As daar iemand is wat Afrikaanse of Suid Afrikaanse Radio luister in Noord
-Amerika sal ek bly wees as die inligting beskikbaar gemaak kan word. 'n
Mens mis baie duidelik Afrikaans en Suid-Afrikaans in die deel van die
wereld. Ons het 'n groep Suid-Afrikaners wat so drie maal per jaar hier in
Orlando area bymekaar kom en vleis braai, maar 'n radiostasie sal 'n treffer
wees.
kom herwaarts geliefdes
met voete vlugtig oor bolandse berge
oor koel valleie varkoor
versamel in die vlaktes
trek op uit die Hantamgebergtes
uit die Koue Bokkeveld
en die Witteberge naby Bethlehem
vertoef nie vir klere nie
ook nie vir brood of wyn nie
snel geluidloos deur die donker
net die hoewe van die aarde wat sterre vonk
en silwer mane wit salpeter teen sy flanke
want 'n kind is vannag gebore
'n seun is gegee in vreugde ontvang en gebore
'n seun wat die aarde langs sal huppel
oseane sal opvang in sy strandemmer
sy speelgoed oor vastelande strooi
oor kape met windrigtings sy helder top laat tol
en die son soos 'n ghoenie-ghoen in sy agtersakkie dra
o kom herwaarts geliefdes
vrolik en seëvierend
psalmsing
met goud en wierook en mirre
en kniel op die berge waar daar son is
gevange
en heerlik en bloesend gekruisig
teen die aardse ritme van die ewigheid.
Oe, maar ons is bitter, né. Laaskeer toe iemand my as 'Sakkie' aangespreek
het, het ek 'n bruin uniform gedra. Miskien was onse Jan toe 'n korporaal, en
het die aanspreekvorm sowel as die mentaliteit vasgesteek, daarom dat woorde
soos 'misbruik' ingespan word om te dui op my sogenaamde onreëlmatige gebruik
van gesaghebbers se infrastruktuur. Moenie worrie nie, korporaal, ek het klaar
die pakkie gepos, self daarvoor betaal met my salaris wat ek darem verdien so
tussendeur die misbruik van e-pos en die internet. En hoe lekker dit ook al
was om met jou te praat, ek moet nou gaan werk. Sodat ek volgende keer nie so
skuldig voel as ek iemand anders se e-pos misbruik nie.
En wat die Broederbond betref: mense wat hou van sakkie-sakkie sal seker
graag tant mossie (of is dit oom mossie?) se boeredans doen.
WEEK 1
Perfekte beddens in 'n ry,
grys liggame, soos jy,
wat georden saam met die skadu's
teen die mure verby gly.
Dis jou kas !
Dis jou tas!
hangslot liewer alles
want hier kan selfs God verdwyn.
Kom voetspoor op die glad getrapte vloer
na geen gesig - net doktersjas.
Valiumparade in die dag
Pethidine in die nag.
WEEK 2
Die ringkoppe hou indaba.
Kliniese oë vra:
Wie is jy?
Sukkel deur al die vrae -
O, al die pyn.
Dankie tog,
nog 'n martelsessie is verby!
Laat ons aansit by die tafel sonder wyn
waar ons met weetbixblokke oë vermy.
WEEK 3
Vyf-uur is slagskaaptyd.
In gelid na die skokstoel gelei:
Slagskaap een...
Slagskaap twee...
Slagskaap drie...
Bande oor die lyf, tentakels op die kop.
Moenie worry nie
iemand sal jou brekfistafel toe lei.
Iemand?
Ek is dan naak
afgeskil en uitgedop,
Net my kop steek bo die water uit.
WEEK4
Liewe Iemand,
na 'n uiters psigiese maand wil ek net vra
wat word van Annie, Gertrud en ou Fred,
almal hier om my ghoebaai bed?
Of nee,
juis ek moet weet
dat Jy nie skaamkry om tussen
rubbermure rond te sluip...
In , augu...@icon.co.za writes:
>
> Ek is een van die duisende ouens in Suid Afrika wat dit haat om politiek te
> gesels en in die besonder om te luister na ander se opinies oor hoe sleg en
> verkeerd die wit Suid Afrikaner is. Net 'n paar gedagtes gedagtes vir veral
> julle ouens in die buiteland:
>
>
Ek is so bly dat jy tog oor politiek geskryf het.
