'n Waarskuwing aan julle oor 'n nuwe scam waarop ek afgekom het
terwyl ek inkopies gedoen het.
Moet nie naief wees en dink dat dit nie met jou of jou vriende kan
gebeur nie. Hier is hoe hierdie nuwe truuk werk.
Terwyl ek besig was om inkopies in die kattebak te pak, kom twee
mooi 20-21-jarige meisiekinders en begin my windskerm was met lappe
en Windowlene. Hulle doen dit met borste wat byna by hul eina
T-hempies uitval. Jy kan net nie anders as om te kyk nie.
Wanneer jy hulle 'n fooitjie aanbied word dit geweier.
In die plek daarvan word 'n geleentheid gevra om saam te ry na die
volgende winkelkompleks.
Jy stem in en hulle klim op die agtersitplek. Op die pad begin hulle
ontklee. Een klim oor die ruglening na vorentoe en terwyl sy oor jou
klouter steel die ander een jou beursie.
My beursie is gesteel Januarie die 5de, 8ste en 10de, twee keer op die
15de, weer die 17de 18de en 23ste. Dit het weer gebeur die 3rde
Februarie, die 5de en twee keer op die 9de. Drie keer gister gebeur en
heel waarskynlik weer die komende naweek.
Vertel asseblief julle vriende om versigtig te wees.
07/02/2009 13:53 - (SA)
Een van die 'ses anties' dink terug
André Fourie
Druk artikel
E-pos storie aan 'n vriend
Dr. Roelof Botha
Daar is baie meer angels aan die konsep van regering van nasionale eenheid
(RNE) as die simplistiese opmerking van dr. Roelof Botha oor die onttrekking
van die Nasionale Party en sy onsmaaklike persoonlike opmerking oor oudpres.
FW de Klerk.
Ná die vrylating van oudpres. Nelson Mandela in 1990 was die konsep van
magsdeling een van die hoekstene waarmee die Nasionale Party die
onderhandelings benader het.
Tydens die onderhandelings het hierdie konsep die knie gebuig toe mnr. Roelf
Meyer dit sito-sito oorboord gegooi het. Die ANC was so oorbluf en oorstelp
dat hulle die gesprek verdaag en alleen gaan seëvier het oor hierdie
onverwagte oorwinning wat sommer op 'n skinkbord op hul skoot neergesit is!
Die befaamde Record of Understanding wat Meyer (met die steun van De Klerk)
eensydig met die ANC bereik het, het die nuwe benadering bevestig, en
terselfdertyd mnr. Mangosuthu Buthelezi en sy IVP saam met alle moontlike
vennote uit ander etniese swart minderheidsgemeenskappe finaal van die NP
vervreem!
Die RNE was 'n troosprys waarna 'n simplistiese meerderheidsregering die
oorhand sou kry en enige wigte en teenwigte - as daar hoegenaamd so iets
was - sou net eenvoudig deur die ANC geïgnoreer word.
Dit was die begin van die einde van die eens magtige Nasionale Party, want 'n
party wat sy eie filosofie verloën, het geen bestaansreg nie - die paar van
ons: Hernus Kriel, Ters Delport, Rina Venter, Danie Schutte, Japie van Wyk
en ek wat probeer wal gooi het, is eenvoudig deur De Klerk geïgnoreer en as
die "ses anties" gebrandmerk.
Ná die 1994-verkiesing is De Klerk en 'n paar Natte opgeneem in die kabinet
onder oudpres. Nelson Mandela. Hier het Mandela De Klerk so verneder dat hy
later geen keuse meer gehad het as om uit die RNE te stap nie. De Klerk het
letterlik in trane uit 'n RNE-kabinetsvergadering gekom en die NP se
federale dagbestuur voor die ultimatum gestel: óf ons tree uit die RNE óf
ons kies 'n ander adjunk-president, want dié vernedering kan hy nie langer
verduur nie.
Daar was ander probleme ook: Soos die DP se fight back-veldtog wat die NP se
dilemma om tegelyk regering én opposisie te wees, uitgebuit het.
Ek glo die ware "slapgatte" (om Botha se woord te gebruik) was die
Nasionaliste in die RNE wat die ANC so ter wille was dat ons opposisierol
vervaag het en ons een stem na die ander begin verloor het. Pleks dat hulle
toe hul opposisierol opneem soos dit in enige demokrasie die norm is, sien
hulle nie kans vir die ongemak van 'n lewe sonder motorbestuurders en
ampswonings nie. Sommige organiseer toe vinnig vir hulle 'n joppie deur die
ANC - Chris Fismer by die Dobbelraad, Dawie de Villiers by Internasionale
Toerisme en Leon Wessels by die Menseregtekommissie. Hoe het die helde nie
geval nie!
