Het gister My Very Fat Greek Wedding gesien.
Genotvol, aan te bevole as goeie ontspanning, maar vir my was dit nie so
skreeusnaaks soos baie dit sou wou maak nie.
Nou wonder ek net - hoe sou 'n Afrikaanse Bruilof Fliek daar uitsien?
Sover ek kan onthou is daar nie altyd 'n bakleiery met vuiste nie - maar ek
was nog nooit by 'n troue waar daar nie 'n hele paar vroue met gevoude arms
jaloers stywelip sit terwyl die manne ure "sukkel" om ietsie by die kroeg te
kry nie.:))
vir al die dae se gesels met Ferdi -
jy is 'n Wonderman
vir al die redeneer met Ferdie -
jy is 'n Wonderman
vir al die geduld met Ferdi -
Saluut ek jou!
Daar is 'n stuk hierdie week oor Straueli - hy het glo volgens die spioen
met die onderskepoorfone vir sy spelers laat weet, toe hulle 46-3 agter was,
om dit kalm te vat en te onthou om nie te gou te peak nie;))))
Annette
Sowat tien jaar gelede het 'n vriend tydens die Suid-Afrikaanse
Menseredding-kampioenskap in Amanzimtoti in 'n sandbank vasgeduik.
Hy is van sy bors af ondertoe verlam.
Dié kranige swemmer en menseredder - sy naam is Harry Bell (van
Somerset-Wes) - het binne oomblikke geweet hy is verlam.
Kort ná sy duikslag het hy hom in die vlak water voel dryf. Hy kon die
seesand onder hom sien en het geweet hy moet omdraai vir asem. Maar hy
kon nie.
Gelukkig vir Harry het twee ander deelnemers hom sien dryf en uit die
water gered. Met slap bene en arms wat hang is hy na die strand gedra.
Dinsdag is die internasionale dag vir mense met gestremdhede. Dinsdag
moet mense wat nie gestrem is nie, ons afvra in hoe 'n mate gee ons
mense soos Harry ruimte vir asemhaal, of kyk ons net vas in hul
"andersheid" van bene en arms wat hang? Of glad nie daar is nie?
'n Paar jaar ná daardie dag in Amanzimtoti ontmoet ek Harry vir die
eerste keer in Stellenbosch. Hy sit in sy rolstoel en as
eerstejaarstudent in die manskoshuis Wilgenhof loer hy - soos enige
ander nuweling - met groot oë na sy nuwe tuiste.
Hoe gemaak met 'n man in 'n rolstoel? Hanteer jy hom anders? Hou jy
hom eenkant sodat hy "nie verder seerkry nie"?
Dít sou die verkeerdste ding wees om te doen. Harry is jare gelede
verlam; om hom nou wéér van voor af te "verlam", sou 'n groot flater
wees.
Só het Harry - soos verskeie ander gestremdes voor hom - deel geword
van "die plek". Hy het vinnig-vinnig 'n oprit voor sy kamer gekry met
die woorde "Harry se ramp" in die nat sement geskryf.
Stadigaan het dinge vir 'n mens begin sin maak: al die ramps in die
koshuis met die een of ander "ouman" se naam daarop. Manne wat bloot
oumanne was, nie "gestremde" oumanne nie.
Vir iemand wat nog nooit met gestremdes te doen gehad het nie, was jy
dan uiteraard blootgestel aan 'n verskeidenheid van poetse en grappe.
'n Blinde huismaat vertel hoe hy eenkeer op 'n rasper in sy kamer
afgekom het. "Dit was die wreedste boek wat ek tot nog toe gelees
het," sê hy.
Dieselfde vriend staan en sing in die koshuis se storte.
Niksvermoedend stap jy die wasgeriewe binne. In plaas daarvan dat hy
jou vra om die seep aan te gee, kyk hy met daardie vlesige holtes na
jou kant en vra: "Het jy dalk my oë gesien?"
Maar veel meer as studentikose grappe of universiteitsverhale van dié
manne wat een van die boys geword het, gaan dit om mense as mense te
ag.
"Die oordadige respek waarmee mense my soms behandel... Dan is dit vir
my die ergste wanneer iemand in 'n restaurant vir my metgesel vra:
'Neem hy suiker?'" sê 'n ander vriend.
