Gloudina,
Baie dankie vir hierdie bydrae. Ek is een van die ouens wat lankal lees wat
almal te se het, maar self nie eintlik bydra nie. Lekker gelees aan jou
stukkie, en gedink aan dinge wat baiemaal by 'n mens verbygaan in die
daaglikse gejaag en geskarrel.
Hier by ons sukkel die lente ook maar om aan die gang te kom. Ek hoor vandag
juis weer dat sneeu op die berge verwag word. So 'n dag of twee later voel
ons dit weer hier in Johannesburg.
Maar die Jasmyn is vol in blom, en onthou jy nog hoe groen 'n doringboom se
nuwe blaartjies hierdie tyd van die jaar is . . . . . .
Groete
Faan Koekemoer
DIE SWAELS KEER VANJAAR LAAT TERUG
Henning Pieterse
Die swaels keer vanjaar laat terug.
Die eerstes huiwer vir die suide,
ril op drade en hoor
hoe bye vernielend die bloeisels bevrug.
Om ons het die jakarandas pers
op malvas in die tuin gedrup.
Ek wou jou van my reis vertel,
deur 'n sagte land in die noorde
waar bloed in wortels ingetrek het,
maar glase het gestamp
om vrese te besweer;
ek het die ure een vir een
oopgebreek soos 'n artisjok.
Uit die hart van die land,
Europa onder 'n stil Afrika-boom,
stuur ek hiermee my swaels,
en hoop jy kan hulle hoor
voor die winter uit die suide kom.
Samewerking met die Afrikaner (Broeder-)bond (AB), die FAK en
ander organisasies is die nuutste ommeswaai van dr. Ferdi
Hartzenberg van die KP. Die KP is reeds met hulle in
onderhandeling om samewerking te bewerkstellig. Daar is selfs
sprake van samewerking met "ander politieke partye". Die HNP is
nie genader nie, met die gevolg dat dit slegs kan beteken die
Vryheidsfront en die "Nasionale" Party.
Sake waaroor daar onderhandel word, is onderwys, plaaslike
owerhede en die KP se "konfederale vryheidsplan".
Hierdie skokkende verklaring van dr. Hartzenberg is gedoen
tydens sy toespraak voor die Vrystaatse kongres van die KP wat
die afgelope naweek in Bloemfontein plaasgevind het.
In sy toespraak voor die kongres het ds. Daan van der Merwe te
kenne gegee dat hierdie volksvyandige organisasies ook bekommerd
is oor die posisie van die Afrikaner. Van hulle, ook in die NP,
het in die duister van die nag by hom besoek afgel om hulle
kommer met hom te deel.
Inderdaad stem hierdie agenda van die KP tot 'n groot mate
ooreen met die punte wat geopper is tydens die byeenkoms te
Pionierspark in Januarie vanjaar. Dr. Hartzenberg en dr. Willie
Snyman het persoonlik hierdie funksie bygewoon wat gereÂl is deur
die Afrikaner (Broeder-)bond. Daarna het die Afrikaner-
Volksfront, wat onder die vleuels van die KP opereer, hom
volledig van die byeenkoms gedistansieer, veral omdat die Junior
Rapportryers onder dr. Theo de Jager gepoog het om die Mandela-
vlag daar te hys.
Dr. Hartzenberg en dr. Snyman het hulle egter nooit van die
byeenkoms en sy agenda gedistansieer nie. Inteendeel, dr.
Hartzenberg het na afloop daarvan geluide laat hoor dat hy hom
heeltemal daarmee vereenselwig! Hy het selfs te kenne gegee dat
hy sy hulp sou verleen met sekere aksies wat daaruit voortvloei.
Die nuutste verklaring van dr. Hartzenberg bewys dat hy, net
soos genl. Constand Viljoen, versuim het om sy verbintenis met
die Broederbond te verbreek. In die lig van die nuutste
verwikkelinge duik die vraag onwillekeurig op of hy ooit sy
lidmaatskap van hierdie geheime organisasie beÂindig het. Dit
is bekend dat genl. Constand Viljoen steeds lid van die
Broederbond is. Dr. Treurnicht het toentertyd te kenne gegee dat
hy uit die organisasie bedank het.
