehem, ’n arm,
informele wit nedersetting in Andeon, in die noorde van Pretoria, is
gestaak ’n week nadat mnr. Jacob Zuma dit op 18 April 2008 as ANC-
leier op uitnodiging van Solidariteit besoek het.
“Staatsamptenare het gesê dit is rassisties om honger wit mense te
help,” skryf dr. Danie Langner, uitvoerende direkteur van Solidariteit
Helpende Hand, in ’n brief aan Zuma.
Dié brief gaan môre as deel van ’n verslag oor die “gesigte van
Afrikanerarmoede” aan Zuma oorhandig word tydens sy opvolgbesoek aan
Bethlehem.
Luidens die verslag is die uitdeel van voedselkoepons aan arm wit
mense gestaak ondanks die bevindings van ’n onafhanklike ondersoek
deur die destydse Umsobomvu Youth Fund, tans die National Youth
Development Agency (NYDA).
Daarvolgens is bevind die regering se definisie van voorheen
benadeelde mense moet uitgebrei word om die wit jeug tussen 18 en 35
jaar met ’n inkomste van R500 tot R3 000 per maand in te sluit.
Volgens die ondersoek is die arm wit jeug beslis een van die mees
gemarginaliseerde groepe in Suid-Afrika.
Langner skryf vir Zuma hy glo die president sal geskok wees om te hoor
dat me. Heila Rothmann, ’n siek en sterwende kankerlyer, etlike dae
lank van 06:00 tot 17:00 in ’n ry moes staan net om op 6 Maart te hoor
haar vyfde aansoek vir ’n ongeskiktheidstoelae is van die hand gewys.
Rothmann het haar stryd teen kanker ’n week later verloor.
Luidens die verslag toon navorsing wat Helpende Hand gedoen het dat
63% van die inwoners in die 77 wit informele nedersettings in Pretoria
60 jaar en ouer is.
Boonop ondersoek die Centurion-raad vir bejaardes tans sowat 2 100
armoedesake terwyl sowat 1 000 gevalle van bejaardeverwaarlosing per
maand by die Pretoriase Bejaardesorg aangemeld word.
Langner het gesê hul navorsing dui daarop dat daar slegs een
maatskaplike werker vir elke 4 000 Suid-Afrikaners is.
Uit die NYDA se verslag blyk dit is “ongelooflik moeilik” vir wit
gemeenskappe om toegang tot ongeskiktheidstoelaes te kry.
“Die meeste arm swart gemeenskappe het toegang tot satellietkantore
van die departement van maatskaplike ontwikkeling wat aansoeke vir
toelaes verwerk.
’n Soortgelyke diens is nie vir behoeftige wit gemeenskappe beskikbaar
nie,” het Langner gesê.
Het bekende gedicht 'Die eerste nag' van Elisabeth Eybers staat nu op
YT. Het wordt gebracht door een Vlaamse actrice. Ik heb de indruk dat
de uitspraak niet helemaal overeenstemt met de normale Afrikaanse
uitspraak maar mogelijk heeft men het een beetje 'vernederlandst'. Het
komt tenslotte van een oude lp van de jaren zeventig die bestemd was
voor de Vlaamse en Nederlandse markt.
A 60-year-old North West farmer has been shot dead on his farm near
Brits, according to Sunday's Rapport newspaper.
Koos van Staden was shot through the door of his bedroom while he was
trying to prevent his assailants from entering the room and after he
had told his wife Heleen to get his gun, around 12.30am on Saturday
morning.
They had been woken up by the alarm.
Van Staden, a vegetable farmer in the Kleinfontein district, was
declared dead on arrival at a local hospital. His wife was unhurt.
One of the couple's dogs had been poisoned, but the second survived.
Nothing was stolen from the house and there were no signs of forced
entry.
Boere van Kestell na bewering met onteiening gedreig
2010-03-22 01:16
Cathy Dlodlo
Boere in die Kestell-omgewing is woedend nadat die Maluti-a-Phofung-
munisipaliteit (wat dié dorp insluit) glo gedreig het om hul plase te
onteien as hulle nie wil verkoop om plek te maak vir ’n ontwikkeling
van miljoene rande wat ’n gholflandgoed insluit nie.
Só sê me. Leona Kleynhans, DA-raadslid van dié munisipaliteit.