Dis lekker om sulke opinies te hoor,
al verskil ek soms baie.
En dis lekker as dinge op 'n rasionele manier gestel word,
i.p.v. 'n histeriese, persoonlike belediging.
Ek wil eerder hoor van my eie mense in my eie taal,
oor hoe hulle oor DIE dinge voel en verskil, as bv. van 'n engelse of
ander ou wat nooit in SA was nie maar wat sy bek vol het
- al stem ek miskien met hom saam.
So skryf asseblief oor julle army-balsakke en julle skuld
en verontwaardiging en onskuld !!!
Julle kan maar kak praat ook, (ek doen dit heeltyd).
Ek lees en dan dink ek daaroor as ek gaan visvang.
Ek het baie dinge op my hart, en ek moet dit uitskryf.
En soos Koos seg: mens maak maar vyande ook.
As jy gedurig met almal saamstem het jy niks te seg nie.
Ek moet se dat vir die afgelope tyd (paar maande of so) altyd tyd maak om na
hierdie nuusgroep te kyk. Wat my opval is dat die afrikaans sprekendes so
afgestomp is dat hulle oor niks anders kan praat en skryf as oor hulle skuld
gevoel en apartheid nie. Ek moet se dat ek werklik teleurgesteld is dat die
afrikaans sprekendes geen behoefte het om oor iets belangriker as politiek en
apartheid te praat nie.
Ek dink julle moet bietjie bykom en julle skuldgevoelens afskud.
Ek het 'n dringende versoek -
Ek soek iemand wat binne die volgende week of wat (dis vandag 10 Desember)
Europa toe vertrek uit Kaapstad. Ek het 'n dringende pakkie wat in België moet
uitkom so gou moontlik, maar ek wil dit nie pos nie, want dan kom dit of nooit
daar nie of eers oor baie lank. En 'n koerier kos 'n plaas se prys. As iemand
dalk die pakkie vir my in Europa kan pos, sal dit gouer in België aankom.
Vanselfsprekend sal ek alle koste daaraan verbonde dra.
Ek weet dis 'n long shot, die odds is skraal, maar miskien.....
E-pos my asseblief by hwa...@burger.naspers.co.za indien jy kan help.
Ek moet vir jou bedank dat jy die tyd geneem het om
oor dinge te praat. Dit is hoe die "karma", soos Charl
Durand êrens anders sê, uitgewerk sal word.
Ek dink nie die hele wêreld sien meer op die Afrikaner
neer nie. Nie in my deel van die wêreld nie. Hulle praat met
groot admirasie en wonder van dit wat SA nou regkry - 'n
vreedsame oorgaan na 'n nuwe meer regverdige bedeling.
Ek het Charl Durand se praat oor die ruik van die goed
in sy soldate-sak so baie ontroerend gevind. Hy het my weer
so in die geheim laat huil vir daardie mooi Afrikanerseuns
wat op trokke vol munisie in die bos in Angola verdwaal het.
En toe het ek ook 'n traan gestort vir daardie swart seuns wat
in die bos geloop het en hulle bene verloor het aan die land-
myne wat daar geplant is. Ek dink jy moet Galjoen se siels-
krete sien as soortgelyk aan post-vietnam sindroom. Van daar-
die oorlog het soldate ook teruggekom, en is hulle nie ge-eer
en op die hande gedra nie, maar as soort van misdadigers ge-
sien. Baie van die VSA-seuns het geweier om te gaan en het
gevlug na Kanada toe, waar sommige nou nog bly. Galjoen
het Australië toe gevlug. Natuurlik ook 'n plek waar, net
soos in die VSA en Kanada, die witman se hande nie skoon
is nie.
Maar om vir jou dankie te sê dat jy eerlik en oop oor die
dinge met ons praat, pos ek nou, spesiaal vir jou, een van die
mooiste kersgedigte wat ek nog ooit gelees het. Dis oor drie
wyse manne en 'n babatjie en duine en moreblomme.
Die môrester laat val
kort voor dagbreek drie
druppels nektar
op die rooi duin
en drie wyse manne
het op drie wit
môreblomme afgekom
en die geur van 'n
babatjie geruik
en hom gevind
wat sou praat
oor die een ster
bo verlate duine
Supertaal
Blog
Soek
Hulp
Lede
Registreer
Teken aan
Tuis
RSS