Daar was die afgelope jaar telkens baie duidelike aanduidings
dat daar 'n vaste verhouding tussen die KP en hierdie
volksvyandige geheime organisasie bestaan. Teen die helfte van
die jaar het die AB erken dat hulle kliphard aan die werk is om
hulle voormalige Broeders in Toekomsgesprek en aanverwante
organisasies weer by hulle te betrek. Dr. Boet Schoeman,
uitvoerende direkteur van die AB, het teenoor Rapport erken dat
hulle samesprekings voer met politieke partye wat insluit die ANC
en die NP, maar ook met die VF en die KP. In 'n brief in Die
Stellalander het die leier van die AB in Vryburg in antwoord op
'n skrywe van mnr. Carel van der Merwe van die HNP, erken dat
hulle steeds lede het wat behoort aan die KP en die VF.
Die gewone lede van die KP is egter deurgaans in die duister
gehou oor hulle leiers en hulle party se onderhandelinge met die
AB.
Daarom sal die bekendmaking van dr. Hartzenberg dat hy amptelik
met die Afrikanerbond oor samewerking oor 'n bre terrein
onderhandel, vir sy ondersteuners as 'n groot skok kom.
In opvolging van die nuus verlede week dat dr. Hartzenberg
"eendragtigheid" met genl. Constand Viljoen en die Vryheidsfront
nastreef, en die feit dat hy ook met die Afrikanerbond in 'n
soortgelyke verhouding staan, sal veroorsaak dat talle lede van
die KP nie meer bereid sal wees om met dr. Hartzenberg en die KP
op hierdie pad voort te gaan nie.
Die jaarlikse WALVISFEES vind weer plaas vanaf
Vrydag 20 September tot Sondag 29 September.
Daar word voorsiening gemaak vir 'n ieder en elk.
Kom kuier gerus. Afrikaanse musiek en toneel om jou
tone te laat omkrul van lekkerte.
Dit lyk of Afrikaners amper kompulsief veral in dig-
werk besig is met die vraag: hoe het ons hier te lande
gekom? Met wonder kyk hulle om hulle rond. Dit wat
hulle sien, wek hulle liefde. Hier is 'n gedig van PETRA
MULLER (uit "Obool", 1977.)
BOSMENS
Ons wat uit die gesellige laelande padgegee het
uit die dampkring van die herbergiers
- ons skepe vaamloos oor die see
Ons wat die oortog gemaak het
en onder die kantelende kruismas snags verbysterd
die sterre sien stroom het
Ons wat op 'n nuwe kontinent gewag het
en dit toe self kon werf -
Hier op die strand vol blouklip en suring staan ons
huisloos soos klipvolk soos die blootste strandmens
van die nuwe domein
Hoor jy hoe huil die jakkals ons aankomslied
Bou nou vir my die skerm:
skerm wat ook nooit die koue
van ons nuwe vaderland sal afkeer nie -
Hier waar ons intrek by die swart klippers
en die geradbraakte bome,
en maak ons toe met wolkies, wolkies,
want vannag sal dit oor ons ontblote liggaam dou.
Die herfs is laat vanjaar hier in my deel van Noord-
Amerika ( op die walle van die Ottawa-rivier, net noord
van Lake Ontario.) Hier wag 'n mens vir die herfs soos
vir 'n geliefde. Teen die einde van Augustus begin soek
jy vir die eerste tekens daarvan : die enkele tak van 'n
boom wat begin verkleur, die geler word van die gras,
die blomme van die herfs wat die kouer weer kan staan.
My liefde vir die noord-amerikaanse herfs het begin
toe ek nog jonk was, in Suid-Afrika, lank voor ek na hier-
die kontinent toe gekom het. Ek het "On Walden Pond"
van Henry David Thoreau (1817 - 1862) gelees en her-
lees. Walden Pond is vandag in die buitewyke van Boston,
die eindpunt van 'n pelgrimstog vir seker baie mense vir
wie Thoreau geleer het hoe om met aandag na dinge te kyk,
en dat omgang met die natuur 'n amper godsdienstige proses
kan wees. Iemand wat ons ken en wat besig is om te sterf
aan kanker, vertel ons nou die dag dat sy baie vroeg in die
oggend opstaan en "On Walden Pond" lees.