Volgens haar is sommige plase al vir bykans 100?jaar in familie-besit.
Dit sluit produktiewe kommersiële boerdery en nywerheidsondernemings
in.
’n Boer en eienaar van verskeie plase sê hulle het ’n brief gekry wat
sê die munisipaliteit het besluit om ’n ontwikkeling van 30000 erwe
goed te keur.
Die brief in Volksblad se besit – gedateer 18 Februarie 2010 – sê die
burgemeesterskomitee het op 11 Desember verlede jaar dié besluit
geneem.
“In dié stadium is die enigste struikelblok die feit dat die
geïdentifiseerde grond in private besit is. Die burgemeesterskomitee
het besluit die munisipaliteit moet met onderhandelinge vir die koop
van die grond begin.”
In die brief word grondeienaars ingelig dat hul grond deel van die
beplande ontwikkeling is. Hulle word “vriendelik” versoek om met ene
mnr. Cornelius Fouché in verbinding te tree.
Van die boere en Kleynhans bevestig dié middelman het gesê as hulle
nie verkoop nie, gaan hul plase deur HOP-huise omring word of die
munisipaliteit kan so ver gaan om hul plase te onteien.
Kleynhans is geskok. Sy meen dié plan is waansinnig. Boonop is dit nie
op die beginsel van vraag en aanbod geskoei nie.
Alhoewel Fouché boere gedreig het met HOP-huisontwikkelings, blyk dit
dat ’n gholflandgoed, behuising vir middel- en hoë-inkomstegroepe,
sakeondernemings en regeringskantore beoog word. Erwe op die
gholflandgoed gaan glo vir sowat ’n miljoen rand elk te koop wees.
Kleynhans sê die munisipaliteit is reeds in ’n finansiële penarie met
R550 miljoen uitstaande dienstegeld.
Sy sê die munisipaliteit sukkel ook om 3200 laekoste-behuisingserwe op
Harrismith te ontwikkel en kan nie eens basiese dienste soos die
instandhouding van infrastruktuur vir die verskaffing van water aan
inwoners lewer nie. Inwoners van Kestell sit soms dae lank aaneen
sonder water.
Kleynhans sê volgens die munisipaliteit is die aankoop van die plase
deur die Vrystaatse premier, mnr. Ace Magashule, goedgekeur en die
provinsiale departement van menslike nedersettings gaan glo die geld
vir die projek gee.
Sy sê daar is geen waardasies, omgewingsimpakstudies of enige aansoeke
by die dorperaad ingedien nie.
“Die plan is glo om die grond vanjaar aan te koop en daarna die nodige
aansoeke en beplanning te doen, maar boere wonder hoekom die grond wat
destyds deur die Qwaqwa-tuisland van boere gekoop is, nog braak lê.”
Kleynhans sê daar is ’n hele paar redes hoekom die projek onwettig
is:
Net die raad – en nie die burgemeesterskomitee nie – het die mag om
grond te koop;
Die amptenare gaan voort om ’n besluit uit te voer wat nog nie voor
die raad gedien het nie;
Die hersiene Ruimtelike Ontwikkelingsraamwerk sal glo eers in Mei
gereed wees waarna die publiek se bydraes nog gekry moet word; en
Die planne is nie deel van die munisipaliteit se geïntegreerde
ontwikkelingsplan nie.
Die munisipale woordvoerder kon nie vir kommentaar bereik word nie.
JAN KEMPDORP. – Die gemeenskap hier is verbyster oor die wrede moord
op ’n bekende en bejaarde eienaar van ’n luukse woonstelkompleks die
naweek op dié dorp.
Twee minderjarige seuns van Riebeeckstad in die Vrystaat is binne
enkele ure in verband met die moord in hegtenis geneem.
Die geliefde ouma se lyk is Saterdag omstreeks 09:00 deur haar
geskokte suster en ’n bejaarde man in die hoofhuis van die kompleks
aangetref.
Mev. Joey Lubbe (75) van Andalusiahof 18, op die hoek van D.F.
Malanrylaan en Skoolstraat, is na bewering noodlottig met ’n skerp
voorwerp gewond.
Konst. Andrea Cloete van die polisie sê ’n 15-jarige seun van
Riebeeckstad is Saterdagmiddag in verband met die moord op Jan
Kempdorp in hegtenis geneem.