Om gestremdes in die daaglikse gang van die lewe in te skakel sonder
om "oordadige respek" aan die dag te lê óf neerbuigend te wees, is
iets waaroor mens doelbewus moet dink.
Watter reël sê gesiggestremdes moet telefoniste wees? Natuurlik is
alle gestremdes nie astrofisici soos Stephen Hawking nie - maar dit
geld mense sonder gebreke ook.
Wanneer ék, sonder enige gebreke, moet draai vir my 20ste lengte in
die swembad en dan halfpad voel hoe my spiere jellie word, staan ek
verleë en in absolute bewondering vir iemand soos die swemmer Natalie
du Toit.
Ons is tot soveel meer in staat, maar dikwels is dit hierdie
supermense wat vir ons as voorbeeld dien oor presies wáár die perke
lê.
Hulle het net 'n ramp nodig - 'n kans om mens te wees.
Soos 'n Time-joernalis vroeër gesê het oor die verlamde Christopher
Reeve, die Amerikaanse akteur wat bekendheid verwerf het as Superman:
"As ons almal maar so gestremd was soos hy."
Van môre af (2 Desember) is ek bietjie baie op reis; eers vir 'n week
Orlando toe vir 'n kongres oor lifelong learning, en dan, pas nadat ons
terug is daarvandaan af, vlieg ons Honolulu toe vir Kersfees by ons jongste
dogter wat daar woon en werk. Sodra en terug is en meer tyd het sal ek
vertek van die troue. Ek wil ook graag 'n wbruimte skep waar ek foto's kan
plaas. Net baie kortliks: ons jongste dogter het in Oktober getrou. Haar man
is Amerikaans in merg en been. Hulle woon nou in Bayridge, Brooklyn NY en
werk albei in Manhattan.
Thanksgiving was 'n fees. Daar was veertien gaste en ons het die geleentheid
gehad om die eerste keer regtig kennis te maak met al die nuwe skoonfamilie.
Daarvan sal ek ook later vertel.
Bloot omdat sy 'n Derby-Lewis is!Die regering weet nie vir wie hulle jag oor
sekere bommetjies nie...nou probeer hulle 'n 63-jarige "tannie" daaraan
koppel om hulle hekse-jag op andersdenkende Afrikaners legitiem te probeer
maak.Al wat hulle nou bereik het is om daardie andersdenkende Afrikaners
waarby ek myself insluit se
Nasionalisme te laat wakker word.
Dit vat 'n "tante" van Australiese afkoms om ons wakker te maak.
Gabrielle Mavourna Derby-Lewis is 'n vrou wat vir niks
stuit nie.Watookal die liberaliste en kommuniste doen,hierdie land het nie
genoeg tronke om die Afrikaner
se vryheidstrewe te keer of om alle Afrikaners toe te sluit nie. Enige
persoon wat probeer om met Mugabe-styl die
witman se mond aan die Suidpunt van Afrika te snoer sal
bloot die verkeerde ding doen.
Hierdie regering is besig om met vuur te speel.In plaas daarvan om na vrede
te soek waar die Afrikaner deel is van 'n konfederale oplossing...is hulle
besig om te wil oorlog speel teen mense wat vrede nastreef.
Jy soek nie vrede,met 'n konfrontasie-houding nie.
As ons vrede nastreef kom ons soek vreedsame oplossings vir ons land...maar
as daar konfrontasie is,
sien ek swart vir Suid-Afrika!
Soek ons na vrede of soek ons na wind?
So pas 'n onderhou van die king of queens, Simpson, op BBC-TV gesien.
Onse Andre P.Brink val die ANC-regering aan - hy sê hulle is erger as die
vorige regering. Hy noem hul grootste sondes synde nepotisme, korrupsie en
bedrog.
(Maar, dis duidelik dat hy suurgat is omdat hy nie meer as die wit bwana
ervaar word met apartheid as maklike teiken nie.)
Is daar iemand wat met onse Andre wil verskil? Antie - wat van jou?
China wil nie die doodstraf van hul wetboek afhaal nie omdat, volgens
hulle woordvoerder, die publieke veiligheid sal benadeel. Ons het ook
die doodstraf geskraap in die RSA.
---
Supertaal
Blog
Soek
Hulp
Lede
Registreer
Teken aan
Tuis
RSS