Maar hierdie jaar is die herfs laat. En ons is ongeduldig.
Wanneer kom die tyd dat elke bladwisselende blaar verkleur
is : die dieprooi en ligrooi, die talle skakerings van geel., die
perskekleure, die appelkooskleure, en tussen alles in soms
'n snaakse liggroen, wat niks met die oninteressante groen
van die somer te make het nie. (Tussen al die kleure natuurlik
altyd die dennebome, immer-groen, immer- teenwoordig.)
En dan is daar die sumac, lae bosse wat jy eers opmerk in die
vroegherfs wanneer hulle bloedrooi teen die hange staan. In
die heinings die sade en peule, nou in die herfs meer ingewik-
keld van struktuur, meer intellektueel. Ons soek na die wilde
bessies wat ons kan eet, as die goggas en die bye dit nie eerste
bygekom het nie. En in die oggende die mis op die rivier, as
die koue lug en die warmer water van die rivier die wereld
omskep in 'n raaisel van mis en son.
Die herfs is vanjaar laat. Maar die blou dae word duidelik
korter, en een van die dae sal vet Canada geese vir twee weke
op die rivier kom sit, voordat hulle die pad verder na die suide
aanvat. Hulle moes al aangekom het. Hulle is ook laat.
Ekskuus dat ek so lelik is, maar wat noem mens dit anders: hondepoefie ?
Laat ek julle vertel hoekom dit die verskriklike 3-letterwoord verdien:
Honde kak waar mens piekniek hou, in die gras speel, op die strand,
hul kak waar kinders daarin trap, dit optel en in hul mond steek.
Die kak sit aan jou skoene vas,
dit word in jou huis ingedra, of in jou motor.
Dit lok vlieë en brommers,
Die kak le^ in die son en stink.
Selfs in die koue winter van Europa: -
die kak le^ die hele winter gevries,
om dan te stink met die eerste somerson.
Dit maak jou naar en bederf jou eetlus en jou dag.
Ek hou nie van stadshonde nie.
Honde hoort nie in woonbuurte en parke nie, hul hoort op plase.
Parke is vir kinders om in te speel.
Maar honde eienaars dink mos parke en strande is daar vir hul honde
om te kak.
En ek haat dit as honde my eenjarige dogtertjie stormloop en haar in
die gesig lek.
Dit is onhiegehenies, mens kry siektes daarvan, en wurms.
Mense wat hul honde soen - sies man! daai hond lek sy eie ballas en
ander honde se gat!
Honde hoort nie in huise nie, nog minder in woonstelle.
En hul hoort ook nie op die deur se drempel waar hul met hul
ballas in die son le^ en bak nie, vir iemand om oor te struikel.
Blaf jou in die nag wakker.
Hondehare oral, op mense se meubels en aan mense se klere.
En mens kan sien dat stadshonde gemorskos kry om te eet aan hul kak:
dit het soveel preserveermiddels in dat dit vir dae lank le^ en stink,
dit vergaan nie, - jy kan sommer sien dit het 'n ongesonde kleur.
En die hond poep heeldag daarvan.
Hoekom mag ek nie netjies agter 'n bos water afslaan nie,
maar honde mag oral in die openbaar pis en kak ?
Ek haat juppies sonder kinders, wat honde aanhou asof dit hul
kinders is, en omdat dit 'n mode-aanhangsel is. Armsalig, selfsugtig.
Honde wat geteel is om goed te lyk, maar eintlik funksioneel
gebreklik is.
En hierdie ou klein keffertjies, die walglike ou klein wolhondjies
en skoothondjies: ek wens daar kom 'n plaag van kraaie wat hul opvreet.