Sy vermeende 17-jarige medepligtige is dieselfde aand omstreeks 00:00
in Riebeeckstad aangekeer.
Die twee seuns het na bewering Vrydag van Riebeeckstad na Jan Kempdorp
geryloop waar die misdaad gepleeg is.
Die verdagtes verskyn môre in die landdroshof op die dorp.
Die motief vir die moord is onbekend.
Mnr. Willem Lubbe van Bull Hill buite die dorp, oudste seun van wyle
mev. Lubbe, sê sy ma se suster, mev. Ann Roux, het Saterdagoggend
bekommerd geraak. Roux woon in ’n woonstel in die kompleks.
Roux en ’n bejaarde nutsman het na mev. Lubbe se huis gegaan. Die
nutsman het oor ’n duiwelsvurkheining geklouter. Hulle het die
oorledene in die huis aangetref.
Lubbe sê die verskriklike dood van sy ma is onbeskryflik.
Sy was ’n baie geliefde inwoner van Jan Kempdorp.
Haar man, Frans, was jare lank ’n boukontrakteur en boer in die
omgewing. Hy is vier jaar gelede oorlede.
Wyle mev. Lubbe word oorleef deur Willem, Tinus van Hermanus, Amadia
van Welkom en Francois, ’n boer van Wolmaransstad, kleinkinders en
agterkleinkinders.
WELKOM. – Om sy vrou ’n kans te gee om in die veiligheid van hul huis
te kom, het ’n man van Welkom, wat aan ’n rolstoel gekluister is, ’n
aanvaller vanuit dié rolstoel getakel. In die worsteling wat gevolg
het, is hy met ’n mes in die bors gesteek.
Die vlymskerp meslem het mnr. Ryno Koekemoer (36) se hart net gemis,
en sy vrou, Rina (34), is in die rug gesteek toe sy deur die aanvaller
tot by die oop deur van hul huis agtervolg is.
Die egpaar se trauma het egter nie daar geëindig nie. Mev. Koekemoer
moes haar broer, mnr. C.P. Gildenhuys, op Winburg bel om iemand in
Welkom te bel om hulle te kom help, omdat hulle nie na die polisie kon
deurkom nie.
“Ons dank die Here dat ons nog hier is vandag. Dit kon soveel erger
gewees het. Ek is bitter dankbaar hulle het nie my vrou verkrag nie,”
sê mnr. Koekemoer.
Rina vertel hulle was omstreeks 21:15 reeds in die bed in hul huis in
Riebeeckstad toe sy opstaan om vir hulle tee te maak. Sy het iemand
buite hoor praat en het die voordeur oopgemaak.
Ryno het vanuit die kamer geskreeu sy moet die deur toemaak. Hy het
met sy rolstoel by haar aangekom en hulle is saam na buite.
Die motorhuisdeur, waar twee maande gelede ingebreek is, was weer
oopgebuig. ’n Man het mnr. Koekemoer skielik vanuit die motorhuis
bestorm. Mnr. Koekemoer het hom uit die rolstoel in ’n duikbeweging om
die lyf gegryp.
Die rolstoel het omgeslaan en mnr. Koekemoer is in die worsteling in
die bors gesteek. Hy het vir sy vrou geskreeu om te vlug.
Sy het tot by die oop deur van die huis gekom toe die man haar van
agter met ’n mes in die rug gesteek het. Haar bladbeen is oopgevlek.
Die aanvaller, wat moontlik makkers gehad het, het weggehardloop en sy
het na die bure aan weerskante van hul huis geroep. Niemand het kom
help nie.
Sy het toe die noodnommer 10111 gebel. Die operateur het vir haar gesê
sy kry nie die polisiekantoor in Riebeeckstad in die hande nie.
Rina het daarna haar broer op Winburg gebel, wat past. Braam Fourie
van die AGS-kerk in Riebeeckstad gebel het. Fourie het op sy beurt die
ER24-ambulansdiens en die sekuriteitsonderneming Shepherd Alarms
gebel. Hulle was binne minute by die huis, met die polisie wat later
daar aangekom het.
Die egpaar is ná behandeling uit die hospitaal ontslaan.