Vandag betaal minderheidsgroepe die prys van swak onderhandelinge en gaan
Suid-Afrika gebuk onder 'n populistiese diktatuur - 'n liberale demokrasie
wat alles wat nie-swart is nie onderwerp aan tweede- en derderangse
burgerskap en regte.
Die uitspraak van mnr. Jacob Zuma, dat die Afrikaner die enigste wit stam
van Afrika is, blyk 'n ope uitnodiging te wees vir 'n nuwe begin en 'n nuwe
gesprek wat aangegryp moet word. Hoe anders as oudpres. Thabo Mbeki se
snedige settlers of a kind-definisie van die Afrikaner .
* André Fourie was 'n NP-LP en kabinentsminister tussen 1989 en 1999.
07/02/2009 21:36 - (SA)
Pa waak voor sy dogter se sel
Julian Jansen
Mnr. Gideon Theron en sy dogter Tonia voor die
Bellville-polisiekantoor. (Foto: Lizané Louw)
Kaapstad
'n Pa het vier uur lank voor sy dogter se seldeur in die polisieselle
in Bellville gewaak uit vrees dat sy deur aangehoudenes aangerand
word.
Sy is opgesluit nadat sy in 'n polisievoertuig vasgery het.
Selfs 'n dokter het, nadat hy haar ondersoek het, teenoor die polisie
aangedui dat sy nugter was, maar hulle het haar toegesluit sodat sy
"haar roes kan afslaap".
Mnr. Gideon Theron, 'n sakeman van Welgemoed, is hoogs ontstoke oor
die behandeling wat sy dogter me. Tonia Theron van polisiebeamptes
gekry het.
Maar, sę Tonia, 'n finan?siële bestuurder, sy was beslis nie dronk
nie. "Selfs die dokter wat my ná die ongeluk in die Karl
Bremer-hospitaal ondersoek het, het in sy verslag aan die polisie
geskryf ek was nie dronk nie.
"My tyd in die polisieselle was een lang skrikwekkende ervaring. Ek
was bang dat van die vroue my sal aanval en het nie 'n oog toegemaak
nie."
Haar pa oorweeg 'n siviele eis teen die polisie.
Tonia vertel dat sy en haar suster Anine (19) die kruising van
Durbanweg en Bill Bezuidenhoutlaan in Bellville in haar swart Honda
Civic genader het.
'n Polisievoertuig wat langs hulle gery het, het by die verkeersligte
voor haar motor ingeswaai en sy moes noodgedwonge skerp na regs draai.
Die motor het toe op die nat pad gegly en teen 'n verkeerslig tot
stilstand gekom.
"Die ongeluk is hoofsaaklik deur die roekelose bestuur van die
polisiebeampte veroorsaak."
Die dokter het 'n bloedmonster geneem en die uitslag daarvan word
later verwag.
Volgens haar pa "het die dokter die polisiemanne berispe omdat hulle
sy tyd gemors het, omdat Tonia nie dronk was nie.
"Tog is Tonia aangekla van roekelose bestuur en ook dat sy onder die
invloed van drank bestuur het.
"Tonia is deur 'n polisieman gedwing om 'n verklaring te gee en te
onderteken. Hy het ook snedige opmerkings gemaak toe sy in haar
huistaal, wat Afrikaans is, wou praat. Vir my is dit totaal
onaanvaarbaar.
"Ek het die stasiebevelvoerder gevra om my dogter vry te laat, maar my
pleidooi is begroet met arrogansie en vyandige gedrag. Ek was bang ek
word ook in hegtenis geneem omdat ek so gepleit het. Ek het toe 'n
vriend en eertydse direkteur in die polisie gebel om te help. Tonia is
toe in die selle toegesluit."
Theron het vanaf tienuur die aand tot ongeveer halfdrie die oggend
voor sy dogter se sel gestaan, omdat hy "gevrees het sy word deur haar
mede-aangehoudenes leed aangedoen. Ek moes ook die vyandigheid van die
polisiebeamptes verduur".
Sy dogter is die oggend om drie-uur vrygelaat nadat sy borgtog van
R500 betaal het. Sy het die oggend in die hof verskyn.
Volgens Theron "moes die aanklaer in die dossier gesien het dat die
dokter meld dat Tonia nié dronk was nie".
Theron het ook klagtes oor die voorval aan die nasionale
polisieminister gestuur.
Die onafhanklike klagte-direktoraat (OKD) het reeds met Tonia oor die
voorval gepraat. Sy verskyn op 13 Maart in die Bellvillese hof.
Ek hoop jy kan my help. 'n Paar dae gelede het ek werk toe gery terwyl
my man soos gewoonlik gesit en TV kyk het. Ek het nie meer as 2
kilometer gery toe my motor se enjin ingegee en die kar gaan staan
het.