Waarom spandeer mense soveel aan honde ? Hondekos en hondesallonne
en hondesielkundiges en alles ? En bemaak groot somme geld aan honde,
en sit grafstene op ? Dit terwyl mense vrek van die honger ?
Ek is gatvol van honde wat klein kinders sonder rede aanval en byt:
Hulle moet vrekgeskiet word en hul eienaars moet vir die res van hul
lewe in 'n hondehok toegesluit word.
En die liewe "Animal-Rights" brigades, oftewel die "Bunny Clutchers",
wat gedurig aan die teem is en dweep oor die arme goed: As hul ly,
maak hulle van kant en spandeer julle geld dan op iets beters.
Wie kan help? Ek is op soek na die gedig Amakeia (spelling ?)
wat handel oor 'n swart vrou wat 'n wit kind grootgemaak het
gedurende die oorlogsjare.
Het iemand vir my die gedig, of die digter se naam? Of kan jy
my in die regte rigting stuur? Ek is ook beskikbaar by
.
Dankie byvoorbaat
Anton
Hier was nou 'n groot herrie in (Wes)Australia oor jeug en jeugmisdaad
en straf vir misdaad.
Australie is in die algemeen 'n vreedsame land en misdaad is niks in
vergelyking met SA en baie ander lande nie. Daar is egter 'n paar
bekommernisse vir enige ouer, waarvan ek julle sal vertel:
Vlgs die koerante hier is baie mense nou gatvol vir jeugbendes wat laat snags
rondloop en skade aan eiendom aanrig en hul sleg gedra.
Hulle beskadig motors en huise,
gooi bottels rond, molesteer en raas. (Perth/Northbridge ens).
Daar is gevra dat die polisie sterker moet optree en die polisie oorweeg
sterker magte.
Een dorp wil selfs 'n aandklokreel voorgestel: dat die jeug van die strate
moet af na tien.
In 'n program op die radio seg 'n polisiewoordvoerder dat kinders onder
10 jaar tot 4uur in die oggend rondloop en kwaaddoen.
Hulle ouers weet dikwels nie daarvan nie.
In plekke soos Sydney/Cabramatta gaan dit baie rof, daar is baie bendes en
dwelms word oral te koop aangebied. Statistieke toon Australiese kinders
eksperimenteer reeds op 'n vroege stadium met dwelms, Kinders kry
dagga op skool, gebruik Crack in nagklubs, en nog 'n jong tiener
in Canberra se dood aan 'n oordosis het 'n ruk gelede opslae verwek.
In Wes Australie was daar ook 'n herrie oor kinders wat onder behandeling
is vir "attention-deficit-disorder" en dan hulle pille aan mekaar verkoop.
'n dokter het gesê dat sterioides dikwels deur kinders gebruik word
(sonder dat ouers besef), deur jong tienerseuns wat skaam is oor
hulle fisiese ontwikkeling. Hy sê hy skryf dit eerder voor - anders
kry hul dit op die swartmark.
Hier het ook 'n herrie losgebars oor die jeug alles met graffiti besmeer.
Na raming veroorsaak graffitti $200 miljoen skade per jaar in Australie.
(R600 miljoen?) $100 daarvan aan publieke transport alleen.
Tesame met dit alles het daar in die afgelope ruk 'n paar interessante
dinge gebeur: "n groep betogers het hand uitgeruk, die parlement bestorm,
vensters stukkend gegooi, geplunder en met die polisie slaags geraak.
Dit was hoofsaaklik vakbonde en Aboriginees wat o.a. betoog teen die
inkorting van vondse aan die Aboriginees.
Asof dit nie genoeg was nie, het hulle 'n paar dae daarna weer betoog en
weer was daar lelike tonele. Die Eerste minister het daarna gesê
dat dit "on-Australies" is om so op te tree.
Die ander storie is dat 'n groot klomp Aboriginees bymekaargekom het
in 'n dorp vir 'n sportbyeenkoms. Daar was 'n bakleiery in 'n kroeg.
Die polisie is ontbied, daar was hardhandige optrede. Die uiteinde
van die storie was dat die polisie moes vlug terwyl polisieversterkings
ingevlieg moes word. Die Aboriginees het die winkels geplunder en
geweldige skade aangerig. (Geraldton/W.A.)