’n Bejaarde egpaar van Bloemfontein wat in hul huis oorval is, het
albei hardop gebid, waarna hul aanvaller die hasepad gekies het.
“Help ons, Jesus, help ons” en “Jesus wees met die man en vergewe hom
vir wat hy doen”, het emeritus-professor Flippie Minnaar (83) en sy
vrou, Louise (77), van Paul Rouxstraat in die spogwoonbuurt Dan
Pienaar gebid.
Hulle was Saterdagaand tuis toe ’n seun van vermoedelik 16 of 17 jaar
met “verwilderde oë” by die agterdeur van hul huis ingestorm het.
Hy het Minnaar met ’n stok met rubber vooraan oor die kop geslaan.
Minnaar, voorheen ’n professor in mediese fisika en kerngeneeskunde
wat in ’n stadium by die mediese fakulteit van die Universiteit van
die Vrystaat (UV) betrokke was, ly aan klierkanker.
“Hy is baie swak,” sê sy vrou.
Sy het opgespring en probeer keer.
“Ek het vir hom (die aanvaller) gesê: ‘Moenie vir oupa slaan nie. Hy
het kanker en is baie siek.’?”
Sy het in ’n stadium die stok gegryp en die seun het dit uit haar
hande geruk.
Haar man is verskeie kere gestamp en rondgegooi.
Die seun het selfs gedreig om mev. Minnaar te verkrag as sy hom nie
met haar motor na ’n plakkerskamp bring nie.
Mev. Minnaar het egter kalm gebly en mooi met die aanvaller gepraat.
Volgens haar het hy toe rustiger begin word.
“Ek glo Christus het my daardie kalmte gegee.”
Hy het die egpaar gedwing om die kluis oop te sluit waaruit hy ’n .38-
Colt-rewolwer en R1?000 gesteel het. Die jong aanvaller het boonop die
egpaar se horlosies, ringe, mev. Minnaar se selfoon en ’n leerbaadjie
wat sy in Egipte gekoop het, gebuit.
Uiteindelik is hulle beveel om op hul bed te gaan lê. Dit is toe wat
die egpaar gebid en die aanvaller gevlug het.
Volgens die egpaar het die aanvaller telkens op sy selfoon gepraat.
Hulle vermoed hy is aangesê wat om te doen.
“Hy is ’n amateur en heeltemal onervare,” sê mev. Minnaar. “Hy het
iemand anders se opdragte uitgevoer.”
Die egpaar, wat 20 jaar getroud is, was gister nog in die Bloemfontein-
Medi-Clinic en is erg getraumatiseerd. Hulle gaan vandag terug huis
toe.
Die professor en sy vrou prys die Here dat hulle nog lewe.
Volgens mev. Minnaar koester hulle ook geen haat teenoor die “kind”
wat hulle aangeval het nie.
“Ek kry die kind jammer. Ek is jammer vir hom omdat hy ’n verlore siel
is.
“Hy word deur ander gebruik. Hy moet die vuilwerk doen,” sê sy.
Supt. Annelie Wrensch, polisiewoordvoerder, sê niemand is nog in
verband met die huisrooftog in hegtenis geneem nie.
Mnr. Julius Malema se haatbraak vars in ons neusgate word toe gevolg
deur dawerende steun van sy makkers: “Maak dood die Boere; hulle is
verkragters.” Dié wat kapsie maak teen dié en soortgelyke liedere word
beskuldig dat hulle die struggle-geskiedenis afbreek.
Ek dink aan die Afrikaner straat- en dorpsname – die lughawens,
stadions, hospitale – wat in die ANC se strooptog in die slag gebly
het. Dink maar aan monumente, gedenktekens en museums wat toegroei en
van verwaarlosing vergaan. Wat van die honderde Afrikaanse skole wat
vir goed verengels het onder regeringsdruk? ’n Geruime tyd lank al
deel verskeie struggle-politici dwarsklappe uit na die wit mense. Ons
brom, sluk en gaan aan ter wille van transformasie en nasiebou.
Moenie my probeer gerus praat nie. Te lank reeds luister ek na
mooipraatjies – ter wille van nasiebou. Ek luister nie meer nie. Ek
sien wat om my aangaan.
Supertaal
Blog
Soek
Hulp
Lede
Registreer
Teken aan
Tuis
RSS