Ek het terug huistoe gestap om my man se hulp te kry. Toe ek by die
huis aankom, kon ek my oë nie glo nie! Hy en die buurvrou was in die
slaapkamer weggevoer in 'n stomende liefdesessie.
Ek is 28 en my man is 30 en ons al 10 jaar getroud. Toe ek hom
konfronteer, het hy probeer wegkom met die storie dat hy in die
agterplaas was en 'n vrou hoor skree het. Toe hy nader hardloop om
haar te help, het hy haar bewusteloos gevind. Hy het die vrou in ons
kamer ingedra waar hy mond tot mond asemhaling toegepas het. Toe sy
bykom het sy onmiddellik begin om hom dankie te sê deur hom te soen, en
hy was besig om te probeer los breek van haar af, toe ek instap.
Maar toe ek vra waarom hulle albei geen klere aan gehad het nie, het
hy ingegee en erken dat hulle al vir ses maade in 'n verhouding is.
Ek het gedreig om hom te verlaat as hy hulle verhouding nie onmiddellik
tot 'n einde bring nie. Hy is ses maande gelede afgedank by sy werk en
hy sê dat hy toenemend teneurgedruk en waardeloos voel.
Ek is baie lief vir hom maar sedert ek 'n ultimatum gestel het, het
daar 'n kloof tussen ons ontstaan wat breër en breër word.
Ek dink nie ek kan deurdring tot hom nie. Wat stel jy voor?
Mev Brenda Groenewald
ººººººººººººººººººººººº
Liewe Brenda
Verskillende faktore kan aanleiding tot die staking van 'n voertuig se
enjin. Veral omdat dit gebeur het kort na jy vertrek het, stel ek voor
dat jy begin deur te kyk of daar nie opdrifsels is in die petrolpyp,
nie. Indien dit skoon is, kyk na die klampe wat die vakuum pype koppel
aan die inlaat-verdeelpyp. Indien geen van hierdie benaderings die
probleem oplos nie, kan die probleem ook by die petrolpomp
wees wat te lae drukking na die vergasser se dobberkamer bring.
>
> Dink ek moet 'n nuwe draad oor hierdie begin. Hang vir my ten nouste saam
> met die vraag "Wat is wetenskap?".
>
> Swart Simon het eers geduck en gedive en toe (soos voorheen) weggehardloop
> om nie 'n definisie van "wetenskap" te gee nie.
>
> En, vir in geval hy dalk lees...
> Ja, Simon Swart, dis presies wat ek van jou dink...
> Jy's nie tot 'n volwasse gesprek in staat nie.
> Jy spring van agter af teen my op, soos my foksterriërbrak...
> - en dan hardloop hy weg voordat ek hom 'n taai klap op sy snoet kan gee.
> (die eerste en laaste van dié soort hond wat ek ooit sal aanhou.
> ek is seker as hy iemand byt, sal hy ook van agter af aanval en byt.)
Toe het jy wel die gesprek gevolg...
En, soos ek hier beweer het, weer van agter opgespring.
Ek sien jy het hierdie een probeer ontduik.
Nou sit ek hom reg voor jou oë neer,
en sê vir jou: Jy wil nie 'n definisie van "wetenskap" gee nie,
want as jy dit doen gaan jy so in jou eie poefies stik dat jy dit nie weer
van jou gesig kan afkry nie...
Eintlik is "ek is terug" nie die regte opskrif nie, want ek was nooit regtig
weg gewees nie. Ek het julle so deur Google dopgehou.
Ek het die nuwe Windows 7 Beta op my rekenaar gelaai, en ek wou nie onnodige
sagteware laai in die tydperk nie. Die van julle wat weet sal onthou dat
Vista en die nuwe Windows 7 nie soos XP met Outlook Express uitkom nie, so
die enigste manier vir my was om die groep op Google te volg, en om dit op
Google te doen is al klaar 'n nare ervaring so van plasings was daar nie
sprake nie.
Die reënboogreptiel woon in die Kaap
Die reënboogreptiel kom van ver, van noord,
maar woon nou suid by die see
waar hy sy skubbe skitter in die son.
Die reënboogreptiel woon teen die berg hoog bo die sand
Hoog - waar hy sy tong in die wind in lispel
en hy hom verbeel hy proe Europa
en selfs die Ooste op die vuil Kaapse wind.
Maar dis net ou Kaapse reuke van slawe, beeste en die dood.
(Laer, onder teen die berg is die water aan die styg.)
Hy reik sy kloue verby Higgovale tot anderkant Stellenbosch
en die suur reuk van wyn wat hy hom waan Europees stink.
Die reënboogreptiel sit knus in sy eie mis
tussen die dennebome en donkerder word die Kaap.
Sy skubbe flits ou-ou kleure en om hom
die ruik van 'n dood wat van ver af kom.
