Ek kyk na 'n geselsprogram op CNN. 'n Dame uit die VSA verwerp Duitsland se
reaksie op die VSA se inval in Irak. Volgens haar is die Duitsers die laaste
klomp wat die Amerikaanse optrede kan veroordeel.
Dis mos heel eenvoudig. Die Duitsers het 'n Nazi-verlede - en daarom is
hulle nie geregtig om nou waarde-uitsprake te lewer nie. Dit 50-jaar na die
val van Hitler.
My vraag is eenvoudig. Die straf vir moord is gewoonweg lewenslank (25
jaar). Vyftig jaar het reeds verloop sedert die 2de WO - Duitsers wat nog
nie eens gebore was tydens die 2de WO word steeds verantwoordelik gehou.
Noem vir 'n enkel land wat hom nie aan vergrype skuldig gemaak het nie.
(Behalwe die Kanadese - hulle gedy bloot in die skadu van die Grootboom ...)
Vandag is my man se verjaarsdag. Vanoggend vroeg bel sy ma en sê sy
kom hom oor 45 minute oplaai. Net vir hom... Eers het ek gedink hulle
wil hom dalk uit die huis hê omdat sy pa dalk iets hier wil kom doen
om hom te verras, maar dis nou al meer as twee ure later en skoonpa is
nog nie hier nie. So ek neem aan dis nie die rede gewees hoekom hulle
hom kom haal het nie.
Ek kook op die stadium van die geveg. Ek's kwaad omdat hulle my
alleen by die huis gelos het, ek kan nêrens heen gaan nie, want my man
het die huis se sleutels hier by my gelos, en nie 'n stel saam met hom
gevat nie. Ek voel kwaad, en seergemaak, omdat ek nie in ag geneem is
nie (of skoonpa nou gekom het vandag of nie, hulle moes darem net met
my gereël het). En ek voel veral seergemaak, verneder en kwaad omdat
ek nie genooi is na wat ookal vir hom beplan is nie.
Ek voel effe kleinsielig oor die hele saak, en sit nou en wonder of ek
verkeerd is om te voel soos ek voel? Ek en manlief gaan wel vanaand
uit, maar is dit 'n rede om my heeltemal eenkant toe te skuif? Ja, ek
voel uitgeskuif en besonder onpopulêr op die stadium. En al
verduidelik ek die hele sakie aan manlief sal hy nie verstaan nie, en
dit afmaak as niks nie. Ek wonder of skoonma daarvan sal hou as ek
sommer net vir skoonpa kom haal op sy verjaarsdag, sonder om 'n woord
vooraf aan haar te rep?
Ag ek wou sommer stoom afblaas, dankie vir die wat gelees en
"geluister" het.
Het iemand al gehoor van die R26 snelweg tussen Clocolan en Ficksburg?? Die
een wat besig is om herstel te word vir die afeglope 4 jaar? Ek meen,
hoelank kan dit vat om 'n pad van 32km oor te teer???
Die bermarkingsafdelings van die meeste besighede begin hulle al hoe meer op
die jeug toe te spits, en word dus gedwing om die nuutste jeugtaal in
aanmerking te neem.
Dit sal dus heelwaarskynlik ook deursyfer na die algemene spreektaal.
Die jeug maak ook al hoe meer van advertensie-invloede gebruik in hul nuwe
spreektaal.
Dus, om julle op hoogte te bring:
Scamto - is die taal waarop Yfm hul toespits - 'n vermenging van Zoeloe,
Sotho, Engels, Afrikaans, Tsonga en ander Mzansi tale.
Mzansi - is Suid Afrika ( dus is SA nou Saudi-Arabië en SA nou Mz:))) )
Eveready - vol energie, wat lank hou, altyd gewillig ( in 'n seksuele sin) -
Hey, uMandla uyi-Eveready.
Brasso - Goed versorg, goed opgevoed.
Ufezeka uyiBrasso, aka-nxibi fong kong.
Fezeka is Brasso, sy dra goeie gehalte klere ( nie klere van Hong Kong nie.)
Aquafresh - Nuut. ongebruik, naief.
Moenie aan Nomsa vat nie, sy weet van niks nie, sy is Aquafresh.
LG - onbereikbaar, harde werk , verkieslik maar baie duur.
Yho, Lucy is hade werk, sy is LG.
Siemens - seksueel swak, in teenstelling met 3310 wat seksueel sterk
beteken.
Daar is nou nog nie 'n finale syfer hoeveel mense dood is in die ongeluk
nie. Tien mense het dit oorleef.
Die "voordeel" van die ongeluk is dat die regering nou uiteindelik, na vele
vrugtelose vertoë voorheen, besluit het om meer padtekens aan te bring om
sulke ongelukke te probeer verhoed.
Dit was nou net aangekondig. Hoe lank dit sal neem voordat dit daadwerklik
ingestel sal word is natuurlik 'n ander vraag.
Een ding wat ek nie so lekker 'gryp' nie, is die storie dat wat met
apartheid, die term, bedoel word? Sekerlik beteken dit dat die een mens
nie teen die ander mag diskrimineer bloot op die kleur van sy vel nie?
Maar mag 'n mens steeds 'n voorkeur hê tov rasse? Of word dit ook beskou
as diskriminasie as 'n werkgewer wat Owambosprekend is eerder verkies om 'n
Owambosprekende persoon aan te stel omdat dit vir hom gemaklik is om in sy
eie taal te kommunikeer? Mag die individu sy voorkeur vir sy eie ras
uitleef? As hy nie mag nie, wat word dan van dinge soos die reg tot vrye
spraak, byvoorbeeld?
Definitief nie om na toesprake te gaan sit en luister nie.
Boek gelees, bietjie gewerk, lank op die strand gaan loop, luilekker
middagete op 'n stoep van 'n restaurant geniet, en 'n fliek bygebring.
Supertaal
Blog
Soek
Hulp
Lede
Registreer
Teken aan
Tuis
RSS
