Wys: Vandag se boodskappe :: Onbeantwoorde boodskappe :: Stemmings :: Navigasie

Hartlik welkom! Op hierdie webtuiste kan Afrikaanse mense lekker in hul eie taal kuier, lag en gesellig verkeer. Hier help ons mekaar, komplimenteer mekaar, trek mekaar se siele uit, vertel grappe en vang allerhande manewales aan. Lees asb ons aanhef en huisreëls om op dreef te kom.

Kersboodskap

Vr., 26 Desember 2003 04:20

Mbeki verkeer in Haiiti - 'n volledige vlootvaartuig vaar soontoe om hom te
beskerm - want die eilandverblyf is onveilig. (Haiiti vier hulle X-jarige
bestaan.)
Jacob Zuma, die vise-president is nou in beheer van die land. Daar bestaan
prima facie bewyse van sy betrokkenheid in korrupsie. Daarom skakel ek die
tv af wanneer hy namens die regering 'n feesseisoenboodskap oordra.
(Eienaardige gevoel wanneer iemand jou met al die selfvertroue en bravado in
die oë kyk - en jy weet hy is korrup...)

Koeitjies & kalfies | 2 kommentare

Frikkie Potgieter

Do., 25 Desember 2003 14:06

jy bring net slegte nuus, na ek al jou stories gelees het is ek te skyt bang
om ooit my huis te verlaat, maar nou ja, dis ook nie heel te maal veilig
nie!

/me panic gat sy gat af!!!

Koeitjies & kalfies | 1 kommentaar

Een fijn kerstfeest en een voorspoedig 2004!

Do., 25 Desember 2003 09:07

Mogen al jullie wensen uitkomen!

Gr.
Corné.

www.amukela.com

Koeitjies & kalfies | 0 kommentare

" 'n Paternoster vir Suid-Afrika " deur LINA SPIES

Do., 25 Desember 2003 03:32

Lina Spies

'n Paternoster vir Suid-Afrika

Here, laat die name geheilig word
van al die kinders van die land -

van hulle
wat modderkoekies gebak het uit sy aarde,
dassies skrikgemaak het in sy klowe,
wol getrap het in sy krale.

Ek het asemloos toegekyk:
swart bolywe geboë oor magtelose diere
en skerp skêre wat my laat wag het,
bang vir die glip-slag, die bloed, die pyn.
Maar die swart versigtige hande
het selde dieper as die wit geknip
en ek kon die lootjies uitdeel
want die arbeider was sy loon waardig
volgens die aantal wat hy vrygemaak het
om ligvoets teen die somerheuwels uit te wei.

Maar die bale is lankal toegewerk en weggestuur,
die wololie van my voete afgewas,
my bene nie meer lam getrap nie.

Vergewe ons, die vergeetagtiges, die uitgerustes,
soos ons hulle vergewe, die luidrugtiges
wat nooit binne die kraal was nie,
wat nooit rietperd gery
en kaalvoet geloop het nie,

en Here, sien ons hande aan:
Kyk, om my wit pols is 'n armband van gras;
my donker speelmaat het dit kunstig gevleg
soos ek nooit kon nie .

Aan U behoort die land
en die son
en die skape van sy weiding

Gee ons liefdevolle hande, Heer,
en sny U self versigtig aan die belemmerende kleed
dat daar nie onnodig bloed verspil nie

en deel U self die lootjies uit