In Higgovale nog sis die reënboogreptiel. Dis egter laat.
Die dag word aand. Die lig gee mee.
Om die Kaap styg 'n donkerblou see.
Ver suid kraak die ys al plaat op plaat.
As jy iets interessant op Internet raakloop, plaas 'n skakel hier.
Jy hoef nie 'n beskrywing by te voeg nie. Die URL sal genoeg wees,
tensy jy wil verduidelik waarom jy dit plaas en aan iets wat hier gesê
is wil koppel. Belangstellings verskil kompleet en dit kan interessant
wees. Een kliek sal genoeg wees om te weet of jy dit wil lees.
Skakels wat jy plaas en opinies oor skakels wat geplaas is
sal natuurlik nie net vertel wat jy daarvan dink nie, maar
ook heelwat meer van jou en jou denke.
Onthou dit gerus.
As ons dit doen wat ek hier voorstel, sal ons interessanthede
raaksien wat ons andersins nie van sou geweet het nie.
Maar dit sal slegs werk as jy bereid is om te ploeg en plant
en nie net wil oes nie.
Pik se seun sê De Klerk was ’n ‘slapgat’
Jan 29 2009 08:26:29:930PM - (SA)
Charles Smith
Bloemfontein. - ’n Seun van oudmin. Pik Botha het oudpres. F.W. de
Klerk ’n “slapgat” genoem omdat hy destyds uit die regering van
nasionale eenheid gestap het.
Dr. Roelof Botha, ekonoom van Pretoria, het gesê De Klerk het sy een
oog op die vrou van ’n vriend gehad toe hy uit die RNE gestap het,
verwysende na sy huidige vrou, Evita.
“Jy kan nie jou hand op die stuur van die vliegtuig hou en ’n mooi
vrou gelukkig hou nie,” het Botha hier op ’n inligtingsdag van Graan
SA gesê, waar hy die gasspreker was.
Volgens hom was die ANC tegnies onbevoeg om die land in 1994 te
regeer. Dit was die RNE met die ANC en die NP wie se hande op die
vliegtuig se stuurstok was. Sy pa, Pik, het toe ook in die kabinet
gedien.
Hy het baie respek vir De Klerk gehad, maar nie meer nie. Hy het na De
Klerk se “slapgatgeid” verwys wat hy openbaar het deur uit die RNE te
stap.
Botha, wat ’n gloeiende prentjie van Suid-Afrika se ekonomiese groei
die afgelope 15 jaar geskets het, het gereageer op ’n vraag oor hoekom
die land steeds goed doen ondanks korrupsie en diefstal wat aan die
orde van die dag is.
Hy het gesê die media jaag meestal sensasie na en sal nie berig oor
die verpleegster wat oortyd werk nie. Suid-Afrika het ook goed
afgeskop omdat die land deur die ANC en die NP bestuur is. Hy het ook
dr. Jeremy Cronin van die SAKP ’n “mamparra” genoem omdat hy skepties
is oor die ekonomiese groei en dink net ’n klomp wit rykes word tans
bevoordeel.
Almal stem saam dat hierdie winter een van die
moeilikste is in Noord-Amerika. Dis asof daar
min blaaskans is tussen elke slegte stuk nuus.
In die laaste dag of twee het 'n groot storm
Noord-Amerika van die Middelweste tot in die
Ooste getref. Ons hierbo in Kanada se ooste
het gelukkig alles as sneeu ontvang, en sneeu
in die winter is iets wat Kanada kan hanteer.
Maar die weerkompleks het ysstorms in die
suide van die VSA veroorsaak, en ysstorms
kan iets skrikwekkends wees.
Waar 'n koue front 'n warm front tref, is
daar gewoonlik 'n paar uur wanneer daar ysreën
liewer as sneeu presipiteer. As dit net 'n paar
uur duur, en dan na reën oorslaan, is dit nie
te sleg nie. Maar as hierdie ysreën vir te lank
aangaan, dan begin die ys op die bome en op
die elektrisiteitsdrade swaar weeg. Die drade
kan dan breek of die pale kan kantel. En as
die ysgewig aan beide kante van 'n groot boom
opbou, dan kan dit die boom in die middel laat
oopskeur. In die enigste ysstorm wat ek nog
hier in Ontario ondervind het, het dit later in
sekere dele gelyk of die buurtes uit die lug
gebombardeer was. Orals het groot bome
se groot stamme oopgeklief gestaan en die
takke het op die grong gelê. Ongelukkig word
die regerings eers 'n paar dae na die tyd bewus
dat hulle 'n katastrofe op die hande het, en
stuur die soldate in om te begin help.
Supertaal
Blog
Soek
Hulp
Lede
Registreer
Teken aan
Tuis
RSS
