jy bring net slegte nuus, na ek al jou stories gelees het is ek te skyt bang
om ooit my huis te verlaat, maar nou ja, dis ook nie heel te maal veilig
nie!
Here, laat die name geheilig word
van al die kinders van die land -
van hulle
wat modderkoekies gebak het uit sy aarde,
dassies skrikgemaak het in sy klowe,
wol getrap het in sy krale.
Ek het asemloos toegekyk:
swart bolywe geboë oor magtelose diere
en skerp skêre wat my laat wag het,
bang vir die glip-slag, die bloed, die pyn.
Maar die swart versigtige hande
het selde dieper as die wit geknip
en ek kon die lootjies uitdeel
want die arbeider was sy loon waardig
volgens die aantal wat hy vrygemaak het
om ligvoets teen die somerheuwels uit te wei.
Maar die bale is lankal toegewerk en weggestuur,
die wololie van my voete afgewas,
my bene nie meer lam getrap nie.
Vergewe ons, die vergeetagtiges, die uitgerustes,
soos ons hulle vergewe, die luidrugtiges
wat nooit binne die kraal was nie,
wat nooit rietperd gery
en kaalvoet geloop het nie,
en Here, sien ons hande aan:
Kyk, om my wit pols is 'n armband van gras;
my donker speelmaat het dit kunstig gevleg
soos ek nooit kon nie .
Aan U behoort die land
en die son
en die skape van sy weiding
Gee ons liefdevolle hande, Heer,
en sny U self versigtig aan die belemmerende kleed
dat daar nie onnodig bloed verspil nie
Ek gaan nie stry nie dat ek 'n chauvenis is nie en ek is heel gelukkig
daarmee, maar ek het so pas 'n skokkie op my sisteem gehad wat ek moet
erken, 'n man sal nie maklik kan beter nie. Sy's klein, blond en mooi en
'n siviele ingenieur. Ons het 'n lang gesprek gehad so 'n paar dae gelede
toe sy my vertel het dat die mans nie 'n probleem het om haar in die
padkonstruksie te aanvaar as 'n ingenieur nie.....sodra hulle eers vasgetel
het sy weet wat sy doen. Haar grootste probleem is dat sy daagliks met
nuwe kontakte, haarself eers moet bewys aan die spul mans. Ken hulle haar,
dan weet hulle sy's goed en het sy geen drama nie.
OK, so sy's jonk en mooi en slim....hoe gelukkig kan een mens dan nou
ook wees? Vanoggend kom wys sy vir my 'n koedoevel wat sy met 'n penvlam
gebrandskilder het van twee Arabiere [perde] en ek moet sê dis die beste
leerbrandwerk wat ek nog ooit gesien het. Hoeveel talent kan een mens dan
nou hê?
Ek's heel gelukkig om te erken ek weet ten minste van een vrou wat 99%
van alle mans se meerdere is..........
Supertaal
Blog
Soek
Hulp
Lede
Registreer
Teken aan
Tuis
RSS
