die volstruis
'n voël na my hart
ek het haaar bestudeer en begryp
nou wil ek haar naboots
die volstruis weet waarom sy border toe gaan
sy doen dit as sy haarself moet verdedig
haar eiers en kleintjies moet beskerm
teen die aankomende gevaar
wie verdedig julle, die swart "border-gangers"?
wie se nes verdedig julle
wie se kleintjies?
ek wens julle was volstruise
en het geweet wat goed is vir julle
ek sal nooit 'n berg bou
voor die rivier wat in my rigting vloei nie
ek is mos 'n volstruis
daardie water is nodig
om my droë land te benat
om die vuur van my brand te blus
Die herder het sy
hande teen die swartdoring
uitgesteek en gesoebat dat
die Boesmanjagters hom nie
sal laat proe aan die
bitteraalwyn Maar op
swart klippers van daardie
fontein het die pyl sy
oophand rooi laat blom
Uiteindelik lyk dit asof hier teen die einde van die week weer begin
boodskappe deurkom op my nuusbediener. Ek het gedog almal het die pad gevat
saam met Leendert/Sizwe/Jennifer!
Ek het nie veel te sê op die oomblik nie, behalwe dat ek môre weer die bosse
invaar vir 10 dae. Ek het darem 'n Hardekoolvuurstorie op die nuusblad
geplaas, wat aan sommige van julle bekend behoort te wees.
As julle vergeet het hoekom 'n ou so maklik verdwaal
in die Paarl, gaan kyk gerus by:
toe kom dit so dat ek een sonnige wintersondagmiddag my kar omsmyt op 'n stil
sinkplaatpad tussen babanango en melmoth. nadat die plaaslike kubaanse doktor
en sy staf na die beste van hul vermoens en hul karige hulpmiddels na my
omgesien het, land ek toe in die ortopediese saal van milpark hospitaal. die
bedstatistiek was 'n interessante weerspieeling van trauma in ons kultuur.
4 koeelwonde
2 sportbeserings
1 motorongeluk
die koeelwonde het bestaan uit een kaping, een banksekuriteitsvoertuigroof,
een bakleiery, en een ou wat homself per ongeluk geskiet het. daar was geen
onderskeid tussen ras te make nie.
dankie aan mphiwa mdlalose wat by my ongelukstoneel gestop het, die aasvoels
van my kar af verwilder het, my hospitaal toe gebring het, gesorg het dat al
my besittings aan my terugbesorg word, en gereel het dat my kar (wat oor was
daarvan) ingesleep word.
mphiwa is die lyfwag van die speaker van die kwazulu natal parlement.
-----== Posted via Deja News, The Leader in Internet Discussion ==----- http://www.dejanews.com/rg_mkgrp.xp Create Your Own Free Member Forum
welkom in my hemel, broer,
ek hoor jy's nog jonk, ja
ongevalle vra g'n velkleur of volk
welkom in die scrapyard van wonderwerke
kyk maar rond
waar was my engel
toe ek struikel langs die N1
wie't die sneller getrek
wat my rugwerwels spleet
want daar was niemand om te skree spring
toe die koeël kom
nou lê ek hier langs jou, broer,
'n skilpad omgekeer op sy dop
waarom praat god so lank
op sy selfoon
wanneer gaan hy verduidelik
wie wen,
en wie verloor
want vrydag was ek nog 'n drywer
van 'n international met 'n vrag op
nou sien jy my langs jou lê, broer,
'n skilpad omgekeer op sy dop
nou-nou kom die nurse met die naald
en my vrou
-- die baas 't haar opgevlieg uit die kaap
Maar ek is nie hier nie
ek tel die sterre wat opkom
want 'n man moet iets kry om te doen, broer,
as jy 'n skilpad is, vir altyd omgekeer op jou dop.
Ek wil vra of hier ander dubbletaliges is wat hier op die NG
teenwoordig is? Ek weet nou van die Nederlandse mense en die uit
Belgium.
...sommer net ek, Simon
Wat van 'n Duitser wat in die Afrikaanse taal en kultuur belang stel? Ek het
maar nog geen bydraes afgelewer, maar ek lees gewoonlik hierdie nuusgroep om
my kennis van Afrikaans 'n bietjie te verbeter. Hier in Duitsland is dit nogal
moeilik om iets in/oor Afrikaans in die hande te kry... :(
Net toe ek begin dink Gloudina het haar snedige opmerkings laat vaar begin
sy al weer van voor. Gloudina, ek het nou net 'n paar vrae vir vir jou.
Wat kan ek doen om ook so moreel superieur soos jy te word? Waar moet ek
gaan studeer om so slim soos jy te word en te weet hoekom alle ander mense
rassiste is? Dink jy as europieers ens. nooit amerika, afrika of ander lande
gekoloniseer het nie, ons vandag 'n beter lewe sou he?
Groete
(Van 'n wit afrikaner rassis, wat anders kleuriges uitmoor vir hulle grond
en wat swartes onderdruk)
Wat maak dit saak wie waar bly en hoe hulle bly? Elke persoon het sy eie ervaringe in die lewe, en ondervind ervaringe op sy eie unieke manier. Of 'n mens in Kanada, die VSA of Suid-Afrika woon, jou huis is waar jy hom maak, en jou geluk is waar jy dit wil hê. Hoekom mekaar aanval en beledig oor wie waar bly en wat die beste plek op aarde is? Daar is geen perfekte plek nie ... elke land het sy eie probleme. Party plekke is beter as ander, ander nie, maar dit is elke persoon se eie keuse waar hy/sy wil huismaak.
Hoekom nie elkeen eerder sy eie ervaringe in sy eie woorde vertel nie? Dit is baie interessant om te hoor waar ander is en hoe hulle hulle omstandighede onvervind, en dit is nog meer interessant om te hoor hoe elkeen aanpas waar hy/sy ookal is. Ek weet dit sal seker nie help om te vra dat ons meer beskaafd teenoor mekaar optree en elkeen se mening respekteer en soos ordentlike grootmense oor 'n onderwerp debateer nie, want dit sal in elk geval net ge-ignoreer word, maar nouja, ek probeer maar.
O ja, terloops, Johan, weet jy daar 'n groep Suid-Afrikaners in Orlando wat "get-togethers" het?
Supertaal
Blog
Soek
Hulp
Lede
Registreer
Teken aan
Tuis
RSS