Kinders "steel" soms karre en jaag daarmee rond, los dit dan iewers
of steek dit daarna aan die brand.
In 'n onlangse geval het die polisie hul agternagesit en hulle
is van die pad af: 'n kind is dood. (Perth)
Omdat Aboriginees betrokke was, is daar heelwat dinge gese:
Die polisie is beskuldig deur die Aboriginees, maar een Aboriginese
leier het sy mede Aboriginese beskuldig daarvan dat hulle nie na hul
kinders kyk nie.
'n jaar gelede was daar ook 'n herrie hier oor kinderbendes met
messe op skool, veral na 'n kind buite die skool doodgesteek is (Sydney).
Dit is bekend dat Australie een van die hoogste syfers vir selfmoord
onder die jeug het in die wereld. Die meeste buitelanders/immigrante
met wie ek al te doene gekry het, vertel dat die dissipline hier
op skool nie goed is nie. Mense wat dit kan bekostig stuur hulle kinders
na private skole toe om sulke probleme
te vermy en hul kinders 'n beter opvoeding te gee.
Sielkundiges sê die jeug se graffiti en eiendomsbeskadiging is uit
verveeldheid, om iets uitdagends te doen en aandag te kry.
(Graffiti in Australie het uiters min slagspreuke, dit is 3 en 4 letter
handtekeninge - dit lyk my die jeug hier het niks om te sê nie,
dit is asof daar 'n geestelike leegheid is)
Ten spyte daarvan dat baie privaatskole katolieke skole is, is dit basies
'n sekulere land, godsdiens het weinig invloed.
Daar is mense wat seg dat dit is asof die kinders hier nie rigting het nie,
dit gaan materieel goed, maar geestelik arm.
Hier is nou 'n "backlash" en mense kla wyd en syd dat straf in Australie
en veral straf vir die jeugmisdaad veel te wense oorlaat. Mense wil
swaarder strawwe he. Daar was o.a. 'n polemiek om lyfstraf weer in skole
toe te laat.
Daar is bevind dat 20% van Aboriginese kinders nie skoolgaan nie.
Toe iemand onlangs voorstel dat hul vir 5 dae in 'n week op hostel gesit
word sodat hul kan skoolgaan, is hy gekritiseer: verskuilde rassisme.
Daar word gesê dat baie immigrante so hard werk om hulself hier te vestig,
(materieel) dat hul nie genoeg (geestelike) aandag aan hul kinders gee nie.
Die kinders word dan stout groot. Hier is selfs 'n advertensieveldtog
daaroor op TV geloods.
Kinders bekom pornografiese en geweldadige videos en kyk dit terwyl hul
ouers werk. Dit is algemeen dat beide ouers werk en dan kinders in
'n pre-primere of kleuterskool sit.
Daar is ook onlangs besluit om 'n elektroniese toestel in televisiestelle
te plant om kinders te verhoed om geweldadige programme te kyk. Dit skakel
outomaties af. Die probleem is egter dat ouers nie die nodige dissipline
handhaaf nie: die toestel of die staat of wie ookal moet dit vir hul doen.
Op die ou end wil niemand die verantwoordelikheid aanvaar nie.
Hier is natuurlik ook oneindig baie om voor dankbaar te wees in Australie.
Ek self kan nie kla nie, my oudste kind is 4 en baie gelukkig op kleuterskool.
Ons maak hom streng groot. Ander mense kyk ons snaaks aan
as hy pakkry, maar dit is soos dit hoort. Wat doen julle ?
Hi, We are looking for a native speaker of Afrikaans for a small informal
group learning Afrikaans. If you go to Penn or just live in the area and
are availible on Tuesdays at noon.....
Thanks.
--
Nicola A. P. Cullen
Department of City and Regional Planning
Graduate School of Fine Arts
University of Pennsylvania
napc...@dolphin.upenn.edu
Supertaal
Blog
Soek
Hulp
Lede
Registreer
Teken aan
Tuis
RSS
